Category: AMERICA

മയാമി, ഫ്ലോറിഡ: മാനവികതയോടുള്ള പ്രതിബദ്ധതയുടെ ശക്തമായ പ്രകടനമായി തങ്ങളുടെ അവയവങ്ങൾ ദാനം ചെയ്യാനുള്ള പ്രതിജ്ഞയെടുത്തുകൊണ്ട് ഫോമാ ഭരണസമിതിയിലേക്ക് (2026 -28) മത്സരിക്കുന്ന ടീം പ്രോമിസ് ചരിത്രം കുറിച്ചു. ലൈഫ് അലയൻസ് ഓർഗൻ റിക്കവറി ഏജൻസി (Life Alliance Organ Recovery Agency) വഴിയാണ് മരണാന്തരം അവയവങ്ങൾ നൽകാനുള്ള രേഖയിൽ ഓരോ മത്സരാർത്ഥിയും ഒപ്പു വച്ചത്. സേവനത്തോടുള്ള സമർപ്പണം തിരഞ്ഞെടുപ്പ് പ്രചാരണത്തിനും അപ്പുറത്തേക്ക് വ്യാപിക്കുന്നുവെന്ന സന്ദേശം നൽകിയ ഈ ചടങ്ങ് ഡേവിയിലെ ഗാന്ധിപ്രതിമയ്ക്കു മുന്നിലായിരുന്നുവെന്നതും ശ്രദ്ധേയമായി. വിവിധ നഗരങ്ങളിലായി നടക്കുന്ന പ്രചാരണത്തിന് തുടക്കം കുറിച്ച് സ്ഥാനാർത്ഥികൾ ആദ്യം തന്നെ ഗാന്ധി പ്രതിമയിൽ പുഷ്‌പാർച്ചന നടത്തി. വിശ്വസ്തത-സത്യസന്ധത-പ്രതിബദ്ധത-സുതാര്യത എന്നിവ മുഖമുദ്രയാക്കി സംഘടനയുടെ യശസ്സ് കാത്തു സൂക്ഷിച്ചു പ്രവർത്തിക്കുമെന്ന പ്രഖ്യാപനവുമായി മത്സരിക്കുന്ന മാത്യു വർഗീസ് നേതൃത്വം നൽകുന്ന ടീം പ്രോമിസിനു ആശംസ നേരാൻ നിരവധി പേർ എത്തി. മാത്യു വർഗീസ് –…

ന്യൂയോര്‍ക്ക്/കോന്നി: നോര്‍ത്ത് ഈസ്റ്റ് അമേരിക്കന്‍ ഭദ്രാസന സെക്രട്ടറിയും ബ്രോക്സ് സെന്‍റ് മേരീസ് ഓര്‍ത്തഡോക്സ് വികാരിയുമായ ഫാ. ഡോ. വറുഗീസ് എം. ഡാനിയേലിന്‍റെ മാതാവ് സാറാമ്മ വറുഗീസ് (79) അന്തരിച്ചു. മരൂര്‍പ്പാലം മേലേച്ചിറ്റേടത്ത് ബ്ലെസ് കോട്ടേജില്‍ പരേതനായ ഡി. വര്‍ഗീസിന്‍റെ ഭാര്യയാണ് പരേത. മറ്റു മക്കള്‍: സജി എം.റ്റി. (കോന്നി), റെജി എം.ഡി. (ആസ്ട്രേലിയ). മരുമക്കള്‍: സുരഭി സജി (കോന്നി), ഡോ. സ്മിത വറുഗീസ് (മില്‍ട്ടണ്‍-കണക്ടിക്കട്ട്), റെക്സി റെജി (ആസ്ട്രേലിയ). കൊച്ചുമക്കള്‍: സ്നേഹ, ആന്‍സണ്‍, ആദര്‍ശ്, ഏഞ്ചലാ, സ്റ്റീവ്, സ്റ്റേസി. സംസ്കാര ശുശ്രൂഷകള്‍ കോന്നിയിലെ വീട്ടിലും സെന്‍റ് ജോര്‍ജ് ഓര്‍ത്തഡോക്സ് മഹാ ഇടവകയിലും നടക്കും. വീട്ടിലെ ശുശ്രൂഷകള്‍ നവംബര്‍ 27-ന് വ്യാഴാഴ്ച 9 മുതല്‍ 12 വരെ. തുടര്‍ന്ന് പള്ളിയില്‍ 2 മണിക്ക് സംസ്കാരം നടത്തും.  

