നേപ്പാളിലെ നിശാക്ലബ്ബിൽ രാഹുൽ ഗാന്ധിക്കൊപ്പം കണ്ട യുവതിയെക്കുറിച്ച് തെലങ്കാന കോൺഗ്രസ് അധ്യക്ഷനും എംപിയുമായ രേവന്ത് റെഡ്ഡി. സോഷ്യൽ മീഡിയയിൽ വൈറലായിക്കൊണ്ടിരിക്കുന്ന റിപ്പോർട്ടുകളെ ന്യായീകരിച്ചുകൊണ്ട്, രാഹുൽ ഗാന്ധിക്കൊപ്പം ക്ലബ്ബിൽ കണ്ട സ്ത്രീ മറ്റാരുമല്ല, ചൈനയുടെ അംബാസഡർ ഹൗ യാങ്ക്വിയാണെന്ന് അദ്ദേഹം സമ്മതിച്ചു. നേപ്പാളിലെ ഒരു നിശാക്ലബ്ബിൽ വച്ചാണ് രാഹുൽ ഗാന്ധി ചൈനീസ് അംബാസഡറുമായി കൂടിക്കാഴ്ച നടത്തിയതെന്ന് പ്രാദേശിക മാധ്യമങ്ങളോട് സംസാരിക്കവെ രേവന്ത് റെഡ്ഡി പറഞ്ഞു.
അടുത്തിടെ കോൺഗ്രസ് മുൻ ദേശീയ അദ്ധ്യക്ഷൻ രാഹുൽ ഗാന്ധി കാഠ്മണ്ഡുവിലെ ഒരു നിശാക്ലബിൽ ഒരു സ്ത്രീക്കൊപ്പം നിൽക്കുന്ന വീഡിയോ സോഷ്യൽ മീഡിയയിൽ വൈറലായിരുന്നു. ബിജെപി നേതാക്കളുടെ അവകാശവാദങ്ങളെക്കുറിച്ച് തെലങ്കാന കോൺഗ്രസ് അദ്ധ്യക്ഷൻ രേവന്ത് റെഡ്ഡിയോട് ഒരു മാധ്യമ പ്രവർത്തകൻ ചോദ്യത്തിന് മറുപടി പറയുകയായിരുന്നു അദ്ദേഹം.
ബിജെപി നേതാക്കൾക്ക് സാമൂഹികവും കുടുംബപരവുമായ മൂല്യങ്ങളെക്കുറിച്ച് ധാരണയില്ലെന്ന് റെഡ്ഡി പ്രതികരിച്ചു. രാഹുൽ ഗാന്ധി മുൻ സിഎൻഎൻ മാധ്യമ പ്രവർത്തകയും സുഹൃത്തുമായ സുമിമ ഉദസിയുടെ വിവാഹത്തിൽ പങ്കെടുക്കാനാണ് നേപ്പാളിലേക്ക് പോയതെന്ന് അദ്ദേഹം സ്ഥിരീകരിച്ചു. സന്ദർശന വേളയിൽ ഒരു അത്താഴ വിരുന്നിലും രാഹുൽ പങ്കെടുത്തിരുന്നു. അവിടെ വെച്ചാണ് ഒരു യുവതിയെ കാണുന്നതും പരിചയപ്പെടുന്നതും. ആ യുവതി മറ്റാരുമായിരുന്നില്ല, ചൈനയുടെ അംബാസഡര്‍ ഹൗ യാങ്ക്വിയായിരുന്നെന്നും രേവന്ത് റെഡ്ഡി പറഞ്ഞു.
