Year: 2025

ചിക്കാഗോ: ഇന്ത്യന്‍ ഓവര്‍സീസ് കോണ്‍ഗ്രസ് കേരളാ ഘടകം പുനഃസംഘടിപ്പിച്ചു. സതീശന്‍ നായര്‍ പ്രസിഡന്റായുള്ള സംഘടനയില്‍ പുനഃസംഘടനയുടെ ഭാഗമായി ചെയര്‍മാന്‍ പോള്‍ കറുകപ്പള്ളി, ഡെപ്യൂട്ടി ചെയര്‍മാന്‍ ജയചന്ദ്രന്‍ രാമകൃഷ്ണന്‍, എക്സിക്യൂട്ടീവ് വൈസ് പ്രസിഡന്റായി സജി കരിമ്പന്നൂര്‍, വൈസ് പ്രസിഡന്റുമാരായി ജോസ് ചാരുംമൂട്, പ്രൊഫ. തമ്പി മാത്യു, സന്തോഷ് നായര്‍, സന്തോഷ് ഏബ്രഹാം, തോമസ് ഓലിയാംകുന്നേല്‍, സന്തോഷ് കാപ്പില്‍, വര്‍ഗീസ് പോത്താനിക്കാട്, ജനറല്‍ സെക്രട്ടറിമാരായി ജോസഫ് ഇടിക്കുള, സെക്രട്ടറിമാരായി സൈമണ്‍ വാളാച്ചേരി, ആന്‍റോ കവലയ്ക്കല്‍, കുര്യന്‍ വര്‍ഗീസ്, വിപിന്‍ രാജ്, ജോര്‍ജ് ജോസഫ് കൊട്ടുകാപ്പള്ളി, ട്രഷററായി ഡോ. മാത്യു വര്‍ഗീസ്, ജോയിന്‍റ് ട്രഷറര്‍ മോന്‍സി വര്‍ഗീസ്, കമ്മിറ്റി മെമ്പര്‍മാരായി മാത്യു വൈരമണ്‍ (ലീഗല്‍ അഡ്വൈസര്‍), റേച്ചല്‍ വര്‍ഗീസ് (സ്ട്രാറ്റജിക് അഡ്വൈസര്‍), ചെറിയാന്‍ കോശി, ഷാലു പുന്നൂസ്, ശോശാമ്മ ആന്‍ഡ്രൂസ്, ഉഷാ ജോര്‍ജ്, ജോണ്‍ വര്‍ഗീസ് എന്നിവരും ചിക്കാഗോ ചാപ്റ്റര്‍ പ്രസിഡണ്ടായി…

മയാമി: കിഡ്‌നി ഫെഡറേഷൻ ഓഫ് ഇന്ത്യ ചെയർമാൻ ഫാ: ഡേവിസ് ചിറമേൽ ഹ്രസ്വസന്ദർശനത്താനായി അമേരിക്കയിൽ എത്തുന്നു. ഒക്ടോബർ 4 മുതൽ 24 വരെ വിവിധ പ്രദേശങ്ങളിൽ നടക്കുന്ന പ്രോഗ്രാമുകളിൽ പങ്കെടുക്കും. ഒക്ടോബര് 5 ന് ഷിക്കാഗോയിൽ വെച്ച് അക്ഷയ പാത്ര ഫൌണ്ടേഷൻ സംഘടിപ്പിക്കുന്ന ആന്വൽ ഗാലയിൽ സംബന്ധിക്കും. അക്ഷയ പത്ര ഫൌണ്ടേഷൻ , കിഡ്‌നി ഫെഡറേഷനും , ഹങ്കർ ഹൻഡ്‌ ഇന്റർനാഷണലുമായി സഹകരിച്ച് കേരളത്തിൽ നടപ്പാക്കുന്ന ” പ്രതിദിനം 5000 സ്‌കൂൾ കുട്ടികൾക്ക് സൗജന്യ പ്രഭാതഭക്ഷണം ” പദ്ധതി ക്കുള്ള പ്രവർത്തനങ്ങൾ നടന്നു വരികയാണ് . ന്യൂയോർക്ക്, മയാമി, ടെക്സാസ് എന്നിവിടങ്ങളിലും വിവിധ പ്രോഗ്രാമുകളിൽ പങ്കെടുക്കും. കൂടുതൽ വിവരങ്ങൾക്ക്: 305 776 7752