വെറോ ബീച്ച് (ഫ്ലോറിഡ): കഴിഞ്ഞ ആഴ്ച ഫ്ലോറിഡയിൽ ഒരു ഡെപ്യൂട്ടി ഷെരീഫിനെ വെടിവെച്ച് കൊലപ്പെടുത്തിയ തോക്കുധാരി ഏറ്റുമുട്ടലിൽ ഉണ്ടായ പരിക്കുകൾ കാരണം ശനിയാഴ്ച മരണപ്പെട്ടു. ഇക്കഴിഞ്ഞ വെള്ളിയാഴ്ച, വെറോ ബീച്ചിനടുത്ത് മൈക്കിൾ ഹാൽബെർസ്റ്റാം (37) താമസിച്ചിരുന്ന വീട്ടിൽ ഒഴിപ്പിക്കൽ നോട്ടീസ് നൽകാനെത്തിയ ഇന്ത്യൻ റിവർ കൗണ്ടി ഡെപ്യൂട്ടിമാരെയും ഒരു ലോക്ക്സ്മിത്തിനെയും വെടിവെക്കുകയായിരുന്നു. ഹാൽബെർസ്റ്റാമിന്റെ അമ്മയാണ് മകനെ വീട്ടിൽ നിന്ന് ഒഴിപ്പിക്കാൻ ശ്രമിച്ചിരുന്നത്. ആക്രമണത്തിൽ ഡെപ്യൂട്ടി ടെറി സ്വീറ്റിംഗ്-മാഷ്‌കോ കൊല്ലപ്പെട്ടു. മറ്റൊരു ഡെപ്യൂട്ടി തോളിൽ പരിക്കേറ്റ് ചികിത്സയിലാണ്. വെടിയേറ്റ ലോക്ക്സ്മിത്ത് ഗുരുതരാവസ്ഥയിൽ ശസ്ത്രക്രിയയ്ക്ക് വിധേയനായതായി അധികൃതർ അറിയിച്ചു. ഉദ്യോഗസ്ഥർ നടത്തിയ പ്രത്യാക്രമണത്തിൽ ഹാൽബെർസ്റ്റാമിന് നിരവധി വെടിയേറ്റു. ശനിയാഴ്ച ഉച്ചയോടെ ഇയാൾ പരിക്കുകൾ കാരണം മരണത്തിന് കീഴടങ്ങി. കഴിഞ്ഞ ഒരു മാസത്തിനിടെ ഹാൽബെർസ്റ്റാമിനെക്കുറിച്ച് അമ്മയുടെ ഭാഗത്തുനിന്ന് ഷെരീഫ് ഓഫീസിൽ ഏഴ് തവണ വിളിച്ചറിയിച്ചിരുന്നതായി ഇന്ത്യൻ റിവർ കൗണ്ടി ഷെരീഫ് എറിക്…

ഡാളസ്: വടക്കേ അമേരിക്കയിലെ 35-ാമത് സി.എസ്.ഐ കുടുംബ-യുവജന സമ്മേളന  തീം പ്രകാശനം നവംബർ 25 നു  ഡാളസ്സിൽ നടക്കും, തീം പ്രകാശന (THEME REVEAL) പ്രത്യേക ശുശ്രൂഷയ്ക്ക് നേതൃത്വം നൽകുന്നത്:അതിവന്ദ്യ ഡോ. സാബു കോശി ചെറിയാൻ (ബിഷപ്പ്, സി.എസ്.ഐ മദ്ധ്യ കേരളാ രൂപത) ഡോ. ജെസ്സി സാറാ കോശി എന്നിവരാണ് ചടങ്ങിന് ആതിഥേയത്വം വഹിക്കുന്നത്:ലവ് ഓഫ് ക്രൈസ്റ്റ് സി.