Day: July 28, 2026

വയനാട്: വയനാട്ടിൽ പ്രകൃതി ദുരന്തങ്ങൾ ഉണ്ടായപ്പോഴെല്ലാം, അവിടുത്തെ ജനങ്ങൾ ഒറ്റക്കെട്ടായി നിന്ന് ദുരന്തത്തെ നേരിടാൻ സാധ്യമായതെല്ലാം ചെയ്തിട്ടുണ്ടെന്ന് പ്രിയങ്ക ഗാന്ധി എംപി പറഞ്ഞു. കല്ലടി ഉരുൾപൊട്ടലിൽ രക്ഷാപ്രവർത്തനത്തിന് നേതൃത്വം നൽകിയവരെ അനുമോദിക്കാൻ പുളിയാർമലയിലെ കൃഷ്ണഗൗഡർ ഹാളിൽ ജില്ലാ ഭരണകൂടം സംഘടിപ്പിച്ച അനുമോദന പരിപാടിയിൽ സംസാരിക്കുകയായിരുന്നു എംപി. രക്ഷാപ്രവര്‍ത്തനത്തില്‍ പങ്കെടുത്തവര്‍ അപകടത്തില്‍പ്പെട്ടവര്‍ ഏത് സംസ്ഥാനത്ത് നിന്നുള്ളവരാണോ, ഏത് മതത്തില്‍പ്പെട്ടവരാണെന്നോ, ലിംഗഭേദമെന്തെന്നോ തരംതിരിച്ച് നോക്കാതെ സഹമനുഷ്യനിലേക്ക് സഹായഹസ്തം നീട്ടുകയാണുണ്ടായത്. ഇതാണ് ഇന്ത്യയുടെ ആത്മാവ്. ഈ ആത്മാവാണ് നാം ജീവനോടെ നിലനിര്‍ത്തേണ്ടതെന്നും എം.പി പറഞ്ഞു. മറ്റുള്ളവരെ സഹായിക്കാന്‍ മുന്നോട്ട് വന്ന എല്ലാവരുടെയും ധൈര്യത്തെയും സേവന മനോഭാവത്തെയും അഭിനന്ദിക്കുന്നതായും മരിച്ചവരുടെ ആത്മാക്കള്‍ക്ക് പ്രണാമം അര്‍പ്പിക്കുന്നതായും എം.പി അറിയിച്ചു. രക്ഷാപ്രവര്‍ത്തന- ദുരിതാശ്വാസ പ്രവര്‍ത്തനങ്ങളില്‍ ഭാഗമായ വിവിധ സേനാ വിഭാഗങ്ങള്‍, സന്നദ്ധസേന പ്രവര്‍ത്തകര്‍, വകുപ്പ് ഉദ്യോഗസ്ഥര്‍, ജനപ്രതിനിധികള്‍, മാധ്യമപ്രവര്‍ത്തകര്‍ എന്നിവര്‍ ആദരവ് ഏറ്റുവാങ്ങി. പുളിയാര്‍മല കൃഷ്ണ…

തിരുവനന്തപുരം: ഓണാഘോഷങ്ങളുടെ പശ്ചാത്തലത്തിൽ, സംസ്ഥാനത്ത് മയക്കുമരുന്നിനും അനധികൃത മദ്യവ്യാപാരത്തിനുമെതിരായ ഓണം സ്പെഷ്യൽ എൻഫോഴ്‌സ്‌മെന്റ് ഡ്രൈവ് കൂടുതൽ ശക്തിപ്പെടുത്തുമെന്നും ഭാവിയിലെ വെല്ലുവിളികളെ നേരിടാൻ എക്‌സൈസ് സേനയെ പ്രാപ്തമാക്കുന്നതിന് ഹ്രസ്വകാല, ദീർഘകാല കർമപദ്ധതികൾ നടപ്പിലാക്കുമെന്നും എക്‌സൈസ്, സഹകരണ മന്ത്രി എം ലിജു പറഞ്ഞു. എക്‌സൈസ് ആസ്ഥാനത്ത് നടന്ന ഉന്നതതല യോഗം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. സാങ്കേതികവിദ്യയുടെ സഹായത്തോടെ എൻഫോഴ്‌സ്‌മെന്റ് സംവിധാനം നവീകരിക്കുന്നതിനും മയക്കുമരുന്ന് വിരുദ്ധ പ്രവർത്തനങ്ങൾ ശക്തിപ്പെടുത്തുന്നതിനും സർക്കാർ മുൻഗണന നൽകുമെന്ന് മന്ത്രി പറഞ്ഞു. മയക്കുമരുന്ന് കുറ്റകൃത്യങ്ങൾ കൂടുതൽ ഫലപ്രദമായി കണ്ടെത്തുന്നതിനായി എക്‌സൈസ് ഉദ്യോഗസ്ഥർക്ക് നാർക്കോട്ടിക് ഡ്രഗ്സ് ഡിറ്റക്ഷൻ കിറ്റുകളും ബിഎസ്‌എൻഎൽ സിം കാർഡുകളും മന്ത്രി വിതരണം ചെയ്തു. ഓണം സ്‌പെഷ്യൽ എൻഫോഴ്സ്മെന്റ് ഡ്രൈവിന്റെ മുന്നൊരുക്കങ്ങളും സ്വീകരിക്കേണ്ട മുൻകരുതലുകളും യോഗം വിശദമായി വിലയിരുത്തി. അനധികൃത മദ്യനിർമാണം, കടത്ത്, മയക്കുമരുന്ന് വിതരണം എന്നിവ തടയുന്നതിനായി പരിശോധനകൾ ശക്തമാക്കാൻ ഉദ്യോഗസ്ഥർക്ക് നിർദേശം…