വാഷിംഗ്ടൺ:ബ്യൂറോ ഓഫ് ലേബർ സ്റ്റാറ്റിസ്റ്റിക്സ് (ബിഎൽഎസ്) തലവനായി ഇ.ജെ. ആന്റണിയെ ഡൊണാൾഡ് ട്രംപ് നോമിനേറ്റ് ചെയ്തു  ദുർബലമായ തൊഴിൽ ഡാറ്റയെ തുടർന്ന് മുൻ മേധാവിയെ പുറത്താക്കിയതിന് പിന്നാലെയാണ്  ബ്യൂറോ ഓഫ് ലേബർ സ്റ്റാറ്റിസ്റ്റിക്സ് (ബിഎൽഎസ്) തലവനായി യാഥാസ്ഥിതിക സാമ്പത്തിക വിദഗ്ദ്ധനായ ഇ.ജെ. ആന്റണിയെ യുഎസ് പ്രസിഡന്റ് ഡൊണാൾഡ് ട്രംപ് തിരഞ്ഞെടുത്തത് . ഹെറിറ്റേജ് ഫൗണ്ടേഷനിലെ ഫെഡറൽ ബജറ്റ് അനലിസ്റ്റാണ് ആന്റണി. തന്റെ ഭരണത്തിൽ സമ്പദ്‌വ്യവസ്ഥ കുതിച്ചുയരുകയാണെന്നും, ആന്റണി പുറത്തുവിടുന്ന കണക്കുകൾ സത്യസന്ധവും കൃത്യവുമായിരിക്കുമെന്ന് ഉറപ്പാക്കുമെന്നും ട്രംപ് ട്രൂത്ത് സോഷ്യലിൽ കുറിച്ചു. നേരത്തെ, തൊഴിൽ കണക്കുകൾ തന്നെ മോശമായി ചിത്രീകരിക്കാൻ കൃത്രിമം കാണിച്ചുവെന്ന് ആരോപിച്ച് ട്രംപ് ബിഎൽഎസ് കമ്മീഷണർ എറിക്ക മക്എന്റർഫറെ പുറത്താക്കിയിരുന്നു. ഈ നീക്കം സാമ്പത്തിക വിദഗ്ദ്ധരുടെ രൂക്ഷ വിമർശനത്തിന് ഇടയാക്കിയിരുന്നു. ബിഎൽഎസ്സിന്റെ കണക്കുകൾ തെറ്റാണെന്ന് നേരത്തെ വിമർശിച്ചിട്ടുള്ള ആളാണ് സാമ്പത്തിക ശാസ്ത്രത്തിൽ ഡോക്ടറേറ്റ് നേടിയ ആന്റണി.…

സാന്‍ഫ്രാന്‍സിസ്കോ: വിശുദ്ധ കന്യകാ മറിയത്തിന്റെ നാമത്തില്‍ സ്ഥാപിതമായ സാന്‍ഫ്രാന്‍സിസ്കോ സെന്‍റ് മേരീസ് പള്ളിയില്‍ ആണ്ടുതോറും നടത്തിവരാറുള്ള വി. കന്യകാ മറിയത്തിന്റെ വാങ്ങിപ്പ് പെരുന്നാള്‍ ആഗസ്റ്റ് 16, 17 (ശനി, ഞായര്‍) തീയതികളില്‍ പൂര്‍വ്വാധികം ഭംഗിയായി കൊണ്ടാടുന്നു. ഈ വര്‍ഷത്തെ പെരുന്നാളിന്‍റെ കൊടിയേറ്റ് ആഗസ്റ്റ് 10-ാം തീയതി ഞായറാഴ്ച വിശുദ്ധ കുര്‍ബാനാനന്തരം വികാരി റവ. ഫാ. തോമസ് കോര നിര്‍വ്വഹിച്ചു. മരണപ്പെട്ട് ഗത്സമന്‍ തോട്ടത്തില്‍ അടക്കം ചെയ്യപ്പെട്ട കന്യകാ മറിയത്തിന്റെ ഭൗതിക ശരീരം അവരുടെ പുത്രന്‍റെ കല്പന പ്രകാരം മൂന്നാം ദിവസം മാലാഖമാരാല്‍ ഉയരത്തിലേക്ക് എടുക്കപ്പെട്ടു. അതിന്‍റെ ഓര്‍മ്മപ്പെരുന്നാള്‍ എല്ലാ വര്‍ഷവും ആഗസ്റ്റ് 15-ന് എല്ലാ പള്ളികളിലും ആഘോഷിച്ചു വരുന്നു. സാന്‍ഫ്രാന്‍സിസ്കോ പള്ളിയില്‍ വെച്ച് നടക്കുന്ന ഈ പെരുന്നാളിലേക്ക് വികാരി റവ. ഫാ. തോമസ് കോര, വൈസ് പ്രസിഡണ്ട് ജോയി ഫിലിപ്പ്, സെക്രട്ടറി റോഷന്‍ ഫിലിപ്പ്, ട്രസ്റ്റി ആന്‍ഡ്രൂ…

