Month: July 2022

യുഎൻ ജനറൽ അസംബ്ലി പ്രസിഡന്റ് അബ്ദുല്ല ഷാഹിദ് ലോകത്തെ സുസ്ഥിര വികസനത്തിലേക്ക് തിരികെ കൊണ്ടുവരാൻ അഞ്ച് മേഖലകളിൽ നടപടി നിർദ്ദേശിച്ചു. സുസ്ഥിര വികസനത്തിനുള്ള സങ്കീർണ്ണമായ പ്രതിബന്ധങ്ങളുടെ അളവ്, സങ്കീർണ്ണത, അളവ് എന്നിവ ഒരേ സമയം അഭൂതപൂർവവും അചഞ്ചലവുമാണ്. “നമ്മൾ നേരിടുന്ന വെല്ലുവിളികൾ വഷളാകുന്ന കാലാവസ്ഥാ വ്യതിയാനം, പ്രാദേശിക സംഘർഷങ്ങൾ മുതൽ വർദ്ധിച്ചുവരുന്ന അസമത്വവും ഭക്ഷ്യ ദാരിദ്ര്യവും വരെ 2030 അജണ്ടയുടെ ലക്ഷ്യങ്ങളും അഭിലാഷങ്ങളും തകർക്കാൻ ഭീഷണിപ്പെടുത്തുന്നു,” അദ്ദേഹം പറഞ്ഞു. യുഎൻ ഇക്കണോമിക് ആൻഡ് സോഷ്യൽ കൗൺസിലിന്റെ നേതൃത്വത്തിൽ നടന്ന സുസ്ഥിര വികസനത്തെക്കുറിച്ചുള്ള ഉന്നതതല രാഷ്ട്രീയ ഫോറത്തിന്റെ മന്ത്രിതല ഭാഗത്തിന്റെ തുടക്കത്തിൽ അദ്ദേഹം അഞ്ച് പ്രധാന നിർദ്ദേശങ്ങൾ അവതരിപ്പിച്ചു. “അവിടെയെത്താൻ, ഞങ്ങൾ ആദ്യം ആവശ്യമായ നടപടികൾ കൈക്കൊള്ളണം. ഭാവിയിൽ നാം ആഗ്രഹിക്കുന്നതും ആവശ്യമുള്ളതും, നവീകരണത്തിലും സാങ്കേതികവിദ്യയിലും പെരുമാറ്റ വ്യതിയാനത്തിലും നിക്ഷേപിക്കണം. സാമൂഹിക സംരക്ഷണം, ദാരിദ്ര്യ നിർമ്മാർജ്ജനം, പരിസ്ഥിതി സംരക്ഷണം…

ഡാളസ്: ടെക്സസ്സിൽ കഴിഞ്ഞ മൂന്ന് മാസത്തോളമായി തുടർച്ചയായി ദിവസവും വർധിച്ചു വന്നിരുന്ന ഗ്യാസ് വിലയിൽ ഈയാഴ്ചയോടെ കാര്യമായ കുറവനുഭവപ്പെട്ടു ..ട്രിപ്പിൾ എ‌ ഓട്ടോ ക്ലബ് കണക്കനുസരിച്ച്, ബുധനാഴ്ച ശരാശരി ദേശീയ വില ഒരു ഗാലണിന് 4.63 ഡോളറായിരുന്നു.എന്നാൽ ടെക്സസ്സിൽ ബുധനാഴ്ച ഒരു ഗ്യാലന് നാലു ഡോളറിൽ താഴെയായിരുന്നു വില അമേരിക്കയുടെ നാഷണൽ റിസേർവിൽ നിന്നും ക്രൂഡോയിൽ വിട്ടു നൽകിയതും , ആഗോള എണ്ണവിലയിലെ ഇടിവും .ഫെഡറൽ ടാക്സിനു മൂന്ന് മാസത്തെ അവധി നല്കിയതുമാണ് വില കുറയാൻ കാരണം റഷ്യയ്‌ക്കെതിരെ ഏർപ്പെടുത്തിയ ഉപരോധങ്ങൾ വീണ്ടും കര്ശനമാക്കിയാൽ എണ്ണയുടെ ലഭ്യത കുറയുകയും വില കൂടുകയും ചെയ്യും ,ഇതോടെ പെട്രോളിയം ഉല്പന്നങ്ങളുടെ വിലയിൽ വര്ധനവിനുള്ള സാധ്യതയും തള്ളിക്കളയാനാവില്ല . ഗ്യാസോലിനു അഞ്ചു ഡോളറോളം എത്തിയത്ഈയാഴ്ച ആരംഭത്തോടെ കുറഞ്ഞു നാലു ഡോളറിനു താഴെ നില്കുന്നത് അല്പം ആശ്വാസം നൽകുന്നുണ്ട് . ഗ്യാസിന്റെ വിലയിലെ…

