Category: KERALA

കൊച്ചി: ഏത് കുറ്റകൃത്യം റിപ്പോർട്ട് ചെയ്യപ്പെട്ടാലും ദേവസ്വം വിജിലൻസിന് സ്വന്തമായി കേസ് ഫയൽ ചെയ്യാൻ അധികാരമില്ല. റിപ്പോർട്ട് ചെയ്യാനുള്ള അധികാരം ദേവസ്വം പ്രസിഡന്റിനാണ്. അന്വേഷണ റിപ്പോർട്ടും പ്രസിഡന്റിന് സമർപ്പിക്കണം. ശബരിമല സ്വർണ്ണപ്പാളി അഴിമതി അന്വേഷിക്കുന്ന തിരുവിതാംകൂർ ദേവസ്വം വിജിലൻസ് പല്ലു കൊഴിഞ്ഞ കടലാസ് പുലിയാണ്. അവരുടെ റിപ്പോർട്ട് അനുസരിച്ച്, ആവശ്യമെങ്കിൽ, സർക്കാരോ ഹൈക്കോടതിയോ മറ്റ് ഏജൻസികളെക്കൊണ്ട് അന്വേഷണം നടത്താൻ ഉത്തരവിടണം. പോലീസിൽ നിന്ന് ഡെപ്യൂട്ടേഷനിൽ വരുന്ന ഒരു എസ്പി, മൂന്ന് എസ്ഐമാർ, മൂന്ന് സിപിഒമാർ, മൂന്ന് ദേവസ്വം അസിസ്റ്റന്റ് കമ്മീഷണർമാർ എന്നിവരാണ് ദേവസ്വം വിജിലൻസിൽ ഉള്ളത്. ടീമിൽ ഒരു ഇൻസ്പെക്ടറും ഇല്ല. ഗുരുതരമായ കുറ്റകൃത്യങ്ങൾക്ക്, ദേവസ്വം വിജിലൻസിന്റെ അന്വേഷണ റിപ്പോർട്ടിനായി കാത്തിരിക്കാതെ സർക്കാരിന് നേരിട്ട് ക്രൈം ബ്രാഞ്ചിന്റെയോ പോലീസ് വിജിലൻസിന്റെയോ അന്വേഷണത്തിന് ഉത്തരവിടാം. ദേവസ്വത്തിലെ സേവന കാലയളവിൽ എസ്പിയുടെ രഹസ്യ റിപ്പോർട്ട് എഴുതേണ്ട ഉത്തരവാദിത്തം ദേവസ്വം പ്രസിഡന്റിനാണ്.…

കാസർഗോഡ് ജില്ലയിലെ ആദ്യത്തെ സർക്കാർ എഞ്ചിനീയറിംഗ് കോളേജ് സ്ഥാപിക്കുന്നതിനുള്ള നടപടികൾ ഉന്നത വിദ്യാഭ്യാസ വകുപ്പ് സ്വീകരിച്ചുവരുന്നതായി ഉന്നത വിദ്യാഭ്യാസ, സാമൂഹിക നീതി മന്ത്രി ഡോ. ആർ. ബിന്ദു പറഞ്ഞു. ചെറുവത്തൂരിലെ ഗവൺമെന്റ് ടെക്നിക്കൽ ഹൈസ്കൂൾ പരിസരത്താണ് കോളേജ് ആരംഭിക്കുക. എം. രാജഗോപാലൻ എംഎൽഎയുടെ സാന്നിധ്യത്തിൽ വിളിച്ചുചേർത്ത യോഗത്തിൽ കണ്ണൂർ എഞ്ചിനീയറിംഗ് കോളേജ് പ്രിൻസിപ്പലിനെ ഇതിനായി നോഡൽ ഓഫീസറായി നിയമിക്കാൻ തീരുമാനിച്ചതായും മന്ത്രി പറഞ്ഞു. കാസർഗോഡ് ജില്ലയിലെ സാമ്പത്തികമായി പിന്നാക്കം നിൽക്കുന്നതും അക്കാദമികമായ കഴിവുള്ളവരുമായ നിരവധി വിദ്യാർത്ഥികളുടെ ചിരകാലാവശ്യമാണ് സർക്കാർ ഉടമസ്ഥതയിൽ എഞ്ചിനീയറിംഗ് കോളേജ്. ചെറുവത്തൂരിലെ സർക്കാർ ടെക്നിക്കൽ ഹൈസ്‌കൂൾ വളപ്പിൽ പുതുതലമുറ കോഴ്സുകൾ ഉൾപ്പെടുത്തിയുള്ള ബിടെക് കോഴ്സുകൾ ആരംഭിക്കാനുള്ള ശുപാർശ പരിശോധിച്ചാണ് ഉന്നതവിദ്യാഭ്യാസ വകുപ്പ് നടപടികളിലേക്ക് കടക്കുന്നത്. സംസ്ഥാന ബജറ്റിൽ അനുവദിച്ച തുക ഇതിനായി ലഭ്യമാക്കാൻ നടപടികൾ സ്വീകരിക്കും – മന്ത്രി പറഞ്ഞു. ഇലക്ട്രിക്കൽ ആൻഡ് കമ്പ്യൂട്ടർ…

