Author: .

കഴക്കൂട്ടം: സ്വകാര്യ പണമിടപാട് സ്ഥാപനത്തിൽ വ്യാജ തിരിച്ചറിയൽ കാർഡ് നൽകി മുക്കുപണ്ടം പണയം വെച്ച് വായ്പ തരപ്പെടുത്തിയ കേസിൽ ദമ്പതികൾ അറസ്റ്റിൽ. കാട്ടാക്കട നരുവാമൂട് സ്വദേശി ജോമോൾ (21), ഭർത്താവ് കഴക്കൂട്ടം കുളത്തൂർ ചിത്തിര നഗറിൽ പുതുവൽ മണക്കാട് വീട്ടിൽ അഖിൽ (22) എന്നിവരാണ് അറസ്റ്റിലായത്. കഴിഞ്ഞ ചൊവ്വാഴ്ചയാണ് സംഭവം. കഠിനം‌കുളത്ത് സ്വകാര്യ മണി എക്‌സ്‌ചേഞ്ച് സ്ഥാപനത്തിൽ എത്തിയ ഇവർ ഒന്നര ലക്ഷം രൂപയ്ക്ക് അഞ്ച് വളകൾ പണയം വച്ചു. ബാങ്ക് ജീവനക്കാരൻ 70,000 രൂപ നൽകി ബാക്കി തുക അടുത്ത ദിവസം നൽകാമെന്ന് പറഞ്ഞു. ബുധനാഴ്ച രാവിലെ ബാങ്ക് ഉടമ വളകൾ മറ്റൊരു ബാങ്കിൽ പണയംവയ്ക്കാൻ എത്തിയപ്പോഴാണ് വളകൾ മുക്കുപണ്ടമാണെന്ന് തിരിച്ചറിഞ്ഞത്. തുടർന്ന് കഠിനംകുളം പോലീസിൽ പരാതി നൽകി. തട്ടിപ്പിന്റെ മുഖ്യ സൂത്രധാരൻ കഠിനംകുളം മരിയനാട് അജന്ത ഹൗസിൽ അജീവ് അഡ്രൂസ് ഒളിവിലാണെന്ന് കഠിനംകുളം പോലീസ്…

കൊച്ചി: മുഖ്യമന്ത്രിയുടെ പ്രൈവറ്റ് സെക്രട്ടറി കെകെ രാഗേഷിന്റെ ഭാര്യ പ്രിയ വർഗീസിന് കണ്ണൂർ സർവകലാശാലയിലെ മലയാളം അസോസിയേറ്റ് പ്രൊഫസർ തസ്തികയിലേക്കുള്ള റാങ്ക് ലിസ്റ്റിൽ ഉൾപ്പെട്ടതിന് യഥാർത്ഥ അദ്ധ്യാപന പരിചയമില്ലെന്ന് ഹൈക്കോടതി. പ്രിയയുടെ യോഗ്യതാപത്രം പുനഃപരിശോധിക്കാനും റാങ്ക് ലിസ്റ്റിൽ പേര് വേണമോയെന്ന് തീരുമാനിക്കാനും സർവകലാശാലയുടെ സൂക്ഷ്മപരിശോധനാ സമിതിയോട് കോടതി നിർദേശിച്ചു. “ഞാൻ റിട്ട് പെറ്റീഷൻ അനുവദിക്കുകയും പ്രിയ വർഗീസിന്റെ യോഗ്യതാപത്രങ്ങൾ പുനഃപരിശോധിക്കാനും റാങ്ക് ലിസ്റ്റിൽ തുടരണമോ എന്ന് തീരുമാനിക്കാനും സർവകലാശാലയുടെ യോഗ്യതയുള്ള അതോറിറ്റിക്ക് നിർദേശം നൽകുന്നു. അത്തരത്തിലുള്ള അന്വേഷണം പൂർത്തിയാക്കി റാങ്ക് ലിസ്റ്റ് വേണ്ടത്ര പരിഷ്‌കരിച്ച ശേഷം നിയമനത്തിനുള്ള തുടർനടപടികൾ മുന്നോട്ടുകൊണ്ടുപോകാം,” ജസ്റ്റിസ് ദേവൻ രാമചന്ദ്രൻ പറഞ്ഞു. പ്രിയയെ ഒഴിവാക്കി റാങ്ക് ലിസ്റ്റ് പുനഃക്രമീകരിക്കണമെന്ന് ആവശ്യപ്പെട്ട് രണ്ടാം റാങ്കുകാരൻ ചങ്ങനാശേരി എസ്ബി കോളജിലെ ജോസഫ് സ്കറിയ സമർപ്പിച്ച ഹർജി പരിഗണിക്കവെയാണ് കോടതി ഉത്തരവ്. യുജിസി റെഗുലേഷനിൽ വ്യക്തമാക്കിയിട്ടുള്ള അദ്ധ്യാപന…

