വിശ്വാസം മുതലെടുത്ത് ഡോക്ടർ ദമ്പതികളുടെ വീട്ടിൽ മോഷണം; ഒരു കോടി രൂപയുടെ ആഭരണങ്ങൾ കവർന്ന കേസിൽ രണ്ട് വീട്ടു വേലക്കാരികൾ അറസ്റ്റിൽ

തൃശൂർ: ആയുർവേദ ഡോക്ടർമാരായ ദമ്പതികളുടെ വീട്ടിൽ വർഷങ്ങളായി വിശ്വസ്തരായി ജോലി ചെയ്തിരുന്ന രണ്ട് യുവതികൾ വൻ മോഷണക്കേസിൽ അറസ്റ്റിലായി.  വീട്ടിലെ ലോക്കറിൽ സൂക്ഷിച്ചിരുന്ന സ്വർണം, വജ്രാഭരണങ്ങൾ, പണം എന്നിവ ഉൾപ്പെടെ ഏകദേശം ഒരു കോടി രൂപ വിലമതിക്കുന്ന സമ്പാദ്യം പലതവണയായി മോഷ്ടിച്ചെന്നാണ് പൊലീസ് കണ്ടെത്തൽ. സംഭവത്തിൽ കുറ്റിമുക്ക് സ്വദേശി ടി.എസ്. ഗീതു (35), മണ്ണുത്തി സ്വദേശി പ്രിയ (40) എന്നിവരെയാണ് പൊലീസ് അറസ്റ്റ് ചെയ്തത്. അഞ്ചു വർഷത്തോളമായി ഡോക്ടർ ദമ്പതികളുടെ വീട്ടിൽ ജോലി ചെയ്തുവരികയായിരുന്നു ഇരുവരും. വീട്ടുകാരുടെ വിശ്വാസം നേടിയെടുത്ത ഇവർ ഈ സാഹചര്യം മുതലെടുത്താണ് മോഷണം നടത്തിയതെന്നാണ് അന്വേഷണത്തിൽ വ്യക്തമായത്. 2023 മുതൽ പല ഘട്ടങ്ങളിലായി വീട്ടിലെ ലോക്കറിൽ സൂക്ഷിച്ചിരുന്ന പണവും വിലപിടിപ്പുള്ള ആഭരണങ്ങളും നഷ്ടപ്പെട്ടിരുന്നു. വീട്ടുകാർ ലോക്കർ തുറക്കുന്നതിനിടെ രഹസ്യമായി മൊബൈൽ ഫോണിൽ ദൃശ്യങ്ങൾ പകർത്തിയാണ് ലോക്കറിന്റെ രഹസ്യനമ്പർ പ്രതികൾ മനസ്സിലാക്കിയതെന്ന് പൊലീസ് പറയുന്നു.…

ബിസിനസ്, സാങ്കേതികവിദ്യാ രംഗത്തെ മികവ്; 26 ഗൾഫ് സ്ഥാപനങ്ങളെ ആദരിച്ച് മുശൈരിബ് പ്രോപ്പർട്ടീസ്

