Category: KERALA

തിരുവനന്തപുരം: മെഡിക്കൽ കോളേജുകളിൽ മൈക്രോബയോളജിയിലും ബയോകെമിസ്ട്രിയിലും എൻട്രി കേഡർ അധ്യാപക തസ്തികകൾ (അസിസ്റ്റന്റ് പ്രൊഫസർ) ബിരുദാനന്തര ബിരുദമുള്ള നോൺ-മെഡിക്കൽ ഉദ്യോഗാർത്ഥികൾക്ക് നൽകാനുള്ള കേരള പബ്ലിക് സർവീസ് കമ്മീഷന്റെ (പിഎസ്‌സി) നീക്കത്തിനെതിരെ ഇന്ത്യൻ മെഡിക്കൽ അസോസിയേഷൻ (ഐഎംഎ) ശക്തമായി രംഗത്തെത്തി. സർക്കാർ മെഡിക്കൽ കോളേജുകളിൽ മൈക്രോബയോളജി/ബയോകെമിസ്ട്രിയിൽ എംബിബിഎസ് ബിരുദവും ബിരുദാനന്തര ബിരുദവും റസിഡന്റായി ഒരു വർഷത്തെ പരിചയവുമുള്ള ഉദ്യോഗാർത്ഥികളിൽ നിന്നാണ് പിഎസ്‌സി അപേക്ഷ ക്ഷണിച്ചിരുന്നത്. എന്നാല്‍, പരീക്ഷയുടെ തലേദിവസം, പരീക്ഷ മാറ്റിവയ്ക്കുന്നതായി പി‌എസ്‌സി പ്രഖ്യാപിച്ചു. ഈ വിഷയങ്ങളിലെ (എം‌എസ്‌സി യോഗ്യത) മെഡിക്കൽ ഇതര ഉദ്യോഗാർത്ഥികൾക്കും അപേക്ഷിക്കാൻ അർഹതയുണ്ടെന്ന് പറഞ്ഞുകൊണ്ട് പി‌എസ്‌സി ഇപ്പോൾ ഒരു പുതിയ വിജ്ഞാപനം പുറപ്പെടുവിച്ചു. മെഡിക്കൽ അദ്ധ്യാപകരുടെ അഭാവത്തിൽ, അനാട്ടമി, ഫിസിയോളജി, ബയോകെമിസ്ട്രി, മൈക്രോബയോളജി, ഫാർമക്കോളജി എന്നീ വകുപ്പുകളിലെ മൊത്തം തസ്തികകളുടെ 30% വരെ നോൺ-മെഡിക്കൽ അദ്ധ്യാപകരെ നിയമിക്കാമെന്ന് പറഞ്ഞ ജൂലൈ 2 ന് വന്ന…