ഹൂസ്റ്റൺ: കേരളത്തിലെ സഭകളുടെ ഐക്യ വേദിയായ കേരളാ കൗൺസിൽ ഓഫ് ചർച്ചസ് ജനറൽ സെക്രട്ടറി ഡോ.പ്രകാശ് പി.തോമസ് അമേരിക്കയിൽ സന്ദർശനത്തിനെത്തി. മലങ്കര ഓർത്തോഡോക്സ് സുറിയാനി സഭ, യാക്കോബായ സുറിയാനി സഭ, മലങ്കര മാർത്തോമ്മാ സുറിയാനി സഭ, ചർച്ച് ഓഫ് സൗത്ത് ഇന്ത്യ, ക്നാനായ സഭ, കൽദായ സുറിയാനി സഭ, മലബാർ സ്വതന്ത്ര സുറിയാനി സഭ, ബിലീവേഴ്സ് ഈസ്റ്റേൺ സഭ, സൽവേഷൻ ആർമി മുതലായ 16 സഭകളുടെയും വൈ. എം. സി. എ, വൈ. ഡബ്ലു. സി. എ, ബൈബിൾ സൊസൈറ്റി തുടങ്ങി 21 ക്രൈസ്തവ സംഘടനകളുടെയും ഐക്യ വേദിയാണ് കേരളാ കൗൺസിൽ ഓഫ് ചർച്ചസ്. 1940 മുതൽ കേരളത്തിൽ സജീവമായി പ്രവർത്തിക്കുന്ന കെ. സി. സി.യുടെ സോണുകൾ അമേരിക്കയിൽ രൂപീകരിക്കുന്നതിനും കെ. സി. സി.യുടെ പ്രവർത്തനങ്ങൾ അംഗ സഭകളിലെ ജനങ്ങളിൽ എത്തിക്കുന്നതിനും ആണ് ഈ സന്ദർശനം. കെ.…

ഡാലസ്: ഇന്ത്യാ പ്രസ് ക്ലബ് ഓഫ് നോർത്ത് ടെക്സാസ് സംഘടിപ്പിച്ച മാധ്യമ സെമിനാർ വിജ്ഞാനപ്രദമായി. നവംബർ 12 ശനിയാഴ്ച രാവിലെ 9 മണിക്ക് സൂം വഴിയായി സംഘടിപ്പിച്ച സെമിനാറിൽ ഇന്ത്യ പ്രസ് ക്ലബ് ഓഫ് നോർത്ത് അമേരിക്കാ മുൻ പ്രസിഡന്റും ആഴ്ചവട്ടം ചീഫ് എഡിറ്ററുമായ ഡോക്ടർ ജോർജ് കാക്കനാട്. “അമേരിക്കൻ മലയാളി രണ്ടാം തലമുറയുടെ സാംസ്കാരിക വ്യതിയാനം” എന്ന ആനുകാലിക വിഷയത്തെ ആസ്പദമാക്കി പ്രബന്ധം അവതരിപ്പിച്ചു. അമേരിക്കൻ മലയാളികളുടെ രണ്ടാം തലമുറ മാനസീക പിരിമുറുക്കവും സമ്മർദങ്ങളും ഉൾപ്പെടെയുള്ള പ്രത്യേക സാഹചര്യത്തിൽ വളർന്നുവരുമ്പോൾ ഇവിടെ നിലനിൽക്കുന്ന അമേരിക്കൻ സംസ്കാരവും മലയാളികളുടെ തനതായ സംസ്കാരവും സമന്വയിപ്പിച്ചു ശരിയായ നേതൃത്വം നൽകുന്നതിൽ തിരക്കു പിടിച്ച ജീവിത ചര്യകൾക്കിടയിൽ മുതിർന്ന തലമുറ പരാജയപെട്ടു എന്നത് നിരാശാജനകമാണെണ് കാക്കനാട് അഭിപ്രായപ്പെട്ടു. ഇതിൽ നിന്നും അവരെ കൈപിടിച്ചുയർത്തി ശരിയായ സംസ്കാര പന്ഥാവിലൂടെ ആനയിക്കുവാൻ നമ്മുക്ക് കഴിയണമെന്നും…

