Year: 2023

പാലക്കാട്: കുളത്തില്‍ കുളിക്കാനിറങ്ങിയ മുന്ന്‌ യുവതികള്‍ക്ക് ദാരുണാന്ത്യം. മണ്ണാര്‍ക്കാട്‌ ഭീമനാട്‌ പെരിങ്കുളത്താണ്‌ അപകടം. മരിച്ച മൂന്നു പേരും സഹോദരിമാരാണ്‌. ഭീമനാട്‌ സ്വദേശികളായ കോട്ടോപ്പാടം അക്കര റഷീദിന്റെ മക്കളായ നാഷിദ (28), റംഷീന  ഷഹനാസ് (23), റിൻഷ അൽത്താജ് (18) എന്നിവരാണ് മരിച്ചത്. കുളിക്കുന്നതിനിടെ കാൽ വഴുതി വീണ സ്‌ഹോദരിയെ രക്ഷിക്കാൻ ശ്രമിക്കുന്നതിനിടെ മറ്റ് രണ്ട് സഹോദരിമാർ കൂടി മുങ്ങിത്താഴുകയായിരുന്നു. അലക്കുകയായിരുന്ന പിതാവിന്റെ കണ്‍മുന്നില്‍ വെച്ചാണ്‌ മൂവരും മുങ്ങിയത്‌. അരമണിക്കൂറിന്‌ ശേഷമാണ്‌ മൂവരെയും പുറത്തെടുത്തത്‌. ദുരന്തം കണ്ട്‌ നിലവിളിക്കാന്‍ പോലും കഴിയാത്ത അവസ്ഥയിലായിരുന്നു പിതാവ്‌. പിതാവിനൊപ്പം തുണി അലക്കുന്നതിനായും കുളിക്കുന്നതിനുമായാണ് മൂന്നു പെൺമക്കളും കോട്ടോപ്പാടത്ത് കുളത്തിലെത്തിയത്. ഇവരുടെ സഹോദരൻ വൃക്ക മാറ്റിവയ്ക്കൽ ശസ്ത്രക്രിയ കഴിഞ്ഞ് കിടപ്പിലാണ്. ഇവരുടെ മാതാവാണ് സഹോദരന് വൃക്ക നൽകിയത്. ഇരുവരും ചികിത്സയിലായിരുന്നതിനാൽ പിതാവാണു വീട്ടിലെ കാര്യങ്ങൾ നോക്കിയിരുന്നത്. അതുകൊണ്ടാണ് പിതാവിനൊപ്പം പെൺമക്കൾ മൂന്നുപേരും അലക്കുന്നതിനും…

തിരുവനന്തപുരം: സ്വർണക്കടത്ത് കേസിലേക്ക് മാധ്യമ പ്രവർത്തകൻ അനിൽ നമ്പ്യാരുടെ പേര് വലിച്ചിഴച്ചത് ചില വ്യക്തികളുടെ രഹസ്യ അജണ്ടയുടെ ഭാഗമായിരുന്നു എന്ന് അടുത്തിടെ ഒരു ചാനല്‍ അഭിമുഖത്തില്‍ സ്വപ്ന സുരേഷ് വെളിപ്പെടുത്തി. അനിൽ നമ്പ്യാർ ഒരിക്കൽ ഫോണിലൂടെ തന്നെ ബന്ധപ്പെട്ടിരുന്നുവെന്ന് സ്വപ്ന വിശദീകരിച്ചത് തുടർന്നുള്ള വിവാദങ്ങൾക്ക് വഴിവെച്ചിരുന്നു. യു.എ.ഇ കോൺസുലേറ്റുമായുള്ള ബന്ധം കണക്കിലെടുത്ത് സ്വർണക്കടത്ത് കേസുമായി ബന്ധപ്പെട്ട വാർത്തകളുടെ ആധികാരികത വിശകലനം ചെയ്യാൻ മാത്രമാണ് അനിൽ നമ്പ്യാർ തന്നോട് സംസാരിച്ചതെന്ന് അവർ വ്യക്തമാക്കി. ഇവരുടെ ഫോൺ സംഭാഷണത്തിൽ വാർത്തയുടെ നിജസ്ഥിതി അനിൽ നമ്പ്യാർ ആരാഞ്ഞിരുന്നു. “അതുപോലെ, മറ്റ് മാധ്യമ പ്രവർത്തകരും എന്നെ സമീപിച്ചിരുന്നു. സ്വർണക്കടത്ത് വാർത്തയുടെ കൃത്യത സ്ഥിരീകരിക്കാൻ അവർക്കെല്ലാം ആഗ്രഹമുണ്ടായിരുന്നു. പിആർഒ സരിത്തിനെ കസ്റ്റംസ് പിടികൂടിയതിന് ശേഷമാണ് മാധ്യമപ്രവർത്തകരുടെ കോളുകളുടെ പ്രവാഹം ഉണ്ടായത്,” സ്വപ്ന പറഞ്ഞു. വാർത്തയുടെ നിയമസാധുത സ്ഥാപിക്കുന്നതിൽ സരിത്തിന്റെ പങ്ക് അംഗീകരിക്കുമ്പോൾ, സ്ഥിരീകരണത്തിനും സ്ഥിരീകരണം…

