Year: 2022

വാഷിംഗ്ടണ്‍: അമേരിക്കയിലെ പണപ്പെരുപ്പം രണ്ടറ്റവും കൂട്ടിമുട്ടിക്കുന്നത് വളരെ ബുദ്ധിമുട്ടാക്കിയതിനാൽ തങ്ങളുടെ കുടുംബത്തിന്റെ സാമ്പത്തിക സ്ഥിതി രണ്ട് വർഷം മുമ്പുള്ളതിനേക്കാൾ മോശമാണെന്ന് 43 ശതമാനം അമേരിക്കക്കാരും അഭിപ്രായപ്പെടുന്നുവെന്ന് ഒരു പുതിയ വോട്ടെടുപ്പ് കാണിക്കുന്നു. ഡൊണാൾഡ് ട്രംപിന് പകരമായി ജനുവരി 20 ന് പ്രസിഡന്റ് ജോ ബൈഡൻ അധികാരമേറ്റതിനുശേഷം വിഹിതം ഇരട്ടിയായതായി ഞായറാഴ്ച പുറത്തിറക്കിയ പുതിയ എബിസി ന്യൂസ്-വാഷിംഗ്ടൺ പോസ്റ്റ് സർവേ കണ്ടെത്തി. പണപ്പെരുപ്പവും സാമ്പത്തിക അസംതൃപ്തിയും ചൊവ്വാഴ്ചത്തെ ഇടക്കാല തിരഞ്ഞെടുപ്പിൽ ഡെമോക്രാറ്റിക് പാർട്ടിയുടെ രാഷ്ട്രീയ സാധ്യതകളെ അപകടത്തിലാക്കുമെന്നും റിപ്പോര്‍ട്ട് പറയുന്നു. 43 ശതമാനം പേർ തങ്ങളുടെ കുടുംബത്തിന്റെ സാമ്പത്തിക സ്ഥിതി മോശമായെന്ന് അഭിപ്രായപ്പെട്ടു. എന്നാൽ, 39 ശതമാനം പേർ കഴിഞ്ഞ രണ്ട് വർഷമായി അത് അതേപടി തുടരുന്നുവെന്ന് അഭിപ്രായപ്പെട്ടു. 18 ശതമാനം പേർ ജീവിതനിലവാരം മികച്ചതാണെന്നും അവകാശപ്പെട്ടു. എക്‌സിറ്റ് പോൾ പ്രകാരം ട്രംപ് തിരഞ്ഞെടുക്കപ്പെട്ട നാല് വർഷം മുമ്പത്തെ…

ഡാളസ്: മാര്‍ത്തോമാ ഭദ്രാസന ദിനമായി വേര്‍തിരിക്കപ്പെട്ട നവംബര്‍ 6 ഞായറാഴ്ച വേള്‍ഡ് സണ്‍ഡേ സ്‌കൂള്‍ ദിനമായി ഡാളസിലെ വിവിധ മാര്‍ത്തോമാ ഇടവകകളില്‍ സമുചിതമായി ആഘോഷിച്ചു. ഇതിനോടനുബന്ധിച്ച് ഡാളസ് സെന്റ് പോള്‍സ് മാര്‍ത്തോമാ ഇടവകയില്‍ ഞായറാഴ്ച രാവിലെ തന്നെ എത്തിചേര്‍ന്ന വിദ്യാര്‍ത്ഥികള്‍ ദേവാലയത്തിനു സമീപം പ്ലാകാര്‍ഡുകള്‍ കൈകളിലേന്തിയും, യേശു കീ ജെയ് എന്ന് വിളിച്ചും നടത്തിയ പ്രകടനം ആരാധനക്കെത്തിയവരും സമീപവാസികളും കൗതുകത്തോടെയാണ് വീക്ഷിച്ചത്. തുടര്‍ന്ന് ദേവാലയത്തില്‍ പ്രവേശിച്ച റാലിക്ക് ഇടവക