തിരുവനന്തപുരം: ഓണക്കാലത്ത് വിലക്കയറ്റം നിയന്ത്രിക്കുന്നതിനും ജനങ്ങൾക്ക് ന്യായമായ വിലയ്ക്ക് അവശ്യ വസ്തുക്കൾ നൽകുന്നതിനും സിവിൽ സപ്ലൈസ് വകുപ്പ് വിപുലമായ ഒരുക്കങ്ങൾ ആരംഭിച്ചതായി ഭക്ഷ്യ-പൊതുവിതരണ മന്ത്രി അനൂപ് ജേക്കബ് പത്രസമ്മേളനത്തിൽ അറിയിച്ചു. സപ്ലൈകോയുടെ ഓണം വ്യാപാരമേളകൾ ഓഗസ്റ്റ് 8 ന് ആരംഭിക്കും. അന്ന് വൈകുന്നേരം 4.30 ന് എറണാകുളത്ത് വ്യാപാരമേള മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യും. തിരുവനന്തപുരം, എറണാകുളം, കോഴിക്കോട് ജില്ലകളിലാണ് ഓണം മെഗാ ട്രേഡ് ഫെയറുകൾ സംഘടിപ്പിക്കുന്നത്. ഇതിന് പുറമെ 11 ജില്ലകളിൽ ആഗസ്റ്റ് 16 മുതൽ 25 വരെ ജില്ലാ ഫെയറുകളും, 126 നിയമസഭാ മണ്ഡലങ്ങളിൽ ഓണം മാർക്കറ്റുകളും സംഘടിപ്പിക്കും. ഓണത്തിന് മുന്നോടിയായുള്ള അവസാന ആറു ദിവസങ്ങളിൽ എല്ലാ നിയോജക മണ്ഡലങ്ങളിലും പ്രത്യേക ഫെയറുകളും നടക്കും. ജനങ്ങൾക്ക് ന്യായവിലയിൽ പച്ചക്കറികൾ ലഭ്യമാക്കുന്നതിനായി ഹോർട്ടികോർപ്പിന്റെ സ്റ്റാളുകളും ഫെയറുകളുടെ ഭാഗമാകും. ഓണക്കാലത്ത് വിവിധ പദ്ധതികളിലൂടെ 1,29,078.302 മെട്രിക്…

കാഞ്ഞങ്ങാട്: മഞ്ഞംപൊതിക്കുലെ ടൂറിസം പദ്ധതി വേഗത്തില്‍ പൂര്‍ത്തിയാക്കാന്‍ സ്ഥലം സന്ദർശിച്ച ജില്ലാ കളക്ടർ അർജുൻ പാണ്ഡ്യൻ ടൂറിസം വകുപ്പ് ഉദ്യോഗസ്ഥർക്ക് നിർദ്ദേശങ്ങൾ നൽകി. പദ്ധതിയുടെ ഭാഗമായി റസ്റ്റോറൻറ് കഫെറ്റീരിയ, പാർക്കിംഗ് സംവിധാനം എന്നിവ ഉടൻ പൂർത്തിയാക്കും. പ്രധാന കെട്ടിടം, സ്റ്റെപ് ഡ് ഗാർഡൻ (പൂന്തോട്ടം), ,കല്ലുപാകിയ നടപാത (വാക് വേ) സെൽഫി പോയിൻ്റ് , സോളാർ പാനൽ, സൂചന ബോർഡുകൾ , വൈദ്യുതി വിളക്കുകൾ തുടങ്ങിയവ പദ്ധതിയുടെ ഭാഗമായി സ്ഥാപിക്കും. കാഞ്ഞങ്ങാട് നിന്ന് മാവുങ്കൽ ആനന്ദ ആശ്രമത്തിന് സമീപത്തുള്ള കുന്നിൻ മുകളിലാണ് ടൂറിസം കേന്ദ്രം യാഥാർത്ഥ്യമാകുന്നത്. മഞ്ഞംപൊതികുന്നിൽ നിന്ന് നോക്കിയാൽ ഒരുവശത്ത് റാണിപുരവും മറുവശത്ത് അറബിക്കടലും വീക്ഷിക്കാനാവുമെന്ന സവിശേഷതയും ഉണ്ട്. ചരിത്രപ്രസിദ്ധമായ ആനന്ദാശ്രമവും, സമീപത്തുള്ള വീര മാരുതി ക്ഷേത്രവും നിലവിൽ വിനോദസഞ്ചാരികളെ ആകർഷിക്കുന്ന പ്രധാന കേന്ദ്രങ്ങളാണ്. അജാനൂർ ഗ്രാമപഞ്ചായത്ത് പ്രസിഡണ്ട് തുളസി ജില്ലാ പഞ്ചായത്ത് മെമ്പർ കെ…

ജപ്പാനിലെ കുമാമോട്ടോ പ്രിഫെക്ചറിൽ 7.1 തീവ്രത രേഖപ്പെടുത്തിയ ഭൂകമ്പത്തെത്തുടർന്ന് സുനാമി മുന്നറിയിപ്പ് പുറപ്പെടുവിച്ചു. പല പ്രദേശങ്ങളിലും വൈദ്യുതി വിതരണം തടസ്സപ്പെട്ടു, ട്രെയിൻ സർവീസുകൾ നിർത്തിവച്ചു, തീരപ്രദേശങ്ങളിൽ നിന്ന് വിട്ടുനിൽക്കാൻ അധികൃതർ ജനങ്ങളോട് നിർദ്ദേശിച്ചു. ടോക്കിയോ: ജപ്പാനിലെ തെക്കൻ കുമാമോട്ടോ പ്രിഫെക്ചറിൽ ചൊവ്വാഴ്ച 7.1 തീവ്രത രേഖപ്പെടുത്തിയ ഭൂകമ്പമുണ്ടായത് മേഖലയാകെ പരിഭ്രാന്തി പരത്തി. ഭൂകമ്പത്തെത്തുടർന്ന്, ജപ്പാൻ കാലാവസ്ഥാ ഏജൻസി സുനാമി മുന്നറിയിപ്പ് നൽകുകയും തീരപ്രദേശങ്ങളിലെ താമസക്കാരോട് ഉടൻ ഒഴിഞ്ഞുപോകാൻ ആവശ്യപ്പെടുകയും ചെയ്തു. നിരവധി പ്രിഫെക്ചറുകളിൽ ഭൂകമ്പത്തിന്റെ ആഘാതം അനുഭവപ്പെട്ടു. അധികൃതർ ദുരിതാശ്വാസ, നിരീക്ഷണ പ്രവർത്തനങ്ങൾ ആരംഭിച്ചു, അതേസമയം വൈദ്യുതി, ഗതാഗത സേവനങ്ങളും തടസ്സപ്പെട്ടു. എന്തുകൊണ്ടാണ് ജപ്പാന് ലോകത്ത് ഏറ്റവും കൂടുതൽ ഭൂകമ്പങ്ങൾ അനുഭവപ്പെടുന്നതെന്ന ചോദ്യം പലപ്പോഴും ഉയര്‍ന്നുവരാറുണ്ട്. അതിനുള്ള ഉത്തരം ജപ്പാന്റെ ഭൂമിശാസ്ത്രപരമായ സ്ഥാനത്തിലും ഭൂമിയുടെ ഘടനയിലുമാണ്. ശാസ്ത്രജ്ഞരുടെ അഭിപ്രായത്തിൽ, നിരവധി പ്രധാന ടെക്റ്റോണിക് പ്ലേറ്റുകൾ നിരന്തരം കൂട്ടിയിടിക്കുകയും…