തിരുവനന്തപുരം: പ്രത്യേക ഓണസമ്മാനമായി കേരളത്തിനായി രണ്ടാം വന്ദേ ഭാരത് ട്രെയിൻ ആരംഭിക്കുന്നതിന് ഇന്ത്യൻ റെയിൽവേ പച്ചക്കൊടി കാട്ടുന്നു. റിപ്പോർട്ടുകൾ പ്രകാരം, പുതിയ ട്രെയിൻ റേക്ക്, അതിന്റെ നിറങ്ങളും രൂപകൽപ്പനയും കൊണ്ട് വേറിട്ടുനിൽക്കുന്നു. രണ്ടാമത്തെ വന്ദേ ഭാരത് എക്സ്പ്രസിന്റെ റൂട്ടുകൾക്കായി രണ്ട് ഓപ്ഷനുകൾ പരിഗണനയിലാണ്. ഒന്ന് മംഗളൂരു-തിരുവനന്തപുരം റൂട്ടും രണ്ടാമത്തേത് മംഗലാപുരം-എറണാകുളം റൂട്ടും. എന്നാല്‍, മംഗളൂരു-തിരുവനന്തപുരം റൂട്ടിൽ ട്രെയിൻ ഓടിക്കുന്നതിന് രണ്ട് പ്രത്യേക ട്രെയിൻ റേക്കുകളുടെ ലഭ്യത ആവശ്യമായി വരും. നേരത്തെ, രണ്ട് പ്രമുഖ വിനോദസഞ്ചാര കേന്ദ്രങ്ങളായ ഗോവയ്ക്കും എറണാകുളത്തിനും ഇടയിൽ വന്ദേ ഭാരത് ട്രെയിൻ ഉപയോഗിച്ച് സർവീസ് ആരംഭിക്കുന്നതിനുള്ള സാധ്യത ദക്ഷിണ റെയിൽവേ ആരാഞ്ഞിരുന്നു. എന്നാല്‍, ഈ റൂട്ടിൽ ഒരൊറ്റ ട്രെയിൻ സജ്ജീകരിക്കാനുള്ള തീരുമാനം അപ്രായോഗികമായി കണക്കാക്കപ്പെട്ടതിനാൽ പദ്ധതി ഉപേക്ഷിക്കാൻ അധികാരികളെ പ്രേരിപ്പിച്ചു. നിലവിൽ തിരുവനന്തപുരത്തിനും കാസർഗോഡിനും ഇടയിൽ വന്ദേ ഭാരത് സർവീസ് ഉണ്ട്. ഉത്സവകാല ഓണക്കാലത്ത്…