ആലപ്പുഴ: മദ്യപിക്കാന്‍ പണം ആവശ്യപ്പെട്ട് മകന്‍ അമ്മയെ മര്‍ദ്ദിച്ചു കൊലപ്പെടുത്തി. മാവേലിക്കരയിലാണ് സംഭവം നടന്നത്. കല്ലുമല പുതുച്ചിറ സ്വദേശി കനകമ്മ സോമരാജൻ (69) ആണ് മരിച്ചത്. ഇവരുടെ ഏക മകൻ കൃഷ്ണദാസിനെ (39) പോലീസ് കസ്റ്റഡിയിലെടുത്തു. അമ്മയും മകനും തമ്മിൽ നിരന്തരം പ്രശ്‌നങ്ങൾ ഉണ്ടായിരുന്നതായി റിപ്പോർട്ടുണ്ട്. കൃഷ്ണദാസിന്റെ ഭാര്യ അയാളെ ഉപേക്ഷിച്ചു പോയിരുന്നു. മദ്യപിച്ചെത്തുന്ന കൃഷ്ണദാസ് മദ്യപിച്ച് അമ്മയോട് പണം ആവശ്യപ്പെടാറുണ്ടായിരുന്നു. പണം നൽകിയില്ലെങ്കില്‍ അമ്മയെ മർദിക്കാറുണ്ടായിരുന്നു എന്ന് അയല്‍ക്കാര്‍ പറഞ്ഞു. ഇന്നലെയും പതിവുപോലെ കൃഷ്ണദാസ് മദ്യപിച്ചെത്തി കനകമ്മയോട് പണം ആവശ്യപ്പെട്ടെന്നും കൊടുക്കാതിരുന്നപ്പോള്‍ അമ്മയെ മർദ്ദിച്ചതായും പോലീസ് പറയുന്നു. കൃഷ്ണദാസിന്റെ വീട്ടില്‍ ഇതൊരു പതിവ് സംഭവമായതിനാൽ നാട്ടുകാരോ അയല്‍ക്കാരോ ഇടപെട്ടില്ല. എന്നാല്‍, ഇന്ന് രാവിലെ അമ്മ അനങ്ങുന്നില്ലെന്നും താൻ മർദിച്ചതായും കൃഷ്ണദാസ് തന്നെയാണ് നാട്ടുകാരോട് പറഞ്ഞത്. പോലീസെത്തി പരിശോധിച്ചപ്പോഴാണ് കനകമ്മയെ മരിച്ച നിലയിൽ കണ്ടെത്തിയത്. മകൻ മർദ്ദിച്ചതിനെ…

തിരുവനന്തപുരം: ഡിസംബർ 10 ന് മുൻകൂർ ജാമ്യാപേക്ഷയിൽ കോടതിയുടെ വിധി വരുന്നതുവരെ രാഹുല്‍ മാങ്കൂട്ടത്തിലിനെതിരെ പോലീസ് യാതൊരു നടപടി സ്വീകരിക്കരുതെന്ന് നിര്‍ദ്ദേശം. 23 വയസ്സുള്ള യുവതിയെ പീഡിപ്പിച്ചെന്ന പരാതിയിൽ രാഹുൽ സമർപ്പിച്ച ഹർജി വഞ്ചിയൂർ സെഷൻസ് കോടതി പരിഗണിക്കവേയാണ് കോടതിയുടെ നിര്‍ദ്ദേശം. അതേസമയം, രാഹുലിനെതിരെയുള്ള രണ്ടാമത്തെ കേസിലെ മുൻകൂർ ജാമ്യാപേക്ഷയിൽ ബുധനാഴ്ച വിധി പറയും. ഹർജിയിൽ വിശദമായ വാദം കേട്ടതിനു ശേഷമാണ് കോടതിയുടെ ഉത്തരവ്. അന്തിമ ഉത്തരവ് പുറപ്പെടുവിക്കുന്നത് വരെ അറസ്റ്റ് തടയണമെന്ന് രാഹുലിന്റെ അഭിഭാഷകർ ആവശ്യപ്പെട്ടു. കോടതി ഈ ആവശ്യം അംഗീകരിച്ചില്ല. എന്നാൽ, നിർബന്ധിത നടപടി സ്വീകരിക്കരുതെന്ന് കോടതി ഉത്തരവിട്ടു. മറ്റൊരു ലൈംഗികാതിക്രമ കേസിൽ രാഹുലിനെ അറസ്റ്റ് ചെയ്യുന്നത് ഹൈക്കോടതി സ്റ്റേ ചെയ്തതിന് തൊട്ടു പിന്നാലെ, രണ്ടാമത്തെ കേസിൽ രാഹുൽ തിരുവനന്തപുരം ജില്ലാ സെഷൻസ് കോടതിയിൽ മുൻകൂർ ജാമ്യാപേക്ഷ സമർപ്പിച്ചു. ഹൈക്കോടതിയുടെ ഉത്തരവ് വന്നയുടനെയാണ് അഭിഭാഷകൻ…

