Day: August 15, 2025

കോഴിക്കോട്: ഭരണഘടന ഉറപ്പുനൽകുന്ന മതേതരത്വം, സാഹോദര്യം, ബഹുസ്വരത തുടങ്ങിയ മൂല്യങ്ങളെ ദുർബലപ്പെടുത്തുന്ന ഏത് ശ്രമങ്ങളെയും ജാഗ്രതയോടെ കാണണമെന്നും ഭിന്നിപ്പിന്റെ ശക്തികൾക്കെതിരെ ഒറ്റക്കെട്ടായി നിന്ന് രാജ്യത്തിന്റെ അഖണ്ഡത കാത്തുസൂക്ഷിക്കേണ്ടത് ഓരോ പൗരന്റെയും കടമയാണെന്നും ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്‌ലിയാർ. മർകസിൽ സ്വാതന്ത്ര്യദിന അസംബ്ലിയിൽ ദേശീയ പതാക ഉയർത്തിസംസാരിക്കുകയായിരുന്നു അദ്ദേഹം. ഭീകരതയിലൂടെ ഇന്ത്യൻ ജനതയിൽ വിഭാഗീയത സൃഷ്ടിച്ച് മുതലെടുക്കാമെന്നത് ചിലരുടെ മിഥ്യാധാരണ മാത്രമാണ്. പ്രതിസന്ധികളിൽ കൂടുതൽ കരുത്തോടെ ഒന്നിക്കുന്നതാണ് നമ്മുടെ രാജ്യത്തിന്റെ മഹത്തായ പാരമ്പര്യം. അയൽരാജ്യങ്ങളിൽ നിന്നുള്ള കടന്നുകയറ്റ ശ്രമങ്ങളും ഉയരുന്ന യുദ്ധഭീതിയും ഗൗരവത്തോടെ കാണണം. ഭരണഘടനാ സ്ഥാപനങ്ങളുടെ സുതാര്യതയും വിശ്വാസ്യതയും കാത്തു സൂക്ഷിക്കേണ്ടത് രാജ്യത്തിന്റെ നിലനിൽപ്പിനും ഉയർച്ചക്കും അനിവാര്യമാണ് – അദ്ദേഹം പറഞ്ഞു. മർകസ് ഡയറക്ടർ ജനറൽ സി മുഹമ്മദ് ഫൈസി സന്ദേശ പ്രഭാഷണം നടത്തി. ബശീർ സഖാഫി കൈപ്പുറം, ഹനീഫ് സഖാഫി…

നോളജ് സിറ്റി: രാജ്യത്തിന്റെ 79ാം സ്വാതന്ത്ര്യ ദിനം മര്‍കസ് നോളജ് സിറ്റിയില്‍ സമുചിതമായി ആഘോഷിച്ചു. സി ഇ ഒ ഡോ. അബ്ദുസ്സലാം മുഹമ്മദ് പതാക ഉയര്‍ത്തി സന്ദേശ പ്രഭാഷണം നടത്തി. അസമത്വം നിറഞ്ഞ വികസനം അനീതിയാണ് സൃഷ്ടിക്കുന്നതെന്നും നന്മകള്‍ ഒരുവിഭാഗത്തിന് മാത്രം ലഭിക്കുമ്പോള്‍ ‘വികസിത് ഭാരത്’ എന്നതിന് പകരം ‘ഡിവൈഡെഡ് ഭാരത്’ ആണ് സൃഷ്ടിക്കപ്പെടുന്നതെന്നും അദ്ദേഹം പറഞ്ഞു. സമൂഹത്തെ പൂര്‍ണമായി സ്പര്‍ശിച്ചുകൊണ്ടുള്ള വികസനമാണ് മര്‍കസ് നോളജ് സിറ്റി നടപ്പാക്കുന്നതെന്നും ഇത് രാജ്യത്തിന്റെ പുരോഗതിക്ക് മുതല്‍ക്കൂട്ടാകുമെന്നും അദ്ദേഹം കൂട്ടിച്ചേര്‍ത്തു. പരേഡ്, മധുര വിതരണം, വിദ്യാര്‍ഥികളുടെ കലാപരിപാടികള്‍, ഫ്രീഡം ടോക്ക്, ദേശഭക്തി ഗാനം തുടങ്ങിയവ ആഘോഷത്തിന്റെ ഭാഗമായി നടന്നു. സി എ ഒ അഡ്വ. തന്‍വീര്‍ ഉമര്‍, സി എഫ് പി എം ഒ ഡോ. നിസാം റഹ്‌മാന്‍, ശബീറലി ഇല്ലിക്കല്‍, അബ്ദുല്‍ ഗഫൂര്‍ എ കെ, ഡോ. മുജീബ്…

