Year: 2025

വാഷിംഗ്ടൺ: പ്രായപൂർത്തിയാകാത്ത കുട്ടികളിൽ ലിംഗമാറ്റ ശസ്ത്രക്രിയകളും ഹോർമോൺ ചികിത്സകളും നടത്തുന്നത് ക്രിമിനൽ കുറ്റമാക്കുന്ന ‘പ്രൊട്ടക്ട് ചിൽഡ്രൻസ് ഇന്നസെൻസ് ആക്ട്’  അമേരിക്കൻ ജനപ്രതിനിധി സഭ പാസാക്കി. 211-നെതിരെ 216 വോട്ടുകൾക്കാണ് ബിൽ വിജയിച്ചത്. ശിക്ഷ: കുട്ടികളിൽ ലിംഗമാറ്റ ശസ്ത്രക്രിയകൾ നടത്തുന്നവർക്കോ അതിന് പ്രേരിപ്പിക്കുന്നവർക്കോ 10 വർഷം വരെ തടവോ പിഴയോ അല്ലെങ്കിൽ രണ്ടും കൂടിയോ ശിക്ഷ ലഭിക്കാം. ജനനേന്ദ്രിയ ശസ്ത്രക്രിയകൾ, കെമിക്കൽ കാസ്‌ട്രേഷൻ (രാസവസ്തുക്കൾ ഉപയോഗിച്ചുള്ള വന്ധ്യംകരണം) എന്നിവ ഈ നിയമത്തിന് കീഴിൽ വരും. ഗുരുതരമായ മറ്റ് ആരോഗ്യപ്രശ്നങ്ങൾ പരിഹരിക്കാൻ നടത്തുന്ന ശസ്ത്രക്രിയകളെ ഈ നിയമത്തിൽ നിന്നും ഒഴിവാക്കിയിട്ടുണ്ട്. റിപ്പബ്ലിക്കൻ പ്രതിനിധി മാർജോറി ടെയ്‌ലർ ഗ്രീൻ അവതരിപ്പിച്ച ഈ ബിൽ ഇനി ഉപരിസഭയായ സെനറ്റിൽ കൂടി പാസാകേണ്ടതുണ്ട്. എങ്കിൽ മാത്രമേ പ്രസിഡന്റ് ട്രംപിന് നിയമത്തിൽ ഒപ്പുവെക്കാൻ സാധിക്കൂ. എന്നാൽ സെനറ്റിൽ ഇതിന് ആവശ്യമായ ഭൂരിപക്ഷം ലഭിക്കുമോ എന്ന കാര്യത്തിൽ…

ടെക്സസ്: അമേരിക്കയിൽ സ്വവർഗ വിവാഹത്തിന് നിയമസാധുത നൽകിയ 2015-ലെ സുപ്രീം കോടതി വിധി  റദ്ദാക്കണമെന്ന് ആവശ്യപ്പെട്ട് ടെക്സസിലെ ജഡ്ജി ഡയാൻ ഹെൻസ്‌ലി ഫെഡറൽ കോടതിയിൽ ഹർജി നൽകി. തന്റെ മതപരമായ വിശ്വാസങ്ങൾ ചൂണ്ടിക്കാട്ടി സമവർഗ വിവാഹങ്ങൾ നടത്തിക്കൊടുക്കാൻ ഇവർ വിസമ്മതിച്ചിരുന്നു. തെരഞ്ഞെടുക്കപ്പെടാത്ത ജഡ്ജിമാർ ഭരണഘടനാ വിരുദ്ധമായാണ് ഇത്തരം ഒരു അവകാശം സൃഷ്ടിച്ചതെന്നും, വിവാഹം സംബന്ധിച്ച തീരുമാനങ്ങൾ എടുക്കാനുള്ള അധികാരം സംസ്ഥാനങ്ങൾക്ക് വിട്ടുനൽകണമെന്നും ഹർജിയിൽ പറയുന്നു. സമവർഗ വിവാഹം നടത്താൻ വിസമ്മതിച്ചതിന് 2019-ൽ ഹെൻസ്‌ലിക്ക് ഔദ്യോഗികമായി താക്കീത് ലഭിച്ചിരുന്നു. ഇത് തന്റെ ഭരണഘടനാപരമായ അവകാശങ്ങളുടെ ലംഘനമാണെന്ന് ഇവർ വാദിക്കുന്നു. ഗർഭഛിദ്രത്തിനുള്ള അവകാശം റദ്ദാക്കിയതുപോലെ, സമവർഗ വിവാഹത്തിനുള്ള അവകാശവും ഇല്ലാതാക്കാനാണ് ഈ നീക്കത്തിലൂടെ ലക്ഷ്യമിടുന്നത്. പ്രശസ്ത യാഥാസ്ഥിതിക അഭിഭാഷകൻ ജോനാഥൻ മിച്ചൽ ആണ് ഇവർക്ക് വേണ്ടി ഹാജരാകുന്നത്. ഈ കേസ് ഭാവിയിൽ വീണ്ടും അമേരിക്കൻ സുപ്രീം കോടതിയുടെ പരിഗണനയിൽ എത്തിയേക്കാം…