ഓസ്റ്റിൻ: ടെക്സാസിലെ ഓസ്റ്റിനിലുള്ള ടാർഗെറ്റ് സ്റ്റോറിലുണ്ടായ വെടിവെപ്പിൽ മൂന്ന് പേർ മരിച്ചു. സംഭവത്തിൽ 32 വയസ്സുള്ള പ്രതിയെ പോലീസ് പിടികൂടി. തിങ്കളാഴ്ച ഉച്ചയ്ക്ക് 2:15-ഓടെ റിസർച്ച് ബൊളിവാർഡിലുള്ള ടാർഗെറ്റ് സ്റ്റോറിലാണ് വെടിവെപ്പുണ്ടായത്. പോലീസ് സ്ഥലത്തെത്തിയപ്പോൾ മൂന്ന് പേർക്ക് വെടിയേറ്റതായി കണ്ടെത്തി. സംഭവത്തിന് ശേഷം, പ്രതി ടാർഗെറ്റ് പാർക്കിംഗ് സ്ഥലത്ത് നിന്ന് ഒരു കാർ മോഷ്ടിച്ച് രക്ഷപ്പെട്ടു. ഈ കാറിന്റെ ഉടമയും മരിച്ചവരിൽ ഉൾപ്പെടുന്നു. മോഷ്ടിച്ച കാർ അപകടത്തിൽപ്പെട്ടതിനെ തുടർന്ന് ഇയാൾ ഒരു കാർ ഡീലർഷിപ്പിൽ നിന്ന് മറ്റൊരു കാർ കൂടി മോഷ്ടിച്ചു. തുടർന്ന് നഗരത്തിന്റെ തെക്ക് ഭാഗത്ത് വെച്ച് കാറിൽ നിന്നിറങ്ങിയ പ്രതിയെ മറ്റൊരു വ്യക്തിയുടെ സഹായത്തോടെ പോലീസ് കണ്ടെത്തുകയായിരുന്നു. ടേസർ ഉപയോഗിച്ച് കീഴ്പ്പെടുത്തിയാണ് ഇയാളെ പോലീസ് കസ്റ്റഡിയിലെടുത്തത്. സംഭവത്തെക്കുറിച്ച് കൂടുതൽ അന്വേഷണം നടന്നുവരികയാണ്.

