Category: KERALA

തിരുവനന്തപുരം: ശബരിമല അയ്യപ്പ ക്ഷേത്രത്തിന്റെ വാതിൽപ്പടിയിലെ സ്വർണ്ണം പൂശിയ ചെമ്പ് ആവരണങ്ങൾ, ശിലാ ഫലകങ്ങൾ, ശില്പങ്ങൾ എന്നിവയുടെ ദുരുപയോഗവുമായി ബന്ധപ്പെട്ട അന്വേഷണത്തിന്റെ ഭാഗമായി കേരള ഹൈക്കോടതി നിയമിച്ച പ്രത്യേക അന്വേഷണ സംഘം (എസ്‌ഐടി) ശബരിമല മുതിർന്ന തന്ത്രി (മുഖ്യ പൂജാരി) കണ്ഠരര് രാജീവരരെ അറസ്റ്റ് ചെയ്തു. കഴിഞ്ഞ നവംബറിൽ തന്ത്രി രാജീവരരുടെ മൊഴി രേഖപ്പെടുത്തിയ എസ്.ഐ.ടി, വെള്ളിയാഴ്ച പുലർച്ചെ തിരുവനന്തപുരത്തുള്ള തങ്ങളുടെ “സുരക്ഷിത കേന്ദ്രങ്ങളിൽ” ഒന്നിലേക്ക് അദ്ദേഹത്തെ വിളിപ്പിച്ചു. നീണ്ട ചോദ്യം ചെയ്യലിനുശേഷം, എസ്.ഐ.ടി രാജീവരരെ തിരുവനന്തപുരത്തെ ഇഞ്ചയ്ക്കലിലുള്ള കേരള സ്റ്റേറ്റ് പോലീസ് ക്രൈംബ്രാഞ്ച് ഓഫീസിലേക്ക് കൊണ്ടുപോയി, അറസ്റ്റ് ഔദ്യോഗികമായി രേഖപ്പെടുത്തി. രാജീവരര്‍ കസ്റ്റഡിയിലുള്ള വിവരം എസ്.ഐ.ടി അദ്ദേഹത്തിന്റെ കുടുംബത്തെയും അറിയിച്ചു. തുടർന്ന്, എസ്.ഐ.ടി രാജീവരരെ മെഡിക്കൽ പരിശോധനയ്ക്കായി ജനറൽ ആശുപത്രിയിലേക്ക് കൊണ്ടുപോയി. കൊല്ലം ജില്ലയിലെ വിജിലൻസിലെ അന്വേഷണ കമ്മീഷണറുടെയും പ്രത്യേക ജഡ്ജിയുടെയും മുമ്പാകെ എസ്.ഐ.ടി അദ്ദേഹത്തെ…

