“അഹമ്മദാബാദ്: ഏകദിന ലോകകപ്പിന്റെ ഫൈനലില് തോല്വി വഴങ്ങിയതോടെ ഇന്ത്യയുടെ കിരീട മോഹങ്ങള് പൊലിഞ്ഞിരിക്കുകയാണ്. അപരാജിത കുതിപ്പുമായി ടൂര്ണമെന്റിന്റെ ഫൈനലിലേക്ക് എത്തിയ ഇന്ത്യയെ ആറ് വിക്കറ്റുകള്ക്കാണ് ഓസ്ട്രേലിയ തകര്ത്തത്. സെഞ്ചുറിയുമായി ട്രാവിസ് ഹെഡാണ് ഓസീസിന്റെ വിജയശില്പി ആയത്. ഇന്ത്യ ഉയര്ത്തിയ 241 റണ്സിന്റെ ലക്ഷ്യം പിന്തുടരാന് ഇറങ്ങിയ ഓസീസിന്റെ മുന്നിര പൊളിഞ്ഞതോടെ മൂന്നിന് 43 റണ്സ് എന്ന നിലയിലായിരുന്നു. എന്നാല് തുടര്ന്ന് എത്തിയ മാര്നെസ് ലബുഷെയ്നെ കൂട്ടുപിടിച്ച ട്രാവിസ് ഹെഡ് ടീമിനെ വിജയത്തിന് തൊട്ടടുത്ത് എത്തിച്ചാണ് മടങ്ങുന്നത്. ഇന്ത്യന് ബോളര്മാരെ പതിഞ്ഞും തെളിഞ്ഞും കളിച്ച ട്രാവിസ് ഹെഡ് 120 പന്തുകളില് നിന്നും 137 റണ്സടിച്ചാണ് തിരിച്ച് കയറിയത്. 15 ബൗണ്ടറികളും നാല് സിക്സറുകളുമാണ് താരം നേടിയത്. ഇതോടെ മത്സരത്തിലെ താരമായും ട്രാവിസ് ഹെഡ് തിരഞ്ഞെടുക്കപ്പെട്ടു. ഐസിസി ടൂര്ണമെന്റുകളില് ഇതു രണ്ടാം തവണയാണ് ഹെഡ് ഇന്ത്യയെ മുറിവേല്പ്പിക്കുന്നത്. കഴിഞ്ഞ ഐസിസി…
ഐസിസി ടൂർണമെന്റുകളിൽ ഇത് രണ്ടാം തവണയാണ് ഹെഡ് ഇന്ത്യയ്ക്ക് പരിക്കേല്പിക്കുന്നത്
