Month: July 2022

ഡാളസ് : ഡാളസ് കൗണ്ടിയില്‍ കോവിഡ് 19 സ്ഥിരീകരിക്കുന്നവരുടേയും, ആശുപത്രിയില്‍ പ്രവേശിപ്പിക്കുന്നവരുടെയും എണ്ണം വര്‍ദ്ധിച്ചു വരുന്ന സാഹചര്യത്തില്‍ കോവിഡ് 19 ലവല്‍ റെഡിലേക്ക്(RED) ഉയര്‍ത്തികൊണ്ട് സെന്റേഴ്‌സ് ഡിസീസ് കണ്‍ട്രോള്‍ ആന്റ് പ്രിവന്‍ഷന്‍ ഉത്തരവിട്ടു. ഇന്‍ഡോറിലും, പൊതുവാഹനങ്ങളിലും, സഞ്ചരിക്കുന്ന എല്ലാവരും മാസ്‌ക്ക് ധറിക്കണമെന്ന് സി.ഡി.സി.നിര്‍ദ്ദേശം നല്‍കിയിട്ടുണ്ട്. ടറന്റ് കൗണ്ടി, കോളിന്‍ കൗണ്ടികളില്‍ കോവിഡ് 19 ലവല്‍ റെഡിലേക്ക് ഉയര്‍ത്തിയപ്പോള്‍ ഡന്റന്‍ കൗണ്ടിയില്‍ യെല്ലൊ ലെവല്‍ അലര്‍ട്ട് മാത്രമാണുള്ളത്. ഏറ്റവും അപകടകാരികളായ ഒമിക്രോണ്‍ സമ്പ വേരിയന്റ് BA 4, BA5 എന്നിവയാണ് പരിശോധനക്ക് വിധേയരാകുന്നവരില്‍ കൂടുതല്‍ കാണുന്നതെന്ന് ടെക്‌സസ് യൂണിവേഴ്‌സിറ്റി സൗത്ത് വെസ്റ്റ് മെഡിക്കല്‍ സെന്ററിന്റെ പഠന റിപ്പോര്‍ട്ടില്‍ ചൂണ്ടികാണിക്കുന്നു. 75 ശതമാനത്തിലും ഇതു പ്രകടമാണെന്നും റിപ്പോര്‍ട്ടില്‍ പറയുന്നു. ഡാളസ്സില്‍ കൗണ്ടിയിലെ കോവിഡ് ലവല്‍ ഗ്രീനില്‍ നിന്നും രണ്ടാഴ്ച മുമ്പാണ് യെല്ലോ ലവലിലേക്ക് ഉയര്‍ത്തിയിരിക്കുന്നതെന്ന് കൗണ്ടി പബ്ലിക് ഹെല്‍ത്തിലെ ഉയര്‍ന്ന…

പ്യൂർട്ടോ റിക്കോ: അമേരിക്കയുടെ ഒരു സംയോജിത പ്രദേശമെന്ന നിലയിൽ കരീബിയൻ ദ്വീപിന്റെ നിലവിലെ പദവി നിലനിർത്തുന്ന നിയമ നിർമ്മാതാക്കൾ പ്യൂർട്ടോ റിക്കോയിൽ നിയമനിർമ്മാണ ബില്‍ അവതരിപ്പിച്ചു. എന്നാൽ, സംസ്ഥാനം, ദ്വീപ്, പദവി, യുണൈറ്റഡ് സ്റ്റേറ്റ്സിൽ നിന്നുള്ള സ്വാതന്ത്ര്യം, യുഎസുമായുള്ള പ്യൂർട്ടോ റിക്കോയുടെ “സ്വതന്ത്ര യൂണിയനിൽ പരമാധികാരം” എന്നിങ്ങനെ മൂന്ന് ഓപ്ഷനുകൾ തിരഞ്ഞെടുക്കാൻ താമസക്കാരെ അനുവദിക്കും. ഹൗസ് നാച്ചുറൽ റിസോഴ്‌സ് കമ്മിറ്റിയുടെ ചെയർമാനായ ഡെമോക്രാറ്റിക് റാൽ ഗ്രിജാൽവയാണ് പ്യൂർട്ടോ റിക്കോ സ്റ്റാറ്റസ് ആക്റ്റ് ഔദ്യോഗികമായി അവതരിപ്പിച്ചത്. വെള്ളിയാഴ്ച പുറത്തിറക്കിയ പ്രസ്താവനയിൽ, “പ്യൂർട്ടോ റിക്കോയിലെ രാഷ്ട്രീയ സാഹചര്യത്തിന് പരിഹാരം കണ്ടെത്തുക” എന്നത് തന്റെ മുൻ‌ഗണനകളിലൊന്നാണെന്ന് അദ്ദേഹം പറഞ്ഞു. ബിൽ അനുസരിച്ച്, 2023 നവംബർ 5 ന് ഫെഡറൽ സ്പോൺസർ ചെയ്യുന്ന റഫറണ്ടത്തിൽ പ്യൂർട്ടോ റിക്കക്കാർ വോട്ട് ചെയ്യും, മൂന്ന് ഓപ്ഷനുകളും ബാലറ്റിൽ ഉണ്ട്. ആദ്യ റൗണ്ടിൽ ഒരു ഓപ്‌ഷനും 50%…

