തിരുവനന്തപുരം: തലസ്ഥാന നഗരത്തിലെ ഒരു സർക്കാർ സ്കൂൾ തുറക്കുന്ന ദിവസമായ തിങ്കളാഴ്ച നടത്തിയ പരിപാടിയില്, പോക്സോ കേസിൽ പ്രതിയായ വ്ലോഗറെ മുഖ്യാതിഥിയാക്കിയതിനെതിരെ സോഷ്യൽ മീഡിയയിൽ വന് പ്രതിഷേധം.
തിങ്കളാഴ്ച ഫോർട്ട് ഹൈസ്കൂളിൽ വ്ലോഗർ മുകേഷ് എം നായരാണ് മുഖ്യാതിഥിയായി എത്തിയ്ത്. പതിനഞ്ച് വയസ്സുള്ള ഒരു പെൺകുട്ടിയുടെ മാതാപിതാക്കൾ മുകേഷിനെതിരെ രംഗത്തെത്തിയതിനെത്തുടർന്ന് കോവളം പോലീസിന്റെ പരിധിയിൽ വരുന്ന ഒരു കേസിൽ മുകേഷ് ഇപ്പോൾ കുടുങ്ങിയിരിക്കുകയാണ്.
പതിനഞ്ചുകാരിയെ അർദ്ധനഗ്നയാക്കി വീഡിയോ ചിത്രീകരിച്ചുവെന്നും പ്രതി കുട്ടിയുടെ ശരീരത്തിൽ അനുചിതമായി കൈകൾ ഓടിച്ചുവെന്നും പരാതിയിൽ പറയുന്നു. കേസിൽ മുകേഷ് എം. നായർക്ക് അടുത്തിടെ പോക്സോ കോടതി സോപാധിക ജാമ്യം അനുവദിച്ചിരുന്നു.
തിങ്കളാഴ്ച, സ്കൂളിൽ നിന്ന് എസ്എസ്എൽസി പരീക്ഷയിൽ ഉയർന്ന മാർക്ക് നേടിയ വിദ്യാർത്ഥികൾക്ക് സമ്മാനങ്ങൾ നൽകാൻ അതേ പ്രതി മുകേഷിനെ നിയോഗിച്ചതാണ് പ്രതിഷേധത്തിന് വഴിവെച്ചത്. പോക്സോ കേസുകളിൽ ഉൾപ്പെട്ട അദ്ധ്യാപകരെ പിരിച്ചുവിടാൻ പൊതുവിദ്യാഭ്യാസ വകുപ്പ് കർശന നടപടികൾ സ്വീകരിക്കുന്ന സമയത്താണ് ഫോർട്ട് സ്കൂൾ അധികൃതർ പോക്സോ കേസിലെ പ്രതിയെ സ്കൂള് തുറക്കുന്ന ദിവസം മുഖ്യാതിഥിയായി ക്ഷണിച്ചത് വിചിത്രമായ തീരുമാനമാണെന്നാണ് പൊതുവെ സംസാരം. സംഭവത്തിൽ വലിയ പ്രതിഷേധം തുടരുകയാണ്.
