Category: AMERICA

ടാമ്പാ (ഫ്ലോറിഡ): 35-ാം വർഷത്തിലേക്കു കടക്കുന്ന സെൻട്രൽ ഫ്ലോറിഡയിലെ ആദ്യത്തെ മലയാളി സംഘടനയായ മലയാളി അസോസിയേഷൻ ഓഫ് സെൻട്രൽ ഫ്ലോറിഡ (MACF) 2025 കമ്മിറ്റിയുടെ ഔദ്യോഗിക ഉദ്ഘാടനം മാർച്ച് 29-ന് ടാമ്പായിലെ സേക്രഡ് ഹാർട്ട് ക്നാനായ കമ്മ്യൂണിറ്റി ഹാളിൽ (2620 Washington Rd, Valrico, FL 33594) അതിഗംഭീരമായി നടത്തുന്നു. ടാമ്പാ ഇന്റർനാഷണൽ എയർപോർട്ട് പ്ലാനിംഗ് വൈസ് പ്രസിഡന്റ് ശ്രീമതി സ്മിത രാധാകൃഷ്ണനാണ് മുഖ്യാതിഥി. അസ്സോസിയേഷന്‍ പ്രസിഡന്റ് ടോജിമോൻ പൈത്തുരുത്തേലിന്റെയും, സെക്രട്ടറി ഷീല ഷാജുവിന്റെയും, ട്രഷറർ സാജൻ കോരതിന്റെയും നേതൃത്വത്തിലുള്ള എക്സിക്യൂട്ടീവ് കമ്മിറ്റി ഇതിനോടകം എല്ലാ തയ്യാറെടുപ്പുകളും ചെയ്തു കഴിഞ്ഞു. ഈ ആഘോഷത്തിൽ പങ്കുചേരാൻ ടാമ്പയിലെ എല്ലാ മലയാളി സുഹൃത്തുക്കളെയും MACF സ്വാഗതം ചെയുകയും, ഓരോരുത്തരുടെയും സാന്നിധ്യ സഹകരണങ്ങൾ കൊണ്ട് ഈ ആഘോഷം വിജയിപ്പിക്കണമെന്നും അഭ്യർത്ഥിക്കുന്നു. MACF വിമൻസ് ഫോറം നടത്തുന്ന ഫാഷൻ ഫിയസ്റ്റ മുതിർന്നവർക്കും കുട്ടികളും…

അമേരിക്കയിലുള്ള മാർ അത്തനേഷ്യസ് ആർട്സ് & സയൻസ് കോളേജിലെ പൂർവവിദ്യാർഥി സംഘടനയായ മാർ അത്തനേഷ്യസ് കോളേജ് ആർട്സ് & സയൻസ് യു. എസ്. എ. ആലുമ്നി (MAC USA Alumni) യുടെ ഔപചാരിക ഉത്‌ഘാടനം മാർച്ച് 14 വെള്ളിയാഴ്‌ച നടന്നു. വൈകിട്ടു 9 മണിക്ക് (EST) (ഇന്ത്യൻ സ്റ്റാൻഡേർഡ് ടൈം ശനിയാഴ്‌ച രാവിലെ 6:30 ന്) എം. എ. കോളേജ് അസോസിയേഷൻ സെക്രട്ടറിയും ആർട്സ് & സയൻസ് കോളേജ് മുൻ പ്രിൻസിപ്പലുമായ ഡോ. വിന്നി വർഗീസിൻറെ അധ്യക്ഷതയിൽ സൂം പ്ലാറ്ഫോമിൽ നടന്ന പൂർവ വിദ്യാർഥി സമ്മേളനത്തിൽ വച്ച് കോളേജ് പ്രിൻസിപ്പൽ ഡോ. മഞ്ജു കുര്യൻ ഉത്‌ഘാടന കർമ്മം നിർവഹിച്ചു. മണ്മറഞ്ഞ അധ്യാപകരെയും, വിദ്യാർത്ഥികളെയും അനുസ്മരിച്ചുകൊണ്ടുള്ള മൗനപ്രാർത്ഥനയോടും, Ms. ജാനിയ പീറ്ററിൻറെ പ്രാർത്ഥനാ ഗാനത്തോടും കൂടെ മീറ്റിംഗ് സമാരംഭിച്ചു. യൂ. എസ്. എ. ചാപ്റ്റർ പുനർസംഘടിപ്പിക്കാൻ മുൻകൈയെടുത്ത പ്രസിഡണ്ട്…

പുന്നയൂര്‍ക്കുളം: പ്രവാസി സാഹിത്യകാരനും അമേരിക്കന്‍ മലയാളിയുമായ അബ്ദുള്‍ പുന്നയൂര്‍ക്കുളത്തിനെ ആറ്റുപുറം റസിഡന്‍സ് അസ്സോസിയേഷന്‍ ആദരിച്ചു. അദ്ദേഹത്തോടൊപ്പം ബുഷ്റ കുഞ്ഞിമോനെയും ആദരിച്ചു. അസ്സോസിയേഷന്റെ നേതൃത്വത്തില്‍ നടത്തിയ സമൂഹ നോമ്പുതുറയിലാണ് ഇരുവര്‍ക്കും സ്നേഹാദരവ് നല്‍കിയത്. കെ. മുഹമ്മദുണ്ണി സംഗമം ഉദ്ഘാടനം ചെയ്തു. പ്രസിഡന്റ് അബ്ദുളള കാഞ്ഞിരപ്പളളി അദ്ധ്യക്ഷത വഹിച്ചു. പരൂര്‍ പളളി ഖത്തീബ് അഹമ്മദുല്‍ കബീര്‍ സഖാഫി പ്രഭാഷണം നടത്തി. ഉമ്മര്‍ അറക്കല്‍, ഡോ. രാജേഷ് കൃഷ്ണന്‍ (ശാന്തി ഹോസ്പിറ്റല്‍ എം.ഡി.), പത്രപ്രവര്‍ത്തകന്‍ എം.വി. ജോസ്, പഞ്ചായത്ത് മെമ്പര്‍ അനിതാ ധര്‍മ്മന്‍ എന്നിവര്‍ പ്രസംഗിച്ചു. അസ്സോസിയേഷന്‍ ഭാരവാഹികളായ ഗീത ടീച്ചര്‍ സ്വാഗതവും നീലിമ ഉണ്ണി നന്ദിയും പറഞ്ഞു.

വാഷിംഗ്ടണ്‍: “ഒരു വ്യക്തിക്ക് അമേരിക്കയിൽ താമസിക്കാനുള്ള അനിശ്ചിതകാല അവകാശം ഗ്രീൻ കാർഡ് നൽകുന്നില്ല” എന്ന് പ്രഖ്യാപിച്ചുകൊണ്ട് യുഎസ് വൈസ് പ്രസിഡന്റ് ജെഡി വാൻസ് നടത്തിയ വിവാദ പ്രസ്താവനയ്ക്ക് ശേഷം, അമേരിക്കയിലെ ഇന്ത്യൻ സമൂഹത്തിൽ പുതിയൊരു അനിശ്ചിതത്വം ഉടലെടുത്തിരിക്കുകയാണ്. ഈ പരാമർശം ദശലക്ഷക്കണക്കിന് ഇന്ത്യൻ കുടിയേറ്റക്കാരെ, പ്രത്യേകിച്ച് ഗ്രീൻ കാർഡ് ഉടമകളെയും, എച്ച്-1ബി വിസയില്‍ ജോലി ചെയ്യുന്നവരെയും, എഫ്-1 വിദ്യാർത്ഥികളെയും, രാജ്യത്ത് താമസിക്കുന്നതിന്റെ ഭാവിയെക്കുറിച്ച് ആശങ്കയിലാഴ്ത്തി. സമീപ ആഴ്ചകളിൽ, യുഎസ് ഗവൺമെന്റ് ഇമിഗ്രേഷൻ എൻഫോഴ്‌സ്‌മെന്റ് ശ്രമങ്ങൾ ശക്തമാക്കിയിട്ടുണ്ട്. യുഎസ് സിറ്റിസൺഷിപ്പ് ആൻഡ് ഇമിഗ്രേഷൻ സർവീസസ് (യുഎസ്‌സിഐഎസ്), ഇമിഗ്രേഷൻ ആൻഡ് കസ്റ്റംസ് എൻഫോഴ്‌സ്‌മെന്റ് (ഐസിഇ), ഡിപ്പാർട്ട്‌മെന്റ് ഓഫ് ഹോംലാൻഡ് സെക്യൂരിറ്റി (ഡിഎച്ച്എസ്), കസ്റ്റംസ് ആൻഡ് ബോർഡർ പ്രൊട്ടക്ഷൻ (സിബിപി) എന്നിവയുൾപ്പെടെ ഒന്നിലധികം ഏജൻസികൾ വിവിധ പ്രവേശന തുറമുഖങ്ങളിൽ പരിശോധനകൾ ശക്തമാക്കിയിട്ടുണ്ട്. സർക്കാരിന്റെ ഉദ്ദേശ്യങ്ങൾ വ്യക്തമാണെങ്കിലും, യുഎസിലെ ഏറ്റവും വലിയ കുടിയേറ്റ…

ന്യൂയോർക്ക്: അമേരിക്കയുടെ രണ്ടാമത്തെ വനിത ഉഷ വാൻസിൻറെ ഗ്രീൻലാൻഡ് സന്ദർശനവുമായി ബന്ധപ്പെട്ട് അപ്രതീക്ഷിത വിവാദങ്ങൾ ഉയർന്നു. തന്ത്രപരമായി സ്ഥിതിചെയ്യുന്ന ദ്വീപ് ഏറ്റെടുക്കാനുള്ള പ്രസിഡന്റ് ഡൊണാൾഡ് ട്രംപിന്റെ നിർദ്ദേശവുമായി ബന്ധപ്പെട്ട സംഘർഷങ്ങൾ കാരണമാണ് ഈ യാത്ര ആശങ്കകൾ ഉയർത്തിയിട്ടുള്ളത്. ഞായറാഴ്ചയാണ് വൈസ് പ്രസിഡന്റ് ജെ.ഡി. വാൻസിന്റെ ഭാര്യ ഉഷ വാൻസ് ഗ്രീൻലാൻഡ് സന്ദർശിക്കുന്നതായി പ്രഖ്യാപിച്ചത്. അവിടെ ദേശീയ നായ്ക്കളുടെ ഓട്ടമത്സരമായ അവന്നാട്ട കിമുസ്സെർസുവിൽ പങ്കെടുക്കാനാണ് അവർ ഉദ്ദേശിക്കുന്നത്. പരിപാടിയിൽ 37 മുഷറുകളും 444 നായ്ക്കളും പങ്കെടുക്കുന്നുണ്ട്. രാജ്യത്തിന്റെ സംസ്കാരം, പാരമ്പര്യങ്ങൾ, മനോഹരമായ പ്രകൃതിദൃശ്യങ്ങൾ എന്നിവ പര്യവേക്ഷണം ചെയ്യാനുള്ള അവരുടെ പദ്ധതി പ്രത്യക്ഷത്തില്‍ നിരുപദ്രവകരമാണെന്ന് തോന്നുമെങ്കിലും, ദേശീയ സുരക്ഷാ ഉപദേഷ്ടാവ് മൈക്ക് വാൾട്ട്സ്, ഊർജ്ജ സെക്രട്ടറി ക്രിസ് റൈറ്റ് എന്നിവരുടെ ഉന്നത സന്ദർശനങ്ങളുമായി അവരുടെ സന്ദർശനം ഒത്തുവരുന്നു. ഇത് ഗ്രീൻലാൻഡ് ഏറ്റെടുക്കുന്നതിനെക്കുറിച്ചുള്ള പ്രസിഡന്റ് ട്രംപിന്റെ മുൻ പ്രസ്താവനകൾ കണക്കിലെടുക്കുമ്പോൾ കാര്യങ്ങൾ…

വാഷിംഗ്ടണ്‍: ഏപ്രിൽ 2 മുതൽ വെനിസ്വേലയിൽ നിന്ന് എണ്ണയും വാതകവും വാങ്ങുന്ന രാജ്യങ്ങൾക്ക് 25% തീരുവ ഏർപ്പെടുത്തുമെന്ന് യുഎസ് പ്രസിഡന്റ് ഡൊണാൾഡ് ട്രംപ് തിങ്കളാഴ്ച പ്രഖ്യാപിച്ചു. അമേരിക്കയുടെ “ശത്രു” എന്ന് ട്രംപ് വിശേഷിപ്പിച്ച വെനിസ്വേലയിൽ സാമ്പത്തിക സമ്മർദ്ദം ചെലുത്തുക എന്നതാണ് ഈ നീക്കത്തിന്റെ ലക്ഷ്യം. ട്രംപിന്റെ ഈ നീക്കം ആഗോള ഊർജ്ജ വിപണിയിൽ പ്രക്ഷുബ്ധതയ്ക്ക് കാരണമാകും. വെനിസ്വേലയിൽ നിന്ന് ഏറ്റവും കൂടുതൽ അസംസ്കൃത എണ്ണ വാങ്ങുന്ന രാജ്യങ്ങളായി കണക്കാക്കപ്പെടുന്ന ഇന്ത്യ, ചൈന തുടങ്ങിയ രാജ്യങ്ങൾക്ക് ഈ തീരുമാനം പുതിയ വെല്ലുവിളികൾ സൃഷ്ടിച്ചേക്കാം. “വെനിസ്വേല അറിഞ്ഞും വഞ്ചനാപരമായും ആയിരക്കണക്കിന് കുറ്റവാളികളെ അമേരിക്കയിലേക്ക് അയച്ചിട്ടുണ്ട്, അതിൽ വിദേശ ഭീകര സംഘടനയായി പ്രഖ്യാപിച്ച ട്രെൻ ഡി അരാഗ്വ പോലുള്ള അക്രമാസക്ത സംഘങ്ങളിലെ അംഗങ്ങളും ഉൾപ്പെടുന്നു,” ട്രംപ് തന്റെ സോഷ്യൽ മീഡിയ പ്ലാറ്റ്‌ഫോമായ ട്രൂത്ത് സോഷ്യലിൽ പറഞ്ഞു. താരിഫുകളെ “ദ്വിതീയ താരിഫുകൾ” എന്ന്…

വാഷിംഗ്ടണ്‍: യെമനിലെ യു എസ് ആക്രമണങ്ങളെക്കുറിച്ചുള്ള രഹസ്യ വിവരങ്ങള്‍ പ്രസിഡന്റ് ട്രംപിന്റെ ഉന്നത ദേശീയ സുരക്ഷാ ഉദ്യോഗസ്ഥർ ഒരു പത്രപ്രവർത്തകൻ ഉണ്ടായിരുന്ന ഒരു ഗ്രൂപ്പുമായി പങ്കിട്ടതായി തിങ്കളാഴ്ച റിപ്പോര്‍ട്ട് ചെയ്യപ്പെട്ടു. യമനിലെ ഹൂത്തി വിമതര്‍ക്കെതിരെ അമേരിക്ക നടത്താനിരുന്ന പുതിയ യുദ്ധം ആരംഭിക്കാൻ തീരുമാനിച്ച സമയത്താണ് രഹസ്യ സ്വഭാവമുള്ള ഈ വിവരങ്ങൾ ലഭിച്ചത്. ട്രംപിന്റെ പ്രതിരോധ സെക്രട്ടറി ഉൾപ്പെടെയുള്ള ചില ഉദ്യോഗസ്ഥർ ഈ ആക്രമണവുമായി ബന്ധപ്പെട്ട പ്രധാന വിവരങ്ങൾ ഗ്രൂപ്പിൽ പങ്കിട്ടതായി ദി അറ്റ്ലാന്റിക് എഡിറ്റർ അവകാശപ്പെട്ടു. അബദ്ധവശാല്‍ അദ്ദേഹത്തേയും ആ ഗ്രൂപ്പില്‍ ചേര്‍ത്തിരുന്നു. ഈ വിവരങ്ങൾ ആധികാരികമാണെന്ന് യുഎസ് ദേശീയ സുരക്ഷാ കൗൺസിലും സ്ഥിരീകരിച്ചിട്ടുണ്ട്. ഈ സംഭവത്തെക്കുറിച്ചുള്ള വിവരങ്ങൾ പുറത്തുവന്ന് ഏതാനും മണിക്കൂറുകൾക്ക് ശേഷം, ആദ്യം പ്രസിഡന്റ് ട്രംപ് അതിനെക്കുറിച്ച് തനിക്ക് അറിയില്ലെന്ന് പറഞ്ഞു. പിന്നീട് അദ്ദേഹം അതൊരു തമാശയായിട്ടെടുത്തു. ഈ സന്ദേശങ്ങളിൽ നിരവധി വിശദാംശങ്ങൾ ഉൾപ്പെടുത്തിയിരുന്നു.…

ഒട്ടാവ: രാഷ്ട്രീയ പ്രതിസന്ധിയും ട്രംപിന്റെ താരിഫ് ഭീഷണികളും നിലനിൽക്കെ, കാനഡയിൽ നേരത്തെ തിരഞ്ഞെടുപ്പ് പ്രഖ്യാപിച്ചു. ഏഴ് മാസം മുമ്പ് രാജ്യത്ത് തിരഞ്ഞെടുപ്പ് നടത്താൻ തീരുമാനമെടുത്തിരുന്നു എന്നും എന്നാല്‍, ഇപ്പോൾ പൊതുതെരഞ്ഞെടുപ്പ് ഏപ്രിൽ 28 ന് നടക്കുമെന്നും കനേഡിയന്‍ പ്രധാനമന്ത്രി അടുത്തിടെ പറഞ്ഞിരുന്നു. അതേസമയം, ഇന്ത്യയ്‌ക്കെതിരെ വലിയ ആരോപണമാണ് കാനഡ ഉന്നയിച്ചിരിക്കുന്നത്. ഏപ്രിലിൽ നടക്കാനിരിക്കുന്ന തിരഞ്ഞെടുപ്പിൽ ഇന്ത്യ ഇടപെടാൻ ശ്രമിച്ചേക്കുമെന്ന് കാനഡയുടെ രഹസ്യാന്വേഷണ ഏജൻസി തിങ്കളാഴ്ച അവകാശപ്പെട്ടു. ഇതുമാത്രമല്ല, കാനഡ ചൈന, റഷ്യ, പാക്കിസ്താന്‍ എന്നിവരെയും കുറ്റപ്പെടുത്തിയിട്ടുണ്ട്. രഹസ്യാന്വേഷണ വകുപ്പിന്റെ അഭിപ്രായമനുസരിച്ച്, ഈ രാജ്യങ്ങൾ തിരഞ്ഞെടുപ്പിൽ ഇടപെടാൻ സാധ്യതയുണ്ട്. ശത്രുരാജ്യങ്ങൾ തെരഞ്ഞെടുപ്പുകളിൽ ഇടപെടാൻ കൃത്രിമബുദ്ധി പോലുള്ള സാങ്കേതിക വിദ്യകൾ ഉപയോഗിക്കുന്നുണ്ടെന്ന് കനേഡിയൻ സെക്യൂരിറ്റി ഇന്റലിജൻസ് സർവീസ് (സിഎസ്ഐഎസ്) ഉദ്യോഗസ്ഥൻ തിങ്കളാഴ്ച പറഞ്ഞു. “തിരഞ്ഞെടുപ്പുകളിലുൾപ്പെടെ കാനഡയുടെ ജനാധിപത്യ പ്രക്രിയയിൽ ഇടപെടാൻ ചൈനയ്ക്ക് AI ഉപയോഗിക്കാം. അതുപോലെ, കാനഡയുടെ ജനാധിപത്യ പ്രക്രിയയിൽ…