ദോഹ: ബിസിനസ്, നവീകരണം, സാങ്കേതികവിദ്യ തുടങ്ങിയ മേഖലകളിൽ ശ്രദ്ധേയമായ നേട്ടങ്ങൾ കൈവരിച്ച ഗൾഫ് സഹകരണ കൗൺസിൽ (ജിസിസി) രാജ്യങ്ങളിലെ 26 സ്ഥാപനങ്ങളെ മുശൈരിബ് പ്രോപ്പർട്ടീസ് ആദരിച്ചു.  https://www.malayalamdailynews.com/784849/ ഇങ്ക് അറേബ്യയുമായി (Inc Arabia) സഹകരിച്ച് ബറാഹത്ത് മുശൈരിബിൽ സംഘടിപ്പിച്ച ‘ബെസ്റ്റ് ഇൻ ബിസിനസ് – ദോഹ 2026’ പുരസ്‌കാരദാന ചടങ്ങിലാണ് വിവിധ സ്ഥാപനങ്ങൾക്കുള്ള അംഗീകാരങ്ങൾ സമ്മാനിച്ചത്. ഖത്തറിലെയും മറ്റു ഗൾഫ് രാജ്യങ്ങളിലെയും പ്രമുഖ വ്യവസായികളും സംരംഭകരും ബിസിനസ് രംഗത്തെ ഉന്നത വ്യക്തിത്വങ്ങളുമുൾപ്പെടെ 250-ഓളം പേർ ചടങ്ങിൽ പങ്കെടുത്തു. മേഖലയിലെ വ്യവസായ വളർച്ചയ്ക്കും സാങ്കേതിക പുരോഗതിക്കും നൂതന ആശയങ്ങൾക്കും പ്രോത്സാഹനം നൽകുന്നതിൽ ഇത്തരം അംഗീകാരങ്ങൾക്ക് ഏറെ പ്രാധാന്യമുണ്ട്. രണ്ടു ദിവസം നീണ്ടുനിന്ന ‘ഡൗൺടൗൺ ടെക്’ (Downtown Tech) പരിപാടിയുടെ സമാപനത്തോടനുബന്ധിച്ചായിരുന്നു പുരസ്‌കാരദാന ചടങ്ങ്. സാങ്കേതികവിദ്യയുടെ സാധ്യതകൾ പ്രയോജനപ്പെടുത്തുന്നതിനും നൂതന ബിസിനസ് ആശയങ്ങൾ വികസിപ്പിക്കുന്നതിനും വിവിധ മേഖലകളിലെ സംരംഭകരും വിദഗ്ധരും…

പാക്കിസ്താനിൽ കാലാവധി കഴിഞ്ഞ നൂഡിൽസ് കഴിച്ചതിന് പിന്നാലെ രണ്ട് സഹോദരിമാർ മരിച്ചു; ബേക്കറി അടച്ചുപൂട്ടി

ഫിറോസ്‌വാല (പാക്കിസ്താൻ): പാക്കിസ്താനിലെ ഫിറോസ്‌വാലയിൽ കാലാവധി കഴിഞ്ഞതെന്ന് സംശയിക്കുന്ന നൂഡിൽസ് കഴിച്ചതിനെ തുടർന്ന് രണ്ട് ബാലികമാർ മരിച്ച സംഭവം പ്രദേശത്ത് വലിയ ആശങ്കയ്ക്ക് ഇടയാക്കി. ശനിയാഴ്ചയാണ് ദാരുണമായ സംഭവം നടന്നത്.   അഞ്ച് വയസ്സുകാരി ജന്നത്ത്, ഏഴ് വയസ്സുകാരി മെഹക് എന്നിവരാണ് മരിച്ചത്.   ഇവരുടെ സഹോദരി ഐഷ അഫ്സൽ ചികിത്സയെ തുടർന്ന് രക്ഷപ്പെട്ടു. സംഭവത്തിന്റെ പശ്ചാത്തലത്തിൽ ഭക്ഷ്യസുരക്ഷാ അധികൃതരും പ്രാദേശിക ഭരണകൂടവും സംയുക്തമായി പരിശോധന നടത്തുകയും കുട്ടികൾ ഭക്ഷ്യവസ്തുക്കൾ വാങ്ങിയ ബേക്കറി സീൽ ചെയ്യുകയും ചെയ്തു. രക്ഷപ്പെട്ട ഐഷ അഫ്സലിന്റെ മൊഴിയനുസരിച്ച്, മൂന്ന് സഹോദരിമാരും പ്രദേശത്തെ ഒരു ബേക്കറിയിൽ നിന്നാണ് നൂഡിൽസ് വാങ്ങിയത്. കാലാവധി കഴിഞ്ഞതെന്ന് പറയപ്പെടുന്ന നൂഡിൽസ് കഴിച്ചശേഷം ഇവർ ജ്യൂസും കുടിച്ചിരുന്നു. ഇതിന് പിന്നാലെ മൂന്ന് കുട്ടികൾക്കും കടുത്ത ദേഹാസ്വാസ്ഥ്യം അനുഭവപ്പെടുകയും ഛർദ്ദി ആരംഭിക്കുകയും ചെയ്തു. ആരോഗ്യനില അതിവേഗം വഷളായതിനെ തുടർന്ന് മൂന്ന് സഹോദരിമാരെയും ആശുപത്രിയിലെത്തിച്ചു.…