കോഴിക്കോട്: എസ്.ഐ.ഓ ജില്ലാ സംവേദന വേദിയുടെ ആഭിമുഖ്യത്തിൽ ജില്ലയിലെ മാപ്പിള കലാകാരന്മാർക്കുള്ള ആദരവും കലാവിരുന്നും സംഘടിപ്പിച്ചു. ‘യാദ് രഹേഗ’ എന്ന തലക്കെട്ടിൽ നടന്ന പരിപാടി പ്രശസ്ത മാപ്പിള സാഹിത്യ ഗവേഷകൻ ഫൈസൽ എളേറ്റിൽ ഉദ്ഘാടനം ചെയ്തു. ജമാഅത്തെ ഇസ്‌ലാമി ശൂറാ അംഗം ടി മുഹമ്മദ് വേളം, എസ്.ഐ.ഓ കേരള ശൂറാ അംഗം അഡ്വ. റഹ്മാൻ ഇരിക്കൂർ, അൻവർ കോട്ടപ്പള്ളി, നവാഫ് പാറക്കടവ്, ഷഫാഖ് കക്കോടി, അഫ്സൽ പുല്ലാളൂർ എന്നിവർ സംസാരിച്ചു. ജാബിർ സുലൈം, ഉബൈദ് കുന്നക്കാവ്, ഷമീർ പാലേരി, ജുനൈസ് ആനയാംകുന്ന്, ബദറുദ്ദീൻ പറന്നൂർ, ഷാഫിർ വെള്ളയിൽ, ഗസ്സാലി വെള്ളയിൽ, ടി.കെ അലി പൈങ്ങോട്ടായി, അസ്‌ലം വാണിമേൽ, നഷ്‌വ ഹുസൈൻ തുടങ്ങി സാഹിത്യ കലാ രംഗത്ത് നിന്നുള്ളവരെ വേദിയിൽ ആദരിച്ചു. തുടർന്ന് ടീം ഖാഇനാത്ത് അവതരിപ്പിച്ച ഈദ് മെഹ്ഫിൽ ഗാനവിരുന്നും വേദിയിൽ അരങ്ങേറി.

മലപ്പുറം: പ്ലസ് വൺ അപേക്ഷ സമർപ്പണം മലപ്പുറം ജില്ലയിൽ മാത്രമുള്ള സാങ്കേതിക പ്രശ്നം വിദ്യാഭ്യാസ വകുപ്പിന്റെ ഗുരുതര വീഴ്ചയാണന്ന് ഫ്രറ്റേണിറ്റി മൂവ്മെന്റ് മലപ്പുറം ജില്ലാ പ്രസിഡന്റ് ജസീം സുൽത്താൻ പറഞ്ഞു. മതിയായ മുന്നൊരുക്കങ്ങളില്ലാതെയാണ് വകുപ്പ് വിദ്യാർത്ഥികളിൽ നിന്ന് അപേക്ഷ ക്ഷണിച്ചതെന്ന് വ്യക്തമാണ്. മലപ്പുറത്തു മാത്രം സാങ്കേതിക തടസ്സമുണ്ടായതിന് പിന്നിൽ ഗൂഢാലോചനകളുണ്ടോയെന്ന് പരിശോധിക്കണം. അപേക്ഷിക്കാൻ കഴിയാതെ വിദ്യാർത്ഥികളും രക്ഷിതാക്കളും പരിഭ്രാന്തരാണ്. എല്ലാ വർഷവും ഏറ്റവും കൂടുതൽ പേർ അപേക്ഷകരുള്ള ജില്ലയാണ് മലപ്പുറം. പ്ലസ് വൺ അപേക്ഷിക്കാൻ താരതമ്യേന കൂടുതൽ സൗകര്യമൊരുക്കേണ്ടതും മലപ്പുറം ജില്ലക്കു വേണ്ടിയാണ്. ഉപരിപഠന യോഗ്യത നേടിയ പതിനായിരങ്ങൾക്ക് സീറ്റില്ലാതെ സംസ്ഥാനത്തേറ്റവും പ്രതിസന്ധി നിലനിൽക്കുന്ന ജില്ലയിലാണ് സാങ്കേതിക പ്രശ്നം കൂടി വിദ്യാർത്ഥികളെ വലക്കുന്നത്. മലപ്പുറത്തെ വിദ്യാർത്ഥികൾക്ക് അപേക്ഷിക്കാൻ കൂടുതൽ സമയമനുവദിക്കാനും വിദ്യാർത്ഥികളുടെയും രക്ഷിതാക്കളുടെയും ആശങ്കയകറ്റാനും സർക്കാർ തയ്യാറാവണമെന്നും ജില്ലാ സെക്രട്ടേറിയറ്റ് ആവശ്യപ്പെട്ടു. സെക്രട്ടറിമാരായ അജ്മൽ കോഡൂർ, ഹാദിഖ്…

വ്യഭിചാര കുറ്റം കണ്ടെത്തിയതിനെ തുടർന്ന് സുഡാനിൽ ഒരു സ്ത്രീയെ കല്ലെറിഞ്ഞ് കൊല്ലാൻ വിധിച്ചു. കഴിഞ്ഞ ഒരു ദശാബ്ദമായി സുഡാനിൽ ഇത്തരമൊരു ശിക്ഷ നടപ്പാക്കിയിരുന്നില്ല. വൈറ്റ് നൈൽ നദിയിൽ നിന്ന് മറിയം അൽസൈദ് തയ്‌റാബ് എന്ന 20 കാരിയെയാണ് അറസ്റ്റ് ചെയ്തത്. ഈ കേസ് ഇനി ഹൈക്കോടതിയിലേക്ക് പോകുമെന്നാണ് മാധ്യമങ്ങൾ റിപ്പോർട്ട് ചെയ്യുന്നത്. ഹൈക്കോടതിക്കും ഈ തീരുമാനം മാറ്റാം. 2013ലാണ് ഇവിടെ അവസാനമായി ഇത്തരമൊരു ശിക്ഷ വിധിച്ചത്. 2020-ൽ ഇവിടെ സർക്കാർ നിയമത്തിൽ വരുത്തിയ പരിഷ്‌കാരങ്ങളും കല്ലേറിനുള്ള ശിക്ഷയെ വ്യക്തമായി ഒഴിവാക്കിയില്ല. യുഎന്നിലും ഈ വിഷയം ഉയർന്നിട്ടുണ്ട്.

ന്യൂഡൽഹി: നടിയെ ആക്രമിച്ച കേസിലെ മുഖ്യ പ്രതി പൾസർ സുനിയുടെ ജാമ്യാപേക്ഷ സുപ്രീം കോടതി തള്ളി. വിശദമായ വാദം കേട്ട ശേഷമാണ് ജസ്റ്റിസ് അജയ് റെസ്റ്റോഗി അദ്ധ്യക്ഷനായ ബെഞ്ച് ജാമ്യാപേക്ഷ തള്ളിയത്. കേസിൽ കഴിഞ്ഞ അഞ്ചര വർഷമായി ജയിലിൽ കഴിയുന്ന ഏക പ്രതി പൾസർ സുനിയാണെന്ന് പ്രതിക്കു വേണ്ടി ഹാജരായ അഭിഭാഷകൻ വാദിച്ചു. മറ്റ് പ്രതികൾക്ക് വിവിധ ഘട്ടങ്ങളിലായി ജാമ്യം ലഭിച്ചു എന്നും അഭിഭാഷകന്‍ കോടതിയെ ധരിപ്പിച്ചു. കുറ്റകൃത്യം ചെയ്യാന്‍ പണം നൽകിയ നടൻ പുറത്തിറങ്ങിയ സാഹചര്യത്തിൽ സുനിക്കും ജാമ്യം നൽകണമെന്ന് പ്രതിഭാഗം അഭിഭാഷകൻ വാദിച്ചു. എന്നാല്‍, യാതൊരു കാരണവശാലും സുനിക്ക് ജാമ്യം നല്‍കരുതെന്ന് സര്‍ക്കാര്‍ അഭിഭാഷകന്‍ ആവശ്യപ്പെട്ടു. വീഡിയോ ദൃശ്യങ്ങള്‍ അടക്കം സുനിക്കെതിരെ തെളിവായുണ്ട്. കൂടാതെ പ്രതിക്കെതിരെ വ്യക്തമായ മൊഴി അതിജീവിത നല്‍കിയിട്ടുണ്ടെന്നും സര്‍ക്കാര്‍ സുപ്രീം കോടതിയില്‍ ചൂണ്ടിക്കാട്ടി. പള്‍സര്‍ സുനിക്ക് ജാമ്യം നല്‍കുന്നത് കേസിനെ…