തിരുവനന്തപുരം: ശബരിമലയിലെ സ്വർണ്ണപ്പാളിയുമായി ബന്ധപ്പെട്ട ഇപ്പോഴത്തെ വിവാദം അയ്യപ്പ ഭക്തരുടെ കണ്ണീരിനുള്ള പ്രതികാരമാണെന്ന് ഹിന്ദു ഐക്യവേദി മുഖ്യ രക്ഷാധികാരി കെ പി ശശികല ടീച്ചർ പറഞ്ഞു. അഖില കേരള തന്ത്രി മണ്ഡലം തിരുവനന്തപുരം ജില്ലാ മണ്ഡലത്തിന്റെ പതിനൊന്നാമത് ജില്ലാ വാർഷിക സമ്മേളനവും ആചാര്യ കുടുംബ സംഗമവും ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അവര്‍. 2018-19 കാലയളവിൽ അയ്യപ്പ ഭക്തര്‍ ഒഴുക്കിയ കണ്ണുനീര്‍ വെറുതെയായില്ലെന്ന് തുടർച്ചയായ വിവാദങ്ങൾ തന്നെ വിശ്വസിപ്പിച്ചെന്നും ശശികല ടീച്ചർ വ്യക്തമാക്കി. ശബരിമലയിലെ കള്ളക്കളി പുറത്തുവരുമെന്ന ഭയം കാരണം ദേവസ്വം ബോർഡ് ഹിന്ദു സംഘടനകളെ ശബരിമലയിലേക്ക് അടുപ്പിച്ചിട്ടില്ല. പരസ്യമായി പറയാൻ കഴിയാത്ത പല കാര്യങ്ങളും ശബരിമലയിൽ നടക്കുന്നുണ്ടെന്ന് മുൻ മേല്‍‌ശാന്തി എന്നോട് വെളിപ്പെടുത്തിയിരുന്നു. ദേവസ്വം ഉദ്യോഗസ്ഥർ പല പേരുകളിൽ വൗച്ചറുകൾ ഒപ്പിട്ട് പണം മുഴുവൻ കൈക്കലാക്കുന്നുണ്ടെന്നും, അനീതി കണ്ടാൽ എതിർക്കുന്നവരെ ദേവസ്വം ബോര്‍ഡ് അകറ്റി നിർത്തുന്നുണ്ടെന്നും ശശികല…

എടത്വ : ലയൺസ് ക്ലബ് ഓഫ് എടത്വ ടൗൺ വിവിധ മേഖലകളിൽ വ്യക്തിമുദ്ര പതിപ്പിച്ചവർക്ക് വേണ്ടി ഏർപ്പെടുത്തിയ ലൈഫ് ടൈം അച്ചീവ്മെന്റ് അവാഡിന് എടത്വ ചുടുക്കാട്ടിൽ ജിജി മാത്യൂവും മണിലാൽ ശബരിമലയും അർഹരായി. ഒക്ടോബര്‍ 5ന് വൈകിട്ട് 7മണിക്ക് എടത്വ പാഷൻസ് ഹോട്ടലിൽ നടക്കുന്ന സ്ഥാനാരോഹണ ചടങ്ങില്‍ ലയൺസ് ക്ലബ് ഡിസ്ട്രിക്ട് 318ബി വൈസ് ഡിസ്ട്രിക്ട് ഗവർണർ മാർട്ടിൻ ഫ്രാന്‍സിസ് അവാര്‍ഡ് സമ്മാനിക്കും.റീജിയൺ ചെയർമാൻ സുരേഷ് ബാബു,സോൺ ചെയർമാൻ ജൂണി തോമസ് കുതിരവട്ടം എന്നിവർ മുഖ്യാതിഥികൾ ആയിരിക്കും. ലയൺസ് ക്ലബ് ഓഫ് എടത്വ ടൗൺ പ്രസിഡൻ്റ് ഡോ ജോൺസൺ വി.ഇടിക്കുള അധ്യക്ഷത വഹിക്കും. ക്യാബിനറ്റ് സെക്രട്ടറി ജേക്കബ് ജോർജ് , റീജിയണൽ ചെയർമാൻ സുരേഷ് ബാബു, സോൺ ചെയർമാൻ ജൂണി തോമസ് കുതിരവട്ടം എന്നിവർ ഉൾപ്പെടെ ഡിസ്ട്രിക്ട് 318ബി ഭാരവാഹികൾ മുഖ്യാതിഥിയായി പങ്കെടുക്കുമെന്ന് സെക്രട്ടറി ബിൽബി മാത്യൂ…