യുവജന ശാക്തീകരണത്തിന് കൈകോർത്ത് ഖത്തർ മ്യൂസിയംസും ഖത്തർ ചാരിറ്റിയും; സഹകരണ കരാറിൽ ഒപ്പു വെച്ചു

ദോഹ: യുവാക്കൾക്കിടയിൽ സന്നദ്ധസേവന സംസ്കാരം പ്രോത്സാഹിപ്പിക്കുന്നതിനും സാമൂഹിക പങ്കാളിത്തം ശക്തിപ്പെടുത്തുന്നതിനും ലക്ഷ്യമിട്ട് ഖത്തർ മ്യൂസിയംസും ഖത്തർ ചാരിറ്റിയും സഹകരണ കരാറിൽ ഒപ്പുവെച്ചു.  അൽ ബിദ്ദ പാർക്കിലെ എക്‌സ്‌പോ ദോഹ കെട്ടിടത്തിൽ പ്രവർത്തിക്കുന്ന യൂത്ത് സെന്ററിന്റെ ആസ്ഥാനത്തായിരുന്നു ചടങ്ങ്. ഖത്തർ മ്യൂസിയംസിനെ പ്രതിനിധീകരിച്ച് യൂത്ത് സെന്ററാണ് കരാറിൽ പങ്കാളിയായത്. യുവജനങ്ങളുടെ വ്യക്തിത്വ വികസനം, നേതൃത്വശേഷി, സർഗാത്മക കഴിവുകൾ, സാമൂഹിക ഉത്തരവാദിത്വബോധം എന്നിവ പരിപോഷിപ്പിക്കുന്നതിനൊപ്പം സമൂഹത്തിന്റെ പുരോഗതിയിൽ അവരെ സജീവ പങ്കാളികളാക്കുകയെന്നതാണ് കരാറിന്റെ പ്രധാന ലക്ഷ്യം. വിവിധ സന്നദ്ധസേവന പ്രവർത്തനങ്ങളിലൂടെയും പരിശീലന പരിപാടികളിലൂടെയും യുവാക്കളുടെ കഴിവുകൾ കണ്ടെത്തുന്നതിനും അവ ഫലപ്രദമായി വിനിയോഗിക്കുന്നതിനുമുള്ള അവസരങ്ങൾ ഒരുക്കും. രാജ്യത്തിന്റെ സാംസ്കാരികവും സാമൂഹികവുമായ വികസനത്തിന് യുവജനങ്ങളുടെ പങ്കാളിത്തം അനിവാര്യമാണെന്നും യുവതലമുറയുടെ കഴിവുകൾ വികസിപ്പിക്കുന്നതിനുള്ള നിക്ഷേപം ഖത്തർ മ്യൂസിയംസിന്റെ ദീർഘകാല പ്രതിബദ്ധതയുടെ ഭാഗമാണെന്നും ഖത്തർ മ്യൂസിയംസ് ചീഫ് എക്‌സിക്യൂട്ടീവ് ഓഫീസർ മുഹമ്മദ് സഅദ് അൽ റുമൈഹി…

എഐ അധിഷ്ഠിത യുദ്ധങ്ങളിൽ മനുഷ്യജീവൻ സംരക്ഷിക്കാൻ അന്താരാഷ്ട്ര നിയമനിർമ്മാണം അനിവാര്യം: ജസ്റ്റിസ് രാജാ സയീദ് അക്രം