ദേശീയ ജനനനിരക്ക് പ്രതിസന്ധിയെ നേരിടാൻ, ചൈനയിലെ ഒരു കൗണ്ടി 1000 യുവാൻ (11,300 രൂപ) ക്യാഷ് റിവാർഡ് വാഗ്ദാനം ചെയ്തു. ലോകത്തിലെ ഏറ്റവും ജനസംഖ്യയുള്ള രാജ്യമായ ചൈന, അതിന്റെ ദേശീയ ജനനനിരക്കിൽ കുത്തനെ ഇടിവ് നേരിടുകയാണ്. യുവാക്കളെ നേരത്തെ വിവാഹം കഴിക്കാനും കൂടുതൽ കുട്ടികളുണ്ടാകാനും പ്രോത്സാഹിപ്പിക്കുന്നതിനുള്ള ശ്രമമായാണ് ഏറ്റവും പുതിയ പദ്ധതി ലക്ഷ്യമിടുന്നത്. ഉചിതമായ പ്രായത്തിൽ വിവാഹിതരാകുകയും കുട്ടികളുണ്ടാകുകയും ചെയ്യുന്ന ദമ്പതികൾക്ക് ശിശു സംരക്ഷണം, ഫെർട്ടിലിറ്റി, വിദ്യാഭ്യാസ സബ്‌സിഡികൾ എന്നിവയും നൽകുമെന്ന് വീചാറ്റിൽ പങ്കിട്ട ഒരു ഔദ്യോഗിക അറിയിപ്പിൽ കൗണ്ടി അറിയിച്ചു. ആറ് പതിറ്റാണ്ടിനിടയിലെ ആദ്യത്തെ ജനസംഖ്യാ കുറവിന് ചൈന സാക്ഷ്യം വഹിക്കുകയാണ്. 2016-ൽ ചൈനക്കാർ പതിറ്റാണ്ടുകൾ പഴക്കമുള്ള ‘ഒരു കുട്ടി നയം’ റദ്ദാക്കി രണ്ട് കുട്ടികളായി ഉയർത്തിയിരുന്നു. എന്നാല്‍, നയത്തിലെ മാറ്റം ആഗ്രഹിച്ച ഫലം നൽകിയില്ല. പകരം ജനസംഖ്യ കുറയുന്നത് തുടർന്നു. ഇതാണ് ജനനനിരക്ക് പ്രതിസന്ധിക്ക്…

പ്രശസ്ത പ്രവാസി സാഹിത്യകാരനും അമേരിക്കന്‍ മലയാളിയുമായ ജോണ്‍ ഇളമതയുടെ ഏറ്റവും പുതിയ നോവല്‍ ‘ഫ്ലൂ’ മലയാളം ഡെയ്‌ലി ന്യൂസില്‍ ഉടന്‍ പ്രസിദ്ധീകരണം ആരംഭിക്കുന്നു! 2019-20ല്‍ കോവിഡ്-19 എന്ന് ലോകാരോഗ്യ സംഘടന നാമകരണം ചെയ്ത കൊറോണ വൈറസ് ലോകമൊട്ടാകെ സൃഷ്ടിച്ച മാറ്റങ്ങളും അലയൊലികളും ഇനിയും അടങ്ങിയിട്ടില്ല. ലോകജനതയുടെ ജീവിതചര്യയേയും ശീലങ്ങളേയും കീഴ്‌മേല്‍ മറിച്ച കോവിഡിന്റെ പ്രത്യാഘാതം എത്ര നാളത്തേക്ക് ഉണ്ടാകുമെന്ന ചോദ്യത്തിന് ഇതുവരെ വ്യക്തമായ ഒരു ഉത്തരം നല്‍കാന്‍ ഇതുവരെ ആര്‍ക്കും കഴിഞ്ഞിട്ടില്ല. മഹാമാരികളും യുദ്ധങ്ങളും കാലാവസ്ഥാ വ്യതിയാനങ്ങളും ഭീകരാക്രമണങ്ങളും നമ്മെ കീഴ്‌പ്പെടുത്താൻ ശ്രമിച്ചുകൊണ്ടിരിക്കെ എന്തായിരിക്കും മനുഷ്യരാശിയുടെ ഭാവി? നാം നിർമിച്ച ഈ ലോകത്തെ പൂർണമായും മനസ്സിലാക്കാൻ നമുക്കു സാധിച്ചിട്ടുണ്ടോ? നാം നേരിട്ടതും നേരിടാന്‍ പോകുന്നതുമായ പ്രതിസന്ധികളിലൂടെ ഈ നോവല്‍ നമ്മെ കൊണ്ടുപോകും… സംഭവബഹുലമായ കഥാ മുഹൂര്‍ത്തങ്ങളിലേക്ക് വായനക്കാരെ കൂട്ടിക്കൊണ്ടു പോകുന്ന ഈ നോവല്‍ തുടക്കം മുതല്‍ വായിക്കുക…..…