വടക്കാങ്ങര: യുണൈറ്റഡ് നാഷൻ പ്രഖ്യാപിച്ച ലോക അറബി ഭാഷാ ദിനത്തോടനുബന്ധിച്ച് വിപുലമായ ആഘോഷ പരിപാടികൾ സംഘടിപ്പിച്ച് വടക്കാങ്ങര ടാലൻറ് പബ്ലിക് സ്കൂൾ. അറബി ഭാഷ ദിനത്തിൽ സംഘടിപ്പിച്ച പരിപാടി പ്രശസ്ത സി.ബി.എസ്.ഇ അറബിക് ട്രെയിനറും ഗ്രന്ഥകാരനുമായ സുഹൈൽ മേൽമുറി ഉദ്ഘാടനം ചെയ്തു. ലോകത്ത് നിലനിൽക്കുന്ന ഭാഷകളിൽ ഏറ്റവും സജീവമായ ഭാഷയാണ് അറബി ഭാഷ എന്നും 60 രാജ്യങ്ങളിലായി 242 മില്യൺ ജനങ്ങൾ നിത്യേന അവരുടെ ഭാഷയായി അറബി ഉപയോഗിക്കുന്നവരാണെന്നും അദ്ദേഹം അഭിപ്രായപ്പെട്ടു. ആഘോഷത്തോടനുബന്ധിച്ച് 7, 8, 9 ക്ലാസുകളിലെ കുട്ടികൾ തയ്യാറാക്കിയ 3 അറബി കയ്യെഴുത്ത് മാഗസിനുകൾ സ്കൂൾ പ്രിൻസിപ്പൽ മുഹമ്മദലി കൊടിഞ്ഞി പ്രകാശനം ചെയ്തു. കുട്ടികളുടെ അറബി ഭാഷയിലെ കഴിവും  രചനാത്മകതയും കൊണ്ട് സമ്പന്നമായ മാഗസിനുകൾ വലിയ പ്രതീക്ഷയാണ് നൽകുന്നത് എന്നും വരുംതലമുറ ഈ ഭാഷയെ നെഞ്ചേറ്റുമെന്ന ഉറപ്പാണ് ഇത് തെളിയിക്കുന്നത് എന്നും അദ്ദേഹം അഭിപ്രായപ്പെട്ടു. പരിപാടിയിൽ…

തിരുവനന്തപുരം: തദ്ദേശ ഭരണ തെരഞ്ഞെടുപ്പിൽ ജനങ്ങൾ നൽകിയ മുന്നറിയിപ്പ്, ആത്മപരിശോധന നടത്താനും തിരുത്താനും ലഭിച്ച അവസരമായി ഇടതുമുന്നണി കണക്കാക്കണമെന്ന് കേരളാ കോൺഗ്രസ്‌ (എം) സംസ്ഥാന ജനറൽ സെക്രട്ടറി കെ. ആനന്ദകുമാർ അഭിപ്രായപ്പെട്ടു. സമാനതകളില്ലാത്ത വികസന പ്രവർത്തനങ്ങളും എണ്ണമറ്റ ജനക്ഷേമ പദ്ധതികളും നടപ്പാക്കിയിട്ടും, പ്രതീക്ഷയ്ക്കൊത്ത് ജനങ്ങളെ മുന്നണിക്ക് അനുകൂലമാക്കാൻ കഴിയാത്തത് ഗൗരവപൂർവം കാണണം. വിമർശനങ്ങളെ ശത്രുതയോടെയല്ല, സംയമനത്തോടെ കാണാൻ കഴിയണം. ജനങ്ങളുടെ ശബ്ദം, കേൾക്കാതെ പോകാനാവില്ല. വലിയ പ്രതീക്ഷയോടെ ഭരണമേല്പിച്ച ഇടതുമുന്നണിയുടെ പല നിലപാടുകളിലും നടപടികളിലുമുള്ള ജനങ്ങളുടെ അവിശ്വാസവും, പോലീസിന്റെയും മുന്നണി പ്രവർത്തകരുടേയും അനാവശ്യ ഇടപെടലുകളും തെരഞ്ഞെടുപ്പിനെ ബാധിച്ചിട്ടുണ്ട്. അപാകതകൾ പരിഹരിച്ച് ജനവിശ്വാസം നേടിയെടുക്കാനുള്ള കർമ്മ പദ്ധതികളാണ് മുന്നണിയിൽ നിന്നും സർക്കാരിൽ നിന്നും ഉണ്ടാകേണ്ടത്. ശബരിമല പോലുള്ള സെൻസിറ്റീവ് വിഷയങ്ങൾ എല്ലാ വിഭാഗം വിശ്വാസികളിലും മുറിവേൽപ്പിച്ചിട്ടുണ്ട്. കുറ്റക്കാരെ മാറ്റിനിർത്തിയുള്ള കർശന നടപടികൾ മുന്നണി തലത്തിലും സർക്കാർ തലത്തിലും ഉണ്ടാകണം.…

