ചിങ്ങം: ക്രിയാത്മക ഊര്ജം ഇന്ന് നിങ്ങളുടെ ചിന്തകളിലും നിശ്ചയദാര്ഢ്യത്തിലും പ്രകടമാകും. നിങ്ങളുടെ ജോലിസാമര്ത്ഥ്യത്തേയും ആസൂത്രണമികവിനേയും മേലധികാരികള് അങ്ങേയറ്റം പ്രശംസിക്കും. അത് നിങ്ങള്ക്ക് സമൂഹിക അംഗീകാരവും നല്കും. പിതാവുമായി നല്ലബന്ധം പുലര്ത്താനും അദ്ദേഹത്തില് നിന്ന് ആനുകൂല്യങ്ങള് സ്വീകരിക്കാനും ഇന്ന് നിങ്ങള്ക്ക് അവസരമുണ്ടാകും. ഭൂമിയും മറ്റ് സ്വത്തുക്കളുമായി ബന്ധപ്പെട്ട ഇടപാടുകള്ക്ക് ഇന്ന് ഒരു നല്ല ദിവസമാണ്. ചുരുക്കത്തില് ഏറ്റവും ഹിതകരമായ ഒരു ദിവസം!
കന്നി: നല്ലൊരു ദിവസമാണ്. പ്രാര്ത്ഥന, മതപരമായ അനുഷ്ഠാനങ്ങള്, ക്ഷേത്ര സന്ദര്ശനം എന്നിവയോടെ ദിവസം ആരംഭിക്കുക. എങ്കില് ദിവസത്തിന്റെ ബാക്കി ഭാഗത്തെക്കുറിച്ച് നിങ്ങള്ക്ക് പരാതികളുണ്ടാവില്ല. സുഹൃത്തുക്കളെ – പ്രത്യേകിച്ചും വനിതകളെ – കണ്ടുമുട്ടുന്നതും സഹോദരങ്ങളുടെ പിന്തുണയും ഇന്ന് നിങ്ങളുടെ മുഖം പ്രസന്നമാക്കും. വിദേശത്തേക്ക് പറക്കാന് വ്യഗ്രത പൂണ്ടിരിക്കുന്നവര്ക്ക് ഇതാ, സമയം എത്തിക്കഴിഞ്ഞു. വിദൂരദേശങ്ങളില് നിന്നുള്ള വാര്ത്തകള് നിങ്ങള്ക്ക് സംതൃപ്തി നല്കും. ഉല്ലാസകരമായ ഒരു ദിവസമാകട്ടെ ഇത്!
തുലാം: നിങ്ങളുടെ കാലടിയിലെ മണ്ണിന് ഇളക്കം തട്ടിയതിനാല് ഇന്ന് നിങ്ങളുടെ ഓരോ ചുവടും ശ്രദ്ധിക്കണം. വാദപ്രതിവാദങ്ങള്, ഏറ്റുമുട്ടല്, അനാരോഗ്യം, മുന്കോപം, ചീത്ത വാക്കുകള് ഇവയെല്ലാം ഇന്ന് നിങ്ങളുടെ ദിവസത്തെ നശിപ്പിക്കാന് സാധ്യത. ശ്രദ്ധയോടെ പെരുമാറാനും, ഓരോ ചുവടും ഓരോ വാക്കും സൂക്ഷ്മതയോടെയും അളന്നും ഉപയോഗിക്കുക. അപ്രതീക്ഷിത സാമ്പത്തിക ലാഭം ഇന്ന് നിങ്ങള്ക്ക് അല്പം ആശ്വാസവും സന്തോഷവും നല്കും. നിഗൂഢമായ വിഷയങ്ങള്, മാന്ത്രികത എന്നിവയില് നിങ്ങൾക്കിന്ന് ആസക്തിയുണ്ടാകാന് സാധ്യത. എന്നാല് ആത്മീയതയും, ബൗദ്ധികമായ യത്നങ്ങളും നിങ്ങള്ക്കാവശ്യമായ സമാധാനം നല്കും.
വൃശ്ചികം ആഹ്ളാദവും ഉല്ലാസവും നിറഞ്ഞദിവസം!!! സുഹൃത്തുക്കള്ക്കൊപ്പം പാര്ട്ടിക്ക് പോകുകയോ അല്ലെങ്കില് ഒരു ചെറുപിക്നികിന് ഏര്പ്പാട് ചെയ്യുകയോ ചെയ്യുന്നത് ഇന്നത്തെ സന്തോഷവേള പതിന്മടങ്ങാക്കാന് നിങ്ങളെ സഹായിക്കും. ഇന്ന് നിങ്ങള് മുന്കൂട്ടിത്തന്നെ എന്തെങ്കിലും അലോചിച്ച് വച്ചിട്ടുണ്ടാകും. പുതിയ തരം വസ്ത്രങ്ങളും ആഭരണങ്ങളും ധരിച്ച് നന്നായി ഒരുങ്ങാനും സാധ്യത. നിങ്ങളുടെ ജീവിതപങ്കാളി ഇന്ന് നിങ്ങള്ക്കായി പ്രത്യേകം സ്വാദിഷ്ടമായ വിഭവങ്ങളും ഒരുക്കിയേക്കാം. ഷോപ്പിങ്ങിന് പോകാനും യോഗമുണ്ട്. സമൂഹത്തില് ബഹുമാനവും അംഗീകാരവും ലഭിക്കും. ആസ്വദിക്കൂ!
ധനു: ഗംഭീരം! ആരോഗ്യം, സമ്പത്ത്, സന്തോഷം ഇവയെല്ലാം ഇന്ന് ഏറ്റവും മികച്ച നിലയില് ധനുരാശിക്കാര്ക്ക് വന്ന് ചേരും. വീട്ടിലെ ഐക്യവും സമാധാനവും നിങ്ങളെ ദിവസം മുഴുവനും ഊര്ജ്വസ്വലനും ഉന്മേഷവാനുമാക്കും. തൊഴിലില് സഹപ്രവര്ത്തകരുടെ പിന്തുണയും അധ്വാനത്തിനനുസരിച്ച് ഫലവും ഉണ്ടാകുന്നത് നിങ്ങളെ സന്തുഷ്ടനാക്കും. പണവരവ് ഈ ഐശ്വര്യങ്ങള്ക്ക് മുകളില് ഒരു അധികസുഖാനുഭവമാകും. നിങ്ങളുടെ പ്രസന്നമായ പുഞ്ചിരി നിലനിര്ത്തുക… ഈ അപൂര്വ ദിവസം ആസ്വാദ്യമാക്കുക…
മകരം: നിങ്ങള്ക്ക് ഇന്നത്തെ ദിവസം മിക്കവാറും വിഷമങ്ങള് നിറഞ്ഞതായിക്കും. നിങ്ങളുടെ മാതാപിതാക്കളുടേയും കുട്ടികളുടേയും അനാരോഗ്യവും അവരുമായുളള അഭിപ്രായഭിന്നതയും നിങ്ങളുടെ വിഷമതകള്ക്ക് ആക്കം കൂട്ടും. ഈ പ്രതിസന്ധി മൂലം തീരുമാനമെടുക്കാനുള്ള ശക്തി നിങ്ങള്ക്ക് നഷ്ടപ്പെടും. ഇന്ന് മേലുദ്യോഗസ്ഥരെ പ്രീതിപ്പെടുത്താന് നിങ്ങള് പതിവിലും കൂടുതല് അധ്വാനിക്കേണ്ടി വരും. സുഹൃത്തുക്കളുമായോ എതിരാളികളുമായോ വാദപ്രതിവാദങ്ങള്ക്ക് പോകാതിരിക്കുക. ശാന്തനായിരിക്കുക, ഈ വിഷമഘട്ടം ഒഴിഞ്ഞുപോകട്ടെ!
കുംഭം: ഇന്ന് നിങ്ങള് ഒരൽപം കൂടുതല് വികാരാവേശം കാണിക്കും. വിദ്യാര്ഥികള് പഠനകാര്യങ്ങളില് ഇന്ന് വളരെയേറെ മികവ് പ്രകടിപ്പിക്കും. ഈ രാശിക്കാരായ സ്ത്രീകള് ഇന്ന് സൗന്ദര്യ വര്ധകങ്ങള്ക്കായി നിര്ബാധം പണം ചെലവഴിക്കും. എന്നാല് ഒരു മുന്കരുതലുമില്ലാതെ പണം ചെലവഴിച്ച് പണസഞ്ചി കാലിയാക്കാതിരിക്കുക. വസ്തുവോ സ്വത്തോ സംബന്ധിച്ച ഇടപാടുകളില് വളരെ ജാഗ്രത പുലര്ത്തുക. ബാലിശമായ സംസാരം നിര്ത്തി പക്വതയോടെ പെരുമാറുക.
മീനം: ഇന്ന് നക്ഷത്രങ്ങള് അനുകൂലമായതുകൊണ്ട് സുപ്രധാനമായ തീരുമാനങ്ങളുമായി മുന്നോട്ട് പോകുക. അതൊരുപക്ഷേ, ഫലവത്തായി തീര്ന്നേക്കാം. നിങ്ങളുടെ സൃഷ്ടിപരമായ കഴിവുകളും ഉറച്ച തീരുമാനവും ശ്രദ്ധയും നിങ്ങളെ വിജയത്തിലേക്ക് നയിക്കാം. സമൂഹത്തില് നിങ്ങളുടെ അന്തസ് ഉയര്ത്തും.
നിങ്ങളെ പിന്തുണക്കുകയും ബഹുമാനിക്കുകയും ചെയ്യുന്ന ഒരു ജീവിതപങ്കാളിയെ കിട്ടിയത് നിങ്ങളുടെ ഭാഗ്യമാണ്. പ്രിയപ്പെട്ടയാളുമായി പ്രശാന്തമായ ഒരു സ്ഥലത്തേക്ക് കാറോടിച്ച് പോകുന്നത് ഇന്നത്തെ സായാഹ്നത്തില് നിങ്ങൾക്ക് തികച്ചും സന്തോഷം പകരുന്ന അനുഭവമായിരിക്കും. പ്രിയപ്പെട്ടവര് നിങ്ങളോട് അവരുടെ ചില രഹസ്യങ്ങള് പങ്കിടുകയും അങ്ങനെ നിങ്ങളുമായി കൂടുതല് അടുപ്പത്തിലാകുകയും ചെയ്യും.
മേടം: ഒരു സാധാരണദിവസമാണ് ഇന്ന് മേടരാശിക്കാരെ കാത്തിരിക്കുന്നത്. എന്നാലും ഇന്ന് സ്ഥിതിഗതികള് കുറേക്കൂടി മെച്ചപ്പെടും. നിങ്ങളുടെ ആരോഗ്യത്തെ പ്രതികൂലമായി ബാധിക്കുമെന്നതിനാല് തെരുവോരങ്ങളിലെ ഭക്ഷണസാധനങ്ങളുടെ പ്രലോഭനങ്ങള്ക്ക് ഇന്ന് നിങ്ങള് വഴിപ്പെടരുത്. ഇത് കൂടാതെ നിങ്ങളുടെ മനസ് പലവിധ പ്രശ്നങ്ങള്കൊണ്ടും ചെലവുകള് വര്ധിച്ചുവരുന്നതുകൊണ്ടും അസ്വസ്ഥമായിരിക്കും. അതത്ര കാര്യമാക്കേണ്ടതില്ല.
അല്ലെങ്കില് നിങ്ങളുടെ ആരോഗ്യം കൂടുതൽ മോശമായേക്കും. ധ്യാനം നിങ്ങള്ക്ക് ആശ്വാസവും ശാന്തതയും നല്കും. ഇന്ന് നിങ്ങളുടെ മധുരമായ വാക്ചാതുരി ശരിക്കും പ്രയോജനപ്പെടുത്തുക! വനിതാ സഹപ്രവര്ത്തകരുമായി സന്തോഷപൂര്വം ഇടപഴകുന്നത് നിങ്ങളുടെ മനോഭാവത്തിന് ലാഘവം വരുത്തും. ഭാഗ്യാശംസകള് നേരുന്നു!
ഇടവം: ഇന്ന് നിങ്ങളുടെ ഭാഗ്യനക്ഷത്രങ്ങള് സംസാരിക്കട്ടെ. ഇന്ന് അവര് കൊണ്ടുവരുന്ന ഭാഗ്യം ശാന്തതയോടെ നിങ്ങള് ആസ്വദിക്കൂ. ഒരു പുതിയ ആത്മവിശ്വാസം കൈവന്നതായി നിങ്ങള്ക്ക് തോന്നും. ഇത് ജോലിയില് തികഞ്ഞ ശ്രദ്ധകേന്ദ്രീകരിക്കാന് നിങ്ങളെ സഹായിക്കും.
