Author: ജീമോൻ റാന്നി

ന്യൂയോർക്ക്: അനന്തമായ സാധ്യതകളും വെല്ലുവിളികളും ഉള്ള ഈ കാലഘട്ടത്തിൽ സഭകൾ തമ്മിലുള്ള കൂട്ടായ്മകൾ മനുഷ്യനെയും പ്രപഞ്ചത്തെയും ആവാസവ്യവസ്ഥയെയും ഐക്യപ്പെടുത്തുന്നതിനുള്ള ചാലകശക്തിയാകണമെന്നും പ്രകൃതിയെ അതിന്റെ സന്തുലിതാവസ്ഥയിൽ നിലനിർത്താനായി സഭകൾ കൈക്കൊള്ളുന്ന പരിശ്രമങ്ങൾക്ക് ഈ കൂടിവരവ് പ്രചോദനമായി തീരണമെന്നു മലങ്കര കത്തോലിക്ക അമേരിക്ക കാനഡ രൂപതാദ്ധ്യക്ഷൻ ഡോ. ഫിലിപ്പോസ് മാർ സ്തെഫനോസ് മെത്രാപ്പോലീത്ത ആഹ്വാനം ചെയ്‌തു. മെയ് 2-നു ഞായറാഴ്ച വൈകുന്നേരം 5.00-നു ന്യൂയോർക് ക്യുൻസ് വില്ലേജിലുള്ള സെന്റ് ജോൺസ് മാർത്തോമാ പള്ളിയിൽ വെച്ച് നടന്ന സെന്റ് തോമസ് എക്യൂമെനിക്കൽ ഫെഡറേഷൻ ഓഫ് നോർത്ത് അമേരിക്കയുടെ 2022-ലെ പ്രവർത്തനോദ് ഘാടനം നിർവഹിച്ചുകൊണ്ടു സംസാരിക്കുകയായിരുന്നു അദ്ദേഹം പ്രസിഡന്റ് റവ. ഷാലു ടി. മാത്യു അദ്ധ്യക്ഷത വഹിച്ച യോഗം ക്ലർജി വൈസ് പ്രസിഡന്റ് ഫാ. ജോൺ തോമസിൻറെ പ്രാത്ഥനയോടെ ആരംഭിച്ചു. അൽമായ വൈസ് പ്രസിഡന്റ് കളത്തിൽ വർഗീസ് സ്വാഗതം ആശംസിച്ചു. എപ്പിസ്കോപ്പൽ സഭയുടെ…

ഡാളസ്: അനന്തപുരിയിൽ ഏപ്രിൽ 27 മുതൽ മൂന്ന് ദിവസം നീണ്ടു നിന്ന ഹിന്ദു മഹാസമ്മേളനത്തിൽ പ്രവാസികളായ നഴ്സുമാരെയും ആ ജോലിയുടെ മഹത്വത്തേയും അപമാനിച്ച് ഖത്തറിലെ മലയാള മിഷൻ കോർഡിനേറ്റർ ദുർഗാ ദാസ് നടത്തിയ, മണിക്കൂറുകൾക്കകം സോഷ്യൽ മീഡിയയിൽ വൈറലായി മാറിയ പരാമർശം അങ്ങേയറ്റം ഹീനവും, പ്രതിഷേധാർഹവും, അപലപനീയവും ആണെന്ന് പ്രവാസി മലയാളി ഫെഡറേഷൻ ഗ്ലോബൽ പ്രസിഡണ്ട് എം പി സലീം, ഗ്ലോബൽ ചെയർമാൻ ഡോ. ജോസ് കാനാട്ട്, ഗ്ലോബൽ ജനറൽ സെക്രട്ടറി വര്‍ഗീസ് ജോൺ, ഗ്ലോബൽ ട്രഷറർ സ്റ്റീഫൻ കോട്ടയം എന്നിവർ പത്രക്കുറിപ്പിൽ അറിയിച്ചു. മതപരിവർത്തനത്തെകുറിച്ചും, നഴ്സുമാരുടെ റിക്രൂട്ടിംഗ് സംബന്ധിച്ചും ഏതു സാഹചര്യത്തിലാണ് അദ്ദേഹം പ്രസ്താവന നടത്തുവാൻ തയാറായതെന്ന് കണ്ടെത്തേണ്ടിയിരിക്കുന്നു. മാത്രമല്ല, അദ്ദേഹം നടത്തിയ പരാമർശത്തിന്റെ ആധികാരികത തെളിയിക്കാൻ അദ്ദേഹം ബാധ്യസ്ഥനുനമാണെന്ന് പ്രസ്താവനയിൽ ചൂണ്ടിക്കാട്ടി. ഇതൊരു പ്രവാസി വിഷയം ആയതിനാലും, പ്രവാസി സംഘടനയുടെ പ്രവർത്തകർ എന്ന നിലയിലും…