എസ്.ഐ ചർച്ച്, ഡാളസ്, ടെക്സസാണ് . ചൊവ്വാഴ്ച,വൈകുന്നേരം 6:00: ബിഷപ്പിന് അനൗപചാരിക സ്വീകരണം.തുടർന്നു വൈകുന്നേരം 7:00: ആരാധനാ ശുശ്രൂഷയും കോൺഫറൻസ് പ്രമേയ പ്രഖ്യാപനവും സ്ഥലം 12717 മാർഷ് ലെയ്ൻ,ഫാർമേഴ്സ് ബ്രാഞ്ച്,ടെക്സസ് – 75234 ലൈവ് സ്ട്രീംവൈകുന്നേരം 7:00 മണി മുതൽ യൂട്യൂബിലും ഫേസ്ബുക്കിലും ഉണ്ടായിരിക്കുന്നതാണ്:@LOVEOFCHRISTCSI രാത്രി 8:00: സ്നേഹവിരുന്നോടെ  (Light Dinner).സമ്മേളനം സമാപിക്കും. ലവ് ഓഫ് ക്രൈസ്റ്റ് സി.എസ്.ഐ. ചർച്ച്  വികാരി  ഷെർവിൻ ഡോസ്സ് ,സെക്രട്ടറി അനിൽ ചാണ്ടി…

വാഷിംഗ്ടണ്‍: അമേരിക്കയിൽ ‘പ്രൊഫഷണൽ ഡിഗ്രി’യുടെ പട്ടികയിൽ നഴ്സിംഗ് അടക്കമുള്ള പല ബിരുദ കോഴ്സുകളും ഒഴിവാക്കി ഡിപ്പാർട്ട്മെൻ്റ് ഓഫ് എജ്യൂക്കേഷൻ. പ്രസിഡൻ്റ് ഡൊണാൾഡ് ട്രംപിൻ്റെ ‘വൺ ബിഗ് ബ്യൂട്ടിഫുൾ ബിൽ ആക്ട്’ നടപ്പിലാക്കുന്നതിന്റെ ഭാഗമായാണ് ‘പ്രൊഫഷണൽ ഡിഗ്രി’ക്ക് പുതിയ നിർവചനം നൽകി മാറ്റം കൊണ്ടുവരുന്നത്. പുതിയ നിയമങ്ങൾ 2026 ജൂലൈ ഒന്നുമുതൽ നടപ്പിലാക്കാനാണ് തീരുമാനം. ഇത് നഴ്സിങ് വിദ്യാർഥികൾക്ക് ഫെഡറൽ വായ്പകളും വായ്പാ ഇളവുകളും ലഭിക്കുന്നതിനെ സാരമായി ബാധിക്കുമെന്ന് അമേരിക്കൻ മാധ്യമങ്ങൾ റിപ്പോർട്ട് ചെയ്യുന്നു. കൂടാതെ, അമേരിക്കൻ ആരോഗ്യമേഖല നിലവിൽ നേരിടുന്ന നഴ്സുമാരുടെ കുറവ് കൂടുതൽ വഷളാക്കാനും സാധ്യതയുണ്ടെന്ന് വിമർശകർ അഭിപ്രായപ്പെടുന്നു. 1965ലെ ഒരു ഫെഡറൽ നിയമപ്രകാരം, ഒരു പ്രത്യേക തൊഴിലിൽ പ്രവേശിക്കുന്നതിനുള്ള അക്കാദമിക യോഗ്യതയും സാധാരണ ബിരുദ നിലവാരത്തിനപ്പുറമുള്ള പ്രൊഫഷണൽ വൈദഗ്ധ്യവും എന്നതാണ് പ്രൊഫഷണൽ ഡിഗ്രിയുടെ നിർവചനമെന്ന് യുഎസ്എ ടുഡേ റിപ്പോർട്ട് ചെയ്തു. ഫാർമസി, ഡെൻ്റിസ്ട്രി, വെറ്ററിനറി…