ലണ്ടൻ: കൃത്രിമബുദ്ധി (ആർട്ടിഫിഷ്യൽ ഇന്റലിജൻസ് – എഐ) അധിഷ്ഠിത യുദ്ധങ്ങളിൽ മനുഷ്യജീവനും മനുഷ്യാവകാശങ്ങളും സംരക്ഷിക്കുന്നതിന് ശക്തവും ഫലപ്രദവുമായ അന്താരാഷ്ട്ര നിയമനിർമ്മാണം അനിവാര്യമാണെന്ന് പാക് ഭരണത്തിലുള്ള ആസാദ് ജമ്മു കശ്മീരിലെ ചീഫ് ജസ്റ്റിസ് രാജാ സയീദ് അക്രം ഖാൻ അഭിപ്രായപ്പെട്ടു. വെള്ളിയാഴ്ച ലണ്ടനിലെ ബ്രിട്ടീഷ് പാർലമെന്റിന്റെ ഉപരിസഭയായ ഹൗസ് ഓഫ് ലോർഡ്‌സിൽ സംഘടിപ്പിച്ച അന്താരാഷ്ട്ര മനുഷ്യാവകാശ സെമിനാറിനെ അഭിസംബോധന ചെയ്യുകയായിരുന്നു അദ്ദേഹം. ‘കൃത്രിമബുദ്ധി, യുദ്ധങ്ങൾ, മനുഷ്യാവകാശങ്ങൾ’ എന്ന വിഷയത്തിൽ ദി വിസ്ഡം ട്രസ്റ്റ് സംഘടിപ്പിച്ച സെമിനാറിന് ലോർഡ് ബ്രണ്ണൻ കെ.സി. ആതിഥേയത്വം വഹിച്ചു. ബ്രിട്ടീഷ് പാർലമെന്റിന്റെ ഇരുസഭകളിലെയും അംഗങ്ങൾ, പ്രമുഖ അഭിഭാഷകർ, വിവിധ രാജ്യങ്ങളിൽ നിന്നുള്ള നിയമവിദഗ്ധർ, സർവകലാശാലാ പ്രൊഫസർമാർ, മനുഷ്യാവകാശ ഗവേഷകർ തുടങ്ങിയവർ സെമിനാറിൽ പങ്കെടുത്തു. കൃത്രിമബുദ്ധിയുടെ കടന്നുവരവോടെ ആധുനിക യുദ്ധങ്ങളുടെ സ്വഭാവത്തിൽ അടിസ്ഥാനപരമായ മാറ്റങ്ങൾ സംഭവിച്ചിട്ടുണ്ടെന്ന് ജസ്റ്റിസ് രാജാ സയീദ് അക്രം പറഞ്ഞു. ആര് ജീവിക്കണമെന്നും…

ഇന്നത്തെ രാശിഫലം (22-11-2026 ഞായർ)

ചിങ്ങം: മറ്റുള്ളവരെ സഹായിക്കാൻ ഇന്ന് നിങ്ങൾ ഏറെ സന്നദ്ധനായിരിക്കും. തുടക്കത്തിൽ പരിശ്രമങ്ങളിൽ വിജയിക്കാൻ കഴിഞ്ഞില്ലെങ്കിലും ദിവസത്തിൻ്റെ പകുതിയോടെ കാര്യങ്ങൾ അനുകൂലമായി മാറും. ആഗ്രഹിച്ച ഫലം ലഭിക്കുന്നതിനായി കഠിനാധ്വാനം ചെയ്യേണ്ടതുണ്ട്. കന്നി: നിങ്ങളുടെ ധീരമായ സ്വഭാവം എല്ലാവരെയും ആകർഷിക്കും. എങ്കിലും ചില കാര്യങ്ങൾ നിങ്ങളുടെ പ്രകടനത്തെ ബാധിക്കാതിരിക്കാൻ ജാഗ്രത പാലിക്കേണ്ടതുണ്ട്. വലിയൊരു മത്സരത്തിനൊടുവിൽ നിങ്ങളുടെ ആന്തരികവ്യക്തിത്വം കൂടുതൽ മെച്ചപ്പെടും. തുലാം: നിങ്ങളുടെ പ്രണയിനിയെ ജീവിതത്തിലേക്ക് ക്ഷണിക്കാൻ നിങ്ങൾ തയ്യാറാകും. ജീവിതപങ്കാളിയെ ആകർഷിക്കുന്നതിനായി രൂപഭാവങ്ങളിൽ മാറ്റങ്ങൾ വരുത്തും. പഴയ സന്തോഷകരമായ ഓർമ്മകൾ പ്രിയപ്പെട്ടവരുമായി പങ്കുവയ്‌ക്കുകയും അവരോട് വൈകാരികമായി കൂടുതൽ അടുക്കുകയും ചെയ്യും. വൃശ്ചികം: പങ്കാളിയോട് നേരിട്ട് സംസാരിക്കാതെ തന്നെ കണ്ണുകളിലൂടെ ഒരായിരം കാര്യങ്ങൾ ആശയവിനിമയം നടത്താൻ നിങ്ങൾക്ക് സാധിക്കും. ജോലിയിലുള്ള നിങ്ങളുടെ കഴിവും വൈദഗ്ധ്യവും മറ്റുള്ളവരുടെ ശ്രദ്ധ ആകർഷിക്കുകയും പ്രോത്സാഹനം നേടിത്തരുകയും ചെയ്യും. വിജയത്തിൻ്റെ കീർത്തി എങ്ങും പരക്കുന്ന സമയമാണിത്.…

