ബെംഗളൂരു: മുൻ മുഖ്യമന്ത്രിയും മുതിര്ന്ന കോണ്ഗ്രസ് നേതാവുമായ ഉമ്മൻചാണ്ടി (80) അന്തരിച്ചു. ബംഗളൂരു ചിന്മയ മിഷന് ആശുപത്രിയില് ചികിത്സയിലിരിക്കെ ആയിരുന്നു അന്ത്യം. ചൊവ്വാഴ്ച രാവിലെ 4:25നായിരുന്നു അന്ത്യം എന്ന് മകന് ചാണ്ടി ഉമ്മന് ഫെയ്സ്ബുക്കിലൂടെയാണ് വിവരം പുറത്തു വിട്ടത്. ക്യാന്സര് ബാധിതനായ അദ്ദേഹത്തെ ബർലിനിലെ ചാരിറ്റി ആശുപത്രിയിൽ കഴിഞ്ഞ വര്ഷം ലേസര് സർജറിക്ക് വിധേയനാക്കിയിരുന്നു. സര്ജറിക്ക് ശേഷം ബംഗളൂരുവിലെ ചിന്മയ മിഷന് ആശുപത്രിയില് തുടര് ചികിത്സയിലിരിക്കെയാണ് അന്ത്യം. 1943 ഒക്ടോബർ 31-ന് പുതുപ്പള്ളി കരോട്ട് വള്ളക്കാലില് കെ.ഒ. ചാണ്ടിയുടെയും ബേബി ചാണ്ടിയുടെയും മകനായി കുമരകത്താണ് ഉമ്മൻ ചാണ്ടി ജനിച്ചത്. പുതുപ്പള്ളി സെന്റ് ജോർജ് ഹൈസ്കൂളിലെ വിദ്യാഭ്യാസത്തിനു ശേഷം കോട്ടയം സി.എം.എസ്. കോളേജ്, ചങ്ങനാശ്ശേരി എസ്.ബി. കോളേജ് പഠിച്ച് ബിഎ ബിരുദം നേടി. എറണാകുളം ലോ കോളേജിൽ നിന്ന് നിയമ ബിരുദവും നേടി. സ്കൂള് വിദ്യാര്ത്ഥിയായിരിക്കുമ്പോള് തന്നെ കോൺഗ്രസിന്റെ…
മുന് മുഖ്യമന്ത്രി ഉമ്മന്ചാണ്ടി അന്തരിച്ചു