മെക്സിക്കോയിലെ കൻകൂണിൽ വെച്ച് 2022  സെപ്റ്റംബറിൽ നടക്കുന്ന ഫോമയുടെ ഏഴാമത്  രാജ്യാന്തര കുടുബ സംഗമത്തിന്റെ ഭാഗമായി, ഫോമാ സാംസ്കാരിക വിഭാഗം സംഘടിപ്പിക്കുന്ന യുവജനോത്സവത്തിന്റെ ഒരുക്കങ്ങൾ പൂർത്തിയായി. പതിനാല് വിഭാഗങ്ങളിലായാണ് മത്സരങ്ങൾ സംഘടിപ്പിക്കുന്നത്. യുവ പ്രതിഭകളെ സാമൂഹ്യ -സാംസ്കാരിക പരിവർത്തന മേഖലയിൽ കൂടുതൽ സജീവമാക്കാനും, ഫോമയുടെ നേത്യത്വ നിരയിലേക്ക് ഉയർത്തിക്കൊണ്ടുവരാനും, സന്നദ്ധ പ്രവർത്തനങ്ങളിൽ കൂടുതൽ പങ്കാളികളാക്കാനും ഉദ്ദേശിച്ചാണ് യുവജനോത്സവങ്ങൾ സംഘടിപ്പിക്കുന്നത്. ഫോമയുടെ പന്ത്രണ്ട് മേഖലകളിൽ നിന്നുള്ള മത്സരാർത്ഥികളാണ് യുവജനോത്സവത്തിൽ പ്രതിഭ തെളിയിക്കാൻ തയ്യാറെടുക്കുന്നത്. മേഖലാ  മത്സരങ്ങളിൽ വിജയികളാകുന്നവർ  അവസാന വട്ട മത്സരത്തിനായി മെക്സിക്കോയിലെ കൻകൂണിൽ നടക്കുന്ന ഫോമാ രാജ്യന്തര കുടുബ സംഗമ വേദിയിൽ പങ്കെടുക്കും. യുവജനോത്സവ പ്രതിഭകളുടെ പകർന്നാട്ടം ഫോമാ രാജ്യാന്തര സംഗമത്തിന്റെ ആഘോഷങ്ങൾക്ക് മാറ്റു കൂട്ടും. മത്സരാർത്ഥികളിൽ നിന്ന് കലാ പ്രതിഭ,കലാ തിലകം, നവാഗത പ്രതിഭ എന്നിവരെ തെരഞ്ഞെടുക്കും. മേഖലാ മത്സരങ്ങളിൽ പങ്കെടുക്കാൻ ആഗ്രഹിക്കുന്നവർ  ഫോമാ റീജിയണൽ…

വാഷിംഗ്ടണ്‍: ഒരു സ്ത്രീയുടെ ഗർഭധാരണം അവസാനിപ്പിക്കാനുള്ള ദീർഘകാല വിധി റദ്ദാക്കാൻ സുപ്രീം കോടതി തയ്യാറാണെന്ന് ചോർന്ന കരട് വെളിപ്പെടുത്തിയതിന് പിന്നാലെ, ഗർഭച്ഛിദ്രത്തിനുള്ള “മൗലിക” അവകാശം സംരക്ഷിക്കാൻ യുഎസ് പ്രസിഡന്റ് ജോ ബൈഡൻ ചൊവ്വാഴ്ച അമേരിക്കൻ വോട്ടർമാരോട് ആഹ്വാനം ചെയ്തു. യാഥാസ്ഥിതിക ഭൂരിപക്ഷത്തിന്റെ തീരുമാനം തിങ്കളാഴ്ച വൈകിയാണ് വാഷിംഗ്ടണിൽ അലയടിച്ചത്. ചരിത്രപരമായ ഒരു വഴിത്തിരിവിന് വേദിയൊരുക്കിയ ഈ വിഷയം നവംബറിലെ ഇടക്കാല തിരഞ്ഞെടുപ്പിൽ ആധിപത്യം സ്ഥാപിക്കും. ഈ നിർദ്ദേശം നിയമമായി മാറുകയാണെങ്കിൽ, അത് ഗർഭച്ഛിദ്ര അവകാശങ്ങൾക്കുള്ള ഭരണഘടനാപരമായ സംരക്ഷണത്തിന്റെ അര നൂറ്റാണ്ടിനെ കീറിമുറിക്കും. നടപടിക്രമങ്ങൾ നിയന്ത്രിക്കാൻ ഇതിനകം തന്നെ കഠിനമായി ശ്രമിക്കുന്ന റിപ്പബ്ലിക്കൻ നിയന്ത്രിത സംസ്ഥാനങ്ങൾക്ക് സ്വതന്ത്ര നിയന്ത്രണം നൽകും. ഗർഭച്ഛിദ്രാവകാശങ്ങൾക്കുള്ള പിന്തുണയിൽ ഡെമോക്രാറ്റുകൾ ഒന്നിച്ചുനിൽക്കുകയും, 1973-ലെ നാഴികക്കല്ലായ റോ – വെയ്ഡ് തീരുമാനത്തെ (Roe v. Wade decision) പ്രതിരോധിക്കാൻ തൽക്ഷണം അണിനിരക്കുകയും ചെയ്തു. പ്രതിരോധിക്കാൻ തൽക്ഷണം…

വാഷിംഗ്ടൺ: അഭിപ്രായസ്വാതന്ത്ര്യത്തിന്മേലുള്ള നിയന്ത്രണങ്ങൾ പാക്കിസ്താന്റെ പ്രതിച്ഛായയ്ക്കും അഭിവൃദ്ധി പ്രാപിക്കാനുള്ള കഴിവിനും ദോഷം ചെയ്യുമെന്ന് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കെൻ മുന്നറിയിപ്പ് നൽകിയതായി റിപ്പോർട്ട്. പാക്കിസ്താനിലെ മാധ്യമ സ്ഥാപനങ്ങൾക്കും സിവിൽ സമൂഹത്തിനും ഏർപ്പെടുത്തിയിരിക്കുന്ന നിയന്ത്രണങ്ങളെക്കുറിച്ച് യുഎസ് സർക്കാരിന് അറിയാമായിരുന്നുവെന്നും, ലോക പത്രസ്വാതന്ത്ര്യ ദിനത്തിൽ യുഎസ് സ്റ്റേറ്റ് ഡിപ്പാർട്ട്‌മെന്റിൽ നടത്തിയ പത്രസമ്മേളനത്തിൽ തന്റെ പാക്കിസ്താന്‍ കൗൺസിലറുമായി വിഷയം ഉന്നയിച്ചതായും ബ്ലിങ്കെൻ പറഞ്ഞു. മാധ്യമ പ്രവർത്തകർക്ക് ലോകത്തിലെ ഏറ്റവും അപകടകരമായ രാജ്യങ്ങളിലൊന്നായ പാക്കിസ്താന്റെ പദവിയെക്കുറിച്ചുള്ള ഒരു പാക് മാധ്യമ പ്രവർത്തകന്റെ ചോദ്യത്തിന് മറുപടി പറയുകയായിരുന്നു അദ്ദേഹം. കുറ്റകൃത്യങ്ങളും അഴിമതിയും തുറന്നുകാട്ടുന്നതിനും സർക്കാർ നയങ്ങളെ വിമർശിച്ചതിനും കഴിഞ്ഞ വർഷം നിരവധി പാക് മാധ്യമപ്രവർത്തകരെ തട്ടിക്കൊണ്ടുപോകുകയും പീഡിപ്പിക്കുകയും ചെയ്തു. പാക്കിസ്താന്‍ ഉദ്യോഗസ്ഥരുമായുള്ള ഉഭയകക്ഷി സംഭാഷണങ്ങളിൽ സ്റ്റേറ്റ് ഡിപ്പാർട്ട്‌മെന്റ് എപ്പോഴെങ്കിലും ഇക്കാര്യം ഉന്നയിച്ചിട്ടുണ്ടോ എന്ന പത്രപ്രവർത്തകന്റെ ചോദ്യത്തിന് “ഉണ്ട്” എന്നായിരുന്നു ബ്ലിങ്കന്റെ ഉത്ത്രം. “പാക്കിസ്താനുമായുള്ള…

