Category: POLITICS

തിരുവനന്തപുരം: കോണ്‍ഗ്രസ് വനിതാ നേതാവ് എംഎ ഷഹനാസ് തന്നെ മോശക്കാരനായി ചിത്രീകരിച്ചു എന്നാരോപിച്ച് രാഹുല്‍ മാങ്കൂട്ടത്തില്‍ എം എല്‍ എ പത്തു കോടി നഷ്ടപരിഹാരം ആവശ്യപ്പെട്ട് വക്കീല്‍ നോട്ടീസയച്ചു. ഇക്കഴിഞ്ഞ മൂന്നാം തീയതി നടത്തിയ പത്രസമ്മേളനത്തിനിടെയാണ് രാഹുല്‍ തന്നെ ലൈംഗികമായി പീഡിപ്പിച്ചുവെന്ന് ഷഹനാസ് ആരോപിച്ചത്. . ഷഹനാസ് ഉന്നയിച്ച ആരോപണങ്ങൾ അടിസ്ഥാനരഹിതമാണെന്നും, നഷ്ടപരിഹാരമായി പത്തു കോടി രൂപ നല്‍കണമെന്നും രാഹുലിന്റെ നോട്ടീസിൽ പറയുന്നു. നഷ്ടപരിഹാരമായി ലഭിക്കുന്ന തുക 100 പാവപ്പെട്ടവർക്ക് വീട് നിർമ്മിക്കാനുള്ള പദ്ധതിക്കായി ഉപയോഗിക്കുമെന്നും രാഹുൽ വ്യക്തമാക്കിയിട്ടുണ്ട്. ബലാത്സംഗ കേസിൽ ജാമ്യത്തിലിറങ്ങിയ ശേഷം രാഹുൽ നടത്തിയ ചില പരാമർശങ്ങൾക്കെതിരെ ഷഹനാസ് ശക്തമായി രംഗത്തെത്തിയിരുന്നു. രാഹുലുമായി തനിക്ക് സൗഹൃദമില്ലെന്നും അദ്ദേഹത്തോടൊപ്പം ഒരു സെൽഫി പോലും എടുത്തിട്ടില്ലെന്നും ഷഹനാസ് കോഴിക്കോട് നടന്ന പത്രസമ്മേളനത്തിൽ പറഞ്ഞു. സാഹിത്യോത്സവത്തിൽ പങ്കെടുക്കാൻ ക്ഷണിച്ചുവെന്ന രാഹുലിന്റെ വാദം പൂർണ്ണമായും തെറ്റാണെന്നും അവർ വ്യക്തമാക്കി. രാഹുൽ…

തിരുവനന്തപുരം: ശബരിമല സ്വര്‍ണ കവര്‍ച്ചയുടെ അന്വേഷണം സ്തംഭിച്ചിരിക്കുകയാണെന്നും അത് ഒരു പ്രഹസനമായി മാറിയിരിക്കുകയാണെന്നും കോണ്‍ഗ്രസ് നേതാവ് രമേശ് ചെന്നിത്തല ആരോപിച്ചു. കേസിലെ പ്രതികള്‍ ഓരോരുത്തരായി പുറത്തുവന്നുകൊണ്ടിരിക്കുകയാണെന്നും, അവര്‍ പുറത്തുവന്നാല്‍ തെളിവുകള്‍ നശിപ്പിക്കാനും അന്വേഷണത്തെ അട്ടിമറിക്കാനും സാധ്യതയുണ്ടെന്നും അദ്ദേഹം പറഞ്ഞു. തൊണ്ടി മുതല്‍ ഇതുവരെ കണ്ടെടുക്കാനാവാത്തതെന്താണെന്ന ചോദ്യം തുടക്കം മുതല്‍ ഉയര്‍ന്നിരുന്നെങ്കിലും ആരും അതിനെക്കുറിച്ച് സംസാരിക്കാത്തത് സംശയം വര്‍ദ്ധിപ്പിക്കുന്നുണ്ടെന്ന് ചെന്നിത്തല പറഞ്ഞു. എസ്.ഐ.ടിയുടെ ആത്മാര്‍ത്ഥതയെ അദ്ദേഹം ചോദ്യം ചെയ്യുന്നില്ലെങ്കിലും, മുഖ്യമന്ത്രിയുടെ ഓഫീസ് അന്വേഷണം അട്ടിമറിക്കാന്‍ ശ്രമിക്കുകയാണെന്നും എസ്.ഐ.ടിക്ക് മുഖ്യമന്ത്രിയുടെ ഓഫീസില്‍ നിന്ന് സമ്മര്‍ദ്ദമുണ്ടെന്നും അദ്ദേഹം ആരോപിച്ചു. കേസിൽ സിപിഐ എം നേതാക്കളുടെ പേരുകൾ ഉയർന്നുവന്നിട്ടും അവർക്കെതിരെ നടപടിയെടുക്കാൻ പാർട്ടി തയ്യാറാകുന്നില്ലെന്നും, അത് കൂടുതൽ പേരുകൾ പുറത്തുവരുമെന്ന് ഭയമുള്ളതുകൊണ്ടാണെന്നും രമേശ് ചെന്നിത്തല പറഞ്ഞു. സ്വർണ മോഷണവുമായി ബന്ധപ്പെട്ട് നിയമസഭയിൽ സോണിയ ഗാന്ധിയുടെ പേര് പരാമർശിച്ച മന്ത്രി വി ശിവൻകുട്ടിയെ രമേശ്…

