2014ൽ തെക്കൻ മെക്‌സിക്കോയിൽ 43 വിദ്യാർത്ഥികളെ കാണാതായ സംഭവത്തിൽ മെക്‌സിക്കോയിലെ ഒരു റിട്ടയേർഡ് ജനറലിനെയും മറ്റ് മൂന്ന് സൈനിക ഉദ്യോഗസ്ഥരെയും അറസ്റ്റ് ചെയ്തതായി ഒരു മുതിർന്ന സർക്കാർ ഉദ്യോഗസ്ഥൻ വ്യാഴാഴ്ച റിപ്പോര്‍ട്ട് ചെയ്തു.
2014-ൽ അയോത്സിനാപ ടീച്ചർ ട്രെയിനിംഗ് കോളേജിലെ വിദ്യാർത്ഥികളെ തട്ടിക്കൊണ്ടുപോയ തെക്കുപടിഞ്ഞാറൻ നഗരമായ ഇഗ്വാലയിലെ ആർമി ബേസിന്റെ മുൻ കമാൻഡർ ഉൾപ്പെടെ നാല് സൈനിക ഉദ്യോഗസ്ഥർക്ക് സർക്കാർ അറസ്റ്റ് വാറണ്ട് പുറപ്പെടുവിച്ചതായി മെക്സിക്കോയുടെ സുരക്ഷാ ഡെപ്യൂട്ടി മന്ത്രി റിക്കാർഡോ മെജിയ പറഞ്ഞു.
മെക്സിക്കൻ ആർമിയിലെ അംഗങ്ങൾക്കെതിരെ നാല് അറസ്റ്റ് വാറണ്ടുകൾ പുറപ്പെടുവിച്ചിട്ടുണ്ടെന്ന് അദ്ദേഹത്തെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്തു. 2014 സെപ്റ്റംബറിൽ ഇഗ്വാലയിൽ സംഭവങ്ങൾ നടന്നപ്പോൾ 27-ാം സൈനിക ബറ്റാലിയനിലെ കമാൻഡർ ഉൾപ്പെടെ മൂന്ന് പേർ അറസ്റ്റിലായിട്ടുണ്ട്.
മൊത്തത്തിൽ ഈ കേസിൽ 20 സൈനികർ, 44 പോലീസ് ഉദ്യോഗസ്ഥർ, 14 കാർട്ടൽ അംഗങ്ങൾ എന്നിവരുൾപ്പെടെ 80 ലധികം പ്രതികൾക്കായി അറസ്റ്റ് വാറണ്ട് പുറപ്പെടുവിച്ചതായി പ്രോസിക്യൂട്ടർമാർ പറഞ്ഞു.
കഴിഞ്ഞ മാസം, അന്വേഷണ കമ്മീഷന്‍ വിദ്യാർത്ഥികളുടെ തിരോധാനത്തിന് സൈനിക ഉദ്യോഗസ്ഥരെ കുറ്റപ്പെടുത്തിയിരുന്നു. അത് 2014 ൽ ജനകീയ പ്രതിഷേധത്തിനും അന്നത്തെ പ്രസിഡന്റ് എൻറിക് പെന നീറ്റോയുടെ സർക്കാരിനെതിരെ ശക്തമായ അപലപത്തിനും കാരണമായി.
അടിയന്തര ടെലിഫോൺ കോളുകൾ ഉപയോഗിച്ച് സ്ഥിരീകരിച്ച വിവരങ്ങൾ സൂചിപ്പിക്കുന്നത് കാണാതായ 43 വിദ്യാർത്ഥികളിൽ ആറു പേര്‍ പെരസിന് കൈമാറുന്നതിന് മുമ്പ് നിരവധി ദിവസങ്ങളോളം “അധിക” തടവിലാക്കപ്പെട്ടിരുന്നു” എന്നാണെന്ന് കമ്മീഷനെ നയിച്ച ഇന്റീരിയർ അണ്ടർ സെക്രട്ടറി അലെജാൻഡ്രോ എൻസിനാസ് പറഞ്ഞു.
“സംഭവങ്ങൾക്ക് ശേഷം നാല് ദിവസത്തോളം ആറ് വിദ്യാർത്ഥികൾ ജീവിച്ചിരിപ്പുണ്ടെന്ന് പറയുന്നുണ്ടെങ്കിലും, അന്നത്തെ കേണൽ ജോസ് റോഡ്രിഗസ് പെരസിന്റെ ഉത്തരവനുസരിച്ച് കൊല്ലപ്പെടുകയും കാണാതാവുകയും ചെയ്തു,” അദ്ദേഹം പറഞ്ഞു.
തിരോധാനങ്ങളെ “സംസ്ഥാന കുറ്റകൃത്യം” എന്ന് വിശേഷിപ്പിച്ച റിപ്പോർട്ട്, ഇഗ്വാല പട്ടണത്തിലെ തട്ടിക്കൊണ്ടുപോകലിലൂടെ വിദ്യാർത്ഥികൾ ക്യാമ്പസ് വിട്ട സമയം മുതൽ അധികൃതർ അവരെ സൂക്ഷ്മമായി നിരീക്ഷിച്ചു വരികയായിരുന്നു.
അന്വേഷകർ പറയുന്നതനുസരിച്ച്, വിദ്യാർത്ഥികളെ അഴിമതിക്കാരായ പോലീസ് കസ്റ്റഡിയിലെടുത്ത് മയക്കുമരുന്ന് സംഘത്തിന് കൈമാറി. അവരാകട്ടേ വിദ്യാര്‍ത്ഥികള്‍ എതിരാളി സംഘത്തിലെ അംഗങ്ങളാണെന്ന് തെറ്റിദ്ധരിച്ചു. എന്നാൽ, അവർക്ക് എന്താണ് സംഭവിച്ചതെന്ന തര്‍ക്കവും നിലനില്‍ക്കുന്നുണ്ട്.
43 വിദ്യാർത്ഥികളിൽ ആറ് പേരെ കൊലപ്പെടുത്താൻ പെരസ് ഉത്തരവിട്ടതായി അധികൃതർ അറിയിച്ചു. അവരുടെ അവശിഷ്ടങ്ങൾ ഒരിക്കലും കണ്ടെത്താനായില്ല. എന്നാൽ, കത്തിച്ച അസ്ഥി കഷണങ്ങൾ മൂന്ന് വിദ്യാർത്ഥികളുടേതുമായി പൊരുത്തപ്പെടുകയും ചെയ്തു.