ന്യൂജേഴ്‌സി: 2022 ജൂലൈ 7 മുതൽ 10 വരെ ഒർലാണ്ടോയിലെ ഹിൽട്ടൺ ഡബിൾ ട്രീ ഹോട്ടലിൽ നടക്കുന്ന ഫൊക്കാന ഗ്ലോബൽ ഡിസ്‌നി കൺവെൻഷനോടനുബന്ധിച്ച് നടത്തുന്ന മലയാളി മങ്ക ബ്യുട്ടി പേജന്റ് മത്സരത്തിനുള്ള ഒരുക്കങ്ങൾ ആരംഭിച്ചു. ഫൊക്കാന കൺവെൻഷനുകളിലെ പ്രധാന ആകർഷങ്ങളിൽ ഒന്നായ മലയാളി മങ്ക എന്ന സ്ത്രീകൾക്കുള്ള ഈ സൗന്ദര്യ മത്സരം ഫൊക്കാന വിമൻസ് ഫോറമാണ് നടത്തി വരുന്നത്. ഫൊക്കാന വിമൻസ് ഫോറം ചെയർപേഴ്സൺ ഡോ. കല ഷഹി, സെക്രെട്ടറി അബ്ജ അരുൺ, ഡോ. ബ്രിജിത്ത് ജോർജ് (ചിക്കാഗോ)- മലയാളി മങ്ക ബ്യൂട്ടി പേജന്റ് ചെയർപേഴ്സൺ, ഫൊക്കാന ന്യൂ ഇംഗ്ലണ്ട് (ബോസ്റ്റൺ) റീജിയൺ വൈസ് പ്രസിഡണ്ട് രേവതി പിള്ള – കോർഡിനേറ്റർ, ഉഷ ചാക്കോ(ന്യൂയോർക്ക്) കോ-ചെയർ എന്നിവർ നേതൃത്വം നൽകുന്ന കമ്മിറ്റിയാണ് മലയാളി മങ്ക മത്സരത്തിനുള്ള ഒരുക്കങ്ങൾ നടത്തി വരുന്നത്. 25 വയസ്സും അതിനു മുകളിലും പ്രായമുള്ള…

ഇസ്ലാമിന്റെ സുന്ദരമായ ദർശനത്തെയും ജീവിത വ്യവസ്ഥയെയും ലോകത്താകമാനമുള്ള മനുഷ്യരിലേക്ക് പരിശുദ്ധ പ്രവാചകനിലൂടെ അല്ലാഹു ഇറക്കിയത് ലോകത്തിന് അനുഗ്രഹമായിട്ടാണ്. ആ അർത്ഥത്തിൽ ഇസ്ലാമിക ആദർശത്തിന്റ ഭാഗമായ വിശ്വാസികൾക്ക് പ്രത്യകിച്ച് പണ്ഡിതന്മാർക്ക് വലിയ ഉത്തരവാദിത്തമുണ്ട്. വാക്കിലും പ്രവർത്തിയിലും എളിമയും മാതൃകയും ഉണ്ടാവണം. ലീഗിന്റെ രാഷ്ട്രീയ നേതാവ്, ജനപ്രതിനിധി എന്നതിനപ്പുറം സമദാനിയുടെ പ്രഭാഷണങ്ങൾ വിശ്വാസികൾ ഉൾപ്പെടെയുള്ള കേരളീയ സമൂഹം ശ്രവിച്ചിട്ടുണ്ട്. മഹാകവി ഇഖ്ബാലിന്റെ പ്രവാചക ഇഷ്ഖുകൾ, രാജ്യ സ്നേഹ കവിതകൾ എല്ലാം നാം സമദാനിയുടെ നാവിലൂടെ കേട്ടിരുന്നു പോവും..