ഹൂസ്റ്റൺ: കിടങ്ങന്നൂർ പുത്തൻപറമ്പിൽ പി.വി. ചെറിയാൻ ( രാജൻ – 71) നിര്യാതനായി. ഭാര്യ സോഫി ചെറിയാൻ പത്തനംതിട്ട കാവുമ്പാട്ടു കുടുംബാംഗമാണ്. മക്കൾ: ജിനു പി. ചെറിയാൻ, ടിനു പി. ചെറിയാൻ (ഇരുവരും ഹൂസ്റ്റൺ). മരുമക്കൾ: ലിന്റ ചെറിയാൻ, സ്വപ്‍ന ചെറിയാൻ. കൊച്ചുമക്കൾ : ഏഷെൽ, ഏബെൽ, ഇവാ, ലിയാം. സഹോദരങ്ങൾ: ടോണി.കെ വർഗീസ്, അച്ചാമ്മ തോമസ്, ജോഷ് പി. കുര്യൻ ( എല്ലാവരും ഹൂസ്റ്റൺ) പൊതുദർശനം: നവംബർ 20 ഞായറാഴ്ച വൈകീട്ട് 4.30 മുതൽ 8 വരെ ട്രിനിറ്റി മാർത്തോമാ ദേവാലയത്തിൽ (5810, Almeda Genoa Rd, Houston, TX 77048). സംസ്കാര ശുശ്രൂഷകൾ: നവംബർ 21 ന് തിങ്കളാഴ്ച രാവിലെ 9.30 മുതൽ 12 വരെ ട്രിനിറ്റി മാർത്തോമാ ദേവാലയത്തിൽ. ശുശ്രൂഷകൾക്ക് ശേഷം 12.30-ന് സൗത്ത് പാർക്ക് ഫ്യൂണറൽ ഹോം സെമിത്തേരിയിൽ (1310, N…

തിരുവനന്തപുരം: പതിനഞ്ചാം കേരള നിയമസഭയുടെ ഏഴാം സമ്മേളനം ഡിസംബർ 5 മുതൽ വിളിക്കാൻ ഗവർണർ ആരിഫ് മുഹമ്മദ് ഖാനോട് ശുപാർശ ചെയ്യാൻ മന്ത്രിസഭാ യോഗം തീരുമാനിച്ചു. സംസ്ഥാനത്തെ 14 സർവകലാശാലകളുടെയും ചാൻസലർ സ്ഥാനത്ത് നിന്ന് ഗവർണറെ നീക്കണമെന്ന് ആവശ്യപ്പെട്ട് സംസ്ഥാന മന്ത്രിസഭ ഓർഡിനൻസ് ഗവര്‍ണ്ണറുടെ പരിഗണനയ്ക്ക് അയച്ചിരുന്നുവെങ്കിലും അദ്ദേഹം ഇതുവരെ തീരുമാനമെടുത്തിട്ടില്ല. കൂടാതെ, ഓർഡിനൻസ് തന്നെ സംബന്ധിച്ചുള്ളതിനാൽ, അത് രാഷ്ട്രപതിക്ക് അയയ്ക്കാൻ സാധ്യതയുണ്ടെന്ന് ഗവർണർ ഇതിനകം സൂചന നൽകിയിട്ടുണ്ട്. അദ്ദേഹത്തെ സർവ്വകലാശാലകളുടെ ചാൻസലർ സ്ഥാനത്തുനിന്നും മാറ്റാനുള്ള ഓർഡിനൻസിൽ ഗവർണർ ഒപ്പിടാൻ സാധ്യതയില്ലെന്ന് ഇപ്പോൾ ഏറെക്കുറെ വ്യക്തമാകുമ്പോൾ, ഇടതുപക്ഷ ജനാധിപത്യ മുന്നണി സർക്കാർ ബില്ലായി അത് നേടിയെടുക്കാനുള്ള ബദൽ മാർഗമാണ് ഇപ്പോൾ ശ്രമിക്കുന്നത്. നിയമസഭാ സമ്മേളനം വിളിക്കാനുള്ള ഗവർണറുടെ അനുമതി സർക്കാരിന് ലഭിച്ചാൽ ഓർഡിനൻസ് ഫലത്തിൽ അർത്ഥശൂന്യമാകും. ഓർഡിനൻസിലെന്നപോലെ, സംസ്ഥാനത്തെ എല്ലാ സർവ്വകലാശാലകളുടെയും എക്‌സ് ഒഫീഷ്യോ ചാൻസലർ സംസ്ഥാനത്തിന്റെ…

