അറ്റ്ലാന്റ (ജോര്ജിയ): പുന്റാകാനായിൽ വെച്ചു നടത്തിയ ഫോമായുടെ എട്ടാമത്തെ അന്താ രാഷ്ട്ര കൺവെൻഷനിൽ, അറ്റ്ലാന്റയില് നിന്നുളള കവയത്രി യും എഴുത്തുകാരിയുമായ അമ്മു സക്കറിയായെ “വിമെൻസ് എംപവർമെന്റ്”അവാർഡ് നൽകി ആദരിച്ചു. വർഷങ്ങളായി തന്റെ തൂലിക തുമ്പിലൂടെ ലേഖനങ്ങൾ, കവിതകൾ, കഥകൾ എന്നിവ രചിക്കുന്ന ഒരതുലൃ പ്രതിഭയാണ് അമ്മു സക്കറിയ. അവർക്ക് ഈ അംഗീകാരം വളരെയധികം അർഹതപ്പെട്ടതാണെന്ന് റീജിയന്റെ വൈസ് പ്രസിഡന്റ് ഡൊമനിക് ചാക്കോനാൽ പ്രസ്താവിച്ചു. അമ്മു സക്കറിയയുടെ അഭാവത്തിൽ പുത്രനും ഫോമാ നാഷൺൽ കമ്മറ്റി അംഗവുമായ കാജൽ സക്കറിയ അവാർഡ് സ്വീകരിച്ചു.