ഫ്രറ്റേണിറ്റി റാലിയും പൊതുസമ്മേളനവും ഞായറാഴ്ച കോഴിക്കോട്: മാറാട് കലാപ പരാമർശത്തിലൂടെ വിദ്വേഷ പ്രചരണം നടത്തിയ എ.കെ.ബാലനെതിരെ കേസെടുക്കണമെന്ന് ഫ്രറ്റേണിറ്റി മൂവ്മെൻ്റ് നേതാക്കൾ ആവശ്യപ്പെട്ടു. സംഘ്പരിവാർ ഉയർത്തുന്ന ഹിന്ദുത്വ ആശയങ്ങളുടെ പ്രചാരകരായി കേരളത്തിലെ സി.പി.എം നേതാക്കൾ മാറിയിരിക്കുകയാണ്. യു.ഡി.എഫ് അധികാരത്തിലെത്തിയാൽ ജമാഅത്തെ ഇസ് ലാമിയാകും ആഭ്യന്തരം കൈകാര്യം ചെയ്യുകയെന്നും അങ്ങനെ മാറാട് ആവർത്തിക്കുമെന്നുമുള്ള എ.കെ.ബാലൻ്റെ പ്രസ്താവന അതിൻ്റെ ഒടുവിലത്തെ ഉദാഹരണമാണ്. അധികാരത്തുടർച്ചക്ക് വേണ്ടി വർഗീയ-ഇസ് ലാമോഫോബിയ രാഷ്ട്രീയം പയറ്റുന്ന സി.പി.എം ബി.ജെ.പിക്ക് വഴിതുറന്ന് കൊടുക്കുകയാണെന്നും നേതാക്കൾ ചൂണ്ടിക്കാട്ടി. ‘വിദ്വേഷ നാവുകളോട് No, സാഹോദര്യ മുന്നേറ്റത്തോട് Yes’ എന്ന തലക്കെട്ടിൽ ഫ്രറ്റേണിറ്റി മൂവ്മെൻ്റ് സംസ്ഥാന കമ്മിറ്റി ജനു. 11 ഞായറാഴ്ച 4 മണിക്ക് കോഴിക്കോട്ട് സംഘടിപ്പിക്കുന്ന റാലിയും പൊതുസമ്മേളനവും വിശദീകരിച്ച് പ്രസ് ക്ലബ്ബിലെ വാർത്ത സമ്മേളനത്തിൽ സംസാരിക്കുകയായിരുന്നു അവർ. നവോത്ഥാനത്തിൻ്റെ പൈതൃകമുയർത്തുന്ന ശ്രീനാരായണീയ പ്രസ്ഥാനത്തിൻ്റെ നേതൃത്വത്തിലിരുന്ന് നിരന്തരം വർഗീയ വിഷം…

കോഴിക്കോട് : ന്യുനപക്ഷ ക്ഷേമ ബോർഡിന്റെ സ്‌കോളർഷിപ്പ് അപേക്ഷിക്കാനുള്ള കാലാവധി 2026 ജനുവരി 9 ന് ഇന്നത്തോടെ അവസാനിച്ചിരിക്കെ ആയിരക്കണക്കിന് വിദ്യാർത്ഥികൾക്ക് അപേക്ഷിക്കാനായില്ല എന്ന് വിദ്യാർത്ഥികളും രക്ഷിതാക്കളും വിദ്യാഭ്യാസ സ്ഥാപനങ്ങളിലെ അദ്ധ്യാപകരും പറയുന്നുണ്ട്. അക്ഷയ ,സി.എസ്സി, മറ്റ് ജനസേവന കേന്ദ്രങ്ങളിൽ തദ്ദേശ തെരെഞ്ഞടുപ്പിനോട് അനുബന്ധിച്ചുള്ള വിവിധ തിരക്കുകളും, സംസ്ഥാന സർക്കാർ പ്രഖ്യാപിച്ച സ്ത്രീ സുരക്ഷാ പെൻഷന്റെ ഗണ്യമായ അപേക്ഷകളും എല്ലാം കാരണം സ്‌കോളർഷിപ്പ് അപേക്ഷകൾ വേണ്ട രീതിയിൽ അപേക്ഷിക്കാനുള്ള സമയ സൗകര്യം ലഭിച്ചില്ല എന്ന പരാതിയാണ് ഉയരുന്നത്. ആയതിനാൽ അർഹതപ്പെട്ട എല്ലാ വിദ്യാർത്ഥികൾക്കും സ്‌കോളർഷിപ്പ് അപേക്ഷിക്കുന്നതിനുള്ള സമയം നീട്ടി നൽകണമെന്ന് നാഷണൽ യൂത്ത് ലീഗ് സംസ്ഥാന സെക്രട്ടേറിയറ്റ് ആവശ്യപ്പെട്ടു. മുൻ മന്ത്രിയും ഐ എൻ എൽ സംസ്ഥാന പ്രസിഡന്റുമായ അഹമ്മദ് ദേവർകോവിൽ എംഎൽഎ യുമായി നേതാക്കൾ സംസാരിച്ചു. ന്യുനപക്ഷ ക്ഷേമ വകുപ്പ് മന്ത്രി വി. അബ്ദുറഹ്മാൻ ,…