കൊല്ലം പ്രവാസി അസോസിയേഷൻ ഗുദൈബിയ ഏരിയയുടെ മെമ്പേഴ്‌സ് നൈറ്റ് വർണാഭമായി

മനാമ: കൊല്ലം പ്രവാസി അസോസിയേഷൻ (KPA) ഗുദൈബിയ ഏരിയയുടെ ആഭിമുഖ്യത്തിൽ സംഘടിപ്പിച്ച മെമ്പേഴ്‌സ് നൈറ്റ് വിവിധ കലാപരിപാടികളുടെയും അംഗങ്ങളുടെ സജീവ പങ്കാളിത്തത്തിന്റെയും നിറവിൽ വർണാഭമായി നടന്നു. സൽമാനിയയിലെ ഇന്ത്യൻ ഡിലൈറ്റ്സ് റെസ്റ്റോറന്റിലായിരുന്നു ആഘോഷ പരിപാടികൾ അരങ്ങേറിയത്. ഇന്ത്യൻ സ്കൂൾ ചെയർമാൻ അഡ്വ. ബിനു മണ്ണിൽ ഭദ്രദീപം കൊളുത്തി ചടങ്ങ് ഉദ്ഘാടനം ചെയ്തു. ഗുദൈബിയ ഏരിയ പ്രസിഡന്റ് അജേഷ് പിള്ള അധ്യക്ഷത വഹിച്ച ചടങ്ങിൽ ഏരിയ ജനറൽ സെക്രട്ടറി ശ്രീലാൽ ഓച്ചിറ സ്വാഗതം ആശംസിച്ചു. KPA വർക്കിംഗ് പ്രസിഡന്റ് രാജ് കൃഷ്ണൻ, ഓർഗനൈസിംഗ് സെക്രട്ടറി അനൂപ് തങ്കച്ചൻ, KPA പ്രസിഡന്റ് നിസാർ കൊല്ലം, ജനറൽ സെക്രട്ടറി ജഗത് കൃഷ്ണകുമാർ, ട്രഷറർ ബിനു കുണ്ടറ, ഏരിയ കോർഡിനേറ്റർ വിനീത് അലക്സാണ്ടർ എന്നിവർ ആശംസകൾ നേർന്ന് സംസാരിച്ചു. ഏരിയ വൈസ് പ്രസിഡന്റ് അരുൺ, ട്രഷറർ രാജീവ് കല്ലട, കെപിഎ അസി .ട്രെഷറർ സിദ്ധിഖ്ഷാൻ…

സബർമതിയിലെ ഊഞ്ഞാലിൽ നിന്ന് സാങ്കേതിക മേധാവിത്വത്തിലേക്ക്: ചൈന കുതിക്കുമ്പോൾ ഇന്ത്യ എവിടെ?

