Category: AMERICA

ഹൂസ്റ്റൺ: കാരുണ്യത്തിന്റെ കരങ്ങളുമായി വീണ്ടും ഹൂസ്റ്റൺ ട്രിനിറ്റി മാർത്തോമ്മാ ഇടവക! കോവിഡ് കാലത്ത് പ്രശംസനീയമായ ദുരിതാശ്വാസ പ്രവർത്തനങ്ങൾ നടത്തിയ ട്രിനിറ്റി ഇടവക പ്രേക്ഷിത പ്രവർത്തനങ്ങളുടെ ഭാഗമായി ഭവന ദാന പദ്ധതിയും വിദ്യാഭ്യാസ സഹായ പദ്ധതിയും ആവിഷ്കരിച്ചു നടപ്പാക്കി വരുന്നു. ഈ കോവിഡ് നാളുകളിൽ സാമ്പത്തികമായി ബുദ്ധിമുട്ട് അനുഭവിക്കുന്ന കേരളത്തിലെ സഹോദരങ്ങൾക്കായി വിവിധ സഹായ പ്രവർത്തനങ്ങൾ നടത്തിയതോടൊപ്പം ഈ പദ്ധതികൾ വിഭാവനം ചെയ്യാനും നടപ്പിൽ വരുത്തുവാനും ട്രിനിറ്റി ഇടവകയ്ക്ക് കഴിഞ്ഞ രണ്ടു വർഷങ്ങളിൽ ഇടയായി. അതിൽ ഏറ്റവും പുതുതായി നടപ്പിലാക്കികൊണ്ടിരിക്കുന്ന പദ്ധതിയാണ് ജാതി മത വ്യത്യാസമെന്യേ സാമ്പത്തിക ബുദ്ധിമുട്ട് അനുഭവിക്കുന്ന ഭവനങ്ങളിലെ 24 നേഴ്സിങ് വിദ്യാർത്ഥിനികൾക്ക് വിദ്യാഭ്യാസ സഹായം നൽകുക എന്നത്. ഒരാൾക്ക് 4 ലക്ഷം രൂപ (ഒരു വർഷം 1 ലക്ഷം രൂപ വീതം) നൽകി ബി.എസ്. സി നഴ്സിങ് വിദ്യാർത്ഥിനികളെ സഹായിക്കുന്ന ഈ പദ്ധതിയിലേക്ക് കേരളത്തിന്റെ…

കോട്ടയം പരിയാരം കുഴിയത്തു തൂമ്പുങ്കൽ കുടുംബാഗവും പരേതനായ കെ.എ. എബ്രഹാമിന്റെ ഭാര്യയുമായ റേച്ചൽ എബ്രഹാം ഏപ്രില്‍ 3 ഞായറാഴ്ച പുലര്‍ച്ചെ 2 മണിക്ക് കോട്ടയത്ത് അന്തരിച്ചു. ശവസംസ്കാര ചടങ്ങ് ചൊവ്വാഴ്ച രാവിലെ 10:30 സ്വവസതിയിൽ ആരംഭിക്കും. തുടർന്ന് പരിയാരം സെന്റ് പീറ്റേഴ്സ് ഓർത്തഡോക്സ് പള്ളി സെമിത്തേരിയിൽ സംസ്ക്കരിക്കും. മക്കൾ: സുനിൽ എബ്രഹാം (എം‌ആര്‍‌എഫ്, സേലം, തമിഴ്നാട്), അനിൽ എബ്രഹാം (യു‌എസ്‌എ). മരുമക്കൾ: സുനില എബ്രഹാം, അനിത എബ്രഹാം (യു‌എസ്‌എ). പേരക്കുട്ടികൾ: ഷോൺ എബ്രഹാം, റോണ്‍ എബ്രഹാം, അനിത് എബ്രഹാം, അഷ്‌ല്ൻ എബ്രഹാം.

കാൾഗറി: ആൽബർട്ട ഹീറോസും കാൾഗറി മലയാളി അസോസിയേഷനും സംയുകതമായി പോസിറ്റീവ് മെന്റൽ ഹെൽത്ത് ആൻഡ് വെൽനെസ്സ് എന്ന വിഷയത്തെക്കുറിച്ച് വെബ്ബിനാർ സംഘടിപ്പിക്കുന്നു. 2022 ഏപ്രിൽ 9 ന് ശനിയാഴ്ച ആൽബർട്ട സമയം രാവിലെ 10:30 മുതൽ ഉച്ചയ്ക്ക് 12 മണി വരെയാണ് വെബ്ബിനാർ സംഘടിപ്പിച്ചിരിക്കുന്നത്. വില്യം ഓസ്ലർ ഹെൽത്ത് സിസ്റ്റം സോഷ്യൽ വർക്കർ രശ്മി ജോർജ് , ആൽബർട്ട ഹെൽത്ത് സർവീസിലെ മെന്റൽ ഹെൽത്ത് തെറാപ്പിസ്റ്റ് ടീനു ടെല്ലെൻസ് , ആൽബെർട്ട കോളേജ് ഓഫ് സോഷ്യൽ വർക്കേഴ്സിലെ കൗസിൽ മെമ്പറും ഓക് ഹിൽ ബ്രാഞ്ച് പ്രോഗ്രാം മാനേജറും ആയ സാമുവേൽ മാമൻ, ആൽബർട്ട ഹീറോസ് കോഡിനേറ്റർ ഷൈൻ കെ ജോസ് എന്നിവർ സംസാരിക്കും. പോസറ്റീവ് മെന്റൽ ഹെൽത്തിനെ കുറിച്ച് കമ്മ്യൂണിറ്റിയിൽ അവബോധം ഉണ്ടാക്കുക എന്നതാണ് ഈ ഒരു വെബ്ബിനറിന്റെ ഉദ്ദേശം. വെബിനാറിൽ ചേരാൻ താല്പര്യമുള്ള ആളുകൾ, ചുവടെയുള്ള…

ന്യൂയോര്‍ക്ക്: ന്യൂയോര്‍ക്കിലെ ഇന്ത്യൻ നഴ്സുമാരുടെ ജിഹ്വയും പ്രതിനിധി സംഘടനയും അമേരിക്കയിലെ പ്രൊഫഷണൽ സംഘടനകളിൽ പ്രമുഖവുമായ ഇന്ത്യൻ നഴ്സസ് അസോസിയേഷൻ ഈ വർഷത്തെ ലേഖന മത്സരത്തിലേക്ക് രചനകൾ ക്ഷണിക്കുന്നു. അതോടൊപ്പം സ്റ്റുഡൻറ് സ്കോളര്ഷിപ്പിനും നഴ്സിംഗ് എക്സെലെൻസ് അവാർഡിനും നോമിനേഷനുകളും സ്വീകരിക്കുന്നു. ‘നഴ്സ സ് മെയ്ക്ക് എ ഡിഫറെൻസ്’ എന്നതാണ് ഈ വർഷത്തെ തീം. ഡബിൾ സ്പേസിൽ രണ്ടു പേജിൽ കവിയാത്ത എസ്സെ (250-300 വാക്കുകൾ) awards@inany.org എന്ന ഇമെയിൽ അഡ്രസ്സിൽ അയയ്ക്കണമെന്നു അവാർഡ്‌സ് ആൻഡ് സ്കോളർഷിപ് കമ്മിറ്റി ചെയർ ഗ്രേസ് അലക്സാണ്ടർ അറിയിക്കുന്നു. മത്സരത്തിൽ പങ്കെടുക്കുന്ന ആളിന്റെ പേരോ മറ്റെന്തെങ്കിലും വ്യക്തിപരമായ വിവരമോ എസ്സെ പേജുകളിൽ ഉണ്ടാകരുത്. എസ്സെ എഴുതുന്നയാളുടെ പേര്, വിദ്യഭ്യാസ യോഗ്യത, കോണ്ടാക്ട് (ഫോൺ നമ്പർ, ഇമെയിൽ അഡ്രസ്) എന്നിവ ഒരു കവർ പേജിൽ പ്രത്യേകം ചേർക്കണം. ഏപ്രിൽ 30 ആണ് അവസാന തിയതി. വാർഷിക…

