Author: ജീമോൻ റാന്നി

ഹൂസ്റ്റൺ: കിടങ്ങന്നൂർ പുത്തൻപറമ്പിൽ പി.വി. ചെറിയാൻ ( രാജൻ – 71) നിര്യാതനായി. ഭാര്യ സോഫി ചെറിയാൻ പത്തനംതിട്ട കാവുമ്പാട്ടു കുടുംബാംഗമാണ്. മക്കൾ: ജിനു പി. ചെറിയാൻ, ടിനു പി. ചെറിയാൻ (ഇരുവരും ഹൂസ്റ്റൺ). മരുമക്കൾ: ലിന്റ ചെറിയാൻ, സ്വപ്‍ന ചെറിയാൻ. കൊച്ചുമക്കൾ : ഏഷെൽ, ഏബെൽ, ഇവാ, ലിയാം. സഹോദരങ്ങൾ: ടോണി.കെ വർഗീസ്, അച്ചാമ്മ തോമസ്, ജോഷ് പി. കുര്യൻ ( എല്ലാവരും ഹൂസ്റ്റൺ) പൊതുദർശനം: നവംബർ 20 ഞായറാഴ്ച വൈകീട്ട് 4.30 മുതൽ 8 വരെ ട്രിനിറ്റി മാർത്തോമാ ദേവാലയത്തിൽ (5810, Almeda Genoa Rd, Houston, TX 77048). സംസ്കാര ശുശ്രൂഷകൾ: നവംബർ 21 ന് തിങ്കളാഴ്ച രാവിലെ 9.30 മുതൽ 12 വരെ ട്രിനിറ്റി മാർത്തോമാ ദേവാലയത്തിൽ. ശുശ്രൂഷകൾക്ക് ശേഷം 12.30-ന് സൗത്ത് പാർക്ക് ഫ്യൂണറൽ ഹോം സെമിത്തേരിയിൽ (1310, N…

തിരുവനന്തപുരം: പതിനഞ്ചാം കേരള നിയമസഭയുടെ ഏഴാം സമ്മേളനം ഡിസംബർ 5 മുതൽ വിളിക്കാൻ ഗവർണർ ആരിഫ് മുഹമ്മദ് ഖാനോട് ശുപാർശ ചെയ്യാൻ മന്ത്രിസഭാ യോഗം തീരുമാനിച്ചു. സംസ്ഥാനത്തെ 14 സർവകലാശാലകളുടെയും ചാൻസലർ സ്ഥാനത്ത് നിന്ന് ഗവർണറെ നീക്കണമെന്ന് ആവശ്യപ്പെട്ട് സംസ്ഥാന മന്ത്രിസഭ ഓർഡിനൻസ് ഗവര്‍ണ്ണറുടെ പരിഗണനയ്ക്ക് അയച്ചിരുന്നുവെങ്കിലും അദ്ദേഹം ഇതുവരെ തീരുമാനമെടുത്തിട്ടില്ല. കൂടാതെ, ഓർഡിനൻസ് തന്നെ സംബന്ധിച്ചുള്ളതിനാൽ, അത് രാഷ്ട്രപതിക്ക് അയയ്ക്കാൻ സാധ്യതയുണ്ടെന്ന് ഗവർണർ ഇതിനകം സൂചന നൽകിയിട്ടുണ്ട്. അദ്ദേഹത്തെ സർവ്വകലാശാലകളുടെ ചാൻസലർ സ്ഥാനത്തുനിന്നും മാറ്റാനുള്ള ഓർഡിനൻസിൽ ഗവർണർ ഒപ്പിടാൻ സാധ്യതയില്ലെന്ന് ഇപ്പോൾ ഏറെക്കുറെ വ്യക്തമാകുമ്പോൾ, ഇടതുപക്ഷ ജനാധിപത്യ മുന്നണി സർക്കാർ ബില്ലായി അത് നേടിയെടുക്കാനുള്ള ബദൽ മാർഗമാണ് ഇപ്പോൾ ശ്രമിക്കുന്നത്. നിയമസഭാ സമ്മേളനം വിളിക്കാനുള്ള ഗവർണറുടെ അനുമതി സർക്കാരിന് ലഭിച്ചാൽ ഓർഡിനൻസ് ഫലത്തിൽ അർത്ഥശൂന്യമാകും. ഓർഡിനൻസിലെന്നപോലെ, സംസ്ഥാനത്തെ എല്ലാ സർവ്വകലാശാലകളുടെയും എക്‌സ് ഒഫീഷ്യോ ചാൻസലർ സംസ്ഥാനത്തിന്റെ…