ഷിക്കാഗോ: ഷിക്കാഗോ മലയാളി അസോസിയേഷന്‍ കിഡ്‌നി ഫൗണ്ടേഷന്‍ ചെയര്‍മാന്‍ ഫാ. ഡേവീസ് ചിറമേലിന് ജൂലൈ 19 ചൊവ്വാഴ്ച വൈകുന്നേരം 7.30-ന് ഷിക്കാഗോ സെന്റ് മേരീസ് ഹാളില്‍ വച്ച് (7800 Lynos St. Morton Groove, IL 60053) സ്വീകരണം നല്‍കുന്നു. അസോസിയേഷന്‍ പ്രസിഡന്റ് ജോഷി വള്ളിക്കളത്തിന്റെ (312 685 6749) അധ്യക്ഷതയില്‍ കൂടുന്ന യോഗത്തില്‍ ഷിക്കാഗോ രൂപതാ മെത്രാനായി അടുത്തകാലത്ത് സ്ഥാനാരോഹണം ചെയ്ത ബിഷപ്പ് മാര്‍ ജോയി ആലപ്പാട്ട് അനുഗ്രഹ പ്രഭാഷണം നടത്തുന്നതും വികാരി ജനറാള്‍ ഫാ. തോമസ് മുളവനാല്‍, സ്‌കോക്കി വില്ലേജിലെ കണ്‍സ്യൂമര്‍ അഫയേഴ്‌സ് കമ്മീഷണര്‍ അനില്‍ പിള്ളൈ എന്നിവര്‍ ആശംസകള്‍ നേരുന്നതുമാണ്. സ്വന്തം ശരീരത്തില്‍ നിന്നും യാതൊരു മുന്‍പരിചയമോ ബന്ധമോ ഇല്ലാത്ത ഹൈന്ദവ സമൂഹത്തില്‍പെട്ട വ്യക്തിക്ക് കിഡ്‌നി ദാനം ചെയ്ത് ‘കിഡ്‌നി അച്ചന്‍’ എന്ന് അറിയപ്പെടുന്ന ഫാ. ഡേവീസ് ചിറമേല്‍ കിഡ്‌നി ഫെഡറേഷന്‍ ഓഫ്…

