Category: POLITICS

വയനാട്: വയനാട് ലോക്‌സഭാ ഉപതിരഞ്ഞെടുപ്പിൻ്റെ പ്രചാരണം അവസാനിച്ചു. കാലങ്ങളായി തെരഞ്ഞെടുപ്പു വിജയത്തിനായി തന്ത്രങ്ങൾ മെനഞ്ഞ മണ്ഡലങ്ങൾ ഇനി നിശ്ശബ്ദ പ്രചാരണങ്ങൾക്കു സാക്ഷ്യം വഹിക്കും. യു ഡി എഫും, സിപിഎമ്മും, ബിജെപിയും നേർക്കുനേർ പൊരുതുന്ന വയനാട്ടിൽ ഇത്തവണയും കടുത്ത മത്സരമായിരിക്കും നടക്കുക. യു.ഡി.എഫിലെ പ്രിയങ്കാ ഗാന്ധിയും സി.പി.എമ്മിലെ സത്യൻ മൊകേരിയും ബി.ജെ.പിയിലെ നവ്യ ഹരിദാസും തങ്ങളുടെ വിജയം ഉറപ്പിക്കാന്‍ കഴിഞ്ഞ കുറച്ച് ദിവസങ്ങളായി അക്ഷീണം പ്രയത്നിക്കുകയാണ്. ഓരോരുത്തരും ജനങ്ങളെ സമീപിച്ച് വോട്ട് ചോദിക്കുമ്പോഴും കൂടുതൽ വ്യത്യസ്തവും കാര്യക്ഷമവുമായ രീതിയിൽ വോട്ട് ഉറപ്പിക്കാൻ മറ്റു മുന്നണികൾ ശ്രമിച്ചു. ജില്ലയിലെ എല്ലാ പ്രദേശങ്ങളിലെയും ജനങ്ങളെ നേരിൽ കണ്ട് വോട്ട് അഭ്യർഥിച്ചാണ് പ്രിയങ്ക ഗാന്ധി പ്രചാരണം അവസാനിപ്പിച്ചത്. ഈ പ്രചാരണത്തിൻ്റെ ഭാഗമായി ജില്ലയിലെ ഹോം സ്‌റ്റേ ഉടമകളുമായി പ്രിയങ്ക ഗാന്ധി കൂടിക്കാഴ്ചയും നടത്തി. വയനാട് ടൂറിസം കൂടുതല്‍ ശക്തമാക്കുമെന്ന് ഹോം സ്റ്റേ ഉടമകൾക്ക്…

കോഴിക്കോട്: പ്രിയങ്ക ഗാന്ധിയുടെ തിരുവമ്പാടിയിലെ പ്രചാരണം അവസാനിച്ചു. വയനാട് ലോക്സഭാ മണ്ഡലത്തിൻ്റെ ഭാഗമായ കോഴിക്കോട് ജില്ലയിലെ ഒരു നിയമസഭാ മണ്ഡലമാണ് തിരുവമ്പാടി. കോരിച്ചൊരിയുന്ന മഴയെ അവഗണിച്ചാണ് പ്രിയങ്ക ഗാന്ധി കൊട്ടിക്കലാശത്തില്‍ പങ്കെടുത്തത്. തിരുവമ്പാടി ബസ് സ്റ്റാൻഡ് പരിസരം യുഡിഎഫ് പ്രവർത്തകരാൽ നിറഞ്ഞുകവിഞ്ഞിരുന്നു. എല്ലാവർക്കും ആശംസകൾ നേർന്നാണ് പ്രിയങ്ക പ്രസംഗം ആരംഭിച്ചത്. “നിങ്ങളുടെ സ്നേഹത്തിന് നന്ദി, എനിക്ക് കുറച്ച് മലയാളമേ അറിയൂ. തിരിച്ചു വന്നാല്‍ കൂടുതല്‍ പഠിക്കും,” അവര്‍ വ്യക്തമാക്കി. 35 വർഷമായി തെരഞ്ഞെടുപ്പ് പ്രചാരണം നടത്തുന്ന തന്‍റെ ജീവിതത്തിലെ ഏറ്റവും സന്തോഷവും മനോഹരവുമായ പ്രചാരണമാണിത്. മനുഷ്യ വന്യജീവി സംഘർഷം, രാത്രി യാത്ര നിരോധനം എന്നിവ പരിഹരിക്കാൻ ഒരുമിച്ച് പ്രവർത്തിക്കാം. കാർഷിക മേഖലയിലും വിനോദ സഞ്ചാര മേഖലയിലും കൂടുതൽ ശ്രദ്ധ ചെലുത്തും. തോളോട് തോൾ ചേർന്ന് പ്രവർത്തിക്കാൻ ഒരു അവസരം നൽകൂവെന്നും പ്രിയങ്കാ ഗാന്ധി വോട്ടര്‍മാരോട് പറഞ്ഞു. ഞാൻ…

