Category: MIDDLE EAST/GULF

ഖത്തർ: സംസ്ഥാന സർക്കാർ നടപ്പാക്കുന്ന പ്രവാസി ക്ഷേമപദ്ധതികളുടെ ഭാഗമായി അർഹരായ ഗുണഭോക്താക്കൾക്ക് ലഭിക്കേണ്ട പ്രവാസി പെൻഷൻ വിതരണം വൈകുന്നത് വലിയ ആശങ്കയ്ക്ക് ഇടയാക്കുന്നതായി യുവകലാസാഹിതി ഖത്തർ അഭിപ്രായപ്പെട്ടു. ജീവിതകാലം മുഴുവൻ വിദേശത്ത് അധ്വാനിച്ച് കേരളത്തിന്റെ സമ്പദ്‌വ്യവസ്ഥയ്ക്ക് വിലപ്പെട്ട സംഭാവന നൽകിയ ആയിരക്കണക്കിന് പ്രവാസികളും അവരുടെ കുടുംബങ്ങളും പെൻഷൻ തുകയെ ആശ്രയിച്ചാണ് ദൈനംദിന ജീവിതം മുന്നോട്ട് കൊണ്ടുപോകുന്നത്. നിലവിൽ പെൻഷൻ വിതരണം മുടങ്ങിയിരിക്കുന്ന സാഹചര്യം നിരവധി കുടുംബങ്ങളെ സാമ്പത്തിക പ്രതിസന്ധിയിലേക്ക് തള്ളിവിടുകയാണ്. പ്രവാസികളുടെ ക്ഷേമം ഉറപ്പാക്കുമെന്ന് പ്രഖ്യാപിച്ച സർക്കാർ, അർഹത നേടിയവർക്ക് ലഭിക്കേണ്ട ആനുകൂല്യങ്ങൾ യാതൊരു കാലതാമസവും കൂടാതെ വിതരണം ചെയ്യാൻ ആവശ്യമായ നടപടികൾ സ്വീകരിക്കണം. കുടിശ്ശികയായ എല്ലാ പെൻഷൻ തുകയും എത്രയും വേഗം വിതരണം ചെയ്യുകയും, ഭാവിയിൽ പെൻഷൻ വിതരണം മുടങ്ങാതിരിക്കാനുള്ള സ്ഥിരമായ സംവിധാനം ഒരുക്കുകയും വേണം. പ്രവാസികളുടെ ക്ഷേമപദ്ധതികൾ വെറും പ്രഖ്യാപനങ്ങളിൽ ഒതുങ്ങാതെ കാര്യക്ഷമമായി നടപ്പാക്കപ്പെടേണ്ടത്…

റിയാദ്: സൗദി അറേബ്യയുടെ സകാത്ത്, നികുതി, കസ്റ്റംസ് അതോറിറ്റി (ZATCA) 2026 ജൂലൈ 18 ന് എല്ലാ കര, കടൽ, വിമാനത്താവളങ്ങളിലായി ആകെ 1,131 കള്ളക്കടത്ത് ശ്രമങ്ങൾ പരാജയപ്പെടുത്തിയതായി റിപ്പോർട്ട് ചെയ്തു. രാജ്യത്തിന്റെ സുരക്ഷ ശക്തിപ്പെടുത്തുന്നതിനും നിയമവിരുദ്ധ വസ്തുക്കൾ കടത്തുന്നത് തടയുന്നതിനുമാണ് ഈ നടപടി സ്വീകരിച്ചത്. പിടിച്ചെടുത്തവയെക്കുറിച്ചുള്ള വിശദമായ വിവരങ്ങൾ അധികൃതർ നൽകി. അവയിൽ ഹാഷിഷ്, കൊക്കെയ്ൻ, ഹെറോയിൻ, മെത്താംഫെറ്റാമൈൻ (ഷാബു), ക്യാപ്റ്റഗൺ ഗുളികകൾ എന്നിവയുൾപ്പെടെ 118 വ്യത്യസ്ത തരം മയക്കുമരുന്നുകൾ ഉൾപ്പെടുന്നു. ഈ മയക്കുമരുന്നുകൾക്ക് പുറമേ, 402 തരം നിരോധിത വസ്തുക്കൾ, 2,478 പുകയില ഉൽപ്പന്നങ്ങൾ, 25 കേസുകളിൽ പ്രഖ്യാപിക്കാത്ത പണം, ഒമ്പത് കേസുകളിൽ ആയുധങ്ങളും അനുബന്ധ ഉപകരണങ്ങളും അധികൃതർ പിടിച്ചെടുത്തു. അതേ ദിവസം തന്നെ, സൗദി അതിർത്തി ഗാർഡുകൾ അസിർ മേഖലയില്‍ ഒരു പട്രോളിംഗിനിടെ, 17 കിലോഗ്രാം ഹാഷിഷും 7,500 ആംഫെറ്റാമൈൻ ഗുളികകളും കടത്താൻ…

ഷാർജ (15 ജൂലൈ 2026):  അന്താരാഷ്ട്ര വിനോദസഞ്ചാര മേഖലയിലെ പ്രധാന പുരസ്കാരങ്ങളിലൊന്നായ ‘വേൾഡ് ട്രാവൽ അവാർഡ്‌സ് 2026’ലെ, ‘മിഡിൽ ഈസ്റ്റ് ലീഡിങ് നാഷണൽ പാർക്ക്’ (Middle East’s Leading National Park 2026) വിഭാഗത്തിൽ യുഎഇയിൽ നിന്നുള്ള ഏക പ്രാതിനിധ്യമായി മെലീഹ നാഷണൽ പാർക്ക്. മേഖലയിലെ പ്രമുഖ പ്രകൃതിസംരക്ഷണ ദേശീയോദ്യാനങ്ങളോടൊപ്പമാണ് ഷാർജയുടെ പൈതൃക-പരിസ്ഥിതി വിനോദസഞ്ചാരകേന്ദ്രമായ മെലീഹ നാഷണൽ പാർക്ക് ഈ നേട്ടത്തിനായി മത്സരിക്കുന്നത്. ഇസ്രയേലിലെ മസാദ, സൗദിയിലെ അസിർ, ഒമാനിലെ അൽ സലീൽ, ഇറാനിലെ ​ഗൊലസ്താൻ എന്നീ നാല് നാഷണൽ പാർക്കുകളോടൊപ്പമാണ് മെലീഹ അന്തിമ പട്ടികയിൽ ഇടംപിടിച്ചിരിക്കുന്നത്. യുഎഇയുടെ ചരിത്ര-പുരാവസ്തു പൈതൃകവും ജൈവവൈവിധ്യവും സംരക്ഷിക്കുന്നതിനൊപ്പം ലോകോത്തര നിലവാരത്തിലുള്ള ഇക്കോ-ടൂറിസം, സാഹസിക വിനോദങ്ങൾ എന്നിവ ഒരുക്കുന്നതിൽ മെലീഹ പുലർത്തുന്ന മികവിനുള്ള അംഗീകാരം കൂടിയാണ് ഈ നാമനിർദേശം. യുനെസ്കോയുടെ ലോക പൈതൃക പട്ടികയിലുള്ള ‘ഫായ പാലിയോലാൻഡ്‌സ്‌കേപ്പിന്റെ’ (Faya Palaeolandscape) ഭാഗമായ മെലീഹ നാഷണൽ പാർക്കിൽ അറിവും വിനോദവും സമ്മേളിക്കുന്ന നിരവധി അനുഭവങ്ങൾ…