“രാഹുൽ ഗാന്ധിയുടെയും ചൈനീസ് അംബാസഡറുടെയും കൂടിക്കാഴ്ചയുടെ വീഡിയോ സോഷ്യൽ മീഡിയ പ്ലാറ്റ്‌ഫോമുകളിൽ വൈറലായി. ഇതെല്ലാം രഹസ്യമായോ അടച്ച വാതിലുകൾക്ക് പിന്നിലോ നടന്നതല്ല. കാഠ്മണ്ഡു നിയന്ത്രിത പ്രദേശമല്ല, ശത്രു രാജ്യവുമല്ല. നേപ്പാളിലേക്ക് കടക്കാൻ പാസ്‌പോർട്ടോ വിസയോ പോലും ആവശ്യമില്ല, ഇത്തരമൊരു സാഹചര്യത്തിലാണ് സുഹൃത്തിന്റെ വിവാഹത്തിൽ പങ്കെടുക്കാൻ പോയ രാഹുൽ ഗാന്ധിയെ കുറിച്ച് അനാവശ്യമായ പ്രശ്‌നം ഉണ്ടാക്കുന്നത്,” ആരോപണത്തെക്കുറിച്ചും ചൈനീസ് അംബാസഡറുമായുള്ള രാഹുൽ ഗാന്ധിയുടെ കൂടിക്കാഴ്ചയെക്കുറിച്ചും രേവന്ത് റെഡ്ഡി പറഞ്ഞു.
ഇത്തരമൊരു സാഹചര്യത്തിൽ രാഹുലിനൊപ്പമുള്ള വീഡിയോയിൽ കാണുന്ന യുവതി ചൈനീസ് അംബാസഡറാണെന്ന് രേവന്ത് റെഡ്ഡി സമ്മതിച്ചത് കോൺഗ്രസ് പാർട്ടിയുടെ പ്രശ്‌നം വർധിപ്പിക്കും. കാരണം, സുഹൃത്തിന്റെ വിവാഹത്തിൽ പങ്കെടുക്കാനാണ് അദ്ദേഹം നേപ്പാളിലേക്ക് പോയതെന്നാണ് കോൺഗ്രസ് അവകാശപ്പെട്ടത്. അതൊരു രാഷ്ട്രീയ പര്യടനം ആയിരുന്നില്ല. മീഡിയ ഗ്രൂപ്പായ ഇന്ത്യാ ടുഡേയും അടുത്തിടെ രാഹുൽ ഗാന്ധിയെ പ്രതിരോധത്തിലാക്കി വസ്തുതാ പരിശോധന നടത്തിയിരുന്നു. വീഡിയോയിൽ കാണുന്ന സ്ത്രീ ചൈനീസ് അംബാസഡറല്ലെന്നും വധുവിന്റെ സുഹൃത്തായ നേപ്പാളിൽ നിന്നുള്ള യുവതിയാണെന്നും അവരുടെ റിപ്പോർട്ടിൽ പറയുന്നു. രാഹുൽ ഗാന്ധി പാർട്ടിക്ക് പോയ കാഠ്മണ്ഡുവിലെ ലോർഡ് ഓഫ് ഡ്രിങ്ക്‌സ് പബ്ബിന്റെ സിഇഒ റാബിൻ ശ്രേഷ്ഠയെ ഉദ്ധരിച്ച് ഇന്ത്യ ടുഡേ, രാഹുലിനൊപ്പം കണ്ട സ്ത്രീ ചൈനീസ് അംബാസഡറല്ലെന്ന് റിപ്പോർട്ട് ചെയ്തു.
മെയ് 3 ചൊവ്വാഴ്ച നേപ്പാളിലെ ഒരു നിശാക്ലബിൽ കോൺഗ്രസ് എംപി രാഹുൽ ഗാന്ധി പാർട്ടി നടത്തുന്ന രണ്ട് വീഡിയോകൾ സോഷ്യൽ മീഡിയയിൽ വൈറലായിരുന്നു. വൈറലായ വീഡിയോയിൽ രാഹുൽ ഒരു സ്ത്രീക്കൊപ്പം ഇരിക്കുന്നതായി കാണാം. നേപ്പാളിലെ ചൈനയുടെ അംബാസഡറായ ഹൗ യാങ്ക്വിയാണ് യുവതിയെന്ന് സോഷ്യൽ മീഡിയ ഉപയോക്താക്കൾ അവകാശപ്പെട്ടു. ഒരു വീഡിയോയിൽ മദ്യക്കുപ്പികൾക്ക് മുന്നിൽ രാഹുൽ ഗാന്ധി ഫോണിലേക്ക് നോക്കുന്നത് കാണാം. അതേ സമയം, രണ്ടാമത്തെ വീഡിയോയിൽ, അദ്ദേഹം ഒരു സ്ത്രീയോടൊപ്പം നിൽക്കുന്നതും എന്തോ പറയുന്നതും കാണാം.