ന്യൂയോര്‍ക്ക്: ഓണക്കളികളും ഓണപ്പാട്ടുകളും മുഖരിതമായ അന്തരീക്ഷത്തില്‍ ന്യൂയോർക്ക് ഹഡ്‌സൺവാളി മലയാളി അസോസിയേഷന്റെ ഓണാഘോഷം സെപ്റ്റംബർ 2 ശനിയാഴ്ച രാവിലെ 11 മണി മുതൽ ഓറഞ്ചുബർഗിലുള്ള സിത്താർ പാലസിൽ വെച്ച് അതിവിപുലമായ രീതിയിൽ ആഘോഷിക്കുന്നു. സത്യവും നീതിയും ആത്യന്തികമായി നിലനിൽക്കുമെന്ന ഉറപ്പിന്റെയും നന്മ തിൻമ്മയെ അതിജീവിക്കുന്ന പ്രഖ്യാപനത്തിന്റെയും ഉത്സവമായ ഓണം തികഞ്ഞ പ്രതിക്ഷകളോടും ആത്‌മവിശ്വാസത്തോടും കൂടിയാണ് ഈ വർഷവും കൊണ്ടാടുന്നത്. നാൽപ്പതിലധികം വർഷത്തെ ചരിത്രമുള്ള റോക്‌‌ലാന്റിലെ ആദ്യ മലയാളി സംഘടനയായ ഹഡ്‌സൺവാലി മലയാളി അസ്സോസിയേഷന്റെ ഓണാഘോഷം എന്നും ഒരു ഉത്സവമാക്കി മാറ്റാൻ സംഘടകർ പരമാവധി ശ്രമിക്കാറുണ്ട്. വിഭവസമൃദ്ധമായ ഓണസദ്യക്ക് ശേഷം ചെണ്ടമേളത്തിന്റെയും താലപ്പൊലിയുടെയും അകമ്പടിയോടു മാവേലി മന്നനെ എതിരേൽക്കുന്നത് മുതൽ തിരുവാതിരയും വിവിധ കലാപരിപാടികളും കോർത്തിണക്കിയാണ് ഈ ഓണാഘോഷം അണിയിച്ചൊരുക്കിയിരിക്കുന്നത്. ഓണക്കളികളും ഓണപ്പാട്ടുകളും മുഖരിതമായ അന്തരീക്ഷത്തില്‍ ആഘോഷിക്കുന്ന ഈ ഓണം പങ്കെടുക്കുന്നവർക്ക് നവ്യാനുഭവമായി മാറും. ഫൊക്കാന പ്രസിഡന്റ് ഡോ.…

ഹ്യൂസ്റ്റൺ: അതെ വെൺമേഘ പരപ്പിൽ വെട്ടിത്തിളങ്ങുന്ന ഒരു വെള്ളി നക്ഷത്രം പോലെ തിളങ്ങി നിൽക്കുകയാണ് ശുഭ്രവർണ്ണം വാരിപ്പുതച്ച് പുതിയ സി എസ് ഐ ദേവാലയം. സെപ്റ്റംബർ മൂന്ന് ഹൂസ്റ്റണിലെ സി എസ് ഐ ഇടവകാംഗങ്ങൾക്കുമാത്രമല്ല ഇവിടത്തെ മലയാളി സമൂഹത്തിനു തന്നെ അഭിമാനത്തിൻറെ സുവർണ നിമിഷം തന്നെയാണ്. മറ്റു സഭാവിശ്വാസികൾക്കു കഴിയുന്നതിനുമപ്പുറം നയന മനോഹരമായ ഒരു ദേവാലയം അവർക്കു പണിതുയർത്താൻ കഴിഞ്ഞു എന്നതുതന്നെ. ഹ്യൂസ്റ്റൺ സി എസ് ഐ കൂട്ടായ്മയിൽ വെറും നൂറ്റിനാല്പത്തിരണ്ടു കുടുംബങ്ങൾ മാത്രമേയുള്ളു എന്നത് അത്ഭുതപ്പെടുത്തുന്നതും എന്നാൽ അവരുടെ വിശ്വാസത്തിന്റെയും ദൃഡനിശ്ചയത്തിന്റെയും നേർകാഴ്ച്ചയാണ് പാറമേൽ പണിത (Chimmney Rock St.) ഈ വിശ്വാസത്തിൻറെ ആലയം. അത്രയ്ക്ക് മനോഹരമാണ് ദേവാലയത്തിൻറെ അകവും പുറവും ഉൾപ്പെടുന്ന നിർമിതി. മിസോറി സിറ്റിയിലെ ടെക്സാസ് പാർക്ക് വേയും ചിമ്മിനി റോക്കും ചേരുന്നിടത്തു ചിമ്മിനി റോക്ക് സ്ട്രീറ്റിലാണ് ദേവാലയം സ്ഥിതിചെയ്യുന്നത്. ഹ്യൂസ്റ്റൺ സി…

ന്യൂയോര്‍ക്ക്: മലങ്കര മാര്‍ത്തോമ്മാ സഭയുടെ എപ്പിസ്‌കോപ്പല്‍ സ്ഥാനത്തേക്ക് റവ.സജു സി.പാപ്പച്ചന്‍ (മുൻ വികാര്‍, സെന്റ്. തോമസ് മാര്‍ത്തോമ്മ ചര്‍ച്ച്, ന്യൂയോര്‍ക്ക്), റവ. ഡോ.ജോസഫ് ഡാനിയേല്‍ (പ്രൊഫസര്‍, മാര്‍ത്തോമ്മാ തിയോളജിക്കല്‍ സെമിനാരി, കോട്ടയം), റവ. മാത്യു കെ. ചാണ്ടി ( മുൻ ആചാര്യ, ക്രിസ്തപന്തി ആശ്രമം, സിഹോറ) എന്നിവരെ എപ്പിസ്‌കോപ്പാമാരായി മാർത്തോമ്മ സഭയുടെ പരമോന്നത സമിതിയായ സഭാ പ്രതിനിധി മണ്ഡലം തെരഞ്ഞെടുത്തു. എപ്പിസ്കോപ്പൽ ഇലക്ഷനുവേണ്ടി തിരുവല്ലായിലെ ഡോ. അലക്‌സാണ്ടര്‍ മാർത്തോമ്മ മെമ്മോറിയല്‍ ഓഡിറ്റോറിയത്തില്‍ വെച്ച് ആഗസ്റ്റ് 30 ബുധനാഴ്ച (ഇന്ന് ) കൂടിയ സ്പെഷ്യൽ മണ്ഡല യോഗത്തിൽ ഹാജരായ 86.87% പട്ടക്കാരുടെയും 91.61% ആത്മയരുടെയും 80 ശതമാനത്തിനു മുകളിൽ വോട്ട് നേടിയാണ് മൂന്നു പേരും തെരഞ്ഞെടുക്കപ്പെട്ടത്. മാര്‍ത്തോമ്മാ സഭയ്ക്ക് പുതിയ നാല് ബിഷപ്പുമാരെ വാഴിക്കണമെന്ന സഭാ കൗണ്‍സിലിന്റെ നിര്‍ദ്ദേശം 2022 ല്‍ കൂടിയ സഭാ പ്രതിനിധി മണ്ഡലം അംഗീകരിച്ചതിന്റെ…

വാഷിംഗ്ടണ്‍ ഡിസി: വാഷിംഗ്‌ടൺ ഡിസി സീറോ മലബാർ നിത്യസഹായ മാതാ പള്ളിയിൽ ഇടവക തിരുനാൾ ഭക്തിനിർഭരമായി സെപ്റ്റംബർ 1-ാം തിയ്യതി മുതല്‍ 10-ാം തിയ്യതി വരെ ആഘോഷിക്കുന്നു. സെപ്റ്റംബർ ഒന്നിന് വൈകുന്നേരം 6:00 മണിക്ക് കൊടിയേറ്റത്തോടുകൂടി തിരുനാളിന് തുടക്കം കുറിക്കുമെന്നു വികാരി ഫാ. റിജോ ചീരകത്തിലും, പ്രസുദേന്തി നോബിൾ ജോസഫ് കൈതക്കലും അറിയിച്ചു. കൊടിയേറ്റത്തെ തുടർന്ന് വിശുദ്ധ കുബാനയും നൊവേനയും ശേഷം പ്രശസ്ത ബൈബിൾ പ്രഭാഷകനായ ഫാ. ഡേവിസ് ചിറമേൽ ( ചെയർമാൻ കിഡ്‌നി ഫൗണ്ടേഷൻ ) നയിക്കുന്ന ജീവിത നവീകരണ ധ്യാനവും ആരംഭിക്കും. കുട്ടികളുടെ പ്രത്യേക ധ്യാനം ശ്രീമതി ഐനീഷ് ഫിലിപ്പ് നയിക്കുന്നതാണ്‌. സ്നേഹവിരുന്നോടു കൂടി ആദ്യ ദിനത്തെ പരിപാടികൾ സമാപിക്കും. തിരുനാളിന്റെ രണ്ടാം ദിനം ശനിയാഴ്ച ഉച്ചയ്ക്ക് 2:00 മണിക്ക് ധ്യാനം ആരംഭിച്ച് വൈകീട്ട് 6:30ന് ദിവ്യബലിയും നൊവേനയും ശേഷം സ്നേഹവിരുന്നും ഉണ്ടായിരിക്കും. തിരുനാളിന്റെ…