വികാരി ഷൈജു ജോയ്, സണ്‍‌ഡേ സ്കൂള്‍ സൂപ്രണ്ട് തോമസ് ഈശോ, ഭദ്രാസന കൗണ്‍സില്‍ അംഗവും അദ്ധ്യാപികയുമായ ജോളി ബാബു എന്നിവര്‍ നേതൃത്വം നല്‍കി. വേള്‍ഡ് സണ്‍‌ഡേ സ്കൂള്‍ ദിനാചരണത്തോടനുബന്ധിച്ചു നടത്തപ്പെട്ട വിശുദ്ധ കുര്‍ബ്ബാനക്ക് വികാരി റവ. ഷൈജു സി ജോയ് നേതൃത്വം നല്‍കി. ടെനി കോരത്ത്, ജോതം സൈമണ്‍, ജെയ്‌സണ്‍ ജേക്കബ് എന്നിവര്‍ നേതൃത്വം നല്‍കി. തുടര്‍ന്ന്…

വാഷിംഗ്ടണ്‍: മുൻ യുഎസ് പ്രസിഡന്റ് ഡൊണാൾഡ് ട്രംപും അദ്ദേഹത്തിന്റെ വലതുപക്ഷ സഖ്യകക്ഷികളും ചൊവ്വാഴ്ചത്തെ ഇടക്കാല തിരഞ്ഞെടുപ്പ് ഫലങ്ങളുടെ നിയമസാധുതയെക്കുറിച്ച് ഇതിനകം തന്നെ സംശയം പ്രകടിപ്പിച്ചതായി ഒരു സിഎൻഎൻ റിപ്പോർട്ടില്‍ പറയുന്നു. “ഇവിടെ നാം വീണ്ടും തുടങ്ങുന്നു! കബളിപ്പിക്കപ്പെട്ട തിരഞ്ഞെടുപ്പ്!,” ട്രംപ് തന്റെ സോഷ്യൽ മീഡിയ പ്ലാറ്റ്‌ഫോമായ ട്രൂത്ത് സോഷ്യലിൽ തന്റെ 4.43 ദശലക്ഷം ഫോളോവേഴ്‌സിന് എഴുതിയതായി സിഎൻഎന്നിനെ ഉദ്ധരിച്ച് ഞായറാഴ്ച ഒരു വലതുപക്ഷ വാർത്താ സൈറ്റ് റിപ്പോര്‍ട്ട് ചെയ്തു. തപാല്‍ വോട്ടർമാരുടെ ഐഡന്റിറ്റിയെക്കുറിച്ചാണ് സംശയം ഉയര്‍ത്തിയിരിക്കുന്നത്. ഐഡി പ്രശ്നം പരിഹരിക്കുന്നതിനായി 12 റിപ്പബ്ലിക്കൻ സംസ്ഥാന നിയമനിർമ്മാതാക്കൾ പെൻസിൽവാനിയയിലെ ഒരു പൊതു ഉദ്യോഗസ്ഥന് കത്ത് അയച്ചതായും റിപ്പോര്‍ട്ടില്‍ പരാമർശിക്കുന്നുണ്ട്. ഒരിക്കൽ കൂടി അധികാരത്തിലെത്താന്‍ ശ്രമിക്കുന്ന ട്രംപും കൂട്ടാളികളും 2020-ൽ പ്രസിഡന്റ് തിരഞ്ഞെടുപ്പ് ഫലങ്ങളെ അട്ടിമറിക്കാന്‍ ഒരു നീണ്ട ശ്രമം നടത്തിയിരുന്നു. തിരഞ്ഞെടുപ്പിൽ കൃത്രിമം കാണിച്ചുവെന്ന തെറ്റായ അവകാശവാദങ്ങള്‍ നിരത്തി…

