Day: June 26, 2025

കോഴിക്കോട്: പല നിലയിൽ അരക്ഷിതാവസ്ഥ നേരിട്ട കാലത്ത് മുസ്‌ലിം സമൂഹത്തെ അറിവുകൊണ്ടും ആശയം കൊണ്ടും പുനർനിർമിച്ച പ്രസ്ഥാനമാണ് സമസ്ത കേരള ജംഇയ്യത്തുൽ ഉലമയെന്ന് ജനറൽ സെക്രട്ടറി കാന്തപുരം എ പി അബൂബക്കർ മുസ്‌ലിയാർ. 100-ാം സ്ഥാപക ദിനാചരണത്തിന്റെ ഭാഗമായി കോഴിക്കോട് മർകസിൽ നടന്ന പരിപാടികൾ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരളത്തിൽ പാരമ്പര്യ ഇസ്‌ലാമിന്റെ സന്ദേശങ്ങൾ പ്രചരിപ്പിക്കുന്നതിലും സാമുദായിക ഐക്യവും പുരോഗതിയും സാധ്യമാക്കുന്നതിലും മുസ്‌ലിം സമൂഹത്തെ അഭിവൃദ്ധിപ്പെടുത്തുന്നതിലും സമസ്ത നിർവഹിച്ച പങ്ക് വളരെ വലതുതാണെന്നും കാന്തപുരം പറഞ്ഞു. ചടങ്ങിൽ സമസ്ത മുശാവറ അംഗങ്ങളുടെ നേതൃത്വത്തിൽ പതാകയുയർത്തി. മർകസ് ഡയറക്ടർ ജനറൽ സി മുഹമ്മദ് ഫൈസി സന്ദേശ പ്രഭാഷണം നടത്തി. വി പി എം ഫൈസി വില്യാപ്പള്ളി അധ്യക്ഷത വഹിച്ചു. കെ കെ അഹ്‌മദ്‌ കുട്ടി മുസ്‌ലിയാർ കട്ടിപ്പാറ, അബ്ദുൽ ജലീൽ സഖാഫി ചെറുശ്ശോല, അബ്ദുൽ അസീസ് സഖാഫി…

മലപ്പുറം : മംഗലാപുരത്ത് വെച്ച് ആർഎസ്എസ്, ബജ്റംദൾ പ്രവർത്തകർ ചേർന്ന് മലപ്പുറം ജില്ലയിലെ പറപ്പൂരുകാരനായ അഷ്റഫ് എന്ന മുസ്ലിം യുവാവിനെ വളരെ ക്രൂരവും ഭീകരവുമായ ആൾക്കൂട്ട കൊലപാതകത്തിന് വിധേയമാക്കിയ ഹിന്ദുത്വ വംശീയതക്കെതിരെ സോളിഡാരിറ്റി പൊതുസമ്മേളനം സംഘടിപ്പിക്കുന്നു. സോളിഡാരിറ്റി യൂത്ത് മൂവ്മെൻ്റ് മലപ്പുറം ജില്ലാ കമ്മിറ്റിയുടെ നേതൃത്വത്തിൽ ജൂലായ് 27 ന് വെള്ളിയാഴ്ച വൈകുന്നേരം അഞ്ച് മണിക്ക് പറപ്പൂരിലെ ചോലക്കുണ്ടിൽ വെച്ചാണ് ‘അഷ്റഫ് : ഹിന്ദുത്വ വംശീയതയുടെ ആൾക്കൂട്ട കൊലപാതകം, അഷ്‌റഫിൻ്റെ കുടുംബത്തിന് നീതി ലഭ്യമാക്കുക’ എന്ന തലക്കെട്ടിൽ പൊതുസമ്മേളനം നടത്തുന്നത്. മലപ്പുറം ജില്ലയിലെ പറപ്പൂർ സ്വദേശിയായ മാനസ്സിക പ്രയാസമനുഭവിക്കുന്ന ഒരു മുസ്‌ലിം ചെറുപ്പക്കാരനെയാണ് സംഘ്പരിവാർ ശക്തികൾ വധിച്ച് കളഞ്ഞത്. ശേഷം പോലീസ് അന്വേഷണമാരംഭിക്കുകയും സംഘ്പരിവാർ ഭീകരരായ പ്രതികളെ അറസ്റ്റ് ചെയ്യുകയും ചെയ്തു. എന്നാൽ ദിവസങ്ങൾക്ക് ശേഷം കൊലപാതകികൾക്ക് കോടതിയിൽ നിന്ന് ജാമ്യം ലഭിക്കുന്ന കാഴ്ചയാണ് നാം കണ്ടത്. സംഘ്പരിവാർ…