കണ്ണൂർ: കേന്ദ്രമന്ത്രി സുരേഷ് ഗോപിയുടെ ‘മറ്റേ മോനേ’ പ്രയോഗത്തില്‍ വിശദീകരണവുമായി ശോഭ സുരേന്ദ്രൻ. സുരേഷ് ഗോപി ഉദ്ദേശിച്ചത് ‘പൊന്നുമോനേ’ എന്നാണെന്നും, അദ്ദേഹത്തിന്റെ വാക്കുകളിലല്ല, പ്രവൃത്തികളിലാണ് ശ്രദ്ധ കേന്ദ്രീകരിക്കേണ്ടതെന്നും അവര്‍ മാധ്യമങ്ങളോട് പറഞ്ഞു. നിരവധി പാവപ്പെട്ടവരെ സഹായിക്കുന്ന വ്യക്തിയാണ് സുരേഷ് ഗോപിയെന്നും അവർ പറഞ്ഞു. അതേസമയം, പി.പി. ദിവ്യ ബിജെപിയിലേക്ക് പോകുന്നു എന്ന പ്രചാരണത്തിനും ശോഭ സുരേന്ദ്രൻ മറുപടി നൽകി. സി.പി.എമ്മിന് തന്നെ വേണ്ടാത്തതിനാലാണ് പി.പി. ദിവ്യ ബിജെപിയിലേക്ക് പോകുന്നു എന്ന പ്രചാരണം നടക്കുന്നത്. നാവ് കൊണ്ട് ഒരാളെ കൊന്നത് അവരാണ്. ധനരാജ് രക്തസാക്ഷി ഫണ്ട് കുംഭകോണത്തെക്കുറിച്ചുള്ള വിവരങ്ങൾ പുറത്തുവന്നതോടെ സി.പി.എം സ്വത്വബോധമില്ലാത്ത പാർട്ടിയായി മാറിയിരിക്കുന്നു. കണ്ണൂരിൽ നിന്നാണ് അതിന്റെ സ്ഫോടനം ആരംഭിക്കുന്നതെന്ന് ശോഭ സുരേന്ദ്രൻ പറഞ്ഞു. കേരളത്തിലെ മൂന്ന് ധാതുക്കൾ കേന്ദ്രത്തിന്റേതാണ്. അവയിൽ സംസ്ഥാനത്തിന് അവകാശമില്ല. ഏതൊക്കെ ചെറുകിട ധാതുക്കളാണ് കേരള സർക്കാരിന്റേതെന്ന് വ്യവസായ മന്ത്രി വ്യക്തമാക്കണമെന്നും…

