ന്യൂയോർക്ക്: മന്ന ചാരിറ്റബിൾ ട്രസ്റ്റിന്റെ നേതൃത്വത്തിൽ പണികഴിപ്പിച്ച ഉമ്മൻചാണ്ടി ഭവനം പ്രൊജക്റ്റിൻ്റെ ആദ്യത്തെ വീടിൻ്റെ താക്കോൽദാന ചടങ്ങ് തിരുവനന്തപുരം ബാലരാമപുരത്ത് വച്ച് നടത്തപ്പെട്ടു. ന്യൂയോർക്കിലെ കുന്നുപറമ്പിൽ ആൻഡ്രൂസ്- ശോശാമ്മ ദമ്പതികളാണ് ആദ്യത്തെ ഭവനം സ്പോൺസർ ചെയ്തത്. ചാണ്ടി ഉമ്മൻ എംഎൽഎയും ഡോ. മരിയ ഉമ്മനുമാണ് ഈ ചാരിറ്റബിൾ ട്രസ്റ്റിന് നേതൃത്വം നൽകുന്നത്. മറിയാമ്മ ഉമ്മൻ, ചാണ്ടി ഉമ്മൻ എന്നിവർ ചടങ്ങിന് നേതൃത്വം നൽകി. ഈ സ്വപ്നം യാഥാർത്ഥ്യമാക്കുവാൻ സഹായിച്ച കുന്നുപറമ്പിൽ ആൻഡ്രൂസ് -ശോശാമ്മ ദമ്പതികൾക്ക് ട്രസ്റ്റിന്റെ പേരിൽ ചാണ്ടി ഉമ്മൻ എംഎൽഎ നന്ദി രേഖപ്പെടുത്തി.