ഹൂസ്റ്റണ്‍: ഹാരിസ് കൗണ്ടി ജഡ്ജി സ്ഥാനത്തേക്ക് വീണ്ടും മത്സരിക്കുന്ന ലിന ഹിഡല്‍ഗോക്ക് പിന്തണയുമായി ജില്‍ ബൈഡന്‍. നവംബര്‍ 6 ഞായറാഴ്ച ഹാരിസ് കൗണ്ടിയില്‍ നടന്ന പ്രചരണങ്ങളില്‍ വോട്ടര്‍മാരെ നേരിട്ടുകണ്ടു വോട്ടു ചോദിക്കുന്നതിനാണ് അമേരിക്കയുടെ പ്രഥമവനിത ജില്‍ ബൈഡന്‍ ഇവിടെ എത്തിയത്. ഏര്‍ലി വോട്ടിംഗില്‍ ഡമോക്രാറ്റിക് പാര്‍ട്ടി വോട്ടര്‍മാര്‍ കൂട്ടമായി എത്തി വോട്ടു ചെയ്യാതിരുന്നതു ലിനയെ അത്ഭുതപ്പെടുത്തി. ലാറ്റിനോ, ബ്‌ളാക്ക് വോട്ടുകള്‍ ഇത്തവണ ലിനക്കു കിട്ടികു എന്നതു എളുപ്പമല്ല. നാലു വര്‍ഷമായി അധികാരത്തില്‍ തുടരുന്ന ലിന വിവാദപരമായ തീരുമാനങ്ങളില്‍ ദേശീയ ശ്രദ്ധതന്നെ നേടിയിരുന്നു. ഡമോക്രാറ്റിക് പാര്‍ട്ടിയുടെ ശക്തനായ നേതാവായിട്ട് വളര്‍ന്നു വരുന്ന ലിനക്ക് ഇത്തവണ വിജയം എളുപ്പമാകാനിടയില്ല. റിപ്പബ്ലിക്കന്‍ സ്ഥാനാര്‍ത്ഥി അലക്‌സാന്‍ഡ്രിയ ഡി മോറല്‍ മീലയുടെ പ്രചരണം കുറ്റമറ്റതാക്കാന്‍ പാര്‍ട്ടി നേതാക്കളും, പ്രവര്‍ത്തകരും പ്രത്യേകം ശ്രദ്ധിക്കുന്നുണ്ട്. ഈ മത്സരത്തില്‍ അപകട സൂചന മണത്തതിനെ തുടര്‍ന്നാണ്  പ്രഥമ വനിത നേരിട്ടെത്തി…

ഷാരോണിന്റെ കൊലപാതകക്കേസാണ് ഇപ്പോൾ മാധ്യമങ്ങളിൽ നിറയുന്നത്. ഹൃദയം നിറഞ്ഞ പ്രണയകഥയിൽ വിഷം കലർത്തി കാമുകനെ (ഭര്‍ത്താവിനെ) ഇല്ലായ്മ ചെയ്ത ഗ്രീഷ്മ എന്ന പെൺകുട്ടിയെ കുറിച്ചുള്ള വാർത്തകളാണ് ഇപ്പോൾ എങ്ങും ശ്രദ്ധ നേടുന്നത്. പട്ടാളക്കാരനോടൊപ്പമുള്ള ആഡംബരവും അന്തസ്സും നിറഞ്ഞ ജീവിതത്തിനായി താൻ ഏറെ സ്നേഹിച്ചവനെ ഭൂമുഖത്തുനിന്നും ഇല്ലാതാക്കുകയായിരുന്നു ഗ്രീഷ്മ ചെയ്തത്. ഏറ്റവും പൈശാചികവും ക്രൂരവുമായ മരണം യുവാവിന് സമ്മാനിക്കാൻ ഗ്രീഷ്മയ്ക്ക് ഒട്ടും മടിയുണ്ടായിരുന്നില്ല എന്നതാണ് സത്യം. ഈ സാഹചര്യത്തിൽ ഒരു കാലത്ത് എല്ലാവരുടെയും മനസ്സിൽ വേദനയായിരുന്ന നീനുവിന്റെ വാർത്തയാണ് ഇപ്പോൾ ശ്രദ്ധ നേടുന്നത്. ദുരഭിമാനക്കൊലയെ തുടർന്ന് മരിച്ചിട്ടും