Category: AMERICA

ഹൂസ്റ്റൺ: ആസന്നമായിരിക്കുന്ന കേരള നിയമസഭാ തിര ഞ്ഞെടുപ്പിനോടനുബന്ധിച്ചുള്ള പ്രചാരണം കേരളത്തിൽ ആവേശത്തിന്റെ അലയടികൾ ഉയർത്തിക്കൊണ്ട് മുന്നേറുമ്പോൾ അതിന്റെ പതിൻമടങ്ങു ‌ ആവേശവുമായി അമേരിക്കയിലും സംവാദങ്ങൾക്കും ചർച്ചകൾക്കും തുടക്കം കുറിച്ചു കൊണ്ട് ഹൂസ്റ്റണിൽ അരങ്ങേറുന്ന കേരള ഇലക്ഷൻ 2026 ഡിബേറ്റിന്റെ (അങ്കത്തട്ട് @അമേരിക്ക) ഒരുക്കങ്ങൾ പൂർത്തിയായതായി സംഘാടകർ അറിയിച്ചു. അമേരിക്കയിലെ ഏറ്റവും വലിയ മലയാളി സംഘടനയായ മലയാളി അസോസിയേഷൻ ഓഫ് ഗ്രെയ്റ്റർ ഹൂസ്റ്റണും (മാഗ്) ഇന്ത്യ പ്രസ് ക്ലബ് ഓഫ് ഓഫ് നോർത്ത് അമേരിക്ക (ഐപിസിഎൻഎ) ഹൂസ്റ്റൺ ചാപ്റ്ററും ചേർന്ന് സംയുക്തമായാണ് ഡിബേറ്റ് സംഘടിപ്പിച്ചിരിക്കുതിനാൽ. മാഗിന്റെ ആസ്ഥാന കേന്ദ്രമായ സ്റ്റാഫ്‌ഫോർഡിലെ കേരളാ ഹൗസിൽ വച്ച് മാർച്ച് 29 നു ഞായറാഴ്ച 5.30 യ്ക്ക് ഡിബേറ്റ് ആരംഭിയ്‌ക്കും. ഈ സംവാദത്തിന് മലയാളികൾ തിങ്ങിപ്പാർക്കുന്ന ഹൂസ്റ്റണിൽ ഇതിനോടകം തന്നെ മികച്ച പ്രതികരണമാണ് ലഭിക്കുന്നതെന്ന്‌ സംഘാടകർ അറിയിച്ചു. ഹൂസ്റ്റൺ മലയാളികൾ ആവേശപൂർവം കാത്തിരിക്കുന്ന…

ന്യൂയോർക്ക്: അമേരിക്കൻ ചരിത്രത്തിലാദ്യമായി ഒരു സിറ്റിംഗ് പ്രസിഡന്റിന്റെ ഒപ്പ് കറൻസി നോട്ടുകളിൽ (ഡോളർ) പതിപ്പിക്കാൻ ട്രഷറി വകുപ്പ് തീരുമാനിച്ചു. അമേരിക്കയുടെ 250-ാം വാർഷികത്തോടുള്ള ആദരസൂചകമായാണ് ഡൊണാൾഡ് ട്രംപിന്റെ ഒപ്പ് നോട്ടുകളിൽ ഉൾപ്പെടുത്തുന്നതെന്ന് ന്യൂയോർക്ക് ടൈംസ് റിപ്പോർട്ട് ചെയ്തു. ഈ വർഷം അവസാനത്തോടെ പുറത്തിറങ്ങുന്ന നോട്ടുകളിലാണ് ട്രംപിന്റെ ഒപ്പ് പ്രത്യക്ഷപ്പെടുക. നിലവിലെ ട്രഷറി സെക്രട്ടറി സ്കോട്ട് ബെസെന്റിന്റെ ഒപ്പിനോടൊപ്പമായിരിക്കും ഇത്. നൂറു വർഷത്തിലേറെയായി കറൻസി നോട്ടുകളിൽ ഒപ്പിടാറുള്ള യുഎസ് ട്രഷററുടെ ഒപ്പ് ഇതോടെ ഒഴിവാക്കപ്പെടും എന്ന പ്രത്യേകതയുമുണ്ട്. മുൻപ് ഒരു പ്രസിഡന്റും സ്വന്തം ഒപ്പ് കറൻസിയിൽ ഉൾപ്പെടുത്തിയിട്ടില്ലാത്തതിനാൽ, ട്രഷറി വകുപ്പിന്റെ ഈ തീരുമാനം അഭൂതപൂർവ്വമായ ഒരു മാറ്റമായാണ് വിലയിരുത്തപ്പെടുന്നത്.