തന്മൂലം നിങ്ങളുടെ ജോലി വിജയകരമായും ഉത്സാഹപൂര്വവും ചെയ്തു തീര്ക്കാന് നിങ്ങൾക്ക് സാധിക്കും. ധനപരമായ കാര്യങ്ങളിലും നിങ്ങൾക്ക് ഇന്നൊരു ഭാഗ്യദിവസമാണ്. പണം വാരിക്കൂട്ടുക! കുടുംബത്തിലെ സമാധാനപരമായ അന്തരീക്ഷം ഇന്നത്തെ സായാഹ്നം സന്തോഷകരമാക്കും. ചുരുക്കത്തില് ഒരു അവിസ്മരണീയ ദിനം നിങ്ങളെ കാത്തിരിക്കുന്നു.
മിഥുനം: ബുദ്ധിമുട്ടുക! കരുതിയിരിക്കുക!! – ഈ രണ്ട് വാക്കുകളിലാണ് ഇന്നത്തെ നിങ്ങളുടെ ദിവസത്തെ സംഗ്രഹിക്കുന്നത്. നിങ്ങളുടെ കോപവും സംസാരവും വിപത്ത് ക്ഷണിച്ച് വരുത്തും എന്നതുകൊണ്ട് ശ്രദ്ധിക്കുക. കുടുംബാംഗങ്ങളും സുഹൃത്തുക്കളുമായുള്ള ഇടപഴകലില് ഇത് തെറ്റിദ്ധാരണകള്ക്ക് കാരണമായേക്കാം.
ആരോഗ്യപ്രശ്നങ്ങള്ക്കും മാനസിക പിരിമുറുക്കത്തിനും ഇത് ഇടവരുത്തുകയും ചെയ്തേക്കും. നിങ്ങളുടെ കുടുംബത്തെ പൊതുവിലും മകനെ പ്രത്യേകിച്ചും വേദനിപ്പിക്കുന്നതരത്തിലാകാം നിങ്ങളുടെ ഇന്നത്തെ പെരുമാറ്റം. നിങ്ങൾക്കിന്ന് കണ്ണ് ചൊറിച്ചില് അനുഭവപ്പെട്ടേക്കാം എന്നതുകൊണ്ട് തക്കതായ മരുന്ന് കൈവശം വക്കുക. അപകടങ്ങള്ക്കും അമിതച്ചെലവുകള്ക്കും ഇന്ന് സാധ്യത. ജാഗ്രത പാലിക്കുക!
കര്ക്കിടകം: നിങ്ങളുടെ ഊര്ജ്വസ്വലതയും നക്ഷത്രങ്ങളുടെ അനുകൂലഭാവവും ആഗ്രഹിച്ചതെന്തും നേടിയെടുക്കാന് ഇന്ന് നിങ്ങളെ പ്രാപ്തനാക്കും. ബിസിനസിലും സാമ്പത്തിക കാര്യങ്ങളിലും ഇന്ന് നേട്ടങ്ങള്ക്ക് യോഗം. നിങ്ങളുടെ വരുമാനം ഗണ്യമായി വര്ധിക്കും. ധനസമാഹരണത്തിന് പറ്റിയ സമയം!.
ദീര്ഘകാലത്തിന് ശേഷം ഒരു സുഹൃത്തിനെ ഇന്ന് കണ്ടു മുട്ടുന്നത് നിങ്ങളുടെ ഉല്ലാസഭരിത മനോഭാവത്തിന് മറ്റൊരു കാരണമാകാം. അവിവാഹിതരും ജീവിതത്തിന്റെ ഒരു പുതിയ അദ്ധ്യായം തുടങ്ങാനുള്ള തിരക്കിലായിരിക്കും ഇപ്പോള്. ഭാഗ്യനക്ഷത്രങ്ങള് അനുകൂല നിലയിലിരിക്കുന്ന ഈ സമയത്ത് ഉടനെ കണ്ടുമുട്ടിയേക്കാവുന്ന ആ ‘ഒരാള്’ ക്കായി കാത്തിരിക്കുക! കുടുംബത്തോടൊപ്പം ഒരു പിക്നിക്ക് നടത്തുന്നതോ അല്ലെങ്കില് അടിച്ചുപൊളിക്കുന്നതോ ഇന്ന് നല്ലതാണ്.
