Year: 2023

ചിക്കാഗോ: കഴിഞ്ഞ മാസം ചിക്കാഗോയിലെ വഴിയോരത്ത് വളരെ ദുർബലമായ അവസ്ഥയിൽ കണ്ടെത്തിയ ഹൈദരാബാദിൽ നിന്നുള്ള എഞ്ചിനീയർ സയ്യിദ ലുലു മിൻഹാജ് സെയ്ദിക്ക് സഹായഹസ്തവുമായി ഇന്ത്യന്‍ കോണ്‍സുലേറ്റ്. ഓഗസ്റ്റ് 5 ന്, ചിക്കാഗോയിലെ ഇന്ത്യൻ കോൺസുലേറ്റ്, സോഷ്യൽ മീഡിയ പോസ്റ്റിലൂടെ, ഇപ്പോൾ ആരോഗ്യനില മെച്ചപ്പെട്ടിരിക്കുന്ന സെയ്ദിക്ക് സഹായം വാഗ്ദാനം ചെയ്തതായി അറിയിച്ചു. “മിസ് സെയ്ദിയുമായി ബന്ധപ്പെടാൻ കഴിഞ്ഞതിൽ ഞങ്ങൾക്ക് സന്തോഷമുണ്ട്. കൂടാതെ, വൈദ്യസഹായവും ഇന്ത്യയിലേക്കുള്ള യാത്രയും ഉൾപ്പെടെയുള്ള സഹായം വാഗ്ദാനം ചെയ്തിട്ടുണ്ട്. ഇന്ത്യയിലെ അമ്മയോട് സംസാരിച്ചു. ഇന്ത്യയിലേക്ക് മടങ്ങാനുള്ള ഞങ്ങളുടെ പിന്തുണ വാഗ്ദാനത്തിൽ അവൾ ഇതുവരെ പ്രതികരിച്ചിട്ടില്ല. അവൾക്ക് എല്ലാ സഹായവും നൽകാൻ ഞങ്ങൾ തയ്യാറാണ്,” ചിക്കാഗോയിലെ ഇന്ത്യൻ കോൺസുലേറ്റ് പറഞ്ഞു. Happy that we could contact Ms. Syeda Zaidi & offered help, including medical assistance & travel to India. She…

ന്യൂയോര്‍ക്ക്: വെസ്റ്റ്ചെസ്റ്റര്‍ അയ്യപ്പ ക്ഷേത്രത്തില്‍ മഹാഗണപതി ലക്ഷാർച്ചന ഭക്തിപുരസ്സരം വാസുദേവ് ഭട്ട , സതീഷ് പുരോഹിത്, മോഹൻ അയ്യർ എന്നീ പുരോഗിത വൃന്ദ കാർമ്മികത്വത്തിൽ ഓഗസ്റ്റ് 11, 12, 13 തിയ്യതികളില്‍ ക്ഷേത്രാങ്കണത്തിൽ നടത്തും. സകലർക്കും ഐശ്വര്യം ചൊരിയുന്നതും അത്ഭുത ശക്തിയുള്ളതുമാണ് ലക്ഷാർച്ചന. ലക്ഷം മന്ത്രങ്ങൾ ചൊല്ലി അർച്ചന ചെയ്ത് ഗണപതി ഭഗവാനെ പ്രീതിപ്പെടുത്തുന്നതാണ് മഹാഗണപതി ലക്ഷാർച്ചന. ഈ ലക്ഷാർച്ചനയിൽ പങ്കെടുക്കുന്നത് ചെയ്തുപോയ അപരാധങ്ങൾക്കും പാപങ്ങൾക്കുമുള്ള പരിഹാരമായും, ശാരീരിക -മാനസിക ദുരിതങ്ങളുടെ നിവാരണത്തിനായും, പുണ്യമായും കണക്കാക്കുന്നു. ഹൈന്ദവ ആചാരങ്ങളെ അപമാനിക്കുകയും ദേവതാ സങ്കല്പങ്ങളെ അവഹേളിക്കുകയും ചെയ്തുകൊണ്ടിരിക്കുന്ന ഈ കാലഘട്ടത്തിൽ, വെസ്റ്റ്ചെസ്റ്റര്‍ അയ്യപ്പ ക്ഷേത്രത്തിലെ മഹാഗണപതി ലക്ഷാർച്ചന ഭക്തരുടെ ആവശ്യപ്രകാരമാണ് നടത്തുന്നത്. ലോക സമാധാനത്തിനും വിഘ്നനിവാരണത്തിനും, പ്രത്യേകിച്ചു അജ്ഞാനികൾക്ക്, ജ്ഞാനോദയമുണ്ടാക്കാനും വേണ്ടി ഈ കർമ്മപരിപാടി ഗണപതി ഭഗവാന് സമർപ്പിക്കുന്നു. ഭക്തർക്ക് ഐശ്യര്യം ഉണ്ടാക്കാനുള്ള ഈ യജ്ഞ പരിപാടി ക്ഷേത്ര…