കൊറോണ വൈറസ് പാൻഡെമിക്കിൽ നിന്ന് എല്ലാവരും സുഖം പ്രാപിച്ചുകൊണ്ടിരിക്കുമ്പോൾ, “സിക്കാഡ വേരിയന്റ്” എന്ന് വിളിക്കുന്ന ഒരു പുതിയ പാൻഡെമിക് അതിവേഗം പടരുന്നു. വാഷിംഗ്ടണ്‍: കോവിഡ്-19 മഹാമാരിയിൽ നിന്ന് ലോകം പതുക്കെ കരകയറുന്നതിനിടെ, അമേരിക്കയിൽ ഒരു പുതിയ ഉപ വകഭേദം ഇപ്പോൾ ആശങ്കയ്ക്ക് കാരണമായിരിക്കുന്നതായി റിപ്പോര്‍ട്ട്. “സിക്കാഡ വേരിയന്റ്” എന്ന് വിളിക്കപ്പെടുന്ന BA.3.2 വകഭേദം അതിവേഗം പടരുകയാണ്. വാക്സിൻ സംരക്ഷണത്തിൽ നിന്ന് ഒരു പരിധിവരെ ഒഴിഞ്ഞുമാറാൻ കഴിയുമെന്ന് തോന്നുന്നതിനാൽ അമേരിക്കൻ ആരോഗ്യ വിദഗ്ധർ നിരീക്ഷണം ശക്തമാക്കിയിട്ടുണ്ട്. സിഡിസിയുടെ കണക്കനുസരിച്ച്, 25 യുഎസ് സംസ്ഥാനങ്ങളിലെ മലിനജല സാമ്പിളുകളിലും, യാത്രക്കാരുടെ പരിശോധനയിലും, ചില ക്ലിനിക്കൽ കേസുകളിലും ഈ വകഭേദം കണ്ടെത്തിയിട്ടുണ്ട്. ആഗോളതലത്തിൽ, ഡെൻമാർക്ക്, ജർമ്മനി, നെതർലാൻഡ്‌സ് എന്നിവയുൾപ്പെടെ 23 ലധികം രാജ്യങ്ങളിലേക്ക് ഇത് വ്യാപിച്ചിട്ടുണ്ട്. ചില സ്ഥലങ്ങളിൽ ഇതിന്റെ വ്യാപനം 30 ശതമാനം വരെയെത്തിയിട്ടുണ്ട്. സിക്കാഡ വകഭേദം ഒമിക്രോൺ കുടുംബത്തിലെ ഒരു…

ഡാലസ്: കേരള എക്യൂമെനിക്കൽ ക്രിസ്ത്യൻ ഫെല്ലോഷിപ്പിന്റെ ആഭിമുഖ്യത്തിൽ സിൽവർ ജൂബിലി ആഘോഷങ്ങൾ ഭക്തിനിർഭരമായ ചടങ്ങുകളോടെ നടന്നു. 2026 മാർച്ച് 7-ന് നടന്ന പ്രൗഢഗംഭീരമായ ചടങ്ങിൽ, ഡാലസിലെ ക്രിസ്തീയ സമൂഹത്തിന്റെ ആത്മീയ മുന്നേറ്റത്തിന് കരുത്തുപകർന്ന വിശിഷ്ട വ്യക്തിത്വങ്ങളെ ആദരിച്ചു. 2001-ൽ ഡാലസിൽ ‘വിമൺസ് വേൾഡ് ഡേ ഓഫ് പ്രയർ’  എന്ന പ്രസ്ഥാനത്തിന് അടിത്തറയിട്ട സ്ഥാപക നേതാക്കളും  ഈ കൂട്ടായ്മ ആരംഭിക്കുന്നതിൽ നിർണ്ണായക പങ്കുവഹിച്ചവരുമായ  ശ്രീമതി എലിസബത്ത് ജോൺ,ശ്രീമതി ലീലമ്മ ചാക്കോ,ഡോ. മോളി സഖറിയാ  എന്നിവരുടെ സമർപ്പിത സേവനങ്ങളെ ഹൃദയപൂർവ്വം സ്മരിക്കുകയും അവർക്ക് ജൂബിലി വേളയിൽ അഭിനന്ദനങ്ങൾ അർപ്പിക്കുകയും ചെയ്തു. ഡാലസിലെ കേരള ക്രിസ്ത്യൻ സമൂഹത്തിനിടയിൽ സ്ത്രീകളുടെ ഐക്യത്തിനും ആത്മീയ വളർച്ചയ്ക്കും ഈ നേതാക്കൾ നൽകിയ സംഭാവനകൾ വിലമതിക്കാനാവാത്തതാണെന്ന് കെ.ഇ.സി.എഫ് ഭാരവാഹികൾ അഭിപ്രായപ്പെട്ടു. കഴിഞ്ഞ കാൽനൂറ്റാണ്ടായി ഡാലസിലെ എക്യൂമെനിക്കൽ പ്രസ്ഥാനത്തെ മുൻപോട്ടു നയിക്കുന്നതിൽ ഇവരുടെ പ്രവർത്തനം മാതൃകാപരമാണ്. ആഘോഷങ്ങൾക്ക് പ്രഡിഡന്റ്…