തിരുവനന്തപുരം: മയക്കുമരുന്ന് വ്യാപാരവുമായി ബന്ധപ്പെട്ട വിവരങ്ങൾ നൽകുന്ന വ്യക്തികളുടെ സ്വകാര്യത പൂർണ്ണമായും ഉറപ്പാക്കുമെന്നും അത്തരം സ്വകാര്യത ഏതെങ്കിലും വിധത്തിൽ ലംഘിക്കപ്പെട്ടാൽ ആ ഉദ്യോഗസ്ഥർ സർവീസിൽ തുടരില്ലെന്നും മുഖ്യമന്ത്രി പിണറായി വിജയൻ പറഞ്ഞു. അന്താരാഷ്ട്ര മയക്കുമരുന്ന് വിരുദ്ധ ദിനാചരണത്തിന്റെ സംസ്ഥാനതല ഉദ്ഘാടനവും നോ ടു ഡ്രഗ്സ് അഞ്ചാംഘട്ടത്തിനു തുടക്കവും നിർവഹിച്ചു സംസാരിക്കുകയായിരുന്നു അദ്ദേഹം. ലഹരി വ്യാപനം തടയേണ്ടതിന്റെ പൂർണ്ണ ഉത്തരവാദിത്വം സമൂഹത്തിന് ആകെയുണ്ട് രക്ഷിതാക്കളും അധ്യാപകരും പ്രത്യേകം ഉത്തരവാദിത്തം എടുക്കണം. രക്ഷിതാക്കൾ ലഹരി ഉപയോഗത്തിൽ നിന്നും പൂർണമായും വിട്ടുനിൽക്കേണ്ടതുണ്ട്. കുട്ടികളോട് സ്നേഹപൂർണ്ണമായി തുറന്നു സംസാരിക്കാനും അവരുടെ പ്രശ്നങ്ങൾ കേൾക്കാനും ലഹരിയുടെ ചതിക്കുഴികളെ കുറിച്ച് ബോധവാന്മാരാക്കാനും രക്ഷിതാക്കൾക്ക് ഉത്തരവാദിത്തമുണ്ടെന്നും അദ്ദേഹം പറഞ്ഞു.. ലോകത്താകമാനമുള്ള ലക്ഷക്കണക്കിന് ആളുകളെ നേരിട്ടും അല്ലാതെയും ബാധിക്കുന്ന വിപത്താണ് ലഹരി. തകർക്കാം ചങ്ങലകൾ, എല്ലാവർക്കും പ്രതിരോധവും ചികിത്സയും വീണ്ടെടുക്കൽ എന്നതാണ് ഇത്തവണത്തെ ലഹരി വിരുദ്ധ ദിനാചരണത്തിന്റെ മുഖ്യവാക്യം.…