ഹൂസ്റ്റൺ : ഗാൽവെസ്റ്റണിൽ നിന്ന് കാണാതായതായി റിപ്പോർട്ട് ചെയ്യപ്പെട്ട യുവതി അംതുൽ മോനിൻ അമീറിനെ (19) സുരക്ഷിതയായി കണ്ടെത്തിയതായി ടെക്സസ് സെന്റർ ഫോർ ദി മിസിംഗ് അറിയിച്ചു. കൂടുതൽ വിവരങ്ങൾ പുറത്തുവിട്ടിട്ടില്ല. കാണാതായ യുവതിയെ കണ്ടെത്താൻ പോലീസ് പൊതുജനങ്ങളുടെ സഹായമഭ്യര്‍ത്ഥിച്ചിരുന്നു. മോമിൻ തന്റെ പള്ളിയിലെ അംഗങ്ങളുമൊത്തുള്ള ഒരു പരിപാടിക്കായി പ്ലഷർ പിയറിൽ ഉണ്ടായിരുന്നുവെന്ന് പോലീസ് പറഞ്ഞു. അപ്രത്യക്ഷയാകുന്നതിന് തൊട്ടുമുമ്പ് വാട്ടർ റൈഡിൽ കയറിയ ശേഷം ഷൂസ് മാറ്റാൻ കാറിലേക്ക് പോയതായി കണ്ടവരുണ്ടെന്ന് ഗാൽവെസ്റ്റൺ പോലീസ് പറഞ്ഞു. രണ്ട് മണിക്കൂറിന് ശേഷം മോമിനെ കാണാതാവുകയായിരുന്നുവെന്നും യുവതിയുടെ ചില സാധനങ്ങൾ അവരുടേ വാഹനത്തിന് സമീപത്ത് നിന്ന് കണ്ടുകിട്ടിയതായും പോലീസ് പറഞ്ഞിരുന്നു. ശനിയാഴ്ച ചരിത്രപ്രസിദ്ധമായ വാട്ടർഫ്രണ്ട് സമുച്ചയം സന്ദർശിച്ച ശേഷം സീവാൾ ബൊളിവാർഡിലൂടെയും 24-ാം സ്ട്രീറ്റിലൂടെയും വെൻഡീസിനടുത്ത് രാത്രി 7:30 ഓടെ തന്റെ വാഹനത്തിലേക്ക് യുവതി നടന്നുപോകുന്നതാണ് അവസാനമായി കണ്ടത്. അമേരിക്കയിലുടനീളം…

ന്യൂയോര്‍ക്ക്: മണിപ്പൂരിലെ അക്രമികള്‍ക്ക് സുബോധം ഉണ്ടാകുന്നതിനും അധികൃതര്‍ക്ക് മനംമാറ്റമുണ്ടാകുന്നതിനും പ്രാര്‍ഥനകളുമായി ക്രൈസ്തവ സമൂഹം ഐക്യരാഷ്ട്ര സഭയ്ക്ക് മുന്നില്‍ പ്രാർത്ഥന സംഗമം സംഘടിപ്പിച്ചു. ആയിരത്തിലേറെ പേര്‍ പങ്കെടുത്ത വിജില്‍ മണിപ്പൂരില്‍ വിലപിക്കുന്ന എല്ലാ മനുഷ്യരോടും പ്രത്യേകിച്ച് പീഡനം അനുഭവിക്കുന്ന ക്രൈസ്തവ ജനതയോടും ഐക്യദാര്‍ഢ്യം പ്രകടിപ്പിച്ചു. ഉറ്റവര്‍ നഷ്ടപ്പെട്ടും വീടുകള്‍ നഷ്ടപ്പെട്ടും മഹാദുരന്തം നേരിടുന്ന ക്രൈസ്തവ ജനതയ്ക്കായി കണ്ണീരോടെ ഉയര്‍ന്ന പ്രാര്‍ത്ഥനകള്‍ അമേരിക്കയിലെ ഇന്ത്യന്‍ ക്രൈസ്തവര്‍ മണിപ്പൂര്‍ വിഷയത്തില്‍ അനുഭവിക്കുന്ന വ്യഥയുടെ വാങ്മയ ചിത്രമായി. ചെറിയൊരു സംഘാടക സമിതി മുന്നിട്ടിറങ്ങിയപ്പോള്‍ എല്ലാ വിഭാഗം ക്രൈസ്തവരും ഭിന്നതകള്‍ മറന്ന് ഒന്നിക്കുന്ന കാഴ്ചയാണ് യുഎന്നിനു മുന്നില്‍ കണ്ടത്. വിജിലിന്റെ ലക്ഷ്യം ഫിയകോന (ഫെഡറേഷൻ ഓഫ് ഇന്ത്യൻ അമേരിക്കൻ ക്രിസ്ത്യൻസ് ഓഫ് നോർത്ത് അമേരിക്ക) പ്രസിഡന്റ് കോശി ജോര്‍ജ് തുടക്കത്തിലെ വ്യക്തമാക്കി. ഇതൊരു പ്രതിഷേധ റാലി അല്ല. എന്തുകൊണ്ട് കലാപം ഉണ്ടായി എന്നോ, ആരാണ്…

ചിക്കാഗോ: ചങ്ങനാശേരി എസ്.ബി ആന്‍ഡ് അസംപ്ഷന്‍ പൂര്‍വ്വവിദ്യാര്‍ത്ഥി സംഘടനയുടെ ചിക്കാഗോ ചാപ്റ്റര്‍ അംഗങ്ങളുടെ മക്കളായ ഹൈസ്കൂള്‍ വിദ്യാര്‍ത്ഥികളെ പ്രോത്സാഹിപ്പിക്കുന്നതിനായി ഏര്‍പ്പെടുത്തിയിട്ടുള്ള 2023 ലെ ