തിരുവനന്തപുരം: സിൽവർ ലൈൻ സർവേയ്ക്കെതിരെ പ്രതിഷേധിച്ച സമരക്കാരെ മര്ദ്ദനമുറകളിലൂടെ നേരിട്ട പോലീസിനെതിരെ രൂക്ഷ വിമര്ശനവുമായി കെപിസിസി പ്രസിഡന്റ് കെ സുധാകരൻ രംഗത്ത്. സമരക്കാരെ അടിച്ചമര്ത്താന് ശ്രമിക്കുന്ന പോലീസിനെ ജനങ്ങൾ തെരുവില് നേരിടുമെന്നും അദ്ദേഹം പറഞ്ഞു. കഴക്കൂട്ടം കരിച്ചാറയിലാണ് കെ റെയിൽ പ്രതിഷേധക്കാരെ പോലീസ് ബൂട്ടിട്ട് ചവിട്ടി വീഴ്ത്തിയത്. കെ റെയില് സര്വേക്കല്ല് ഇടുന്നതിന്റെ മറവില് പോലീസ് നടത്തുന്ന നരനായാട്ട് അവസാനിപ്പിക്കണമെന്ന് അദ്ദേഹം ആവശ്യപ്പെട്ടു. കായികമായി നേരിടുന്ന പോലീസുകാരെ ജനം തെരുവില് കൈകാര്യം ചെയ്യുമെന്ന് കെ സുധാകരന് മുന്നറിയിപ്പ് നല്കി. ഒരു ഇടവേളക്ക് ശേഷം വീണ്ടും കെ റെയില് കല്ലിടലുമായി തിരുവനന്തപുരം കരിച്ചാറ കോളനിയിലെത്തിയ ഉദ്യോഗസ്ഥരുടെ സുരക്ഷയുടെ പേരില് പോലീസ് അഴിഞ്ഞാടുകയാണ്. ജനാധിപത്യ രീതിയില് പ്രതിഷേധിച്ച കോണ്ഗ്രസ് പ്രവര്ത്തകരുടെ അടിനാഭിക്ക് പോലീസ് ബൂട്ടിട്ട് തൊഴിച്ച് താഴെയിടുന്ന കാഴ്ച പ്രതിഷേധാര്ഹമാണ്. കോട്ടയം മാടപ്പള്ളിയില് സ്ത്രീകള്ക്കും കുട്ടികള്ക്കുമെതിരെ പോലീസ് നടത്തിയ തേര്വാഴ്ച…
കെ റെയ്ല്: സമരക്കാരെ മര്ദ്ദിച്ച പോലീസിനെതിരെ കെ സുധാകരന്