ജപ്പാനിലെ കുമാമോട്ടോ പ്രിഫെക്ചറിൽ 7.1 തീവ്രത രേഖപ്പെടുത്തിയ ഭൂകമ്പം ഉണ്ടായി മണിക്കൂറുകൾക്ക് ശേഷം, കുമാമോട്ടോയിലെ ഇയോൺ മാളിൽ ഒരു സ്ഫോടനവും രണ്ടാം നിലയുടെ ഒരു ഭാഗവും തകർന്നു. ഉപഭോക്താക്കളെ ഒഴിപ്പിച്ചു, പലരും കുടുങ്ങിക്കിടക്കുന്നതായി റിപ്പോര്‍ട്ട്. ടോക്കിയോ: ജപ്പാനിലെ തെക്കുപടിഞ്ഞാറൻ ക്യുഷു മേഖലയിൽ ചൊവ്വാഴ്ച ഉണ്ടായ 7.1 തീവ്രതയുള്ള ഭൂകമ്പത്തെത്തുടർന്ന് കുമാമോട്ടോ പ്രിഫെക്ചറിലെ കാഷിമ ടൗണിലെ കുമാമോട്ടോയിലെ ഇയോൺ മാളിൽ ഒരു കെട്ടിടത്തിന്റെ സ്ഫോടനവും തകർച്ചയും റിപ്പോർട്ട് ചെയ്യപ്പെട്ടു. രക്ഷാപ്രവർത്തകരും ദുരിതാശ്വാസ സംഘങ്ങളും സ്ഥലത്തെത്തി കുടുങ്ങിക്കിടക്കുന്നവരെ രക്ഷിക്കാൻ പ്രവർത്തിക്കുന്നു. പ്രദേശത്തുടനീളമുള്ള നാശനഷ്ടങ്ങൾ അധികൃതർ വിലയിരുത്തുകയും നിവാസികളോട് ജാഗ്രത പാലിക്കാൻ ആവശ്യപ്പെടുകയും ചെയ്തിട്ടുണ്ട്. ഭൂകമ്പത്തിന് തൊട്ടുപിന്നാലെയാണ് മാളിൽ വലിയ സ്ഫോടനം ഉണ്ടായത്. സ്ഫോടനത്തെ തുടർന്ന് കെട്ടിടത്തിന്റെ രണ്ടാം നിലയുടെ ഒരു ഭാഗം തകർന്നതായി പ്രാദേശിക അധികാരികൾ പറഞ്ഞു. എല്ലാ ഉപഭോക്താക്കളെയും ഒഴിപ്പിക്കാൻ മാൾ മാനേജ്മെന്റ് ശ്രമിച്ചെങ്കിലും നിരവധി പേർ ഇപ്പോഴും…

കണ്ണൂര്‍: അടിയന്തര ഘട്ടങ്ങളിൽ വിദ്യാർത്ഥികൾക്ക് സുരക്ഷിതവും സമയബന്ധിതവുമായ സഹായം നൽകുന്നതിനായി കണ്ണൂരിലെ കുടുംബശ്രീ ‘സ്നേഹിത ജെൻഡർ ഹെൽപ്പ് ഡെസ്‌കിന്റെ’ നേതൃത്വത്തിൽ ‘സ്നേഹിത പോക്കറ്റ് കാർഡ്’ പദ്ധതി ആരംഭിച്ചിട്ടുണ്ട്. സ്കൂളുകളിലും യാത്രകളിലും വിദ്യാർത്ഥികളുടെ സുരക്ഷ ഉറപ്പാക്കുകയും സഹായം നൽകുന്ന സംവിധാനങ്ങളെക്കുറിച്ച് അവബോധം സൃഷ്ടിക്കുകയും ചെയ്യുക എന്നതാണ് പദ്ധതിയുടെ പ്രധാന ലക്ഷ്യം. സ്നേഹിത ജെൻഡർ ഹെൽപ്പ് ഡെസ്കിന്റെ സേവനങ്ങൾ, സ്ത്രീ-ശിശു സുരക്ഷയുമായി ബന്ധപ്പെട്ട പ്രധാന ഹെൽപ്‌ലൈൻ നമ്പറുകൾ, മറ്റ് അടിയന്തര എമർജൻസി കോൺടാക്ട് നമ്പറുകൾ എന്നിവ പോക്കറ്റ് കാർഡിൽ സമഗ്രമായി ഉൾപ്പെടുത്തിയിട്ടുണ്ട്. ഏത് അടിയന്തര സാഹചര്യത്തിലും കുട്ടികൾക്ക് ഭയമില്ലാതെ സഹായം തേടാൻ ആവശ്യമായ വിവരങ്ങൾ എപ്പോഴും എളുപ്പത്തിൽ കൈവശം സൂക്ഷിക്കാൻ കഴിയുന്ന തരത്തിലാണ് പോക്കറ്റ് കാർഡ് രൂപകൽപ്പന ചെയ്തിരിക്കുന്നത്. പദ്ധതിയുടെ ആദ്യഘട്ടത്തിൽ അഴീക്കോട് ഗ്രാമപഞ്ചായത്ത്, കുടുംബശ്രീ മോഡൽ ജെൻഡർ റിസോഴ്‌സ് സെന്ററിന്റെ പരിധിയിൽ വരുന്ന സ്‌കൂളുകളിലെ ജെൻഡർ ക്ലബ് അംഗങ്ങൾക്കും…