തിരുവനന്തപുരം: ആസക്തി ജ്ഞാനത്തെയും സൗഹൃദത്തെയും അറിവിനെയും നശിപ്പിക്കുന്ന മാരകമായ ഒരു വിപത്താണെന്ന് മുഖ്യമന്ത്രി പിണറായി വിജയൻ പറഞ്ഞു. പൊതുവിദ്യാഭ്യാസ വകുപ്പിന്റെ നേതൃത്വത്തിൽ നടപ്പിലാക്കുന്ന ലഹരി വിരുദ്ധ കർമ്മ പദ്ധതിയുടെ സംസ്ഥാനതല ഉദ്ഘാടനം തിരുവനന്തപുരത്ത് കോട്ടൺഹിൽ ഹയർ സെക്കൻഡറി സ്കൂളിൽ നിർവഹിക്കുകയായിരുന്നു മുഖ്യമന്ത്രി. ബുദ്ധിപൂർവ്വം പഠിക്കാനും സൗഹൃദം നിലനിർത്താനുമാണ് വിദ്യാർത്ഥികൾ സ്കൂളുകളിൽ എത്തുന്നത്. എന്നാൽ, ആസക്തി ഒരു വലിയ വിപത്താണ്, അത്തരം കാര്യങ്ങളെയെല്ലാം ഒറ്റയടിക്ക് ഇല്ലാതാക്കാൻ ഇതിന് കഴിയും. സംസ്ഥാനത്തെ എല്ലാ സ്കൂളുകളിലും ആസക്തിക്കെതിരെ നടപ്പിലാക്കേണ്ട കർമ്മ പദ്ധതി അന്താരാഷ്ട്ര ലഹരി വിരുദ്ധ ദിനത്തിൽ ആരംഭിക്കുകയാണ്. ലഹരിക്കെതിരെ മുൻനിര പോരാളികളായി കുട്ടികൾ മാറണം. കുട്ടികളെ ഇരുട്ടിന്റെ പാതയിലേക്ക് തള്ളിവിടുന്ന ശക്തികൾ അതിന്റെ ഉച്ചസ്ഥായിയിലായിരിക്കുന്ന സമയമാണിത്. ലഹരി ഉൾപ്പെടെയുള്ള അപകടങ്ങളുമായി വിവിധ വേഷങ്ങളിലും രൂപങ്ങളിലും അവർ വിദ്യാർത്ഥികളിലേക്ക് എത്താൻ ശ്രമിക്കും. ഇത്തരം കാര്യങ്ങളെ ചെറുത്തു തോൽപ്പിക്കേണ്ടത് മുഴുവൻ സമൂഹത്തിന്റെയും ആവശ്യമാണ്.…

തിരുവനന്തപുരം: ലോകത്തിലെ ഏറ്റവും വലിയ ജനാധിപത്യ രാജ്യമായ ഇന്ത്യയിൽ, ഭരണഘടന അഭിപ്രായ സ്വാതന്ത്ര്യം ഉറപ്പു നൽകുന്നുണ്ടെങ്കിലും, മാധ്യമ സ്വാതന്ത്ര്യം താഴ്ന്ന നിലയിലാണെന്ന് മുഖ്യമന്ത്രി പിണറായി വിജയൻ പറഞ്ഞു. അടിയന്തരാവസ്ഥയുടെ 50-ാം വാർഷികത്തിൽ പത്ര സ്വാതന്ത്ര്യത്തിന് നേരെയുള്ള ഭീഷണികളിൽ മുഖ്യമന്ത്രി ആശങ്ക പ്രകടിപ്പിച്ചു. ഇന്ത്യൻ ഭരണഘടനയുടെ ജനാധിപത്യ മൂല്യങ്ങൾ റദ്ദാക്കപ്പെട്ട ആ സമയം അനുസ്മരിച്ചുകൊണ്ട്, നിലവിലെ പത്ര സ്വാതന്ത്ര്യ സൂചികയിൽ ഇന്ത്യ 151-ാം സ്ഥാനത്താണ് എന്ന് മുഖ്യമന്ത്രി ചൂണ്ടിക്കാട്ടി. സ്വദേശാഭിമാനി കേസരി അവാർഡുകളുടെയും സംസ്ഥാന മാധ്യമ അവാർഡുകളുടെയും വിതരണ ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി. 2021, 2022, 2023 വർഷങ്ങളിലെ സ്വദേശാഭിമാനി-കേസരി അവാർഡുകളും 2022, 2023 വർഷങ്ങളിലെ സംസ്ഥാന മാധ്യമ അവാർഡുകളും തിരുവനന്തപുരത്തെ മാസ്‌കോട്ട് ഹോട്ടലിലെ സിംഫണി ഹാളിൽ നടന്ന ചടങ്ങിൽ വിതരണം ചെയ്തു. അടിയന്തരാവസ്ഥ പ്രഖ്യാപനത്തിന് അമ്പതാണ്ടു തികഞ്ഞിരിക്കുന്ന സന്ദർഭമാണിത്. ഇന്ത്യൻ ഭരണഘടനയുടെ ജനാധിപത്യ മൂല്യങ്ങളെ…