തിരുവനന്തപുരം: ശബരിമല സ്വര്‍ണ മോഷണ വിവാദത്തില്‍ ചൊവ്വാഴ്ച കേരള നിയമസഭ വീണ്ടും പ്രക്ഷുബ്ധമായി. പ്രതിപക്ഷ ഐക്യ ജനാധിപത്യ മുന്നണി (യുഡിഎഫ്) അംഗങ്ങള്‍ സ്പീക്കറുടെ വേദിയിലേക്ക് ഇരച്ചുകയറി. പ്രതിപക്ഷ പ്രതിഷേധം രൂക്ഷമായതോടെ സ്പീക്കര്‍ എഎന്‍ ഷംസീര്‍ രണ്ടുതവണ സഭാനടപടികള്‍ നിര്‍ത്തിവച്ചു. ചോദ്യോത്തര വേള ആരംഭിച്ചയുടൻ, ശബരിമല സ്വർണ്ണ കേസുമായി ബന്ധപ്പെട്ട് ദേവസ്വം മന്ത്രി വി.എൻ. വാസവന്റെ രാജി ആവശ്യപ്പെട്ട് പ്രതിപക്ഷ എം.എൽ.എമാർ സഭയുടെ നടുത്തളത്തിൽ ഇരച്ചുകയറി സ്പീക്കറുടെ കാഴ്ച തടയുകയും ബാനറുകളും പ്ലക്കാർഡുകളും ഉയർത്തുകയും ചെയ്തു. പ്രതിഷേധത്തിനിടയിൽ, വാച്ച് ആൻഡ് വാർഡ് ഗാർഡുകളുടെ വലയം ഭേദിച്ച് നിയമസഭാംഗങ്ങളായ അൻവർ സാദത്തും ടിവി ഇബ്രാഹിമും സ്പീക്കറുടെ വേദിയിലേക്ക് ഇരച്ചു കയറി. ബഹളം നിയന്ത്രണാതീതമായതോടെ, രാവിലെ 9:40 ഓടെ സ്പീക്കർ വേദി വിട്ടുപോയി, ചോദ്യോത്തര വേള നടപടികൾ പാതിവഴിയിൽ നിർത്തിവച്ചു. പിന്നീട്, രാവിലെ 10 മണിയോടെ സ്പീക്കർ വീണ്ടും സഭാ നടപടികൾ…

കണ്ണൂർ: പുസ്തക പ്രകാശന ചടങ്ങ് മാറ്റിവച്ചുവെന്ന പ്രചാരണം അടിസ്ഥാനരഹിതമാണെന്നും, പരിപാടിയിൽ മാറ്റമില്ലെന്നും ചടങ്ങ് നിശ്ചയിച്ച പ്രകാരം നടക്കുമെന്നും വി കുഞ്ഞികൃഷ്ണന്‍ പറഞ്ഞു. “കഴിഞ്ഞ അഞ്ച് വർഷമായി പാർട്ടിക്കുള്ളിൽ ചർച്ചകൾ നടക്കുന്നുണ്ടെന്നും എന്നാൽ കണക്കുകൾ സംബന്ധിച്ച് തനിക്ക് പോലും ഇതുവരെ വ്യക്തതയില്ലെന്നും” പാർട്ടി കണക്കുകൾ പുറത്തുവിടുമെന്ന എം വി ഗോവിന്ദന്റെ പരാമർശത്തിന് മറുപടിയായി കുഞ്ഞികൃഷ്ണൻ പറഞ്ഞു. തന്റെ പുസ്തകപ്രകാശനത്തിന് മുമ്പ് സിപിഎം അവരുടെ കണക്കുകൾ പുറത്തുവിടണമെന്നും അദ്ദേഹം കൂട്ടിച്ചേർത്തു. പാർട്ടിക്കുള്ളിൽ പോലും സത്യസന്ധമായി കണക്കുകൾ അവതരിപ്പിക്കാൻ പാർട്ടിക്ക് കഴിഞ്ഞിട്ടില്ലെന്നും അദ്ദേഹം ആരോപിച്ചു. ഫണ്ടുമായി ബന്ധപ്പെട്ട വിഷയങ്ങളിൽ പുസ്തക പ്രകാശന ചടങ്ങിൽ കൂടുതൽ ചോദ്യങ്ങൾ ഉന്നയിക്കുമെന്നും അദ്ദേഹം വ്യക്തമാക്കി. പാർട്ടി വിട്ടപ്പോൾ ഏരിയ കമ്മിറ്റിയിൽ ഒരു കണക്ക് അവതരിപ്പിച്ചിരുന്നുവെന്നും പാർട്ടിയെ രക്ഷിക്കാൻ ആ കണക്ക് താഴേത്തട്ടിൽ അവതരിപ്പിക്കണമെന്ന് നിർദ്ദേശിച്ചിരുന്നുവെന്നും കുഞ്ഞികൃഷ്ണൻ പറഞ്ഞു. സംസ്ഥാന നേതൃത്വത്തിന്റെ ഇടപെടൽ മൂലം ജില്ലാ കമ്മിറ്റി…