തിരുവനന്തപുരം: മ്യൂസിയം മൃഗശാല വകുപ്പ് നവംബർ 19 മുതൽ 25 വരെ ലോക പൈതൃക വാരം ആചരിക്കും. സംസ്‌കാരത്തെയും പാരമ്പര്യത്തെയും കുറിച്ച് അവബോധം സൃഷ്‌ടിക്കുക എന്ന ലക്ഷ്യത്തോടെയുള്ള വാരം ഡിപ്പാർട്ട്‌മെന്റിന്റെ ആഭിമുഖ്യത്തിൽ വിദ്യാർത്ഥികൾക്കായി സെമിനാറുകൾ, ക്വിസ്, കളമെഴുത്ത്, പാട്ടുകളുടെ പ്രദർശനം എന്നിവയുൾപ്പെടെ നിരവധി പരിപാടികളോടെ ആചരിക്കും. ശനിയാഴ്ച മ്യൂസിയം ഓഡിറ്റോറിയത്തിൽ ‘തിരുവനന്തപുരത്തെ പൈതൃക ഘടനകൾ’ എന്ന വിഷയത്തിൽ എസ്.ഉമാ മഹേശ്വരി സംസാരിക്കും. നവംബർ 22-ന് ‘കേരള ക്ഷേത്രങ്ങൾ: ലാളിത്യത്തിന്റെയും സങ്കീർണ്ണതയുടെയും ഏകീകരണം’ എന്ന വിഷയത്തിൽ നടക്കുന്ന സെമിനാറിന് കേരള സർവകലാശാല ആർക്കിയോളജി വിഭാഗം മേധാവി പ്രീത നായർ നേതൃത്വം നൽകും. അടുത്ത ദിവസം ഹയർസെക്കൻഡറി, കോളജ് വിദ്യാർഥികൾക്കായി ക്വിസ് മത്സരം നടത്തും. നവംബർ 24-ന് കളമെഴുത്തും പാട്ടും കീഴില്ലം ഉണ്ണികൃഷ്ണൻ അവതരിപ്പിക്കും. തെക്കൻ തിരുവിതാംകൂറിലെ പൊൻമന ക്ഷേത്രത്തിന്റെ ഉടമസ്ഥതയിലുള്ളതും നേപ്പിയർ മ്യൂസിയത്തിൽ സൂക്ഷിച്ചിരിക്കുന്നതുമായ റാഫ്റ്റർ ഷൂകളുടെ പ്രദർശനം…

പത്തനാപുരം: വ്യവസായി എം.എ യൂസഫലി ഗാന്ധിഭവനിലെ അമ്മമാർക്ക് നിര്‍മ്മിച്ചു നല്‍കിയ ‘സ്നേഹവീട്’ ഉദ്ഘാടനം ചെയ്തു. സ്വന്തം സമ്പാദ്യത്തില്‍ നിന്ന് അശരണരായ അമ്മമാർക്ക് സ്‌നേഹത്തിന്റെ വീടൊരുക്കി നല്‍കിയ യൂസഫലി ലോകത്തിന് തന്നെ വീണ്ടും മാതൃകയായി. പതിനഞ്ച് കോടിയിലധികം രൂപ ചെലവിട്ട് ഗാന്ധിഭവനിലെ അമ്മമാർക്കായി നിർമിച്ച ബഹുനില മന്ദിരം ഇതോടെ അമ്മമാര്‍ക്ക് സ്വന്തമായി. ഗാന്ധിഭവനില്‍ നടന്ന ലളിതമായ ചടങ്ങിൽ ഗാന്ധിഭവൻ സെക്രട്ടറി പുനലൂർ സോമരാജന്റെ സാന്നിധ്യത്തിൽ എം എ യൂസഫലി ശിലാഫലകം അനാച്ഛാദനം ചെയ്തു. തുടർന്ന് ഗാന്ധിഭവനിലെ അന്തേവാസികളായ അമ്മമാരായ അമ്മിണി, ഹൗസത്ത് ബീവി, പൊന്നമ്മ എന്നിവർ ചേര്‍ന്ന് നാട മുറിച്ച് ഉദ്ഘാടന കര്‍മ്മം നിര്‍‌വ്വഹിച്ചു. അവര്‍ക്കൊപ്പം യൂസഫലിയും ഗാന്ധിഭവനിൽ പ്രവേശിച്ചു. വീൽ ചെയറിലിരുന്നിരുന്ന അമ്മമാരായ മാലതിയെയും ബേബി സുജാതയെയും യൂസഫലിയും പുനലൂർ സോമരാജനും ചേർന്ന് സമീപത്തെ മുറിയിലേക്ക് കൊണ്ടുപോയതോടെ ഗൃഹപ്രവേശന ചടങ്ങുകൾ പൂർത്തിയായി. എല്ലാ നല്ല കാര്യങ്ങളും ഹൃദയത്തിൽ…