ഡാളസ് : ഡാളസ് ബെയ്‌ലര്‍ സ്‌കോട്ട് ആന്റ് വൈറ്റ് നിക്കുവില്‍ റജിസ്‌ട്രേഡ് നഴ്‌സായ  റൊക്സെയ്ന്‍ റേസയെ  ദുരൂഹ സാഹചര്യത്തില്‍ കഴിഞ്ഞദിവസം കാണാതായതായി ഡാളസ് പോലീസ് ഡിറ്റക്റ്റീവ് കരിംഗ്ടണ്‍ അറിയിച്ചു. വ്യാഴാഴ്ച രാത്രി വൈറ്റ റോക്ക് ലേക്കിനു സമീപമാണ് ഇവരെ അവസാനമായി കാണുന്നതെന്ന് ജൂലായ് 15ന് ഡാളസ് പോലീസ് പറഞ്ഞു. കഴിഞ്ഞ രാത്രി 9 മണിക്കാണ് ഇവരുടെ ഫോണില്‍ നിന്നും അവസാനമായി സന്ദേശം ലഭിച്ചതെന്നും സഹപ്രവര്‍ത്തകര്‍ സോഷ്യല്‍ മീഡിയയില്‍ കുറിച്ചു. വൈറ്റ് റോക്ക് ലേക്കിനു സമീപമാണ് ഇവരെ തിരയുന്നത്. സഹപ്രവര്‍ത്തകരും, പോലീസും, വളണ്ടിയര്‍മാരും റേസയെ കണ്ടെത്താന്‍ രംഗത്തുണ്ട്. യാതൊരു  ആപത്തും വരാതെ തിരിച്ചുവരണമെന്നാണ് അവരുടെ പ്രാര്‍ത്ഥന. ഫേസ്ബുക്കില്‍ ഇവരുടെ ചിത്രം പ്രസിദ്ധീകരിച്ചിട്ടുണ്ട്. ഇവരെ കണ്ടെത്തുവാന്‍ പോലീസ് പൊതുജനങ്ങളുടെ സേവനം അഭ്യര്‍ത്ഥിച്ചു. വിവരം ലഭിക്കുന്നവര്‍ ഡാളസ് പോലീസിനെ 214 671 4268 ല്‍ വിളിച്ചു ബന്ധപ്പെടണമെന്ന് അഭ്യര്‍ത്ഥിച്ചിട്ടുണ്ട്. ടെക്‌സസ് വുമന്‍സ്…

ലവിംഗ്ടണ്‍ (ന്യൂമെക്‌സിക്കൊ): പതിനൊന്നു വയസ്സുള്ള മകന്‍ ബ്രൂസ് ജൂനിയര്‍ കൊല്ലപ്പെട്ട കേസില്‍ മാതാവ് മേരി ജോണ്‍സനെതിരെ ലവിംഗ്ടണ്‍ പോലീസ് അറസ്റ്റ് വാറണ്ട് പുറപ്പെടുവിച്ചു. ജൂലൈ 14ന് ലിയ കൗണ്ടി ഷെറിഫ് ഓഫീസ് പുറത്തിറക്കിയ പ്രസ്താവനയില്‍ സംഭവം വിവരിച്ചു. ജൂലൈ 10നായിരുന്നു പോലീസിന് 911 കോള്‍ ലഭിച്ചത്. ബ്രൂസ് ജോണ്‍സന്റെ പിതാവാണ് വിവരം പോലീസില്‍ അറിയിച്ചത്. വീട്ടില്‍ ബ്രൂസ് ജോണ്‍സന്‍ ജൂനിയറും, മാതാവും കുത്തേറ്റു കിടക്കുന്നുവെന്നായിരുന്നു സന്ദേശം. സംഭവസ്ഥലത്തെത്തിയ പോലീസ് വ്യത്യസ്ഥ റൂമുകളിലായി ഇരുവരും കുത്തേറ്റു ഗുരുതരാവസ്ഥയില്‍ കഴിയുകയായിരുന്നു. രണ്ടു പേരേയും ഉടന്‍ കവനന്റ് ഹോബ്‌സ് ആശുപത്രിയില്‍ എത്തിച്ചു. ബോധം നഷ്ടപ്പെടാതിരുന്ന കുട്ടി, മാതാവാണ് തന്നെ കുത്തിയതെന്നു പോലീസിനെ അറിയിച്ചു. തുടര്‍ന്നു കുട്ടി മരണത്തിന് കീഴടങ്ങുകയായിരുന്നു. മാതാവ് മേരി സ്വയം ശരീരത്തില്‍ മുറിവേല്‍പ്പിക്കുകയായിരുന്നുവെന്നും പോലീസ് കണ്ടെത്തി. കുട്ടിയുടെ പിതാവ് ബ്രൂസ്‌ജോണ്‍സന്‍ സീനിയറും, മാതാവ് മേരിജോണ്‍സനും, വിവാഹം വേര്‍പിരിയുന്നതിനുള്ള കേസ്സ്…