വാഷിങ്ടൺ: അനധികൃത കുടിയേറ്റക്കാരെ നാടുകടത്താനുള്ള നിയുക്ത അമേരിക്കൻ പ്രസിഡൻ്റ് ഡൊണാൾഡ് ട്രംപിൻ്റെ പദ്ധതിക്ക് ഇന്ത്യൻ വംശജനായ വിവേക് ​​രാമസ്വാമി പൂർണ പിന്തുണ അറിയിച്ചു. രാജ്യത്തെ നിയമപരമായ കുടിയേറ്റ സംവിധാനം തകർന്നിരിക്കുന്നു. നിയമം ലംഘിച്ച് അമേരിക്കയിലേക്ക് കുടിയേറിയവർക്ക് ഇവിടെ തുടരാൻ അവകാശമില്ലെന്നും തിരികെ പോകണമെന്നും അദ്ദേഹം പറഞ്ഞു. കഴിഞ്ഞ കുറച്ച് വർഷങ്ങളായി അമേരിക്കയിൽ പ്രവേശിച്ചിട്ടും രാജ്യത്ത് സ്ഥിരതാമസമാക്കാൻ കഴിയാത്തവരെയും കുറ്റവാളികളായ അനധികൃത കുടിയേറ്റക്കാരെയും നാടുകടത്തണം. അങ്ങനെ ചെയ്യുന്നത് ലോകത്തിലെ ഏറ്റവും വലിയ കൂട്ട നാടുകടത്തലായിരിക്കും. അനധികൃത കുടിയേറ്റക്കാരെ സഹായിക്കുന്നത് സർക്കാർ അവസാനിപ്പിച്ചാൽ ആളുകൾ സ്വയം പലായനം ചെയ്യുന്നതും നിങ്ങൾ കാണുമെന്നും വിവേക് ​​രാമസ്വാമി പറഞ്ഞു. രാജ്യത്തെ ഒന്നിപ്പിക്കാനാണ് ട്രംപ് ആഗ്രഹിക്കുന്നത്. അതാണ് അദ്ദേഹത്തിന്‍റെ ഏറ്റവും വലിയ ലക്ഷ്യവും. കുടുംബാംഗങ്ങളില്‍ നിന്നോ സുഹൃത്തുക്കളില്‍ നിന്നോ സഹപ്രവര്‍ത്തകരില്‍ നിന്നോ വ്യത്യസ്‌തമായി വോട്ടു ചെയ്‌ത ആളുകള്‍ക്ക് തിരികെ ഒരു സ്ഥലത്ത് ഒരുമിച്ചിരിക്കാനും, എല്ലാത്തിനും…