ദക്ഷിണാഫ്രിക്കയിൽ നടന്ന ജി-20 ഉച്ചകോടിയിൽ നിന്ന് അമേരിക്ക വിട്ടു നിന്നതില്‍ ആഫ്രിക്കൻ വ്യാപാര, വ്യവസായ, മത്സരക്ഷമതാ മന്ത്രി പാർക്ക്സ് ടൗ നിരാശ പ്രകടിപ്പിച്ചു. ആഗോള വ്യാപാരം, ലോക വ്യാപാര സംഘടന (ഡബ്ല്യുടിഒ), വ്യവസായവൽക്കരണം, വികസനത്തിനുള്ള ധനസഹായം, കടം തുടങ്ങിയ പ്രധാന വിഷയങ്ങളിൽ ഗൗരവമേറിയ ചർച്ചകൾ നടക്കുമ്പോൾ അമേരിക്കയുടെ അഭാവം നിർഭാഗ്യകരമാണെന്ന് അദ്ദേഹം ഒരു മാധ്യമ സമ്മേളനത്തിൽ പറഞ്ഞു. അവിടെ യുഎസിന്റെ ശബ്ദം കേൾക്കേണ്ടത് നിർണായകമായിരുന്നു എന്നും അദ്ദേഹം പറഞ്ഞു. യുഎസ് ബഹിഷ്‌കരണം ഉണ്ടായിരുന്നിട്ടും വ്യാപാര ചർച്ചകൾ തുടരുമെന്നും ജി 20 യുടെ ഫലങ്ങളെ അടിസ്ഥാനമാക്കി ഏതെങ്കിലും നെഗറ്റീവ് ആഘാതം വിലയിരുത്തണമെന്നും പാർക്ക്സ് ടൗ വ്യക്തമാക്കി. ജോഹന്നാസ്ബർഗ് ഉച്ചകോടിയിൽ എടുക്കുന്ന തീരുമാനങ്ങൾ സൂക്ഷ്മമായി നിരീക്ഷിക്കുമെന്നും, പ്രത്യേകിച്ചും അടുത്ത മാസം യുഎസ് ജി 20 പ്രസിഡന്റ് സ്ഥാനം ഏറ്റെടുക്കുന്നതിനാൽ അവർ കൂട്ടിച്ചേർത്തു. വിവിധ രാജ്യങ്ങളുമായുള്ള കരാറുകളുടെ പുരോഗതി, ബഹുമുഖ സംവിധാനത്തിലുള്ള…

വിദേശത്ത് ജനിച്ച കുട്ടികളുള്ള ആയിരക്കണക്കിന് ഇന്ത്യൻ വംശജരായ കുടുംബങ്ങൾക്ക് ആശ്വാസം പകരുന്ന ഒരു നീക്കമായാണ് കാനഡ പൗരത്വ നിയമങ്ങളിൽ കാര്യമായ മാറ്റങ്ങൾ വരുത്തുന്നത്. കാലഹരണപ്പെട്ട നിയമങ്ങൾ കാരണം അവരുടെ കുട്ടികൾക്ക് പൗരത്വം ലഭിക്കാൻ സാധ്യതയുണ്ടായിരുന്നില്ല. ഒട്ടാവ: കാലഹരണപ്പെട്ട നിയമങ്ങൾ കാരണം കനേഡിയന്‍ പൗരത്വം നേടാൻ കഴിയാത്ത ആയിരക്കണക്കിന് ഇന്ത്യൻ വംശജരായ കുടുംബങ്ങൾക്ക് ആശ്വാസം പകരാവുന്ന വിധം കനേഡിയന്‍ പൗരത്വ നിയമങ്ങളിൽ കാര്യമായ മാറ്റങ്ങൾ വരുത്തുന്നു. പുതിയ നിയമം കുടുംബങ്ങളോട് നീതി പുലർത്തുകയും ആധുനിക ആവശ്യങ്ങൾക്ക് അനുസൃതമായി പൊരുത്തപ്പെടുകയും ചെയ്യുമെന്ന് സർക്കാർ പറയുന്നു. പഴയ നിയമങ്ങളിലെ പഴുതുകൾ ബിൽ സി-3 നിര്‍ത്തലാക്കുമെന്നും, മുൻ നിയമങ്ങൾ പ്രകാരം ഒഴിവാക്കപ്പെട്ടവർക്ക് പൗരത്വം പുനഃസ്ഥാപിക്കുമെന്നും കാനഡയുടെ ഇമിഗ്രേഷൻ മന്ത്രി ലെന മെറ്റ്ലേജ്-ഡയാബ് പ്രസ്താവിച്ചു. ഈ മാറ്റം കുടുംബങ്ങളുടെ അവകാശങ്ങൾ സംരക്ഷിക്കുകയും അവർക്ക് നിയമപരമായ അംഗീകാരം നൽകുകയും ചെയ്യുമെന്ന് അവർ പറഞ്ഞു. 2009-ലെ നിയമങ്ങൾ…

മിസോറി: വിദ്യാർത്ഥികൾക്ക് പണം നൽകിയും മദ്യവും മയക്കുമരുന്നും നൽകിയും ലൈംഗികമായി ദുരുപയോഗം ചെയ്ത കേസിൽ മുൻ അധ്യാപികയ്ക്ക് 10 വർഷം തടവ് ശിക്ഷ. ഡിക്സൺ R-1 സ്കൂൾ ഡിസ്ട്രിക്റ്റിലെ മുൻ സബ്സ്റ്റിറ്റ്യൂട്ട് അധ്യാപികയായിരുന്ന കാരിസ്സ ജെയ്ൻ സ്മിത്തിനാണ് (30) കോടതി ശിക്ഷ വിധിച്ചത്. മിഡിൽ സ്കൂൾ വിദ്യാർത്ഥികൾക്ക് ലൈംഗിക ബന്ധത്തിനായി 100 ഡോളറോ അതിൽ കൂടുതലോ പണമായിട്ടോ ‘കാഷ്ആപ്പ്’ വഴിയോ നൽകിയിരുന്നു എന്നാണ് അധികൃതർ കണ്ടെത്തിയത്. ലൈംഗിക ബന്ധത്തിന് പകരമായി വിദ്യാർത്ഥികൾക്ക് ഇവർ മദ്യമോ കഞ്ചാവോ നൽകിയിരുന്നതായും ആരോപണമുണ്ട്. കഴിഞ്ഞ സെപ്റ്റംബറിൽ സ്മിത്ത് കുറ്റം സമ്മതിച്ചിരുന്നു. ഇവർക്കെതിരെ ബാലലൈംഗിക പീഡനം, കുട്ടികളെ ലൈംഗികമായി കടത്തൽ ഉൾപ്പെടെ 19 ഫെലണി കുറ്റങ്ങളാണ് ചുമത്തിയിരുന്നത്.