ന്യൂയോർക്ക്: മുൻ പ്രസിഡന്റ് ഡൊണാൾഡ് ട്രംപിന്റെ ആദ്യ ഭാര്യയും അദ്ദേഹത്തിന്റെ മൂത്ത മക്കളുടെ അമ്മയുമായ ഇവാന ട്രംപിന്റെ മരണം അപകട മരണമാണെന്ന് ന്യൂയോർക്ക് സിറ്റി മെഡിക്കൽ എക്സാമിനർ ഓഫീസ് പറയുന്നു. അവര്‍ കോണിപ്പടിയിൽ നിന്ന് വീണോ എന്ന് പോലീസ് അന്വേഷിച്ചു വരികയായിരുന്നു എന്ന് ഇക്കാര്യത്തെക്കുറിച്ച് അറിയാവുന്ന, പേര് വെളിപ്പെടുത്താന്‍ ആഗ്രഹിക്കാത്ത രണ്ടു പേര്‍ ഒരു മാധ്യമത്തിനു വിവരം നല്‍കി. മെഡിക്കൽ എക്സാമിനറുടെ സംക്ഷിപ്ത റിപ്പോർട്ടിൽ അപകടം എപ്പോഴാണെന്ന് വ്യക്തമാക്കിയിട്ടില്ല. മാൻഹട്ടനിലെ അപ്പർ ഈസ്റ്റ് സൈഡിലെ സെൻട്രൽ പാർക്കിന് സമീപമുള്ള വീട്ടിൽ വെച്ചാണ് ഇവാന മരിച്ചതായി ഡൊണാൾഡ് ട്രംപ് വ്യാഴാഴ്ച പ്രഖ്യാപിച്ചത്. അവർക്ക് 73 വയസ്സായിരുന്നു. ഇത് വളരെ സങ്കടകരമായ ദിവസമായിരുന്നു, വളരെ സങ്കടകരമായ ദിവസമാണെന്ന് അവരുടെ മകൻ എറിക് ട്രംപ് പറഞ്ഞു. 1990-ൽ അന്തരിച്ച ടെലിഫോൺ ഓപ്പറേറ്ററായ മേരിയുടെയും എഞ്ചിനീയറായ മിലോസിന്റെയും ഏക മകളായിരുന്നു ഇവാന എന്ന…

മാഡ്രിഡ്: സ്‌പെയിനിൽ വീശിയടിച്ച ഉഷ്ണതരംഗത്തിൽ 84 പേർ മരിച്ചതായി സ്‌പെയിനിലെ ആരോഗ്യ മന്ത്രാലയത്തിന് റിപ്പോർട്ട് ചെയ്ത കാർലോസ് III ഹെൽത്ത് ഇൻസ്റ്റിറ്റ്യൂട്ട് അറിയിച്ചു. ജൂലൈ 10-12 തീയതികളിൽ റിപ്പോർട്ട് ചെയ്യപ്പെട്ട എല്ലാ മരണങ്ങൾക്കും കാരണം രാജ്യത്തിന്റെ വലിയ ഭാഗങ്ങളിൽ 40 ഡിഗ്രി സെൽഷ്യസിനു മുകളിലുള്ള കത്തുന്ന ചൂടാണ്. രാജ്യത്തിന്റെ തെക്ക്, തെക്ക് പടിഞ്ഞാറ് ഭാഗങ്ങളിൽ താപനില 45 ഡിഗ്രി സെൽഷ്യസിനു മുകളിൽ പോലും ഉയർന്നു. അടുത്ത ആഴ്ചയും ഉഷ്ണതരംഗം തുടരുമെന്നും മരണസംഖ്യ ഉയരാൻ സാധ്യതയുണ്ടെന്നും വാർത്താ ഏജൻസി റിപ്പോർട്ട് ചെയ്തു. സ്പെയിനിൽ ഈ വർഷത്തെ രണ്ടാമത്തെ വലിയ ഉഷ്ണ തരംഗമാണിത്. ആദ്യത്തേത് ജൂൺ 11 മുതൽ ജൂൺ 20 വരെ നീണ്ടുനിൽക്കുകയും രാജ്യവ്യാപകമായി 829 ആളുകളുടെ ജീവൻ അപഹരിക്കുകയും ചെയ്തതായി ആരോഗ്യ മന്ത്രാലയം വെള്ളിയാഴ്ച കൂട്ടിച്ചേർത്തു. അന്ന് താപനില 44.5 ഡിഗ്രി സെൽഷ്യസായിരുന്നു. ആളുകൾ ധാരാളം വെള്ളം…