ഹൂസ്റ്റൻ: മാർച്ച് 26ന് ഹൂസ്റ്റനിൽ അരങ്ങേറിയ കെ എച്ച് എൻ എ ശുഭാരംഭം അക്ഷരാർത്ഥത്തിൽ ഒരു മിനി കൺവൻഷൻ തന്നെയായി മാറി. സംഘാടകരുടെ കണക്കുകൂട്ടലുകൾ തെറ്റിച്ച് ഒഴുകിയെത്തിയ പുരുഷാരo സ്‌റ്റാഫോർഡിലെ സെൻറ് ജോസഫ് ഹാൾ നിറഞ്ഞു കവിഞ്ഞു. 800 ൽ അധികം ആളുകൾ പങ്കെടുത്ത ഒരു ശുഭാരംഭം KHNA യുടെ ചരിത്രത്തിൽ ഉണ്ടായിട്ടില്ല. 12ാ മത് കൺവൻഷൻ ശുഭാരംഭത്തിന് 12 അമ്മമാർ ഭദ്രദീപം തെളിയിച്ചതോടെ തുടക്കം കുറിച്ചു. കെ എച്ച് എൻ എയുടെ അഭിമാന ചുവടുവയ്പായ ‘മൈഥിലി മാ’ ചെയർപേഴ്സൻ പൊന്നു പിള്ള ആദ്യത്തെ തിരി തെളിയിച്ചു തുടർന്ന് 11 അമ്മമാരും. ആതിര സുരേഷ് ആലപിച്ച പ്രാർത്ഥനക്കു ശേഷം അരിസോണ കൺവൻഷനിൽ നിന്നും പ്രസിഡൻ്റ ജി കെ പിള്ള ഏറ്റുവാങ്ങിയ ധ്വജം സതേൺ റീജിയണൽ വൈസ് പ്രസിഡൻ്റ് ശ്രീമതി പൊടിയമ്മ പിള്ളയിൽ നിന്നും സ്വീകരിച്ച് സദസ്സിനു സമർപ്പിച്ച്…

ഉക്രെയ്നിലെ തെക്കൻ തുറമുഖ നഗരമായ ഒഡെസയ്ക്ക് സമീപമുള്ള ഒരു എണ്ണ ശുദ്ധീകരണശാലയും മൂന്ന് ഇന്ധന സംഭരണ ​​കേന്ദ്രങ്ങളും തങ്ങളുടെ കടൽ, വ്യോമ മിസൈലുകൾ തകർത്തതായി റഷ്യയുടെ പ്രതിരോധ മന്ത്രാലയം അവകാശപ്പെട്ടു. മൈക്കോളൈവ് നഗരത്തിന് സമീപം സൈനികർക്ക് വിതരണം ചെയ്യാൻ ഉക്രെയ്ൻ ഉപയോഗിച്ചിരുന്നതാണിവ. “ഇന്ന് രാവിലെയാണ് ഉയർന്ന കൃത്യതയുള്ള കടലും വായു അധിഷ്ഠിത മിസൈലുകളും ഒഡെസ നഗരത്തിനടുത്തുള്ള ഒരു എണ്ണ ശുദ്ധീകരണശാലയും ഇന്ധനത്തിനും ലൂബ്രിക്കന്റിനുമുള്ള മൂന്ന് സംഭരണ ​​കേന്ദ്രങ്ങളും നശിപ്പിച്ചത്. അവിടെനിന്നാണ് മൈക്കോളൈവിന്റെ ദിശയിലുള്ള ഉക്രേനിയൻ സൈനികർക്ക് ഇന്ധനം വിതരണം ചെയ്തിരുന്നത്,” റഷ്യന്‍ പ്രതിരോധ മന്ത്രാലയത്തിന്റെ പ്രസ്താവനയില്‍ പറഞ്ഞു. ആക്രമണത്തിൽ ക്രെമെൻചുഗ് ഓയിൽ റിഫൈനറി പൂർണമായും തകർന്നതായി പോൾട്ടാവ മേഖല ഗവർണർ ദിമിട്രോ ലുനിൻ പറഞ്ഞു. റിഫൈനറിയിലെ തീ അണച്ചെങ്കിലും സൗകര്യം പൂർണ്ണമായും നശിച്ചു, ഇനി പ്രവർത്തിക്കാൻ കഴിയില്ല എന്ന് ലുനിൻ പറഞ്ഞു. മോസ്‌കോയുടെ സൈന്യം വീണ്ടും സംഘടിക്കുന്നുവെന്ന…