ബേപ്പൂരിൽ നിന്ന് പി.വി. അൻവർ മത്സരിച്ച് ജയിച്ച് എം എല്‍ എ ആകുമെന്ന് കെ.പി.സി.സി പ്രസിഡന്റ് സണ്ണി ജോസഫ് സ്ഥിരീകരിച്ചു. സഖ്യകക്ഷികളുമായുള്ള സീറ്റ് വിഭജന ചർച്ചകൾ പുരോഗമിക്കുകയാണെന്നും യു.ഡി.എഫിന്റെ സ്ഥാനാർത്ഥിയെക്കുറിച്ചുള്ള ആദ്യ അനൗദ്യോഗിക പ്രഖ്യാപനമാണിതെന്നും സണ്ണി ജോസഫ് വ്യക്തമാക്കി. ടി.പി. വധക്കേസിലെ പ്രതികൾക്ക് പരോൾ നൽകുന്നതുമായി ബന്ധപ്പെട്ട അടിയന്തര പ്രമേയം തള്ളിയ സംഭവത്തിലും ബജറ്റിനെക്കുറിച്ചും സണ്ണി ജോസഫ് പ്രതികരിച്ചു. പരോൾ വിഷയത്തിൽ അടിയന്തര പ്രമേയം തള്ളിക്കളഞ്ഞത് ഭയം കൊണ്ടാണെന്ന് അദ്ദേഹം ആരോപിച്ചു. കെ.കെ. രമയുടെയും യു.ഡി.എഫിന്റെയും വാക്കുകൾ കേൾക്കാൻ സർക്കാർ തയ്യാറായില്ലെന്നും അതുകൊണ്ടാണ് പ്രമേയം തള്ളിയതെന്നും അദ്ദേഹം പറഞ്ഞു. കേന്ദ്ര ബജറ്റിൽ കേരളത്തെ പൂർണമായും അവഗണിച്ചുവെന്ന് സണ്ണി ജോസഫ് ആരോപിച്ചു. സുരേഷ് ഗോപി ഈ വിഷയങ്ങളിൽ പ്രതികരിക്കാത്തത് മനഃസ്സാക്ഷിക്കുത്ത് മൂലമാണെന്നും അദ്ദേഹം പറഞ്ഞു.

സ്റ്റാഫ്‌ഫോർഡ്: ഡെമോക്രറ്റുകളുടെ ഈറ്റില്ലം എന്ന് പലരും പറഞ്ഞു പുകഴ്ത്തിയ ഫോട്ബെൻഡ് കൗണ്ടിയിൽ റിപ്പബ്ലിക്കൻ പാർട്ടിക്ക് തേരോട്ടം കുറിച്ച ഇന്ത്യൻ റിപ്പബ്ലിക്കൻ പാർട്ടി അനുഭാവികളുടെ മീറ്റ് ആൻഡ് ഗ്രീറ്റ് വർണോജ്വലമായി. മലയാളികൾ മുൻകൈ എടുത്തുനടത്തിയ പരിപാടിയിൽ ഒഴുകിയെത്തിയത് മുന്നൂറിലധികം പേർ. ജനുവരി 23ന് വെള്ളിയാഴ്ച സ്റ്റാഫ്‌ഫോർഡ് ബാങ്ക്‌റ്റ് ഹാളിൽ അരങ്ങേറിയ ഫോട്ബെൻഡ്, ഹാരിസ് കൗണ്ടികളിലെ റിപ്പബ്ലിക്കൻ സ്ഥാനാർത്ഥികളെ പരിചയപ്പെടുത്തുന്ന ചടങ്ങിൽ കോൺഗ്രെസ്സ്മാൻ ട്രോയ് നെയ്ൽസ് മുഖ്യാതിഥിയായി. അദ്ദേഹത്തിന്റെ സഹോദരനും യൂ എസ് കോൺഗ്രസ് സ്ഥാനാർത്ഥിയുമായ ട്രെവർ നെയ്ൽസ്, ഫോട്ബെൻഡ് കൗണ്ടി ജി ഓ പി ചെയർ ആയി സ്ഥാനമേൽക്കുന്ന ഗ്രെഗ് ബാൺസ് ഫോട്ബെൻഡ് കൗണ്ടി ജഡ്ജ് കെ പി ജോർജ്, സ്റ്റാഫ്‌ഫോർഡ് സിറ്റി മേയർ കെൻ മാത്യു, ഡിസ്ട്രിക്ട് ജഡ്ജ് ആയി മത്സരിക്കുന്ന ആശാ റെഡ്‌ഡി, ജസ്റ്റിസ് ഓഫ് പീസ് ആയി മത്സരിക്കുന്ന ഡോ. മാത്യു വൈരമൺ തുടങ്ങി…