ചിലപ്പോഴെല്ലാം കണ്ണുകൾ സജലങ്ങളാവും സദസ്സിലുള്ളവരുടെ. പ്രവാചകന്റെ അദ്ധ്യാപനങ്ങൾ, പ്രവാചകന്റെ ജീവിതം പ്രബോധനം ചെയ്യുന്ന, പ്രഭാഷണങ്ങൾ, ഖുതുബകൾ നിർവഹിക്കുന്ന പണ്ഡിതന്മാരുടെ ദൗത്യം സമൂഹത്തിലോ സമുദായത്തിലോ ഭിന്നിപ്പ് ഉണ്ടാക്കലോ വ്യക്തിഹത്യ നടത്തലോ അല്ല, മറിച്ച് മാതൃക തീർക്കണം തങ്ങളുടെ വാക്കുകൾ കൊണ്ടും ജീവിതം കൊണ്ടും. ആ അർത്ഥത്തിൽ സമദാനിയെ നമുക്ക് ഇഷ്ടമാണ്. ഇവിടെ മുസ്ലിം പണ്ഡിതൻ…

അലബാമ: അലബാമ ലോഡര്‍ ഡെയ്ല്‍ കൗണ്ടി ഡിറ്റന്‍ഷന്‍ സെന്ററില്‍ നിന്നു കാണാതായ അസി. ഡയറക്ടര്‍ ഓഫ് കറക്ഷന്‍സ് വിക്കി വൈറ്റിനെ കണ്ടെത്തുന്നതിനു പൊലിസ് അറസ്റ്റ് വാറന്റ് പുറപ്പെടുവിച്ചു. കണ്ടെത്താന്‍ സഹായിക്കുന്നവര്‍ക്ക് 10,000 ഡോളര്‍ പ്രതിഫലവും വാഗ്ദാനം ചെയ്തു. ഡിറ്റന്‍ഷന്‍ സെന്ററില്‍ നിന്നു കൊലക്കേസില്‍ പ്രതിചേര്‍ക്കപ്പെട്ട ക്രിമിനല്‍ കേയ്‌സി വൈറ്റിനെ കോടതിയിലേക്കെന്നു പറഞ്ഞു പെട്രോള്‍ കാറില്‍ കയറ്റികൊണ്ടുപോയത് നിലവിലുള്ള പോളസിക്ക് എതിരാണെന്നും ഇത്തരം ക്രിമിനല്‍ സ്വഭാവമുള്ളവരെ കോടതിയിലേക്കു കൊണ്ടുപോകുമ്പോള്‍ രണ്ടു പേര്‍ കൂടെ ഉണ്ടാകണമെന്നും കൗണ്ടി ഷെറിഫ് ഓഫിസ് അറിയിച്ചു. മാത്രമല്ല കോടതിയില്‍ കെയ്‌സിനെ ഹാജരാക്കുന്നതിനും മെന്റല്‍ ഇവാലുവേഷനുമാണെന്നു വിക്കി വൈറ്റ് പറഞ്ഞതു കള്ളമായിരുന്നുവെന്നു കണ്ടെത്തിയതാണ് ഇവര്‍ക്കെതിരെ അറസ്റ്റ് വാറന്റ് പുറപ്പെടുവിക്കുന്നതിനുള്ള കാരണങ്ങളിലൊന്നായും മനപൂര്‍വ്വം ജയിലില്‍ നിന്നും പ്രതിയെ രക്ഷപ്പെടുത്തിയതു മറ്റൊന്നായുമാണ് ഇവര്‍ക്കെതിരെ അറസ്റ്റ് വാറന്റിനുള്ള കാരണങ്ങള്‍. വിശദ അന്വേഷണത്തില്‍ ഡിറ്റന്‍ഷന്‍ ഓഫിസര്‍ പ്രതി കേയ്‌സ് വൈറ്റുമായി പ്രത്യേക…

ഒഹായോ: ഒഹായോ യുഎസ് സെനറ്റ് സീറ്റിലേക്കു ട്രംപിന്റെ പിന്തുണയോടെ റിപ്പബ്ലിക്കന്‍ പ്രൈമറിയില്‍ മത്സരിച്ച ജെ. ഡി. വാന്‍സിന് (37) വന്‍ വിജയം. മേയ് 3 ചൊവ്വാഴ്ച നടന്ന റിപ്പബ്ലിക്കന്‍ പ്രൈമറിയില്‍ ശക്തരായ സ്ഥാനാര്‍ഥികള്‍ വാന്‍സിന്റെ മുമ്പില്‍ പരാജയം സമ്മതിച്ചു.