വാഷിംഗ്ടണ്: എച്ച്-1ബി, എച്ച്-4 വിസ കൈവശമുള്ള ജീവനക്കാരോട് ഉടൻ അമേരിക്കയിലേക്ക് മടങ്ങാൻ മൈക്രോസോഫ്റ്റ് നിർദ്ദേശിച്ചു. സെപ്റ്റംബർ 21 മുതൽ പ്രാബല്യത്തിൽ വരുന്ന തരത്തിൽ യുഎസ് ഭരണകൂടം എച്ച്-1ബി വിസ ഫീസ് വർദ്ധിപ്പിച്ചതിന് ശേഷമാണ് കമ്പനിയുടെ നീക്കം. ഈ പുതിയ ഉത്തരവ് പ്രകാരം, ഓരോ എച്ച്-1ബി വിസയ്ക്കും കമ്പനികൾ ഇപ്പോൾ പ്രതിവർഷം 100,000 ഡോളർ നൽകേണ്ടിവരും. സോഫ്റ്റ്വെയർ ഭീമൻ യുഎസിലുള്ളവരോട് ഇവിടെ തന്നെ തുടരാൻ നിർദ്ദേശിച്ചിട്ടുണ്ട്. “H-1B വിസ ഉടമകളും, H-4 വിസ ഉടമകളും തൽക്കാലം യുഎസിൽ തന്നെ തുടരണം. അമേരിക്കയില് നിന്ന് പുറത്തേക്ക് യാത്ര ചെയ്യരുത്. എല്ലാ H-1B, H-4 വിസ ഉടമകളും സെപ്തംബര് 21-നു മുമ്പ് അമേരിക്കയിലേക്ക് തിരിച്ചുവരണമെന്ന് നിര്ദ്ദേശിക്കുന്നു,” മൈക്രോസോഫ്റ്റിന്റെ ഇമെയിലിൽ പറയുന്നു. ഇന്ത്യയിൽ നിന്നും ചൈനയിൽ നിന്നുമുള്ള വൈദഗ്ധ്യമുള്ള തൊഴിലാളികളെ വളരെയധികം ആശ്രയിക്കുന്ന ടെക് മേഖലയ്ക്ക് ട്രംപിന്റെ ഈ നീക്കം കനത്ത പ്രഹരമാണ്…
എച്ച്-1ബി വിസയില് ട്രംപിന്റെ പുതിയ ഉത്തരവ്: ടെക് മേഖലയിൽ അങ്കലാപ്പ്; H-1B, H-4 വിസ ഉടമകൾ ഉടൻ അമേരിക്കയിലേക്ക് മടങ്ങണമെന്ന് മൈക്രോസോഫ്റ്റ്