കെവിന്റെ വീട്ടിൽ കെവിന്റെ വിധവയായി കഴിയുന്ന നീനുവിനെക്കുറിച്ചുള്ള വാർത്തകൾ ഏറെ വേദനയോടെയാണ് കേരളം മുഴുവൻ ഉൾക്കൊണ്ടത്. കെവിനോടുള്ള സ്നേഹം ഒന്നുകൊണ്ട് മാത്രം മറ്റൊരു ജീവിതം തിരഞ്ഞെടുക്കാതെ ഇപ്പോഴും കെവിനെ മാത്രം ഓർമിച്ചുകൊണ്ട് ജീവിക്കുകയാണ് നീനു. ഇരുവരും ഒരുമിച്ച് ജീവിതം ആരംഭിക്കാൻ…

മലയാളികൾ ഏറെ ഇഷ്ടപ്പെടുന്ന താരങ്ങളിലൊരാളാണ് മീന. അവരുടെ ഭർത്താവ് അടുത്തിടെയാണ് മരണപ്പെട്ടത്. കരൾ സംബന്ധമായ അസുഖങ്ങളാൽ ബുദ്ധിമുട്ടുകയായിരുന്നു അദ്ദേഹം. കോവിഡ് കൂടി വന്നതോടെ കാര്യങ്ങൾ കൂടുതൽ വഷളായി. അവയവ മാറ്റമാണ് ഡോക്ടര്‍മാര്‍ നിര്‍ദ്ദേശിച്ചത്. എന്നാൽ അനുയോജ്യമായ ദാതാവിനെ കണ്ടെത്താത്തതിനാൽ ശസ്ത്രക്രിയ വൈകുകയും അദ്ദെഹം മരണത്തിന് കീഴടങ്ങുകയും ചെയ്തു. ഇപ്പോഴിതാ അച്ഛന്റെ അപ്രതീക്ഷിത മരണം മകളെ എങ്ങനെ ബാധിച്ചുവെന്ന് മീന പറയുന്നു. “അവൾ എന്നെക്കാൾ ശക്തയായ പെൺകുട്ടിയാണ്. എല്ലാ സാഹചര്യങ്ങളെയും അഭിമുഖീകരിക്കുന്നു. അവൾ വളരെ ദുഃഖിതയാണെന്നറിയാം. അവളുടെ മനസ്സും അസ്വസ്ഥമാണ്. ഇപ്പോഴും 100% സത്യം ഉൾക്കൊള്ളാൻ കഴിഞ്ഞിട്ടില്ല. പക്ഷേ അവൾ എന്നെക്കാൾ ശക്തയാണെന്ന് ഞാൻ കരുതുന്നു,” മീന പറയുന്നു. “നാലു വയസ്സുള്ളപ്പോഴാണ് ആദ്യമായി സിനിമയിൽ അഭിനയിക്കുന്നത്. സിനിമയിലെ വെയിലും റിഹേഴ്സലും എല്ലാം നാല് വയസ്സുള്ള ഒരു കുട്ടിക്ക് താങ്ങാൻ പറ്റുമോ എന്ന് എനിക്ക് ആശങ്കയുണ്ടായിരുന്നു. പക്ഷേ അതെല്ലാം അവൾ…

മലയാള സിനിമാ ചരിത്രത്തിൽ ഇടം നേടിയ ചിത്രങ്ങളിൽ ഒന്നാണ് ദൃശ്യം. 