ന്യൂയോര്ക്ക്: പ്രശസ്ത അമേരിക്കന് എഴുത്തുകാരനും ആക്ടിവിസ്റ്റുമായ ജെഫ്രി ഷോൺ കിംഗും അദ്ദേഹത്തിൻ്റെ ഭാര്യ റായ് കിംഗും റംസാൻ ആദ്യ ദിനത്തിൽ ഇസ്ലാം മതം സ്വീകരിച്ചു.
ഇന്നാണ് (തിങ്കളാഴ്ച) മുസ്ലീം പണ്ഡിതനും ആക്ടിവിസ്റ്റുമായ ഒമർ സുലൈമാൻ്റെ സഹായത്തോടെ, വിശ്വാസത്തിൻ്റെ സാക്ഷ്യമായ ‘ഷഹാദ’യെ ഷോണും റായിയും ഉച്ചരിച്ച് ഇസ്ലാം മതം സ്വീകരിച്ചത്.
44-കാരനായ ഷോൺ, ബ്ലാക്ക് ലൈവ്സ് മാറ്റർ പോലുള്ള ഡെമോക്രാറ്റിക് പാർട്ടിയുമായി ബന്ധപ്പെട്ട പ്രസ്ഥാനങ്ങളുടെ വക്താവായി പേരുകേട്ടതാണ്.
ഗാസയില് ഇസ്രായേല് നടത്തിക്കൊണ്ടിരിക്കുന്ന യുദ്ധത്തിനെതിരെ ഫലസ്തീനിനെ പിന്തുണച്ചതിനാൽ ഡിസംബര് 25-ന് തന്റെ ഇൻസ്റ്റാഗ്രാം അക്കൗണ്ട് നിരോധിച്ചതായി അദ്ദേഹം അവകാശപ്പെട്ടു.
ആറ് ദശലക്ഷത്തിലധികം ഫോളോവേഴ്സുള്ള ഷോൺ, ഫലസ്തീൻ അവകാശങ്ങൾക്കും പദവിക്കും വേണ്ടി വാദിച്ചതിന് ഇൻസ്റ്റാഗ്രാമിൻ്റെ വിലക്കിൽ നിരാശ പ്രകടിപ്പിച്ചു.
ഗാസ മുനമ്പിലെ നാശത്തെ ഉയർത്തിക്കാട്ടുകയും പ്രദേശത്തിനെതിരായ ഇസ്രായേലിൻ്റെ ക്രൂരമായ യുദ്ധം അവസാനിപ്പിക്കാൻ ആഹ്വാനം ചെയ്യുകയും ചെയ്യുന്ന ഷോൺ ഒക്ടോബർ 7 മുതൽ നിരവധി ഫലസ്തീൻ അനുകൂല പോസ്റ്റുകൾ പങ്കിട്ടിരുന്നു.