കൊച്ചി: വാഹന ഗതാഗതയോഗ്യമായ റോഡുകൾ ഭരണഘടനാപരമായ അവകാശമാണെന്ന് ഹൈക്കോടതി. ഒരു മാസത്തിനുള്ളിൽ റോഡ് സുരക്ഷയും ഗുണനിലവാരവും സംബന്ധിച്ച ഓഡിറ്റ് റിപ്പോർട്ട് സമർപ്പിക്കാനും സർക്കാരിനോട് കോടതി നിർദ്ദേശിച്ചു. കേരളത്തിലെ കുഴികൾ മൂലമുണ്ടാകുന്ന അപകടങ്ങൾ, റോഡുകളുടെ മോശം അറ്റകുറ്റപ്പണികൾ, ഗതാഗത നിയമങ്ങളുടെ വ്യാപകമായ ലംഘനം എന്നിവ സംബന്ധിച്ച കേസ് കൈകാര്യം ചെയ്തപ്പോഴാണ് ഹൈക്കോടതിയുടെ ഈ പരാമര്‍ശം. യാത്ര ചെയ്യാനുള്ള അവകാശം മൗലികാവകാശത്തിന്റെ പരിധിയിൽ വരുമെന്ന് ജസ്റ്റിസ് ദേവൻ രാമചന്ദ്രന്റെ ബെഞ്ച് വാമൊഴിയായി കൂട്ടിച്ചേർത്തു. തൃശൂരിൽ ഒരു കുഴിയിൽ നിന്ന് രക്ഷപ്പെടാൻ ഒരു ഇരുചക്ര വാഹന യാത്രികൻ അമ്മയുടെ മുന്നിൽ മറ്റൊരു വാഹനമിടിച്ച് മരിക്കാനിടയായത് പോലുള്ള സംഭവങ്ങൾ റോഡുകളുടെ ശോച്യാവസ്ഥയിലേക്ക് വെളിച്ചം വീശുന്നതിനായി കോടതി ഉദ്ധരിച്ചു. ഇവ വെറും അപകടങ്ങളല്ല, കണ്ണു തുറപ്പിക്കുന്ന കാര്യങ്ങളാകേണ്ടതായിരുന്നു. എന്നിട്ടും കോടതിക്ക് ഇപ്പോഴും കൃത്യമായ നടപടികൾ കാണാൻ കഴിയുന്നില്ലെന്ന് കോടതി കൂട്ടിച്ചേർത്തു. കോടതിയുടെ നിരവധി ഉത്തരവുകൾ…

കൊച്ചി: മലയാള സിനിമാ താരങ്ങളുടെ സംഘടനയായ അമ്മയെ നയിക്കുന്ന ആദ്യ വനിതകളായി ശ്വേത മേനോനും കുക്കു പരമേശ്വരനും ചരിത്രം സൃഷ്ടിച്ചു. വെള്ളിയാഴ്ച (ഓഗസ്റ്റ് 15, 2025) കൊച്ചിയിൽ നടന്ന വാശിയേറിയ തിരഞ്ഞെടുപ്പിൽ, നടന്മാരായ ദേവനെയും രവീന്ദ്രനെയും പരാജയപ്പെടുത്തിയാണ് നടിമാരായ ശ്വേത മേനോനും ജനറൽ സെക്രട്ടറിയായി കുക്കു പരമേശ്വരനും തിരഞ്ഞെടുക്കപ്പെട്ടത്. ആകെയുള്ള 504 അംഗങ്ങളിൽ 290-ലധികം പേർ അടുത്ത മൂന്ന് വർഷത്തേക്കുള്ള എക്സിക്യൂട്ടീവ് കമ്മിറ്റിയെ തിരഞ്ഞെടുക്കാൻ വോട്ട് ചെയ്തു. നടൻ ഉണ്ണി ശിവപാൽ ആണ് പുതിയ ട്രഷറർ. ജയൻ ചേർത്തല, ലക്ഷ്മിപ്രിയ എന്നിവരെ വൈസ് പ്രസിഡന്റുമാരായി തിരഞ്ഞെടുത്തു. മൂന്ന് പതിറ്റാണ്ട് പഴക്കമുള്ള നിലനിൽപ്പിന് ശേഷം അഭിനേതാക്കളുടെ സംഘടനയിൽ ഒരിക്കലും ഒരു സ്ത്രീ പ്രസിഡന്റോ ജനറൽ സെക്രട്ടറിയോ ആയിരുന്നില്ല, എന്നിരുന്നാലും വൈസ് പ്രസിഡന്റ്, ജോയിന്റ് സെക്രട്ടറി, എക്സിക്യൂട്ടീവ് കമ്മിറ്റി അംഗം എന്നീ സ്ഥാനങ്ങളിലേക്ക് നേരത്തെ സ്ത്രീകളെ തിരഞ്ഞെടുത്തിരുന്നു. 31 വർഷത്തെ…