ലീലാ മാരേട്ട്, ജോസഫ് കുരിയാപുറം, അലക്സ് തോമസ് എന്നിവർ ചേർന്ന് ഫൊക്കാനയുടെ 2020 ലെ തെരെഞ്ഞെടുപ്പിൽ വിജയിതരായ ജോർജി വർഗീസ്- സജിമോൻ ആന്റണി- സണ്ണി മറ്റമന ടീമിനെതിരായി ന്യൂ യോർക്ക് ക്യുൻസ് കൗണ്ടി സുപ്രീം കോടതിയിൽ നൽകിയ കേസ് നിരുപാധികം തള്ളിക്കൊണ്ട് ഇന്നലെ (Nov. 16) കോടതി ഉത്തരവിട്ടു. ശ്രീമതി ലീലാ മാരേട്ട് കേസിൽ നിന്നും നേരത്തെ തന്നെ പിന്മാറിയിരുന്നു. ഡോ. മാമ്മൻ സി ജേക്കബ്, ബെൻ പോൾ, ഫിലിപ്പോസ് ഫിലിപ്പ്, കുരിയൻ പ്രാക്കാനം, ജോർജി വർഗീസ്, ഫെഡറേഷൻ ഓഫ് കേരള അസോസിയേഷൻസ് ഇൻ നോർത്ത് അമേരിക്ക എന്നിവരെ പ്രതി ചേർത്താണ് കേസ് കൊടുത്തിരുന്നത്. തെരഞ്ഞെടുപ്പ് അസാധുവാക്കുന്നതിനു ഉപോൽബദമായ തെളിവുകൾ ഹാജരാകുവാൻ വാദി ഭാഗത്തിന് സാധ്യമായില്ല എന്നു കോടതി നിരീക്ഷിച്ചു. അവരുടെ വാദങ്ങൾ കോടതി നിരുപാധികം തള്ളിക്കളഞ്ഞു. ഇതായിരുന്നു കാനയുമായുള്ള തൽപ്പര കക്ഷികളുടെ മെയിൻ കേസ് .…

ന്യൂയോർക്ക്/തൃശ്ശൂർ: തൃശ്ശൂർ പഴഞ്ഞി പുലിക്കോട്ടിൽ പി സി ജെയിംസ് മാസ്റ്ററുടെ ഭാര്യ ലില്ലി പി ഐ (ലില്ലി ജെയിംസ് 74) തൃശൂർ പഴഞ്ഞിയിൽ നിര്യാതയായി. പഴഞ്ഞി ഇമ്മാനുവേൽ മാർത്തോമ ചർച്ച് അംഗമാണ്. നിരവധി തവണ ന്യൂയോർക്കിൽ സന്ദർശനം നടത്തിയിട്ടുള്ള ഇവർക്ക് വലിയൊരു സുഹൃത്ബന്ധം ആണ് ഇവിടെയുള്ളത്. മക്കൾ: ജിൻസി ബിജോയ് – ബിജോയ് തോലത്ത്, ചെറിഷ് ജെയിംസ് – നിസ ചെറീഷ് (ന്യൂയോർക്ക് ) സംസ്കാരം പഴഞ്ഞി ഇമ്മാനുവേൽ മാർത്തോമ ചർച്ചിൽ നവംബർ 20 ഞായറാഴ്ച 3 മണിക്ക്. കൂടുതൽ വിവരങ്ങൾക്ക് ചെറിഷ് ജയിംസ്, ന്യൂയോർക്ക് 646 683 0489.

