തിരുവനന്തപുരം: ‘ആധുനിക ഭക്ഷണ തെരുവുകൾ’ പദ്ധതിയുടെ ഭാഗമായി സംസ്ഥാനത്ത് തിരുവനന്തപുരത്തെ ശംഖുമുഖം, എറണാകുളത്തെ കസ്തൂർബ നഗർ, കോഴിക്കോട് ബീച്ച്, മലപ്പുറത്തെ കോട്ടക്കുന്ന് എന്നിവിടങ്ങളിൽ ഭക്ഷണ തെരുവുകൾ സജ്ജമായി. സെപ്റ്റംബർ 27 ന് (ശനി) വൈകുന്നേരം 6.30 ന് ആരോഗ്യ മന്ത്രി വീണ ജോർജ്ജ് എറണാകുളത്തെ ഭക്ഷണ തെരുവ് ഉദ്ഘാടനം ചെയ്യും. ജിസിഡിഎ ചെയർമാൻ കെ. ചന്ദ്രൻ പിള്ള അദ്ധ്യക്ഷത വഹിക്കുന്ന ചടങ്ങിൽ കൊച്ചി മേയർ എം. അനിൽ കുമാർ മുഖ്യ പ്രഭാഷണം നടത്തും. വൃത്തിയുള്ള, മനോഹരമായ അന്തരീക്ഷത്തിൽ നല്ല ഭക്ഷണം ഒരുക്കുന്നതിന്റെ ഭാഗമായാണ് ആധുനിക ഫുഡ് സ്ട്രീറ്റുകൾ യാഥാർത്ഥ്യമാക്കിയതെന്ന് മന്ത്രി വീണാ ജോർജ് പറഞ്ഞു. ഒരു കോടി വീതം രൂപ ചെലവഴിച്ച് ഭക്ഷ്യ സുരക്ഷാ മാനദണ്ഡങ്ങൾ പാലിച്ചാണ് ആധുനിക ഫുഡ് സ്ട്രീറ്റുകൾ നിർമ്മിച്ചിട്ടുള്ളത്. എറണാകുളത്തെ ഫുഡ് സ്ട്രീറ്റിന് വകുപ്പിന്റെ ഒരു കോടി രൂപയ്ക്ക് പുറമെ അധികമായി ജി.സി.ഡി.എ.യുടെ വിഹിതമായി…
സംസ്ഥാനത്തുടനീളം ‘ആധുനിക ഭക്ഷണ തെരുവുകൾ’ സജ്ജമായി; എറണാകുളത്തെ തെരുവ് ശനിയാഴ്ച ഉദ്ഘാടനം ചെയ്യും