കൊച്ചി: നടിയെ ആക്രമിച്ച കേസില്‍ ദൃശ്യങ്ങൾ അടങ്ങിയ മെമ്മറി കാർഡിന്റെ പരിശോധനാഫലം ക്രൈം ബ്രാഞ്ചിന് ലഭിച്ചു. മൂന്ന് തവണയാണ് കാർഡിന്റെ ഹാഷ് മൂല്യം മാറ്റിയതെന്നാണ് റിപ്പോർട്ട്. തുടരന്വേഷണം പൂർത്തിയാക്കാൻ ക്രൈം ബ്രാഞ്ച് കൂടുതൽ സമയം ആവശ്യപ്പെട്ടേക്കും. ഇന്നലെ രാത്രിയാണ് തിരുവനന്തപുരം ഫോറൻസിക് ലാബിലെ പരിശോധനാഫലം ക്രൈംബ്രാഞ്ചിന് ലഭിച്ചത്. മുദ്ര വച്ച കവറിൽ കോടതിക്ക് കൈമാറിയതായാണ് റിപ്പോർട്ട്. ഹാഷ് മൂല്യം മൂന്ന് തവണ മാറിയെന്ന് പരിശോധനാ ഫലം പറയുമ്പോൾ, സിസ്റ്റത്തിൽ കാർഡ് മൂന്ന് തവണ പരിശോധിച്ചുവെന്നാണ് അർത്ഥമാക്കുന്നത്. റിപ്പോർട്ടിൽ ഹാഷ് മൂല്യം മാറിയ തീയതി ഉൾപ്പെടുത്തിയതായി സൂചനയുണ്ട്. അങ്കമാലി മജിസ്‌ട്രേറ്റ് കോടതിയിലും വിചാരണക്കോടതിയിലും എറണാകുളം ജില്ലാ കോടതിയിലും മെമ്മറി കാർഡിന്റെ ഹാഷ് മൂല്യം മൂന്നുതവണ മാറ്റിയതായി ക്രൈംബ്രാഞ്ച് മനസ്സിലാക്കുന്നു. കുറ്റപത്രം സമർപ്പിച്ചതിന് പിന്നാലെ പൾസർ സുനിയിൽ നിന്ന് പിടിച്ചെടുത്ത മെമ്മറി കാർഡ് അങ്കമാലി മജിസ്‌ട്രേറ്റ് കോടതിയിലാണ് സമര്‍പ്പിച്ചത്. പിന്നീട്…

കോഴിക്കോട്: കോഴിക്കോട് മെഡിക്കൽ കോളജിൽ ഒന്നാം വർഷ എംബിബിഎസ് വിദ്യാർഥി റാഗിംഗിന് ഇരയായതായി പരാതി. രണ്ട് അവസാന വർഷ വിദ്യാർത്ഥികളും ഒരു രണ്ടാം വർഷ വിദ്യാർത്ഥിയും റാഗിംഗിന് ഇരയാക്കിയെന്നാണ് പരാതി. ജൂണ്‍ 11 രാത്രിയാണ് സംഭവം. ഒന്നാം വർഷ വിദ്യാർത്ഥിയെ റെക്കോർഡ് എഴുതാൻ ആവശ്യപ്പെട്ട് മർദിച്ചതായി പരാതിയിൽ പറയുന്നു. കോളജ് പ്രിന്‍സിപ്പാളിനാണ് പരാതി നല്‍കിയത്. പരാതിയുടെ അടിസ്ഥാനത്തില്‍ ഇന്നലെ കോളജില്‍ റാഗിംഗ് വിരുദ്ധ സമിതിയുടെ യോഗം ചേര്‍ന്ന് അന്വേഷണ കമ്മിഷനെ നിയോഗിച്ചിട്ടുണ്ട്. സമിതി ഇന്ന് വൈസ് പ്രിന്‍സിപ്പാളിന് റിപ്പോര്‍ട്ട് നല്‍കും. രണ്ട് പ്രൊഫസര്‍മാരും ഒരു അസിസ്റ്റന്റ് പ്രൊഫസറുമാണ് സമിതിയിലുള്ളത്. ഇവരുടെ അന്വേഷണ റിപ്പോർട്ടിന്റെ അടിസ്ഥാനത്തിൽ പരാതി പോലീസിന് കൈമാറണോ എന്നതുൾപ്പെടെയുള്ള തുടർനടപടികൾ തീരുമാനിക്കും. കഴിഞ്ഞ മാർച്ചിലും ഇതേ കോളേജിൽ റാഗിംഗ് റിപ്പോർട്ട് ചെയ്തിരുന്നു. തുടർന്ന് വിദ്യാർത്ഥി പഠനം ഉപേക്ഷിച്ചു. അന്ന് 19 വിദ്യാർത്ഥികളെ ക്ലാസിൽ നിന്ന് പുറത്താക്കിയിരുന്നു.