തിരുവനന്തപുരം, 09 ജനുവരി 2026: ഭക്ഷണ വൈവിധ്യമൊരുക്കി യു എസ് ടി തിരുവനന്തപുരം കേന്ദ്രത്തിലെ ജീവനക്കാർ യമ്മി എയ്ഡ് 2025 ആവേശത്തോടെ ആഘോഷിച്ചു. യമ്മി എയ്ഡ് എന്ന പാചക ഉത്സവവും മത്സരവും അടങ്ങുന്ന വാർഷിക പരിപാടിയുടെ പന്ത്രണ്ടാം പതിപ്പാണ് സംഘടിപ്പിച്ചത്. യു എസ് ടി യിലെ വനിതാ ജീവനക്കാരുടെ വികസനത്തിനും എക്സിക്യൂട്ടീവ് മെന്ററിങ്ങിനും സൗകര്യമൊരുക്കുന്ന സന്നദ്ധ സംഘടനയായ നൗ യു (നെറ്റ്‌വർക്ക് ഓഫ് വിമൻ യുഎസ് അസോസിയേറ്റ്‌സ്) ആണ് ഈ വാർഷിക പാചക ഉത്സവ-ഫണ്ട് റൈസിംഗ് പരിപാടി സംഘടിപ്പിച്ചത്. യു എസ് ടി തിരുവനന്തപുരം ക്യാമ്പസിലെ ജീവനക്കാരുടെ വലിയ പങ്കാളിത്തമാണ് രേഖപ്പെടുത്തിയത്. വീട്ടിൽ പാകം ചെയ്ത ഭക്ഷണം കാമ്പസിൽ ഒരുക്കിയ സ്റ്റാളുകളിൽ പ്രദർശനത്തിനും വിൽപ്പനയ്ക്കും വച്ചത് 18 ടീമുകളാണ്. 6000-ലധികം യുഎസ് ടി ജീവനക്കാർ സ്റ്റാളുകൾ സന്ദർശിച്ചു. ഇത്തവണത്തെ യമ്മി എയ്‌ഡിൽ ഭക്ഷണ വിൽപ്പനയിലൂടെ 321,464 രൂപ…

മക്കരപ്പറമ്പ്: ‘ഖുർആനുൽ ഫജ്ർ’ സോളിഡാരിറ്റി കാമ്പയിനോടനുബന്ധിച്ച് മക്കരപ്പറമ്പ് ഏരിയ കമ്മിറ്റി മക്കരപ്പറമ്പ് ഉമറുൽ ഫാറൂഖ് ഹാളിൽ വെച്ച് മെമ്പേഴ്സ് മീറ്റും നിശാ ക്യാമ്പും സംഘടിപ്പിച്ചു. സോളിഡാരിറ്റി മലപ്പുറം ജില്ല പ്രസിഡന്റ് സാബിക് വെട്ടം സംസാരിച്ചു. സോളിഡാരിറ്റി മലപ്പുറം ജില്ല സെക്രട്ടറി ഷബീർ കറുമുക്കിൽ അദ്ധ്യക്ഷത വഹിച്ചു. അദീബ് ഖുർആൻ ക്ലാസ് നടത്തി. സോളിഡാരിറ്റി മക്കരപ്പറമ്പ് ഏരിയ പ്രസിഡന്റ് ലബീബ് മക്കരപ്പറമ്പ്, സെക്രട്ടറി സി.എച്ച് അഷ്റഫ് എന്നിവർ സംസാരിച്ചു.