റിപ്പബ്ലിക്കന്‍ പാര്‍ട്ടിയില്‍ ട്രംപിന്റെ സ്വാധീനത്തിന് ഒരു ഉലച്ചിലും തട്ടിയിട്ടില്ലെന്നതാണ് ഒഹായോ തിരഞ്ഞെടുപ്പ് ഫലം ചൂണ്ടിക്കാണിക്കുന്നത്. ആരംഭത്തില്‍ ട്രംപിന്റെ വിമര്‍ശകനായിരുന്ന വാന്‍സ് പിന്നീട് ട്രംപിനെ അനുകൂലിക്കുകയായിരുന്നു. കഴിഞ്ഞ മാസമാണു ട്രംപ് വാന്‍സിനെ ഒഹായൊ സെനറ്റ് സീറ്റിലേക്ക് എന്‍ഡോഴ്‌സ് ചെയ്തത്. വാന്‍സിനെ മാര്‍ജോറി ടെയ്‌ലര്‍ ഗ്രീനം പിന്തുണ പ്രഖ്യാപിച്ചിരുന്നു.അതേ സമയം ഒഹായോ ഡമോക്രാറ്റ് പ്രൈമറിയില്‍ റ്റിം റയല്‍ ത്രികോണ മത്സരത്തില്‍ ഒഹായോ സെനറ്റ് സീറ്റിലേക്കു മത്സരിക്കുന്നതിനുള്ള യോഗ്യത നേടി.പൊതുതിരഞ്ഞെടുപ്പില്‍ (മിഡ്ടേം) റിപ്പബ്ലിക്കന്‍ സ്ഥാനാര്‍ഥി ജെ. ഡി. വാന്‍സും റ്റിം റയനുമായിരിക്കും ഏറ്റുമുട്ടുക. ഇന്ത്യന്‍ അമേരിക്കന്‍ ഉഷ ചിലകുറിയാണു ജെ.ഡി. വാന്‍സിന്റെ ഭാര്യ.

തിരുവനന്തപുരം: ജനകീയ പ്രതിരോധ സമിതി സംഘടിപ്പിക്കുന്ന സില്‍‌വര്‍ ലൈന്‍ ബദൽ സംവാദത്തിന് തുടക്കമായി. മുതിർന്ന പത്രപ്രവർത്തകൻ എം.ജി.രാധാകൃഷ്ണനാണ് മോഡറേറ്റർ. അലോക് വർമ, ആർവിജി മേനോൻ, ശ്രീധർ രാധാകൃഷ്ണൻ, ജോസഫ് സി മാത്യു എന്നിവർ പദ്ധതിയെ എതിർത്തവരുടെ ഭാഗത്തുനിന്ന് സംസാരിക്കും. അനുകൂലിക്കുന്നവരുടെ നിരയിൽ കുഞ്ചെറിയ പി. ഐസക്, എസ്.എൻ രഘുചന്ദ്രൻ നായർ എന്നിവർ മാത്രമാണുള്ളത്. അതേസമയം കെ-റെയിൽ എം.ഡി വി. അജിത് കുമാർ സംവാദത്തിൽ നിന്നും വിട്ടുനിൽക്കുകയാണ്. സെമിനാർ നിഷ്‌പക്ഷമായിരിക്കുമെന്ന് തെളിയിക്കാൻ സംഘാടകർക്ക് കഴിയാത്തതിനാലാണ് സംവാദത്തിൽ പങ്കെടുക്കാത്തതെന്നാണ് കെ-റെയിലിന്‍റെ വിശദീകരണം. മുതിർന്ന മാധ്യമ പ്രവർത്തകൻ എം.ജി രാധാകൃഷ്‌ണൻ സംവാദം മോഡറേറ്റ് ചെയ്യുന്നതിലൂടെ നിഷ്‌പക്ഷത ഉറപ്പിക്കാമെന്ന് ചൂണ്ടിക്കാട്ടിയാണ് വീണ്ടും ക്ഷണിച്ചിരുന്നത്. എന്നാൽ കെ-റെയിൽ ഇതിന് അനുകൂലമായി ഇതുവരെ പ്രതികരിച്ചിട്ടില്ല. ഈ സാഹചര്യത്തില്‍ കെ-റെയിലിന്‍റെ വിശദീകരണം സംവാദത്തില്‍ അവതരിപ്പിച്ചേക്കും.