വാഷിംഗ്ടൺ: ഇറാനുമായുള്ള യുദ്ധം, ഗവൺമെന്റ് ഷട്ട്ഡൗൺ തുടങ്ങിയ പ്രതിസന്ധികൾക്കിടയിൽ മുൻ പ്രസിഡന്റ് ഡൊണാൾഡ് ട്രംപിന് പുതിയതായി ഏർപ്പെടുത്തിയ ‘അമേരിക്ക ഫസ്റ്റ്’ പുരസ്കാരം സമ്മാനിച്ച് ഹൗസ് സ്പീക്കർ മൈക്ക് ജോൺസൺ. ബുധനാഴ്ച നടന്ന റിപ്പബ്ലിക്കൻ നാഷണൽ കമ്മിറ്റി ഫണ്ട് ശേഖരണ പരിപാടിക്കിടെയാണ് സ്വർണ്ണ പരുന്തിന്റെ രൂപത്തിലുള്ള പ്രതിമ ട്രംപിന് കൈമാറിയത്. അമേരിക്കയുടെ പുതിയ സുവർണ്ണ കാലഘട്ടത്തിന് അനുയോജ്യമായ പുരസ്കാരമാണിതെന്ന് മൈക്ക് ജോൺസൺ വിശേഷിപ്പിച്ചു. എന്നാൽ, രാജ്യവും ലോകവും വിവിധ പ്രതിസന്ധികളിലൂടെ കടന്നുപോകുമ്പോൾ ട്രംപിനെ പ്രീണിപ്പിക്കാനായി ഇത്തരം “വ്യാജ പുരസ്കാരങ്ങൾ” നിർമ്മിക്കുകയാണെന്ന് ഡെമോക്രാറ്റുകളും രാഷ്ട്രീയ നിരീക്ഷകരും പരിഹസിച്ചു. ഗവൺമെന്റ് ഷട്ട്ഡൗൺ കാരണം വിമാനത്താവളങ്ങളിലെ സുരക്ഷാ ഉദ്യോഗസ്ഥർക്ക് ശമ്പളം ലഭിക്കാത്ത സാഹചര്യത്തിൽ ഇങ്ങനെയൊരു പുരസ്കാരം നൽകുന്നത് ജനങ്ങളോടുള്ള വെല്ലുവിളിയാണെന്ന് ഫ്ലോറിഡയിൽ നിന്നുള്ള പ്രതിനിധി കാത്തി കാസ്റ്റർ കുറ്റപ്പെടുത്തി. മുൻപ് ‘ക്ലീൻ കോൾ’ പുരസ്കാരം, ഫിഫ സമാധാന സമ്മാനം തുടങ്ങിയവയും സമാനമായ രീതിയിൽ…

ന്യൂയോർക്ക്: സാറാമ്മ വർഗീസിന്റെ നിര്യാണത്തിൽ അമേരിക്കൻ മലയാളി വെൽഫെയർ അസോസിയേഷൻ കേന്ദ്ര കമ്മറ്റി അനുശോചനം അറിയിച്ചു. പരേതയുടെ ഇളയ മകൻ റെജി വർഗീസ് മലയാളി വെൽഫെയർ അസോസിയേഷൻ കേന്ദ്ര കമ്മറ്റി അംഗമാണ്. ഡാലസിൽ ചാമുണ്ഡ ഓട്ടോ ബോഡി ഷോപ്പ് ഉടമയായ റജി വർഗീസിനോടൊപ്പം താമസിച്ചു വരികെ ബുധനാഴ്ച രാവിലെ ആണ് അന്ത്യം സംഭവിച്ചത്. നാട്ടുകാരും പ്രവാസികളും ഒരുപോലെ സ്നേഹിച്ച ഒരു വ്യക്തിത്വത്തിന്റെ ഉടമയായിരുന്നു പരേതയായ സാറാമ്മ വർഗീസ്. നാട്ടിലുള്ള പാവപെട്ട കുടുംബങ്ങൾക്ക് സാമ്പത്തീക സഹായം നൽകി സ്നേഹം വാരിക്കോരി കൊടുത്ത പരേതയുടെ നല്ല മനസ്സിനെ അമേരിക്കൻ മലയാളി വെൽഫെയർ അസോസിയേഷൻ കേന്ദ്ര കമ്മറ്റി അനുസ്മരിച്ചു. ദുംഖിതരായിരിക്കുന്ന കുടുംബാംഗങ്ങൾക്കും ബന്ധു മിത്രാദികൾക്കും ദൈവം ആശ്വാസം പകരട്ടെ എന്ന് കേന്ദ്ര കമ്മറ്റി ആശംസിച്ചു. ജോ ചെറുകര സെക്രട്ടറി അമേരിക്കൻ മലയാളി വെൽഫെയർ അസോസിയേഷൻ ന്യൂയോർക്ക്.