എടത്വ : തലവടി കുന്തിരിക്കൽ വാലയിൽ ക്ഷീര കർഷകൻ വി.ഇ. ഈപ്പന്റെ പശുക്കിടാവിനെ നായ കടിച്ചു കൊന്നു. അയൽവാസി അനധികൃതമായി വളർത്തുന്ന നായ്ക്കൾ ആണ് കടിച്ചത്. വി. ഇ ഈപ്പൻ നല്‍കിയ പരാതിയെ തുടര്‍ന്ന് എടത്വ പോലീസ് സ്ഥലത്തെത്തി. ചില ആഴ്ചകൾക്ക് മുമ്പ് നായ് കുറുകെ ചാടി സ്കൂട്ടർ യാത്രക്കാരനായ വാലയിൽ സാം മാത്യു അപകടത്തിൽപെട്ട് പരുക്കേറ്റ് ഒരാഴ്ചയോളം ചികിത്സയിലായിരുന്നു. എടത്വ കളങ്ങര പെയിന്റ് ഹൗസിലെ ജീവനക്കാരനും സമാനരീതിയിൽ അപകടത്തിൽപെട്ടിരുന്നു. എടത്വ പാലത്തിനടിവശം, കെഎസ്ആർടിസി ഡിപ്പോ എന്നിവിടങ്ങൾ നായ്ക്കളുടെ താവളമാണ്. ബസിൽ കയറാൻ എത്തുന്ന യാത്രക്കാരെ നായ് കടിച്ച സംഭവം ഉൾപ്പെടെ ഉണ്ടായിട്ടുണ്ട്. റോഡിന്റെ വശങ്ങളിലും തുറസായ സ്ഥലത്തും മാലിന്യം നിക്ഷേപിക്കുന്നതിനാൽ നായ്ക്കൾക്ക് ഭക്ഷണത്തിന് ക്ഷാമമില്ല. എടത്വയിലും, തലവടിയിലും സമീപ പ്രദേശങ്ങളിലും തെരുവ് നായ്ക്കളുടെ ശല്യം രൂക്ഷം ആയ സാഹചര്യത്തിൽ അടിയന്തിര നടപടി സ്വീകരിക്കണമെന്നാവശ്യപ്പെട്ട് എടത്വാ വികസന…

മുഖ്യമന്ത്രിയെ ഹിന്ദുക്കളിലെ മുനാഫിഖ് എന്ന സന്ദീപ് വാര്യരുടെ ആക്ഷേപത്തിന് മറുപടിയുമായി നാഷണൽ യൂത്ത്‌ലീഗ് നേതാവ് രംഗത്ത്. പാലക്കാട്: കോണ്ഗ്രസ് വക്താവും മുൻ ബിജെപി നേതാവുമായ സന്ദീപ് വാര്യർ മുഖ്യമന്ത്രിക്കെതിരെ ഉയർത്തിയ ‘ഹിന്ദുക്കളിലെ മുനാഫിഖ്’ എന്ന അധിക്ഷേപ പരാമർശത്തിന് മറുപടിയുമായി ഐ എൻ എൽ യുവജന വിഭാഗം നേതാവ് കെ.വി.അമീർ. കോണ്ഗ്രസ്സികത്ത് ഹിന്ദുത്വ രാഷ്ട്രീയത്തെ ബലപ്പെടുത്താൻ സംഘപരിവാർ നിയോഗിച്ച ഉത്തമ മുനാഫിഖ് ആണ് സന്ദീപ് വാര്യർ എന്നും ഗാന്ധിജിയെ ചെറുതായി ഒന്ന് വെടിവെച്ചു കൊന്നൊടുക്കി ‘ എന്ന് പരിഹസിച്ച ബിജെപി വാര്യറിൽ നിന്ന് കോണ്ഗ്രസ് വാര്യർ ആയപ്പോൾ ആകെ ഉണ്ടായ മാറ്റം ഇപ്പോൾ മുസ്‌ലിംലീഗ് കൊണ്ട് നടക്കുമ്പോൾ വായിൽ നിന്ന് വരുന്ന ഇത്തരം നിഫാഖ് ന്റെ അശ്ലീല പദങ്ങൾ ആണെന്നും, മുഖ്യമന്ത്രി പിണറായി വിജയൻ ഒരു മതത്തിന്റെയും വക്താവല്ലെന്നും ജനം തെരെഞ്ഞെടുത്ത ഭരണാധികാരി എന്ന നിലയിൽ സമഭാവനയോടെ ഭരിക്കുന്ന…