തിരുവനന്തപുരം: തൊഴിലാളി അവകാശങ്ങൾ സംരക്ഷിക്കുന്നതിനും ഫെഡറൽ സംവിധാനത്തെ തകർക്കാത്ത വികസന ദർശനം രൂപപ്പെടുത്തുന്നതിനും എല്ലാവരും ഒറ്റക്കെട്ടായി നിൽക്കണമെന്ന് മുഖ്യമന്ത്രി പിണറായി വിജയൻ പറഞ്ഞു. നാഷണൽ ലേബർ കോൺക്ലേവ് 2025 ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി. രാജ്യത്തെ തൊഴിൽ മേഖല ചരിത്രപരമായ ഒരു ഘട്ടത്തിലൂടെ കടന്നുപോകുന്ന സമയത്താണ്, ഒരുപക്ഷേ സ്വാതന്ത്ര്യത്തിനുശേഷം നമ്മുടെ രാജ്യം കണ്ട ഏറ്റവും വെല്ലുവിളി നിറഞ്ഞ കാലഘട്ടത്തിലൂടെ കടന്നുപോകുന്ന സമയത്താണ് സംസ്ഥാന തൊഴിൽ വകുപ്പ് ഇത്രയും വലിയ തോതിലുള്ള ഒരു ലേബർ കോൺക്ലേവ് സംഘടിപ്പിച്ചത്. ഇത് വെറും ഒരു ഔദ്യോഗിക പരിപാടിയായി ചുരുക്കേണ്ട ഒന്നല്ല. മറിച്ച്, തൊഴിലാളി സമൂഹത്തിന്റെ അവകാശങ്ങളും അന്തസ്സും നിലനിൽപ്പും സംരക്ഷിക്കുന്നതിനുള്ള നിയമപരവും രാഷ്ട്രീയവും ജനാധിപത്യപരവുമായ ഒരു പ്രതിരോധ സംവിധാനമായിട്ടാണ് ഇതിനെ കാണേണ്ടതെന്ന് മുഖ്യമന്ത്രി പറഞ്ഞു. മൂലധനത്തിന്റെയും തൊഴിൽ ശക്തിയുടെയും അധികാരങ്ങൾ തമ്മിലുള്ള അസമത്വം ആഗോളതലത്തിൽ വർദ്ധിച്ചുവരുന്ന ഈ സമയത്ത്, തൊഴിലാളിവർഗത്തിനുവേണ്ടി സംസാരിക്കുകയും…

തിരുവനന്തപുരം: തൊഴിൽ നിയമങ്ങളെക്കുറിച്ച് പഠിക്കുന്നതിനും, കേരളത്തിലെ തൊഴിലാളികൾക്ക് തൊഴിൽ നിയമത്തിന്റെ പ്രത്യാഘാതങ്ങൾ മനസ്സിലാക്കുന്നതിനും, പരിഹാരങ്ങൾ നിർദ്ദേശിക്കുന്നതിനുമായി മൂന്ന് നിയമ വിദഗ്ധരുടെ ഒരു സമിതി രൂപീകരിക്കാൻ നാഷണൽ ലേബർ കോൺക്ലേവ് തീരുമാനിച്ചതായി തൊഴിൽ മന്ത്രി വി ശിവൻകുട്ടി പത്രസമ്മേളനത്തിൽ അറിയിച്ചു. ജസ്റ്റിസ് ഗോപാല ഗൗഡ, പ്രൊഫസർ ശ്യാം സുന്ദർ, വർക്കിച്ചൻ പേട്ട എന്നിവർ കമ്മിറ്റിയിലെ അംഗങ്ങളായിരിക്കും. രണ്ട് ഗവേഷണ വിദ്യാർത്ഥികളും കമ്മിറ്റിയുടെ ഭാഗമാകും. ഒരു മാസത്തിനുള്ളിൽ കമ്മിറ്റി പ്രാഥമിക റിപ്പോർട്ട് സമർപ്പിക്കും. കേന്ദ്ര സർക്കാർ നടപ്പിലാക്കാൻ ഉദ്ദേശിക്കുന്ന നാല് തൊഴിൽ നിയമങ്ങള്‍ക്കെതിരായ തൊഴിലാളി വർഗത്തിന്റെയും കേരളത്തിന്റെയും ശക്തമായ നിലപാട് പ്രഖ്യാപിച്ചുകൊണ്ടാണ് സംസ്ഥാന തൊഴിൽ വകുപ്പ് സംഘടിപ്പിച്ച ലേബർ കോൺക്ലേവ് അവസാനിച്ചത്. തൊഴിലാളികളുടെ മൗലികാവകാശങ്ങൾ കവർന്നെടുക്കുന്ന നിയമങ്ങൾക്കെതിരായ വിട്ടുവീഴ്ചയില്ലാത്ത പോരാട്ടം തുടരും. ഇതുസംബന്ധിച്ച് കോൺക്ലേവ് ഏകകണ്ഠമായി ഒരു പ്രമേയം പാസാക്കി. പ്രധാന തീരുമാനങ്ങളും നിലപാടുകളും: 29 പ്രധാന തൊഴിൽ നിയമങ്ങളെ…