ഡെട്രോയിറ്റ്: 13 വയസ്സുകാരി നാസിയ ഹാരിസിനെ കൊലപ്പെടുത്തിയ കേസിൽ ശിക്ഷിക്കപ്പെട്ട പ്രതി ജാർവിസ് ബട്ട്സിനെ (43) മിഷിഗണിലെ ജയിലിൽ മരിച്ച നിലയിൽ കണ്ടെത്തി. ശിക്ഷിക്കപ്പെട്ട് രണ്ടാഴ്ച തികയുന്നതിന് മുൻപാണ് സംഭവം. മരണകാരണം ആത്മഹത്യയാണെന്ന് സംശയിക്കുന്നതായി മിഷിഗൺ ഡിപ്പാർട്ട്മെന്റ് ഓഫ് കറക്ഷൻസ് അറിയിച്ചു. മാർച്ച് 26-ന് രാവിലെ ജാക്സണിലെ ചാർലസ് ഇ. എഗ്ലർ റിസപ്ഷൻ ആൻഡ് ഗൈഡൻസ് സെന്ററിലെ സെല്ലിലാണ് ഇയാളെ കണ്ടെത്തിയത്. ഉടൻ തന്നെ ജീവൻ രക്ഷിക്കാനുള്ള ശ്രമങ്ങൾ നടത്തിയെങ്കിലും ഫലമുണ്ടായില്ല. രണ്ടാം ബിരുദ കൊലപാതക കുറ്റത്തിന് 35 മുതൽ 60 വർഷം വരെ തടവുശിക്ഷ അനുഭവിക്കുകയായിരുന്നു ബട്ട്സ്. കൊല്ലപ്പെട്ട നാസിയയുടെ മൃതദേഹം എവിടെയാണെന്ന വിവരം സത്യസന്ധമായി വെളിപ്പെടുത്താം എന്ന നിബന്ധനയിലാണ് ഇയാൾ കുറ്റസമ്മതം നടത്തിയത്. എന്നാൽ മൃതദേഹം കണ്ടെത്താനായോ എന്ന കാര്യം പോലീസ് ഇതുവരെ സ്ഥിരീകരിച്ചിട്ടില്ല.

വാഷിംഗ്‌ടൺ ഡി സി :ഓൺലൈൻ പൈറസിയുടെ  പേരിൽ ഇന്റർനെറ്റ് സേവനദാതാക്കളെ  പ്രതിചേർക്കുന്നത് കടുപ്പമേറിയതാക്കി അമേരിക്കൻ സുപ്രീം കോടതിയുടെ നിർണ്ണായക വിധി. ഉപഭോക്താക്കൾ പകർപ്പവകാശമുള്ള സിനിമകളോ പാട്ടുകളോ നിയമവിരുദ്ധമായി ഡൗൺലോഡ് ചെയ്താൽ അതിന് ഇന്റർനെറ്റ് നൽകുന്ന കമ്പനികൾ ഉത്തരവാദികളല്ലെന്ന് കോടതി വ്യക്തമാക്കി. സോണി മ്യൂസിക് ഉൾപ്പെടെയുള്ള കമ്പനികൾ കോക്സ് കമ്മ്യൂണിക്കേഷൻസ്  എന്ന ഇന്റർനെറ്റ് കമ്പനിക്കെതിരെ നൽകിയ കേസ് സുപ്രീം കോടതി തള്ളി. നേരത്തെ കീഴ്ക്കോടതി കോക്സ് കമ്പനിക്ക് വിധിച്ചിരുന്ന 100 കോടി ഡോളറിന്റെ (8,300 കോടിയിലധികം രൂപ) പിഴയും ഇതോടെ റദ്ദായി. വെറും ഇന്റർനെറ്റ് സേവനം നൽകുന്നു എന്നതുകൊണ്ട് മാത്രം ഒരു കമ്പനി കുറ്റക്കാരാകില്ലെന്ന് ജസ്റ്റിസ് ക്ലാരൻസ് തോമസ് വ്യക്തമാക്കി. പൈറസിക്ക് കമ്പനി നേരിട്ട് പ്രേരിപ്പിക്കുകയോ അതിനായി മാത്രം സേവനം രൂപകൽപ്പന ചെയ്യുകയോ ചെയ്യാത്തിടത്തോളം അവർക്ക് ഉത്തരവാദിത്തമില്ല. സംഗീത, സിനിമാ മേഖലയിലുള്ളവർ ഈ വിധിയിൽ നിരാശ പ്രകടിപ്പിച്ചു. ഇത്…