കൊച്ചി: ഛത്തീസ്ഗഡിലെ ദുർഗിൽ മനുഷ്യക്കടത്ത്, നിർബന്ധിത മതപരിവർത്തനം എന്നീ കുറ്റങ്ങൾ ചുമത്തി അറസ്റ്റിലായ കന്യാസ്ത്രീകൾ നിരപരാധികളാണെന്ന് ബിജെപി ദേശീയ നേതാവ് രാജീവ് ചന്ദ്രശേഖർ വ്യക്തമാക്കി. കന്യാസ്ത്രീകൾക്ക് ഒന്നോ രണ്ടോ ദിവസത്തിനുള്ളിൽ ജാമ്യം ലഭിക്കുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു. മൂന്ന് ദിവസം മുമ്പ് സഭ പാർട്ടിയുടെ സഹായം തേടിയതിനെത്തുടർന്ന് സാധ്യമായ എല്ലാ സഹായങ്ങളും നൽകുന്നുണ്ടെന്നും രാജീവ് ചന്ദ്രശേഖർ കൂട്ടിച്ചേർത്തു. പ്രധാനമന്ത്രി നരേന്ദ്ര മോദിയെയും ആഭ്യന്തരമന്ത്രി അമിത് ഷായെയും നേരിട്ട് കണ്ടതായും അദ്ദേഹം പറഞ്ഞു. ചില രാഷ്ട്രീയ പാർട്ടികൾ സംഭവത്തെ ഒരു രാഷ്ട്രീയ നാടകമാക്കി മാറ്റിയതിനെയും അദ്ദേഹം വിമർശിച്ചു. അതേസമയം, സിറോ മലബാർ സഭയുടെ മേജർ ആർച്ച് ബിഷപ്പ് മാർ റാഫേൽ തട്ടിലുമായി രാജീവ് ചന്ദ്രശേഖർ കൂടിക്കാഴ്ച നടത്തി. പ്രധാനമന്ത്രിയുടെ സന്ദേശം ബിഷപ്പിന് അറിയിച്ചതായും ജാമ്യം എത്രയും വേഗം ലഭിക്കണമെന്നതാണ് സഭയുടെ ആവശ്യമെന്നുമാണ് രാജീവ് ചന്ദ്രശേഖർ പറഞ്ഞത്. ഈ വിഷയത്തിൽ…
ഛത്തീസ്ഗഢ് പോലീസ് അറസ്റ്റു ചെയ്ത കന്യാസ്ത്രീകള് നിരപരാധികളാണെന്ന് രാജീവ് ചന്ദ്രശേഖര്