2025ലെ തിരഞ്ഞെടുപ്പിൽ കനേഡിയൻ പ്രധാനമന്ത്രി ജസ്റ്റിൻ ട്രൂഡോയുടെ സ്ഥാനം നഷ്ടമാകുമെന്ന് പ്രവചിച്ച് ടെസ്‌ല സിഇഒ എലോൺ മസ്‌ക് വിവാദം സൃഷ്ടിച്ചു. ട്രൂഡോയെ അധികാരത്തിൽ നിന്ന് പുറത്താക്കാൻ സഹായം അഭ്യർത്ഥിച്ച ഒരു ഉപയോക്താവിനോട്, “വരാനിരിക്കുന്ന തെരഞ്ഞെടുപ്പിൽ അദ്ദേഹം പോകും” എന്ന് പറഞ്ഞുകൊണ്ടാണ് മസ്‌ക് എക്‌സിൽ പ്രസ്താവന നടത്തിയത്. 2013 മുതൽ ലിബറൽ പാർട്ടിയെ നയിക്കുന്ന ട്രൂഡോ ന്യൂനപക്ഷ സർക്കാരിനെ നയിക്കുന്നതിനാൽ വർദ്ധിച്ചുവരുന്ന സമ്മർദ്ദം നേരിടുകയാണ്. അനിയന്ത്രിതമായ ഇമിഗ്രേഷൻ നയങ്ങൾക്കുള്ള അദ്ദേഹത്തിൻ്റെ തുടർച്ചയായ പിന്തുണ ഒരു പ്രധാന തർക്കവിഷയമാണ്, പ്രത്യേകിച്ച് അദ്ദേഹത്തിൻ്റെ രാഷ്ട്രീയ എതിരാളികൾക്കിടയിൽ. പിയറി പൊയിലേവറിൻ്റെ കൺസർവേറ്റീവ് പാർട്ടിയിൽ നിന്നും ജഗ്മീത് സിംഗിന്റെ ന്യൂ ഡെമോക്രാറ്റിക് പാർട്ടിയിൽ നിന്നും തിരഞ്ഞെടുപ്പ് വെല്ലുവിളികൾ ഉയരുന്നതിനാൽ, പ്രധാനമന്ത്രിയുടെ വീണ്ടും തിരഞ്ഞെടുപ്പ് സാധ്യതകൾ അനിശ്ചിതത്വത്തിലാണ്. അഭിപ്രായ സ്വാതന്ത്ര്യത്തെക്കുറിച്ചുള്ള കനേഡിയൻ ഗവൺമെൻ്റിൻ്റെ നിലപാടുകളോടുള്ള തൻ്റെ അതൃപ്തിയും മസ്‌ക് പ്രകടിപ്പിച്ചിട്ടുണ്ട്, പ്രത്യേകിച്ചും സർക്കാർ മേൽനോട്ടത്തിനായി ഓൺലൈൻ…

യു കെ: കേരളത്തിലെ മൂന്ന് മണ്ഡലങ്ങളിൽ നടക്കുന്ന സുപ്രധാന ഉപതെരെഞ്ഞെടുപ്പ്‌ പ്രചാരണ രംഗത്ത് ഒരു പ്രവാസി സംഘടന നടത്തിയിട്ടുള്ളതിൽ വച്ച് അഭൂതപൂർവ്വമായ സാന്നിധ്യമാണ് യു കെയിലെ ഓവർസീസ് ഇന്ത്യൻ കൾചറൽ കോൺഗ്രസ്‌ (ഒ ഐ സി സി) പ്രവർത്തകർ ഇത്തവണ നടത്തിയത്. സംഘടനയുടെ അധ്യക്ഷ തന്നെ നേരിട്ട് പ്രചരണ പ്രവർത്തനങ്ങളുടെ ചുക്കാൻ പിടിക്കുന്നു എന്നതും ശ്രദ്ദേയം. സാധാരണ ഗതിയിൽ പ്രവാസി സംഘടന പ്രവർത്തകർ നാട്ടിലെത്തുന്ന സമയത്ത് വോട്ടിങ്ങിലും പ്രചാരണ രംഗത്തും സജീവമാകുക പതിവാണെങ്കിലും, തെരഞ്ഞെടുപ്പു പ്രചരണത്തിനു മാത്രമായി യു കെയിൽ നിന്നും നാട്ടിലെത്തി സംഘടനയുടെയും കോൺഗ്രസ്‌ / യുഡിഎഫ് പ്രവർത്തകരെയും കൂട്ടിച്ചേർത്തുകൊണ്ട് മൂന്ന് മണ്ഡലങ്ങളിലും ശക്തമായ പ്രചാരണ പ്രവർത്തനങ്ങളാണ് ഒ ഐ സി സി (യുകെ) നടത്തിയത്. ഒ ഐ സി സി (യു കെ) അധ്യക്ഷ ഷൈനു ക്ലയർ മാത്യൂസ്, സംഘടനയുടെ ഔദ്യോഗിക വക്താവ് റോമി…