മയാമി   : അമേരിക്കൻ മലയാളികളുടെ ക്രൈസ്തവ ആത്മീയ യാത്രക്ക് മഹത്തായ പുത്തൻ അദ്ധ്യായം എഴുതി ചേർത്താണ് മലയാളി കത്തോലിക്ക വൈദീക സമ്മേളനത്തിന് മയാമിയിൽ തിരിതെളിഞ്ഞത്. ഇന്ത്യൻ-അമേരിക്കൻ സമൂഹത്തിൽ മാത്രമല്ല വിശാലമായ അമേരിക്കൻ കത്തോലിക്ക സമൂഹത്തിനായി അമേരിക്കയിലുടനീളം ഇന്ന് അഞ്ഞൂറോളം മലയാളി കത്തോലിക്ക വൈദീകർ ആത്മീയ അജപാലന ശുശ്രൂഷകളും അതോടൊപ്പം വിവിധ മേഖലകളിലും വൈദീകർ സേവനം ചെയ്തു വരുന്നു. കേരളത്തിന്റെ ആഴമേറിയ ആത്മീയ വിശ്വാസ പാരമ്പര്യവും, ഇന്ത്യൻ കത്തോലിക്ക സഭാ അനുഷ്ഠാനങ്ങളും ചേരുന്ന സീറോ മലബാർ, സീറോ മലങ്കര, ലാറ്റിൻ റീത്തുകളും, ക്‌നാനായ സഭയും, വിവിധ സന്ന്യാസി സമൂഹങ്ങളും  കോൺഗ്രിഗേഷനുകളിൽ നിന്നുമുള്ള വൈദീകരുമാണ് ചിക്കാഗോ സീറോ മലബാർ രൂപതയുടെ രജത ജൂബിലി ആഘോഷങ്ങളുടെ ഭാഗമായി ഇദംപ്രഥമമായി സംഘടിപ്പിക്കപ്പെട്ട അമേരിക്കൻ മലയാളി കത്തോലിക്ക വൈദീക മഹാസംഗമത്തിൽ പങ്കെടുത്തത്. “കൊയ്നോനിയ 2025” എന്ന് പേരുനൽകിയ ഈ വൈദീക സമ്മേളനം; വിശ്വാസ-ആത്മീയ…

ചിക്കാഗോ: നഗരത്തിലെ ക്രിസ്മസ് ദീപാലങ്കാര ചടങ്ങിന് ശേഷം നടന്ന വെടിവെപ്പിൽ 14 വയസ്സുള്ള ഒരാൾ കൊല്ലപ്പെടുകയും എട്ട് പേർക്ക് പരിക്കേൽക്കുകയും ചെയ്തു. വെള്ളിയാഴ്ച രാത്രിയാണ് ഡൗൺടൗൺ ചിക്കാഗോയിൽ രണ്ട് വെടിവെപ്പുകൾ നടന്നത്. രാത്രി 10:40-ഓടെ സൗത്ത് ഡിയർബോൺ സ്ട്രീറ്റിൽ നടന്ന ആദ്യ വെടിവെപ്പിൽ 14-കാരന് വെടിയേറ്റു. ഗുരുതരമായി പരിക്കേറ്റ ഇയാൾ ആശുപത്രിയിൽ വെച്ച് മരിച്ചു. ഇതേ സംഭവത്തിൽ 18 വയസ്സുള്ള ഒരാൾക്ക് കാലിന് വെടിയേറ്റു. ഇതിന് ഒരു മണിക്കൂർ മുൻപ്, രാത്രി 9:50-ഓടെ നോർത്ത് സ്റ്റേറ്റ് സ്ട്രീറ്റിലുള്ള ചിക്കാഗോ തിയേറ്ററിന് സമീപം ആളുകൾ കൂട്ടംകൂടി നിൽക്കുന്നതിനിടെ വെടിവെപ്പുണ്ടായി. വെടിവെപ്പ് കേട്ട് സ്ഥലത്തെത്തിയ പോലീസ് ഏഴ് പേർക്ക് വെടിയേറ്റതായി കണ്ടെത്തി. പരിക്കേറ്റവരെ ഉടൻ തന്നെ ആശുപത്രിയിലേക്ക് മാറ്റി. ഇതിൽ ആറുപേരുടെ നില തൃപ്തികരമാണ്.