മെസ്കീറ്റ് (ഡാളസ് ): വെസ്റ്റ് കല്ലട കേതാകപള്ളിൽ പരേതരായ ഉണ്ണുണ്ണി കൊച്ചു വർഗീസിനെയും സാറാമ്മ വർഗീസിന്റെയും മകൻ ബാബു വർഗീസ് മെസ്കീറ്റില്‍ (ഡാളസ് )നിര്യാതനായി. ഭാര്യ ഷെർലി വർഗീസ് പുല്ലംപള്ളിൽ കടമ്പനാട് കുടുംബാംഗമാണ്. മക്കൾ: ഷീന രാജു – ഷിജു രാജു, ഷാൻ വർഗീസ് -ബെൻസി, രജനീഷ് വർഗീസ് 1993ൽ ഡാളസിൽ എത്തിയ ബാബു വർഗീസ് സാമൂഹ്യ സാംസ്കാരിക രംഗത്തെ സജീവ അംഗമായിരുന്നു. സെൻറ് തോമസ് മലങ്കര ഓർത്തഡോക്സ് ചർച്ച് ഷൈലോ റോഡ് അംഗമാണ്. പൊതുദർശനം: നവംബർ 19 ശനിയാഴ്ച രാവിലെ 11 മുതൽ. സ്ഥലം: സെൻറ് തോമസ് മലങ്കര ഓർത്തഡോക്സ് ചർച്ച് ഷൈല റോഡ്, ഡാളസ് 75228. തുടർന്ന് 2 മണിക്ക് സംസ്കാരം: ന്യൂ ഹോപ്പ് ഫ്യൂണറൽ ഹോം, സണ്ണിവെയ്ൽ, ഡാളസ്. live stream :www.eventson.live/live

വാഷിംഗ്ടണ്‍: ജനുവരിയിൽ റിപ്പബ്ലിക്കൻമാർ ചേംബറിന്റെ നിയന്ത്രണം ഏറ്റെടുക്കുമ്പോൾ യുഎസ് ജനപ്രതിനിധി സഭയിലെ ആദ്യ വനിതാ സ്പീക്കറായ ഡമോക്രാറ്റ് നാൻസി പെലോസി പടിയിറങ്ങുന്നു. “അടുത്ത കോൺഗ്രസിൽ ഡമോക്രാറ്റിക് നേതൃത്വത്തിലേക്ക് ഞാൻ വീണ്ടും തിരഞ്ഞെടുക്കപ്പെടില്ല” എന്ന് ഇന്ന് നാന്‍സി പെലോസി ഹൗസ് ഫ്ലോറിലെ വികാരഭരിതമായ പ്രസംഗത്തിൽ പറഞ്ഞു. ഡമോക്രാറ്റിക് കോക്കസിനെ ഒരു പുതിയ തലമുറ നയിക്കേണ്ട സമയം അതിക്രമിച്ചിരിക്കുന്നു എന്നും 82-കാരിയായ പെലോസി പറഞ്ഞു. പാർട്ടി നേതൃസ്ഥാനത്തുനിന്നുള്ള വിടവാങ്ങൽ വാഷിംഗ്ടണിലെ ഒരു യുഗത്തിന്റെ അവസാനത്തെ അടയാളപ്പെടുത്തുന്നു. കഴിഞ്ഞയാഴ്ച നടന്ന ഇടക്കാല തെരഞ്ഞെടുപ്പിൽ റിപ്പബ്ലിക്കൻമാർ ഹൗസ് ഭൂരിപക്ഷം നേടിയതിന് ശേഷമാണ് നാന്‍സി പെലോസിയുടെ പടിയിറക്കം. അതേസമയം, ഡമോക്രാറ്റുകൾ സെനറ്റിന്റെ നിയന്ത്രണം നിലനിർത്തി. “ജനാധിപത്യത്തിന്റെ കടുത്ത സംരക്ഷക” എന്നും “നമ്മുടെ ചരിത്രത്തിലെ ഏറ്റവും ജനപ്രീതി സമ്പാദിച്ച, ജനപ്രതിനിധി സഭയുടെ സ്പീക്കർ” എന്നുമാണ് പ്രസിഡന്റ് ജോ ബൈഡന്‍ പെലോസിയെ പ്രശംസിച്ചത്. റിപ്പബ്ലിക്കൻ മുൻ പ്രസിഡന്റ്…