പാലക്കാട്: കള്ളപ്പണ വിവാദം കൊടുമ്പിരിക്കൊണ്ടിരിക്കേ, നിര്‍ണ്ണായക തെളിവാണെന്ന് പ്രഖ്യാപിച്ച് സിപിഐഎം സിസി ടിവി ദൃശ്യങ്ങള്‍ പുറത്തു വിട്ടു. ഒരു നീല ട്രോളി ബാഗുമായി യൂത്ത് കോൺഗ്രസ് നേതാവ് ഫെനി നൈനാൻ ഹോട്ടലിൽ എത്തുന്നതാണ് ദൃശ്യങ്ങളിലുള്ളത്. എന്നാല്‍, ബാഗിൽ പണമുണ്ടോയെന്ന് വ്യക്തമല്ല. ആ നീല നിറത്തിലുള്ള ബാഗിലാണ് പണം എത്തിച്ചതെന്നാണ് സിപിഎമ്മിന്റെ ആരോപണം. ഇന്നലെ രാത്രി പാലക്കാട് റെയ്ഡ് നടന്ന ഹോട്ടലിലെ 10.11 മുതല്‍ 11.30 വരെയുള്ള ദൃശ്യങ്ങളാണ് പുറത്തുവന്നത്. ദൃശ്യങ്ങളില്‍ ഫെനി നൈനാന് പുറമേ രാഹുല്‍ മാങ്കൂട്ടത്തില്‍, ഷാഫി പറമ്പില്‍, വി കെ ശ്രീകണ്ഠന്‍, ജ്യോതികുമാര്‍ ചാമക്കാല എന്നിവരുമുണ്ട്. വി കെ ശ്രീകണ്ഠന്‍ വാഷ് റൂമിലേക്കും മറ്റുള്ളവര്‍ കോണ്‍ഫറന്‍സ് റൂമിലേക്കും പോകുന്നത് കാണാം. 10.32 ഓടെ രാഹുല്‍ മാങ്കൂട്ടത്തിലും ഹോട്ടലില്‍ എത്തി. 10.39 ഓടെ രാഹുല്‍ മാങ്കൂട്ടത്തില്‍ കോണ്‍ഫറന്‍സ് റൂമിലേക്ക് പ്രവേശിക്കുന്നു. തൊട്ടുപിന്നാലെ ഫെനി നൈനാന്‍ കോറിഡോറിലൂടെ…

അമേരിക്കൻ പ്രസിഡൻ്റ് തെരഞ്ഞെടുപ്പിൽ ഡൊണാൾഡ് ട്രംപിൻ്റെ കരിഷ്മ വീണ്ടും പ്രകടമായി. ഈ തിരഞ്ഞെടുപ്പിൽ അദ്ദേഹം വിജയിക്കുകയും കമലാ ഹാരിസിനെ പരാജയപ്പെടുത്തുകയും ചെയ്തു. ഇനി അമേരിക്കയുടെ കടിഞ്ഞാൺ വീണ്ടും ഡൊണാൾഡ് ട്രംപിൻ്റെ കൈകളിലെത്തുമെന്ന് വ്യക്തമായി. ഫ്ലോറിഡ: റിപ്പബ്ലിക്കൻ പ്രസിഡൻ്റ് സ്ഥാനാർത്ഥി ഡൊണാൾഡ് ട്രംപ് 270 ഇലക്ടറൽ വോട്ടിൻ്റെ ഭൂരിപക്ഷം നേടിയതിനു ശേഷം പാം ബീച്ച് കൗണ്ടി കൺവെൻഷൻ സെൻ്ററിൽ തൻ്റെ അനുയായികളെ അഭിസംബോധന ചെയ്തു. വിജയം പ്രഖ്യാപിച്ചയുടൻ അവിടെയുണ്ടായിരുന്ന ജനക്കൂട്ടം കരഘോഷത്തോടെ അദ്ദേഹത്തെ സ്വീകരിച്ചു. അമേരിക്കയെ മെച്ചപ്പെടുത്താനും അതിർത്തികൾ സംരക്ഷിക്കാനും വലിയ നടപടികൾ സ്വീകരിക്കുമെന്ന് ട്രംപ് വൈകാരികമായി പറഞ്ഞു. ‘നമ്മുടെ രാജ്യം മെച്ചപ്പെടുത്താനും അതിർത്തികൾ സുരക്ഷിതമാക്കാനും സാധ്യമായതെല്ലാം ചെയ്യുമെന്ന്’ ട്രംപ് തൻ്റെ പ്രസംഗത്തിൽ പറഞ്ഞു. രാജ്യ താൽപ്പര്യം മുൻനിർത്തി കൃത്യമായ നയങ്ങൾ നടപ്പാക്കുമെന്നും അമേരിക്കയെ പുതിയ ഉയരങ്ങളിലെത്തിക്കുമെന്നും അദ്ദേഹം ഉറപ്പു നൽകി. അദ്ദേഹത്തിൻ്റെ അനുയായികൾ അദ്ദേഹത്തിൻ്റെ പ്രമേയത്തെ ശക്തമായി…