2013ൽ പുറത്തിറങ്ങിയ ഈ ചിത്രം സംവിധാനം ചെയ്തത് ജിത്തു ജോസഫാണ്. ജോർജ്കുട്ടിയുടെയും കുടുംബത്തിന്റെയും കഥയാണ് ചിത്രം പറഞ്ഞത്. അപ്രതീക്ഷിതമായി അവർക്ക് ഒരു കുറ്റകൃത്യം ചെയ്യേണ്ടിവരും. പിന്നീട് അതിൽ നിന്ന് രക്ഷപ്പെടാൻ അവർ ചെയ്യുന്ന തന്ത്രങ്ങളാണ് സിനിമയുടെ ഇതിവൃത്തം. തെളിവ് നശിപ്പിച്ച് അവർ എങ്ങനെ പോലീസിനെ കബളിപ്പിക്കുന്നു എന്നതാണ് ചിത്രത്തിന്റെ ഹൈലൈറ്റ്. ഇതിന് ശേഷം ഇത്തരം നിരവധി കുറ്റകൃത്യങ്ങൾ നമ്മുടെ സമൂഹത്തിൽ നടന്നിട്ടുണ്ട്. കൊലപാതകങ്ങൾ പോലും ഈ മാതൃകയിലാണ് നടന്നത്. ഇവയെല്ലാം ദൃശ്യം മോഡല്‍ കുറ്റകൃത്യങ്ങൾ എന്നാണ് മാധ്യമങ്ങൾ വിളിച്ചിരുന്നത്. സംവിധായകൻ ജിത്തു ജോസഫിന് ഇതിനെക്കുറിച്ച് എന്താണ് പറയാനുള്ളത്? അതാണ് ഇപ്പോൾ സോഷ്യൽ മീഡിയയിൽ ചർച്ചാ വിഷയം. “ഒരു കുറ്റകൃത്യം നടന്നാൽ അത് മറച്ചുവെക്കാനും തെളിവ് നശിപ്പിക്കാനും ആയിരിക്കും അത് ചെയ്തവർ ശ്രമിക്കുക. അതൊക്കെ ദൃശ്യം ഇറങ്ങുന്നതിനു…

സ്റ്റാർ മാജിക് എന്ന പരിപാടിയിലൂടെ പ്രേക്ഷകർക്കിടയിൽ സുപരിചിതയായ താരമാണ് ഐശ്വര്യ രാജീവ്. നിരവധി ആരാധകരെ ഈ പരിപാടിയിലൂടെ ഐശ്വര്യ സ്വന്തമാക്കിയിട്ടുണ്ട്. മികച്ച കഥാപാത്രങ്ങളെ അവിസ്മരണീയമാക്കിയ നടി കൂടിയാണ് ഐശ്വര്യ. ഒരു സീരിയൽ താരം എന്നതിലുപരി നല്ലൊരു അഭിനേതാവ് കൂടിയാണ് അവർ. ഇപ്പോൾ സീരിയൽ താരങ്ങളുടെ പ്രധാന വരുമാന മാർഗം യൂട്യൂബ് ചാനലാണ്. പല സീരിയൽ താരങ്ങൾക്കും യൂട്യൂബ് ചാനലുകളുണ്ട്. അവർ പലപ്പോഴും YouTube വഴി പ്രേക്ഷകരെ ആകര്‍ഷിക്കുന്നു. സീരിയൽ താരങ്ങൾക്ക് മാത്രമല്ല സിനിമാ താരങ്ങൾക്കിടയിലും യൂട്യൂബ് ചാനലുകൾ വർധിച്ചുവരികയാണ്. നിരവധി താരങ്ങള്‍ YouTube ചാനലുകളുമായി മുന്നോട്ട് പോകുമ്പോള്‍ ഐശ്വര്യ രാജീവും പുതിയ യൂട്യൂബ് ചാനൽ തുടങ്ങി. പ്രേക്ഷകർക്ക് സുപരിചിതനായ ബിനീഷ് ആണ് താരത്തിന്റെ യൂട്യൂബ് ചാനൽ ഉദ്ഘാടനം ചെയ്തത്. അതോടൊപ്പം ചില കാര്യങ്ങളും താരം പ്രേക്ഷകരോട് പറയുന്നുണ്ട്. ആദ്യമായിട്ടാണ് യൂട്യൂബ് ചാനൽ തുടങ്ങുന്നത് എന്നതിനാൽ ആദ്യ വീഡിയോകളിൽ…