പൊന്നാനി: വ്യാജ സർട്ടിഫിക്കറ്റുകൾ നിർമ്മിച്ച് വിതരണം ചെയ്തിരുന്ന 10 അംഗ അന്തർസംസ്ഥാന റാക്കറ്റിനെ പൊന്നാനി പോലീസ് പിടികൂടി. രാജ്യത്തുടനീളമുള്ള നൂറോളം സർവകലാശാലകളുടെ വ്യാജ സീലുകളും പിടിച്ചെടുത്തു. പൊള്ളാച്ചി കേന്ദ്രീകരിച്ചായിരുന്നു സർട്ടിഫിക്കറ്റുകള്‍ അച്ചടിച്ചിരുന്നത്. അവിടെ നിന്ന്, വ്യത്യസ്ത സർവകലാശാലാ സീലുകൾ പതിച്ച ഒരു ലക്ഷത്തിലധികം സർട്ടിഫിക്കറ്റുകൾ പോലീസ് കണ്ടെടുത്തു. വൈസ് ചാൻസലർമാരുടെ സീലുകൾ, അഡ്വാൻസ്ഡ് കമ്പ്യൂട്ടറുകൾ, പ്രിന്ററുകൾ എന്നിവയും അവർ പിടിച്ചെടുത്തു. തിരൂർ മീനടത്തൂരിലെ ധനീഷ് ധർമനാണ് (38) സംഘത്തലവന്‍. പൊന്നാനി നരിപറമ്പിൽ ഇർഷാദ് (39); തിരൂർ പുറത്തൂർ സ്വദേശി രാഹുൽ (30), പയ്യനങ്ങാടിയിലെ അബ്ദുൾ നിസാർ (31), തിരുവനന്തപുരം നെടുമങ്ങാട് സ്വദേശികളായ ജസീം, രതീഷ് (37), ഷഫീഖ് (37), തമിഴ്നാട് സ്വദേശികളായ ജമാലുദ്ദീൻ (40), അരവിന്ദ് കുമാർ (24), വെങ്കിടേഷ് (24) എന്നിവരാണ് പിടിയിലായത്. ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നവംബർ 11…

എടത്വ: തലവടി പഞ്ചായത്ത് 12-ാം വാര്‍ഡില്‍ തോട്ടടിയിൽ നിന്നും ആനപ്രമ്പാൽ തെക്ക് നിത്യ സഹായ മാതാ മലങ്കര കത്തോലിക്കാ പള്ളി, ശിവപുരം ശ്രീ മഹാദേവ ക്ഷേത്രം എന്നിവിടങ്ങളിലേക്കുള്ള റോഡ് കഴിഞ്ഞ ദിവസം പെയ്ത ഒറ്റ മഴയിൽ ചെളിക്കുളമായി. പ്രദേശത്തെ പല ഇട റോഡുകളുടെയും അവസ്ഥ ഇതു തന്നെയാണ്. ഏകദേശം 30ലധികം കുടുംബങ്ങൾ താമസിക്കുന്ന ഈ പ്രദേശത്ത് ശുദ്ധജല ക്ഷാമവും രൂക്ഷമാണ്. കഴിഞ്ഞ വര്‍ഷം ഈ പ്രദേശത്ത് ഒരാൾ മരണപ്പെട്ടപ്പോൾ മൃതദേഹം എത്തിക്കുന്നതിനും സംസ്ക്കാര ചടങ്ങുകൾക്കുമായി പൊതുപ്രവർത്തകൻ ഡോ. ജോൺസൺ വി ഇടിക്കുളയുടെ നേതൃത്വത്തിലുള്ള സന്നദ്ധ സംഘമാണ് മണ്ണിട്ട് റോഡ് സഞ്ചാരയോഗ്യമാക്കിയത്. പൈപ്പ്‌ലൈന്‍ സ്ഥാപിക്കാന്‍ കുഴി എടുത്തതു മൂലം വീണ്ടും ചെളിക്കുളമായി. നടന്നു പോകാൻ പോലും പറ്റാത്ത അവസ്ഥയാണ്. ഇരുചക്ര വാഹനങ്ങള്‍ അപകടത്തില്‍പെടുന്നത് നിത്യ സംഭവമാണ്. അടിയന്തിര നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.