തിരുവനന്തപുരം: 2024 ലെ സംസ്ഥാന ചലച്ചിത്ര അവാർഡുകളുടെ ജൂറി ചെയർമാനായി നടനും സംവിധായകനുമായ പ്രകാശ് രാജിനെ തിരഞ്ഞെടുത്തു. രഞ്ജൻ പ്രമോദ്, ജിബു ജേക്കബ്, ഭാഗ്യലക്ഷ്മി, ഗായത്രി അശോകൻ, നിതിൻ ലൂക്കോസ്, സന്തോഷ് ഏച്ചിക്കാനം എന്നിവരാണ് ജൂറി അംഗങ്ങൾ. അവാർഡിനുള്ള ചിത്രങ്ങളുടെ പ്രദർശനം നാളെ ആരംഭിക്കും. 128 സിനിമകളാണ് ജൂറി പരിഗണിക്കുന്നത്. രണ്ട് പ്രൈമറി ജൂറികളും തിരഞ്ഞെടുത്ത സിനിമകൾ അന്തിമ ജൂറിക്ക് മുമ്പാകെ പോകും. രഞ്ജൻ പ്രമോദും ജിബു ജേക്കബുമാണ് രണ്ട് പ്രൈമറി ജൂറികളുടെയും ചെയർപേഴ്‌സൺമാർ. രഞ്ജൻ പ്രമോദ് അധ്യക്ഷനായ പ്രാഥമിക ജഡ്ജിംഗ് കമ്മിറ്റിയിൽ എംസി രാജനാരായണൻ, സുബാൽ കെആർ, വിജയരാജമല്ലിക എന്നിവരും ജിബു ജേക്കബ് അധ്യക്ഷനായ കമ്മിറ്റിയിൽ വിസി അഭിലാഷ്, രാജേഷ് കെ, ഡോ. ഷംഷാദ് ഹുസൈൻ എന്നിവരും ഉൾപ്പെടുന്നു. റൈറ്റിംഗ് കാറ്റഗറി ജൂറിയുടെ ചെയർമാൻ മധു ഇറവങ്കരയാണ്. ഈ ജൂറിയിലെ അംഗങ്ങൾ എ ചന്ദ്രശേഖർ, ഡോ.…

തിരുവനന്തപുരം: മതേതര മൂല്യങ്ങൾക്കുവേണ്ടി നിലകൊണ്ട കലാകാരനായിരുന്നു എ. രാമചന്ദ്രനെന്ന് മുഖ്യമന്ത്രി പിണറായി വിജയൻ പറഞ്ഞു. സമകാലിക ഇന്ത്യൻ ചിത്രകലയെ അതിന്റെ പരമ്പരാഗത ഭൂതകാലവുമായും ഭാവിയുമായും ബന്ധിപ്പിക്കുന്ന ഒരു കണ്ണിയാണ് അദ്ദേഹത്തിന്റെ കലാസൃഷ്ടികൾ. കൊല്ലത്ത് ശ്രീനാരായണ ഗുരു സാംസ്കാരിക സമുച്ചയത്തിൽ സ്ഥാപിച്ച പ്രശസ്ത ചിത്രകാരൻ എ. രാമചന്ദ്രന്റെ മ്യൂസിയം ഞായറാഴ്ച ഉദ്ഘാടനം ചെയ്ത ശേഷം വീഡിയോ കോൺഫറൻസിംഗിലൂടെ സംസാരിക്കുകയായിരുന്നു മുഖ്യമന്ത്രി. സാമൂഹിക പരിവർത്തനത്തിൽ ശ്രദ്ധ കേന്ദ്രീകരിച്ച രാമചന്ദ്രന്റെ കൃതികൾ അവയുടെ വിപണി മൂല്യത്തേക്കാൾ വിലപ്പെട്ടതാണെന്ന് അദ്ദേഹം പറഞ്ഞു. കലാപ്രേമികൾക്കും വിദ്യാർത്ഥികൾക്കും ഗവേഷണം നടത്താൻ കഴിയുന്ന ഒരു ഇടമായി ഗാലറി മാറും. കലാരംഗത്ത് സംസ്ഥാന സർക്കാരിന്റെ ഇടപെടലുകൾ ചിത്രകലയെ ജനങ്ങളുമായി ബന്ധിപ്പിക്കാൻ സഹായിക്കുമെന്ന് അദ്ദേഹം പറഞ്ഞു. സാംസ്കാരിക മേഖലയിൽ മാറ്റങ്ങൾ വരുത്താനുള്ള സർക്കാരിന്റെ ശ്രമങ്ങളുടെ ഭാഗമായി 14 ജില്ലകളിലും സാംസ്കാരിക സമുച്ചയങ്ങളും പഠന കേന്ദ്രങ്ങളും സ്ഥാപിക്കുന്നുണ്ടെന്ന് യോഗത്തിൽ അദ്ധ്യക്ഷത വഹിച്ച…