കാസർകോട്: കാസർകോട് ജില്ലയിലെ എം.എസ്.എഫിന്റെ പ്രവർത്തന രീതികളെക്കുറിച്ച് കെ.എസ്.യു ജില്ലാ കമ്മിറ്റി ഗുരുതരമായ ആരോപണങ്ങൾ ഉന്നയിച്ചു. മുന്നണിയുടെ മര്യാദകൾ പാലിക്കുന്നില്ലെന്നും സ്വേച്ഛാധിപത്യ നിലപാടുകളോടെയാണ് എം.എസ്.എഫിനെതിരെ കെ.എസ്.യു ഉന്നയിക്കുന്ന പ്രധാന ആരോപണം. കണ്ണൂർ സർവകലാശാലാ തിരഞ്ഞെടുപ്പിൽ നാമനിർദ്ദേശ പത്രിക സമർപ്പിക്കുന്നതിന് മുമ്പ് കെ.എസ്.യുവുമായി ഒരു ചർച്ചയും നടന്നിട്ടില്ല എന്നതാണ് പ്രശ്നത്തിന്റെ മൂലകാരണം. മുന്നണിയുടെ മര്യാദകൾ ലംഘിച്ച് എം.എസ്.എഫ് സോഷ്യൽ മീഡിയയിലൂടെ കെ.എസ്.യുവിനെതിരെ പ്രചാരണം നടത്തുന്നുണ്ടെന്നും കെ.എസ്.യു ആരോപിക്കുന്നു. ഇത്തരം പ്രവർത്തനങ്ങൾ മുന്നണിയുടെ ഐക്യത്തെയും സഹകരണത്തെയും ബാധിക്കുമെന്ന് കെ.എസ്.യു നേതാക്കൾ മുന്നറിയിപ്പ് നൽകി. ഇരുവിഭാഗങ്ങളും തമ്മിലുള്ള പ്രശ്നങ്ങൾ ചർച്ചകളിലൂടെ പരിഹരിക്കേണ്ടതിന്റെ ആവശ്യകതയും കെ.എസ്.യു നേതാക്കൾ ചൂണ്ടിക്കാട്ടി. എംഎസ്എഫ് നേതൃത്വത്തെ നിയന്ത്രിക്കാന്‍ ആവശ്യമായ ഇടപെടലുകള്‍ നടത്തണമെന്ന് കെഎസ്‌യു കാസര്‍കോട് ജില്ലാ പ്രസിഡന്റ് അഡ്വ. ജവാദ് പുത്തൂര്‍ ആവശ്യപ്പെട്ടു. കെപിസിസി അധ്യക്ഷനും മുസ്ലിം ലീഗ് ദേശീയ നേതാവുമായ പി.കെ. കുഞ്ഞാലിക്കുട്ടിക്കും അടക്കം പരാതിയുടെ…

പാലക്കാട്: ഇന്ത്യയിലെ ജനാധിപത്യ സംവിധാനത്തെയും തെരഞ്ഞെടുപ്പ് പ്രക്രിയയെയും ബി ജെ പി തകർത്തെറിഞ്ഞതിന്റെ തെളിവുകളാണ് പ്രതിപക്ഷനേതാവ് രാഹുൽ ഗാന്ധി ഡൽഹിയിൽ നടത്തിയ വാർത്താ സമ്മേളനത്തിൽ പുറത്തു വിട്ടിരിക്കുന്നതെന്ന് വെൽഫെയർ പാർട്ടി സംസ്ഥാന പ്രസിഡന്റ് റസാഖ് പാലേരി പ്രസ്താവിച്ചു. വെൽഫെയർ പാർട്ടി ജില്ലാ കമ്മിറ്റി യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ബി ജെ പിയുടെ രാഷ്ട്രീയ താൽപര്യങ്ങൾക്ക് വേണ്ടി ഒത്തുകളിക്കുന്ന ഏജന്റായി തെരഞ്ഞെടുപ്പ് കമ്മീഷൻ മാറിയതിന്റെ അനന്തരഫലമാണ് രാജ്യം അനുഭവിച്ചുകൊണ്ടിരിക്കുന്നതെന്ന് അദ്ദേഹം പറഞ്ഞു. ബി ജെ പിയും തെരഞ്ഞെടുപ്പ് കമ്മീഷനും ചേർന്ന് ജനാധിപത്യത്തെയാണ് അട്ടിമറിച്ചിരിക്കുന്നത്. ബി ജെ പിക്ക് അനുകൂലമായി പുറത്തുവന്ന കഴിഞ്ഞ വർഷത്തെ മഹാരാഷ്ട്ര നിയമസഭ തെരഞ്ഞെടുപ്പ് ഫലങ്ങൾ തീർത്തും അവിശ്വാസനീയമാണെന്ന് അന്ന് തന്നെ പല രാഷ്ട്രീയസംഘടനകളും നേതാക്കളും വിളിച്ചു പറഞ്ഞിരുന്നു. ഇലക്ട്രോണിക് വോട്ടിംഗ് മെഷീനുകളുടെ സുതാര്യതയും വിശ്വാസ്യതയുമായി ബന്ധപ്പെട്ട ആരോപണങ്ങളും ശക്തമാണ്. ഇതിനിടയിലാണ് വോട്ടർ…