റഷ്യയിലേക്ക് ആയുധങ്ങൾ കയറ്റുമതി ചെയ്യുന്നു എന്ന അമേരിക്കയുടെ വാദം ഉത്തര കൊറിയ നിഷേധിച്ചു

ഉക്രേനിയൻ സംഘർഷത്തിനിടയിൽ റഷ്യയിലേക്കുള്ള ആയുധ വിൽപ്പനയെക്കുറിച്ചുള്ള യു എസ് ഇന്റലിജൻസ് റിപ്പോർട്ടുകളെ ഉത്തരകൊറിയ നിഷേധിച്ചു. പ്യോങ്‌യാങ്ങിന്റെ പ്രതിച്ഛായയെ “കളങ്കപ്പെടുത്താന്‍” വാഷിംഗ്ടണ്‍ മനഃപ്പൂര്‍‌വ്വം ശ്രമിക്കുകയാണെന്നും ഉത്തര കൊറിയ അപലപിച്ചു.

അമേരിക്ക “അശ്രദ്ധമായ പരാമർശങ്ങൾ” നടത്തുകയാണെന്ന് ഉത്തര കൊറിയന്‍ പ്രതിരോധ ഉദ്യോഗസ്ഥന്‍ വ്യാഴാഴ്ച പുറത്തിറക്കിയ പ്രസ്താവനയിൽ പറയുകയും വാഷിംഗ്ടണിനോട് “വായ് മൂടിക്കെട്ടാന്‍” ആവശ്യപ്പെടുകയും ചെയ്തതായി മാധ്യമങ്ങള്‍ റിപ്പോര്‍ട്ട് ചെയ്തു.

സൈനിക ഉപകരണങ്ങളുടെ ഇറക്കുമതിയും കയറ്റുമതിയും ഒരു പരമാധികാര രാഷ്ട്രത്തിന് മാത്രമുള്ള നിയമപരമായ അവകാശമാണെന്നും, എന്നാൽ പ്യോങ്‌യാങ്ങിനും മോസ്കോയ്ക്കും ഇടയിൽ ആയുധങ്ങൾ കൈമാറ്റം ചെയ്തിട്ടില്ലെന്നും ഉത്തരകൊറിയൻ ഉദ്യോഗസ്ഥൻ ഊന്നിപ്പറഞ്ഞു.

“ഞങ്ങൾ മുമ്പ് റഷ്യയിലേക്ക് ആയുധങ്ങളോ വെടിക്കോപ്പുകളോ കയറ്റുമതി ചെയ്തിട്ടില്ല, അവ കയറ്റുമതി ചെയ്യാൻ ഞങ്ങൾ പദ്ധതിയിടുകയുമില്ല,” പ്രതിരോധ ഉദ്യോഗസ്ഥൻ പറഞ്ഞു.

ഈ മാസം ആദ്യം, റഷ്യ ഉക്രെയ്നിൽ ഉപയോഗിക്കുന്നതിനായി ഉത്തര കൊറിയയിൽ നിന്ന് ദശലക്ഷക്കണക്കിന് റോക്കറ്റുകളും പീരങ്കി ഷെല്ലുകളും വാങ്ങുന്ന പ്രക്രിയയിലാണെന്ന യുഎസ് രഹസ്യാന്വേഷണ വിലയിരുത്തൽ ബൈഡൻ ഭരണകൂടം സ്ഥിരീകരിച്ചു.

യുഎസ് തെളിവുകൾ നൽകണമെന്ന് ആവശ്യപ്പെട്ട് മോസ്കോ പിന്നീട് യുഎസ് അവകാശവാദത്തെ വ്യാജമാണെന്ന് വിശേഷിപ്പിച്ചു.

റഷ്യയിലേക്ക് ആയുധ കയറ്റുമതി ചെയ്യുന്നതിനോ ആയുധങ്ങൾ ഇറക്കുമതി ചെയ്യുന്നതിനോ രാജ്യത്തെ വിലക്കുന്ന ഐക്യരാഷ്ട്രസഭയുടെ പ്രമേയത്തെ ലംഘിക്കും. എന്നാല്‍, “നിയമവിരുദ്ധമായ” യുഎൻ ഉപരോധങ്ങളെ പ്യോങ്‌യാങ് ഒരിക്കലും അംഗീകരിച്ചിട്ടില്ലെന്ന് ഉദ്യോഗസ്ഥന്‍ പറഞ്ഞു.

സമഗ്രവും ക്രിയാത്മകവുമായ ഉഭയകക്ഷി ബന്ധം വിപുലീകരിക്കുന്നതായി ഇരുപക്ഷവും അവകാശപ്പെടുമ്പോൾ റഷ്യയുമായുള്ള ബന്ധം കൂടുതൽ ശക്തമാക്കാൻ ഉത്തരകൊറിയ ശ്രമിക്കുന്നു. കഴിഞ്ഞ മാസം, റഷ്യൻ പ്രസിഡന്റ് വ്‌ളാഡിമിർ പുടിൻ ഉത്തര കൊറിയയുടെ ഭരണാധികാരി കിം ജോങ്-ഉന്നിനെ ജാപ്പനീസ് ഭരണത്തിൽ നിന്നുള്ള മോചനത്തിന്റെ വാർഷികത്തോടനുബന്ധിച്ച് ഒരു കത്തിൽ അഭിസംബോധന ചെയ്തിരുന്നു. അതേസമയം ബന്ധങ്ങൾ ഇരു രാജ്യങ്ങളുടെയും താൽപ്പര്യങ്ങൾക്കനുസൃതമായിരിക്കുമെന്ന് പറഞ്ഞു.

രണ്ടാം ലോകമഹായുദ്ധത്തിൽ ജപ്പാനെതിരായ വിജയത്തോടെ റഷ്യൻ-ഉത്തരകൊറിയൻ സൗഹൃദം ഉടലെടുത്തതായി കിം പുടിന് കത്തയച്ചു.

മുൻ സോവിയറ്റ് റിപ്പബ്ലിക്കിൽ റഷ്യ സൈനിക ആക്രമണം ആരംഭിച്ച് മാസങ്ങൾക്ക് ശേഷം, ഉക്രെയ്നിന്റെ രണ്ട് കിഴക്കൻ വേർപിരിയൽ പ്രദേശങ്ങളായ സ്വയം പ്രഖ്യാപിത ഡൊനെറ്റ്സ്ക്, ലുഹാൻസ്ക് പീപ്പിൾസ് റിപ്പബ്ലിക്കുകൾ (എൽപിആർ) സ്വതന്ത്ര രാജ്യങ്ങളായി ഉത്തര കൊറിയ ഔദ്യോഗികമായി അംഗീകരിച്ചതിന് ശേഷമാണ് കത്തുകൾ അയച്ചത്.

Print Friendly, PDF & Email

Please like our Facebook Page https://www.facebook.com/MalayalamDailyNews for all daily updated news

Leave a Comment

Related News