ഇസ്രായേലിന് സെൻസിറ്റീവ് ഡാറ്റ കൈമാറുന്ന ആപ്പ് വാട്ട്സ്ആപ്പ് ആണെന്ന് അവകാശപ്പെട്ട ഇറാൻ, തങ്ങളുടെ പൗരന്മാരോട് അത് ഉപകരണങ്ങളിൽ നിന്ന് നീക്കം ചെയ്യാൻ ആവശ്യപ്പെട്ടു. തെളിവുകളൊന്നും ഹാജരാക്കാത്തതിനാൽ, വാട്ട്സ്ആപ്പ് ആരോപണങ്ങൾ നിഷേധിച്ചു.
ഇറാനും ഇസ്രായേലും തമ്മിലുള്ള വർദ്ധിച്ചുവരുന്ന സംഘർഷങ്ങൾക്കിടയിൽ, ഇസ്രായേലിനു വേണ്ടി ചാരപ്പണി ചെയ്യാൻ ഇസ്രായേലിനെ സഹായിച്ചതായി മെസേജിംഗ് ഭീമനായ വാട്ട്സ്ആപ്പിനെതിരെ ഇറാൻ. പൗരന്മാരോട് അവരുടെ ഉപകരണങ്ങളിൽ നിന്ന് ഈ ആപ്പ് ഉടൻ ഇല്ലാതാക്കാൻ അധികൃതര് ആവശ്യപ്പെട്ടു.
എന്നാല്, ഇതുവരെ ഔദ്യോഗിക പ്രസ്താവനകളൊന്നും വന്നിട്ടില്ല. ടെഹ്റാനിലെ ഇൻഫർമേഷൻ മന്ത്രാലയവും രഹസ്യാന്വേഷണ ഏജൻസികളും ഇതുവരെ ഈ ആരോപണത്തെ പിന്തുണയ്ക്കുന്ന ഔദ്യോഗിക രേഖകളോ നിരീക്ഷണ രേഖകളോ നല്കിയിട്ടില്ല. ഇറാനകത്തും പുറത്തുമുള്ള സൈബർ സുരക്ഷാ വിദഗ്ധരും ഈ അവകാശവാദത്തിന്റെ വിശ്വാസ്യതയെ ചോദ്യം ചെയ്തിട്ടുണ്ട്.
മെറ്റാ പ്ലാറ്റ്ഫോംസ് ഇൻകോർപ്പറേറ്റഡിന്റെ ഉടമസ്ഥതയിലുള്ള വാട്ട്സ്ആപ്പ് ഉടനടി പ്രതികരിച്ചു. “ഞങ്ങൾ ഒരു സർക്കാരിനും ബൾക്ക് വിവരങ്ങളൊന്നും നൽകുന്നില്ല. ഞങ്ങൾ സന്ദേശ ലോഗുകൾ സൂക്ഷിക്കുന്നില്ല, ഉപയോക്തൃ ലൊക്കേഷനുകൾ ട്രാക്ക് ചെയ്യുന്നില്ല, സ്വകാര്യ സംഭാഷണങ്ങൾ നിരീക്ഷിക്കുന്നില്ല. വാട്ട്സ്ആപ്പിലെ എല്ലാ ആശയവിനിമയങ്ങളും എൻഡ്-ടു-എൻഡ് എൻക്രിപ്ഷൻ വഴി സംരക്ഷിക്കപ്പെടുന്നു,” ഒരു ഔപചാരിക പ്രസ്താവനയിൽ കമ്പനി വ്യക്തമാക്കി.
ഉപയോക്താക്കൾക്ക് പൂർണ്ണമായ സ്വകാര്യത ഉറപ്പാക്കുന്ന എൻക്രിപ്ഷൻ പ്രോട്ടോക്കോൾ ഉള്ളതിനാൽ, വാട്ട്സ്ആപ്പിന് പോലും അവരുടെ പ്ലാറ്റ്ഫോമിൽ കൈമാറ്റം ചെയ്യപ്പെടുന്ന സന്ദേശങ്ങളുടെ ഉള്ളടക്കം ആക്സസ് ചെയ്യാൻ കഴിയില്ലെന്ന് അവര് ഊന്നിപ്പറഞ്ഞു. ഇറാന്റെ നീക്കത്തിന് പിന്നിലെ ഉദ്ദേശ്യത്തെക്കുറിച്ചും അവർ സൂചന നൽകി. “പൗരന്മാർ ആശയവിനിമയം നടത്താൻ സുരക്ഷിതമായ ചാനലുകളെ ആശ്രയിക്കുന്ന സമയത്ത്, പ്രത്യേകിച്ച് ഞങ്ങളുടെ സേവനങ്ങൾ ബ്ലോക്ക് ചെയ്യുന്നതിന് ഈ തെറ്റായ റിപ്പോർട്ടുകൾ ന്യായീകരണമായി ഉപയോഗിക്കുമെന്ന് ഞങ്ങൾ ആശങ്കപ്പെടുന്നു,” വാട്സ്ആപ്പ് പ്രസ്താവനയില് പറഞ്ഞു.
ആഗോള ഡിജിറ്റൽ പ്ലാറ്റ്ഫോമുകൾക്കെതിരെ ഇറാൻ നടപടി സ്വീകരിക്കുന്നത് ഇതാദ്യമല്ല. 2022-ൽ 22 കാരിയായ മഹ്സ അമിനി സദാചാര പോലീസ് കസ്റ്റഡിയിൽ മരിച്ചതിനെത്തുടർന്ന് പൊട്ടിപ്പുറപ്പെട്ട സർക്കാർ വിരുദ്ധ പ്രതിഷേധത്തിനിടെ, ഇറാനിയൻ അധികാരികൾ വാട്ട്സ്ആപ്പ്, ടെലിഗ്രാം, ഇൻസ്റ്റാഗ്രാം, മറ്റ് പ്ലാറ്റ്ഫോമുകൾ എന്നിവയിൽ വ്യാപകമായ നിയന്ത്രണങ്ങൾ ഏർപ്പെടുത്തിയിരുന്നു. 2023 അവസാനത്തോടെ ആക്സസ് ഭാഗികമായി പുനഃസ്ഥാപിച്ചെങ്കിലും, സെൻസർഷിപ്പ് മറികടക്കാൻ നിരവധി ഇറാനികൾ VPN-കളെ ആശ്രയിക്കുന്നത് തുടരുന്നു.
പ്രോ ഇസ്രായേൽ ഹാക്കർ ഗ്രൂപ്പിൽ നിന്നുള്ള സൈബർ ആക്രമണമാണ് നടന്നതെന്ന് മാധ്യമ റിപ്പോർട്ടുകൾ സൂചിപ്പിക്കുന്നു. ഇറാനിലെ ഒരു പ്രധാന ബാങ്കിന്റെ പ്രവർത്തനങ്ങൾ തടസ്സപ്പെടുത്തിയ സൈബർ ആക്രമണത്തിന് പിന്നിൽ തങ്ങളാണെന്ന് ചൊവ്വാഴ്ച ഇസ്രായേൽ അനുകൂല ഹാക്കർ സംഘം അവകാശപ്പെട്ടു. അതേ സമയം, രാജ്യത്തുടനീളമുള്ള പ്രധാന അടിസ്ഥാന സൗകര്യങ്ങൾ ലക്ഷ്യമിട്ട് ഇസ്രായേൽ ഒരു വലിയ സൈബർ ആക്രമണം നടത്തിയതായി ഇറാന്റെ ഔദ്യോഗിക മാധ്യമമായ ഐആർഐബി ന്യൂസ് റിപ്പോർട്ട് ചെയ്തു.
ഇറാന്റെ ഇസ്ലാമിക് റെവല്യൂഷണറി ഗാർഡ് കോർപ്സുമായി ബന്ധമുള്ള ഏജൻസിയുടെ റിപ്പോർട്ട് പ്രകാരം, കഴിഞ്ഞ മൂന്ന് ദിവസത്തിനുള്ളിൽ മാത്രം രാജ്യം 6,700-ലധികം സൈബർ ആക്രമണങ്ങൾ നേരിട്ടു, പ്രത്യേകിച്ച് DDoS ആക്രമണങ്ങൾ. നാശനഷ്ടങ്ങൾ കുറയ്ക്കുന്നതിന്, അധികൃതർ ഇന്റർനെറ്റ് ആക്സസ് താൽക്കാലികമായി നിയന്ത്രിച്ചിരിക്കുകയാണ്.