2014 സെപ്റ്റംബറിൽ അഹമ്മദാബാദിലെ സബർമതി നദീതീരത്തുനിന്നുള്ള ആ ചിത്രം ഓർമയുണ്ടോ? ഇന്ത്യൻ പ്രധാനമന്ത്രി നരേന്ദ്ര മോദിയും ചൈനീസ് പ്രസിഡന്റ് ഷി ജിൻപിങ് ഒരുമിച്ച് ഊഞ്ഞാലിലിരുന്ന് സൗഹൃദം പങ്കിട്ട ചിത്രം. അന്ന് മോദി പ്രധാനമന്ത്രിയായി അധികാരമേറ്റിട്ട് നാലു മാസവും ഷി ജിൻപിങ് ചൈനയുടെ പ്രസിഡന്റായിട്ട് ഒന്നര വർഷവുമായിരുന്നു.  ഇരുവരും തങ്ങളുടെ രാജ്യങ്ങളെ അടിമുടി പരിവർത്തനം ചെയ്യുമെന്നും ആഗോള ശക്തികളാക്കി മാറ്റുമെന്നും പ്രഖ്യാപിച്ചിരുന്നു. പന്ത്രണ്ട് വർഷങ്ങൾക്കിപ്പുറം ഇരുരാജ്യങ്ങളും കൈവരിച്ച പുരോഗതിയും അവ തമ്മിലുള്ള വ്യത്യാസവും പരിശോധിക്കുന്നത് ഏറെ പ്രസക്തമാണ്. ഇന്ന് ചൈനയിലെ ഷെൻഷെൻ ലോകത്തിലെ പ്രമുഖ സാങ്കേതിക വിദ്യാ കേന്ദ്രങ്ങളിലൊന്നാണ്. ചൈനയുടെ സിലിക്കൺ വാലി എന്നറിയപ്പെടുന്ന ഈ നഗരത്തിൽ നിന്ന് ഹുവാവേ, ബിവൈഡി, ടെൻസെന്റ്, ഡിജെഐ തുടങ്ങിയ കമ്പനികൾ അത്യാധുനിക സാങ്കേതിക വിദ്യകളും ഇലക്ട്രിക് വാഹനങ്ങളും ഡ്രോണുകളും ടെലികമ്മ്യൂണിക്കേഷൻ ഉപകരണങ്ങളും ഇലക്ട്രോണിക് ഉൽപ്പന്നങ്ങളും ലോക വിപണിയിലെത്തിക്കുന്നു. അതേസമയം, ഇന്ത്യയുടെ പുരോഗതിയെ…

ഹോർമോൺ സാന്നിധ്യം കണ്ടെത്തി; യുഎസിൽ 51,000-ത്തിലധികം ടൂത്ത് പേസ്റ്റുകളും മൗത്ത് വാഷുകളും പിൻവലിച്ചു

അരിസോണ:യുഎസിൽ കുട്ടികൾക്കും മുതിർന്നവർക്കുമായി നിർമ്മിച്ച 51,762 യൂണിറ്റ് ടൂത്ത് പേസ്റ്റുകളും മൗത്ത് വാഷുകളും വിപണിയിൽ നിന്ന് പിൻവലിച്ചു. സാമ്പിളുകളിൽ ഹോർമോണുകളുടെ സാന്നിധ്യം കണ്ടെത്തിയതിനെത്തുടർന്ന് അരിസോണ ആസ്ഥാനമായുള്ള ‘ORL ലാബ്‌സ്’ ആണ് ഉൽപ്പന്നങ്ങൾ തിരിച്ചുവിളിച്ചത്. ഫുഡ് ആൻഡ് ഡ്രഗ് അഡ്മിനിസ്ട്രേഷൻ (FDA) നടത്തിയ പരിശോധനയിൽ പ്രൊജസ്ട്രോൺ (Progesterone), എസ്ട്രാഡിയോൾ (Estradiol), ഡി.എച്ച്.ഇ.എ (DHEA) എന്നീ ഹോർമോണുകളാണ് ഉൽപ്പന്നങ്ങളിൽ കണ്ടെത്തിയത്. ഓർഗാനിക് ഓറൽ കെയറിന്റെ (ORL Organic Oral Care) ഫ്രഷ് മിന്റ്, സിന്നമിന്റ്, ബബിൾഗം കിഡ്സ് എന്നീ ഫ്ലേവറുകളിലുള്ള ടൂത്ത് പേസ്റ്റുകളും മൗത്ത് വാഷുകളുമാണ് തിരിച്ചുവിളിച്ചത്. 2026 സെപ്റ്റംബർ മുതൽ 2028 ഓഗസ്റ്റ് വരെ എക്സ്പയറി ഡേറ്റ് ഉള്ള ഉൽപ്പന്നങ്ങളെയാണ് ഇത് ബാധിക്കുന്നത്. താൽക്കാലികമായ ആരോഗ്യപ്രശ്നങ്ങൾക്ക് കാരണമായേക്കാവുന്ന ‘ക്ലാസ് II’ (Class II) വിഭാഗത്തിലാണ് എഫ്.ഡി.എ ഈ നടപടിയെ ഉൾപ്പെടുത്തിയിരിക്കുന്നത്. ഹോർമോൺ എങ്ങനെയാണ് ഉൽപ്പന്നങ്ങളിൽ കലർന്നതെന്ന് വ്യക്തമല്ല.