തിരുവനന്തപുരം: മ്യൂസിയം മൃഗശാല വകുപ്പ് നവംബർ 19 മുതൽ 25 വരെ ലോക പൈതൃക വാരം ആചരിക്കും. സംസ്‌കാരത്തെയും പാരമ്പര്യത്തെയും കുറിച്ച് അവബോധം സൃഷ്‌ടിക്കുക എന്ന ലക്ഷ്യത്തോടെയുള്ള വാരം ഡിപ്പാർട്ട്‌മെന്റിന്റെ ആഭിമുഖ്യത്തിൽ വിദ്യാർത്ഥികൾക്കായി സെമിനാറുകൾ, ക്വിസ്, കളമെഴുത്ത്, പാട്ടുകളുടെ പ്രദർശനം എന്നിവയുൾപ്പെടെ നിരവധി പരിപാടികളോടെ ആചരിക്കും. ശനിയാഴ്ച മ്യൂസിയം ഓഡിറ്റോറിയത്തിൽ ‘തിരുവനന്തപുരത്തെ പൈതൃക ഘടനകൾ’ എന്ന വിഷയത്തിൽ എസ്.ഉമാ മഹേശ്വരി സംസാരിക്കും. നവംബർ 22-ന് ‘കേരള ക്ഷേത്രങ്ങൾ: ലാളിത്യത്തിന്റെയും സങ്കീർണ്ണതയുടെയും ഏകീകരണം’ എന്ന വിഷയത്തിൽ നടക്കുന്ന സെമിനാറിന് കേരള സർവകലാശാല ആർക്കിയോളജി വിഭാഗം മേധാവി പ്രീത നായർ നേതൃത്വം നൽകും. അടുത്ത ദിവസം ഹയർസെക്കൻഡറി, കോളജ് വിദ്യാർഥികൾക്കായി ക്വിസ് മത്സരം നടത്തും. നവംബർ 24-ന് കളമെഴുത്തും പാട്ടും കീഴില്ലം ഉണ്ണികൃഷ്ണൻ അവതരിപ്പിക്കും. തെക്കൻ തിരുവിതാംകൂറിലെ പൊൻമന ക്ഷേത്രത്തിന്റെ ഉടമസ്ഥതയിലുള്ളതും നേപ്പിയർ മ്യൂസിയത്തിൽ സൂക്ഷിച്ചിരിക്കുന്നതുമായ റാഫ്റ്റർ ഷൂകളുടെ പ്രദർശനം…

പത്തനാപുരം: വ്യവസായി എം.എ യൂസഫലി ഗാന്ധിഭവനിലെ അമ്മമാർക്ക് നിര്‍മ്മിച്ചു നല്‍കിയ ‘സ്നേഹവീട്’ ഉദ്ഘാടനം ചെയ്തു. സ്വന്തം സമ്പാദ്യത്തില്‍ നിന്ന് അശരണരായ അമ്മമാർക്ക് സ്‌നേഹത്തിന്റെ വീടൊരുക്കി നല്‍കിയ യൂസഫലി ലോകത്തിന് തന്നെ വീണ്ടും മാതൃകയായി. പതിനഞ്ച് കോടിയിലധികം രൂപ ചെലവിട്ട് ഗാന്ധിഭവനിലെ അമ്മമാർക്കായി നിർമിച്ച ബഹുനില മന്ദിരം ഇതോടെ അമ്മമാര്‍ക്ക് സ്വന്തമായി. ഗാന്ധിഭവനില്‍ നടന്ന ലളിതമായ ചടങ്ങിൽ ഗാന്ധിഭവൻ സെക്രട്ടറി പുനലൂർ സോമരാജന്റെ സാന്നിധ്യത്തിൽ എം എ യൂസഫലി ശിലാഫലകം അനാച്ഛാദനം ചെയ്തു. തുടർന്ന് ഗാന്ധിഭവനിലെ അന്തേവാസികളായ അമ്മമാരായ അമ്മിണി, ഹൗസത്ത് ബീവി, പൊന്നമ്മ എന്നിവർ ചേര്‍ന്ന് നാട മുറിച്ച് ഉദ്ഘാടന കര്‍മ്മം നിര്‍‌വ്വഹിച്ചു. അവര്‍ക്കൊപ്പം യൂസഫലിയും ഗാന്ധിഭവനിൽ പ്രവേശിച്ചു. വീൽ ചെയറിലിരുന്നിരുന്ന അമ്മമാരായ മാലതിയെയും ബേബി സുജാതയെയും യൂസഫലിയും പുനലൂർ സോമരാജനും ചേർന്ന് സമീപത്തെ മുറിയിലേക്ക് കൊണ്ടുപോയതോടെ ഗൃഹപ്രവേശന ചടങ്ങുകൾ പൂർത്തിയായി. എല്ലാ നല്ല കാര്യങ്ങളും ഹൃദയത്തിൽ…