ഹൂസ്റ്റണ്: മഹാപരിശുദ്ധനായ യെല്ദോ മോര് ബസ്സേലിയോസ് ബാവയുടെ നാമത്തില് സ്ഥാപിതമായ ഹൂസ്റ്റണ് സെന്റ് ബേസില്സ് സുറിയാനി പള്ളിയുടെ പ്രധാന തിരുനാള് 2025 ഒക്ടോബര് 4, 5 (ശനി, ഞായര്) തീയതികളില് പൂര്വ്വാധികം ഭംഗിയായി കൊണ്ടാടുന്നു. പുതിയ ദേവാലയത്തിന്റെ കൂദാശയ്ക്ക് ശേഷം വരുന്ന ആദ്യ പെരുന്നാളാണിത്.
പരിശുദ്ധ അന്ത്യോഖ്യാ സിംഹാസനത്തില് നിന്നും മലങ്കരയിലെ സത്യവിശ്വാസം സംരക്ഷിക്കുന്നതിനു വേണ്ടി എഡി 1685-ല് വാര്ദ്ധക്യത്തിന്റെ ക്ഷീണം കണക്കാക്കാതെ തന്റെ മക്കളെ തേടി എഴുന്നള്ളി അനേക നാളത്തെ യാത്രകൊണ്ട്, അതിഭയങ്കരമായിരുന്ന ഹൈറേഞ്ചിലെ ഘോരവനങ്ങളിലൂടെ കാട്ടുമൃഗങ്ങളില് നിന്ന് അത്ഭുതകരമായി രക്ഷപ്പെട്ട്, കാല്നടയായി ആ വന്ദ്യ വയോധികനായ പുണ്യപിതാവ് കോതമംഗലത്ത് എത്തിച്ചേര്ന്നു. 13-ാം ദിവസം (കന്നി 19) ഉച്ചതിരിഞ്ഞ് മൂന്നു മണിക്ക് ഈ ലോകത്ത് നിന്ന് യാത്രപറഞ്ഞ് കര്ത്തൃസന്നിധിയിലേക്ക് വാങ്ങിപ്പോയി. കോതമംഗലത്ത് മോര് തോമാശ്ലീഹായുടെ നാമത്തിലുള്ള പരിശുദ്ധ ദേവാലയത്തില് കബറടങ്ങി.
ഈ വര്ഷത്തെ പെരുന്നാളിന്റെ പ്രധാന കാര്മ്മികന് നോര്ത്തമേരിക്കന് മലങ്കര അതിഭദ്രാസന മെത്രാപ്പോലീത്ത ആര്ച്ച്ബിഷപ് അഭിവന്ദ്യ യെല്ദോ മോര് തീത്തോസ് തിരുമേനിയാണ്. 4-ാം തീയതി ശനിയാഴ്ച സന്ധ്യാപ്രാര്ത്ഥനയും വചനശുശ്രൂഷയും തുടര്ന്ന് തമുക്ക് നേര്ച്ചയും ഉണ്ടായിരിക്കുന്നതാണ്. 5-ാം തീയതി ഞായറാഴ്ച രാവിലെ 8 മണിക്ക് പ്രഭാതപ്രാര്ത്ഥനയും തുടര്ന്ന് അഭിവന്ദ്യ തിരുമേനിയുടെ പ്രധാന കാര്മ്മികത്വത്തില് വിശുദ്ധ കുര്ബാനയും നടത്തപ്പെടുന്നു. കുര്ബാനയോടനുബന്ധിച്ച് പരിശുദ്ധ യെല്ദോ മോര് ബസ്സേലിയോസ് ബാവായുടെ നാമത്തില് മദ്ധ്യസ്ഥ പ്രാര്ത്ഥനയും ഉണ്ടായിരിക്കുന്നതാണ്. വിശുദ്ധ കുര്ബാനാനന്തരം പ്രദക്ഷിണം, പാച്ചോര് നേര്ച്ച, സ്നേഹവിരുന്ന് എന്നിവയോടുകൂടി ഈ വര്ഷത്തെ പെരുന്നാള് സമാപിക്കുന്നതാണ്.
ഈ പെരുന്നാളില് നേര്ച്ചകാഴ്ചകളോടെ വന്ന് സംബന്ധിക്കുവാന് വികാരി റവ.ഫാ. ബിജോ മാത്യു കര്ത്തൃനാമത്തില് ഏവരേയും ക്ഷണിക്കുന്നു.
കൂടുതല് വിവരങ്ങള്ക്ക്: റവ.ഫാ. ബിജോ മാത്യു 404-702-8284, സെക്രട്ടറി സിമി ജോസഫ് 973-870-1720, ട്രഷറര് തോമസ് വര്ക്കി 979-329-1446 എന്നിവരുമായി ബന്ധപ്പെടാവുന്നതാണ്.