പോളണ്ടിന്റെ വ്യോമാതിർത്തിയിൽ റഷ്യൻ ക്രൂയിസ് മിസൈൽ; പ്രകോപനപരമായ നടപടിയെന്ന് പ്രധാനമന്ത്രി ഡൊണാൾഡ് ടസ്ക്

വാർസോ: യുക്രെയ്‌നിനെതിരെ റഷ്യ നടത്തിയ ശക്തമായ വ്യോമാക്രമണത്തിനിടെ പോളണ്ടിന്റെ വ്യോമാതിർത്തിയിൽ റഷ്യൻ ക്രൂയിസ് മിസൈൽ പ്രവേശിച്ചതായി പോളിഷ് ഭരണകൂടം അറിയിച്ചു.  വെള്ളിയാഴ്ച പുലർച്ചെ രാജ്യത്തിന്റെ വ്യോമാതിർത്തിയിൽ പ്രവേശിച്ച മൂന്ന് സംശയാസ്പദ വസ്തുക്കളിൽ ഒന്ന് റഷ്യൻ ക്രൂയിസ് മിസൈലാണെന്നാണ് അധികൃതരുടെ വെളിപ്പെടുത്തൽ. സംഭവത്തോടെ കിഴക്കൻ യൂറോപ്പിലെ സുരക്ഷാ സാഹചര്യങ്ങളുമായി ബന്ധപ്പെട്ട ആശങ്കകൾ വീണ്ടും ശക്തമായിരിക്കുകയാണ്. സംഭവത്തിൽ കടുത്ത പ്രതികരണവുമായി പോളണ്ട് പ്രധാനമന്ത്രി ഡൊണാൾഡ് ടസ്ക് രംഗത്തെത്തി. മേഖലയിൽ പാശ്ചാത്യ രാജ്യങ്ങളുടെ സൈനിക സേനകൾ സംയുക്ത സൈനികാഭ്യാസം നടത്തുന്നതിനിടെയാണ് വ്യോമാതിർത്തി ലംഘനം ഉണ്ടായതെന്ന് അദ്ദേഹം ചൂണ്ടിക്കാട്ടി. സംഭവത്തെ കേവലം യാദൃശ്ചികമായോ അബദ്ധത്തിൽ സംഭവിച്ച വ്യോമാതിർത്തി ലംഘനമായോ കാണാനാകില്ലെന്നും റഷ്യയുടെ പ്രകോപനപരമായ നടപടിയായാണ് പോളണ്ട് ഇതിനെ വിലയിരുത്തുന്നതെന്നും അദ്ദേഹം വ്യക്തമാക്കി. അതേസമയം, സംഭവവുമായി ബന്ധപ്പെട്ട് റഷ്യൻ ഭരണകൂടം ഇതുവരെ ഔദ്യോഗിക പ്രതികരണമൊന്നും നടത്തിയിട്ടില്ലെന്നാണ് റിപ്പോർട്ടുകൾ. യുക്രെയ്‌നിനെ ലക്ഷ്യമിട്ട് റഷ്യ നടത്തിയ വൻതോതിലുള്ള…