കൊച്ചി: താര സംഘടനയായ ‘അമ്മ’യിൽ ഇന്ന് തിരഞ്ഞെടുപ്പ് നടക്കുന്നു. ചരിത്രത്തിൽ ആദ്യമായി അംഗങ്ങൾ ചേരിതിരിഞ്ഞ് ഗുരുതരമായ ആരോപണങ്ങൾ ഉന്നയിച്ചാണ് തിരഞ്ഞെടുപ്പിനെ നേരിടുന്നത്. നഗരത്തിലെ ഒരു ഹോട്ടലിൽ രാവിലെ 10 മുതൽ ഉച്ചയ്ക്ക് 1 വരെ വോട്ടെടുപ്പ് നടക്കും. വൈകുന്നേരം 4 മണിക്ക് ഫലം പ്രഖ്യാപിക്കും. സംഘടനയിലെ 506 അംഗങ്ങൾക്കും വോട്ടവകാശമുണ്ട്. വ്യക്തിപരമായ തര്‍ക്കങ്ങളും കേസുമൊക്കെയായി കലുഷിതമായ പ്രചാരണമാണ് നടന്നത്. സംഘടനയുടെ ചരിത്രത്തിലെ തന്നെ ഏറ്റവും ആരോപണ പ്രത്യോരോപണങ്ങള്‍ ഉയര്‍ന്ന തെരഞ്ഞെടുപ്പാണിത്. പ്രസിഡന്റ് സ്ഥാനത്തേക്ക് ശ്വേതാ മേനോനും ദേവനും തമ്മിലാണ് മത്സരം, സെക്രട്ടറി സ്ഥാനത്തേക്ക് കുക്കു പരമേശ്വരനും രവീന്ദ്രനും ഏറ്റുമുട്ടുന്നു. സ്ത്രീകള്‍ തെരഞ്ഞെടുക്കപ്പെട്ടാല്‍ അമ്മയുടെ നേതൃത്വത്തില്‍ അത് ആദ്യമാകും. ജോയിന്റ് സെക്രട്ടറി സ്ഥാനത്തേക്ക് അന്‍സിബ ഹസന്‍ എതിരില്ലാതെ തെരഞ്ഞെടുക്കപ്പെട്ടിരുന്നു. അനൂപ് ചന്ദ്രനും ഉണ്ണി ശിവപാലും ട്രഷറർ സ്ഥാനത്തേക്കാണ് മൽസരിക്കുന്നത്. പതിനൊന്നംഗ എക്സിക്യൂട്ടീവ് കമ്മറ്റിയിലെ ഏഴ് ജനറൽ സീറ്റിലേക്ക് എട്ട്…

ടാമ്പാ : മുപ്പത്തി അഞ്ചു വർഷമായി പ്രവർത്തിക്കുന്ന ടാമ്പായിലെ ആദ്യത്തെ മലയാളി സംഘടനയായ മലയാളി അസോസിയേഷൻ ഓഫ് സെൻട്രൽ ഫ്ലോറിഡ ഈ വർഷത്തെ ഓണാഘോഷo ‘മാമാങ്കം’ അതിഗംഭീരമായി സംഘടിപ്പിക്കുന്നു. അമേരിക്കൻ മലയാളികളുടെ ഏറ്റവും വലിയ ഓണാഘോഷമായ MACF 2025 ഓണാഘോഷം, കേരളത്തിന്റെ സമ്പന്നമായ പാരമ്പര്യവും കലാരൂപങ്ങളും പ്രതിഫലിപ്പിക്കുന്ന വിപുലമായ പരിപാടികളിലൂടെ, ടാമ്പയിലെ മലയാളി സമൂഹത്തിന് മറക്കാനാകാത്ത അനുഭവമായി മാറും. ഓഗസ്റ്റ് 23-ന് ടാമ്പാ യിലെ സേക്രഡ് ഹാർട്ട് ക്നാനായ കമ്മ്യൂണിറ്റി ഹാളിൽ( 2620 Washington Rd, Valrico, FL 33594) വച്ചു നടത്തുന്ന ഓണാഘോഷത്തിന് പൂക്കളം, അതിവിപുലമായ കേരള സദ്യ, ഫോട്ടോബൂത്ത് , ചെണ്ടമേളം, മാവേലി, ഓണം ഘോഷയാത്ര, കലാപാരിപാടികൾ , 200ഇൽ പരം പേർ ചേർന്ന് നടത്തുന്ന ‘മാമാങ്കം’ എന്നിവ ആണ് ഒരുങ്ങുന്നത് പ്രസിഡന്റ് ടോജിമോൻ പൈത്തുരുത്തേലിന്റെയും സെക്രട്ടറി ഷീല ഷാജുവിന്റെയും ട്രെഷറർ സാജൻ കോരതിന്റെയും…