മലപ്പുറം: വിദ്യാനഗർ പബ്ലിക് സ്കൂൾ വിദ്യാർത്ഥികൾ വയനാട്ടിലെ പീസ് വില്ലേജ് സന്ദർശിച്ചു. വിദ്യാലയത്തിൽ സംഘടിപ്പിച്ച“Yummy Fest” എന്ന ഫുഡ് ഫെസ്റ്റിൽ നിന്നു സമാഹരിച്ച തുകയും സ്കൂൾ മാനേജ്‍മെന്റ് നൽകിയ സംഭാവനയും ചേർത്ത് ഒരു ലക്ഷം രൂപ (₹1,00,000) പീസ് വില്ലേജ് ജനറൽ മാനേജർ ഷാക്കിറിന് സ്കൂൾ പ്രിൻസിപ്പൽ അബ്ദുൽ ഹമീദ് കൈമാറി. വിദ്യാർഥികളിൽ സാമൂഹിക ബോധവും സഹാനുഭൂതിയും വളർത്തുക എന്ന ലക്ഷ്യത്തോടെ സംഘടിപ്പിച്ച ഈ പ്രവർത്തനത്തിന് മികച്ച പിന്തുണയാണ് ലഭിച്ചത്. ഫുഡ് ഫെസ്റ്റിന്റെ നടത്തിപ്പിലും തുക സമാഹരണത്തിലും വിദ്യാർഥികൾ സജീവമായി പങ്കെടുത്തു. സന്ദർശനത്തിൽ ക്ലാസ് ലീഡർമാരും അദ്ധ്യാപകരും പ്രിൻസിപ്പലും പങ്കെടുത്തു. സാമൂഹിക സേവന രംഗത്തെ പീസ് വില്ലേജിന്റെ പ്രവർത്തനങ്ങളെ കുറിച്ച് വിദ്യാർഥികൾക്ക് നേരിട്ട് അറിയാൻ ഈ സന്ദർശനം സഹായകമായി. വിദ്യാലയത്തിന്റെ ഈ ശ്രമം വിദ്യാഭ്യാസത്തിനൊപ്പം സാമൂഹിക ഉത്തരവാദിത്തവും വളർത്തുന്നതിന് ഒരു മികച്ച മാതൃകയായി.

തലവടി : പാരേത്തോട് വട്ടടി റോഡിൽ തലവടി ഗ്രാമ പഞ്ചായത്ത് 12-ാം വാര്‍ഡില്‍ ചീരംക്കുന്നേൽ പടിക്ക് സമീപം ഉള്ള കലുങ്കിന്റെ തിട്ട ഇടിഞ്ഞ് അപകടാവസ്ഥയിട്ട് മാസങ്ങളായി.വാർത്ത യായതിനെ തുടർന്ന് അധികൃതർ വീപ്പ വെച്ച് റിബൺ കെട്ടി ‘ സുരക്ഷ ‘ ഒരുക്കി. പുതിയ കലുങ്ക് നിർമ്മിച്ച് ശാശ്വത പരിഹാരം കാണണമെന്ന് ആവശ്യപ്പെട്ട് തലവടി തെക്ക് കോൺഗ്രസ് മണ്ഡലം കമ്മിറ്റിയുടെ നേതൃത്വത്തില്‍ മനുഷ്യ ചങ്ങല തീർത്ത് പ്രതിഷേധിച്ചു.ചൂട്ട്മാലി പാടശേഖര ത്തേക്ക് വെള്ളം കയറ്റുന്നതിനുള്ള പ്രധാന കലുങ്കാണ് ഇത്. കലുങ്കിന് സമീപം നടന്ന ചടങ്ങിൽ മണ്ഡലം പ്രസിഡൻ്റ് ജോയി വർഗ്ഗീസ് അധ്യക്ഷത വഹിച്ചു. ഗ്രാമ പഞ്ചായത്ത് അംഗം റീത്താമ്മ തോമസ് ഉദ്ഘാടനം ചെയ്തു. ബൂത്ത് പ്രസിഡന്റ്‌മാരായ എ. ഒ. ചാക്കോ,സിബി തോമസ്, അജിതൻ കുന്നത്ത്പറമ്പിൽ, പി. വി തോമസ്കുട്ടി മുൻ ഗ്രാമ പഞ്ചായത്ത് അംഗം ജോസിയമ്മ മാത്യു , ജയിംസ്…