റഷ്യയുടെയും ഉക്രേനിയൻ പ്രസിഡന്റുമാരുടെയും ഉച്ചകോടിക്ക് വഴിയൊരുക്കാൻ ഉക്രെയ്നുമായുള്ള സമാധാന ചർച്ചകൾ വേണ്ടത്ര പുരോഗമിച്ചിട്ടില്ലെന്ന് റഷ്യയുടെ പ്രധാന ഇടലിനിലക്കാരന്‍ വ്‌ളാഡിമിർ മെഡിൻസ്‌കി പറഞ്ഞു. “ഉക്രെയ്നിന്റെ നിഷ്പക്ഷവും ആണവ ഇതരവുമായ നിലയുമായി ബന്ധപ്പെട്ട വിഷയങ്ങളോടുള്ള സമീപനത്തിൽ ഉക്രേനിയൻ ഭാഗം കൂടുതൽ യാഥാർത്ഥ്യബോധമുള്ളതായി മാറിയിരിക്കുന്നു. എന്നാൽ, കരട് കരാർ ഉച്ചകോടി യോഗത്തിന് സമർപ്പിക്കാൻ തയ്യാറല്ല” എന്ന് അദ്ദേഹം ഞായറാഴ്ച പറഞ്ഞു. റഷ്യൻ പ്രസിഡന്റ് വ്‌ളാഡിമിർ പുടിനും ഉക്രേനിയൻ പ്രസിഡൻറ് വോലോഡൈമർ സെലെൻസ്‌കിയും തമ്മിലുള്ള ചർച്ചയുടെ സാധ്യതയെക്കുറിച്ചുള്ള ഉക്രെയ്‌നിലെ ചർച്ചക്കാരുടെ “ശുഭാപ്തിവിശ്വാസം” താൻ പങ്കുവെക്കുന്നില്ലെന്ന് അദ്ദേഹം പറഞ്ഞു. “ഞാൻ വീണ്ടും വീണ്ടും ആവർത്തിക്കുന്നു: ക്രിമിയയിലും ഡോൺബാസിലും റഷ്യയുടെ നിലപാട് മാറ്റമില്ലാതെ തുടരുന്നു.” കിഴക്കൻ ഉക്രെയ്‌നിലെ റഷ്യൻ വംശജർ കൂടുതലായി തിങ്ങിപ്പാർക്കുന്ന ഡൊനെറ്റ്‌സ്കിനെയും ലുഹാൻസ്കിനെയും സ്വതന്ത്രമാക്കാന്‍ ഫെബ്രുവരി 24-ന് പുടിൻ “പ്രത്യേക സൈനിക നടപടി” പ്രഖ്യാപിച്ചു. അഭൂതപൂർവമായ ഉപരോധം ഏർപ്പെടുത്തിക്കൊണ്ട് അമേരിക്കയും അതിന്റെ യൂറോപ്യൻ…

ഹൂസ്റ്റൺ: കേരള ഹിന്ദൂസ് ഓഫ് നോർത്ത് അമേരിക്ക ( കെ എച്ച് എൻ എ ) യുടെ ആഭിമുഖ്യത്തിൽ സേവ ഫോറം രൂപീകരിച്ചു. കെ എച്ച് എൻ എ യുടെ കീഴിൽ ജീവകാരുണ്യ പ്രവർത്തനങ്ങൾ ഊർജ്ജിതമാക്കുന്നതിനു വേണ്ടിയാണ് സേവ ഫോറം രൂപീകരിക്കപ്പെട്ടിട്ടുള്ളത്. ഗോപൻ നായരെ ഫോറം അദ്ധ്യക്ഷനായും മോഹൻ പനങ്കാവിൽ (MICHIGAN), മധു ചെറിയേടത്ത്(NEWJERSY) , മുരളീ കേശവൻ(ഹ്യൂസ്റ്റൺ) എന്നിവരെ ഉപാദ്ധ്യക്ഷൻമാരായും നിയോഗിച്ചു. നിർദ്ധനരും രോഗാതുരരുമായ അവകാശ കലാകാരൻമാരെയും നിരാശ്രയരെയും കണ്ടെത്തി കഴിയുന്ന സഹായങ്ങൾ സേവ ഫോറം എത്തിച്ചു നൽകും . സേവ ഫോറത്തിന്റെ പ്രവർത്തനങ്ങളെ കെ എച്ച് എൻ എ മാർക്കറ്റിംഗ് കമ്മിറ്റിയുമായി സമന്വയിപ്പിച്ച് പ്രചരിപ്പിക്കുകയും വിവിധ മാധ്യമങ്ങളിലൂടെ പൊതുജനങ്ങളെ അറിയിക്കുകയും ചെയ്യും. ബജറ്റ് കമ്മിറ്റിയുടെ മേൽനോട്ടത്തിലായിരിക്കും സേവ ഫോറത്തിന്റെ പ്രവർത്തനം . ഫോറത്തിന്റെ പ്രവർത്തനങ്ങളെ എല്ലാ മാസവും എക്സിക്യുട്ടീവ് കമ്മിറ്റി വിലയിരുത്തുകയും ഭാവിയിൽ നടപ്പാക്കേണ്ട…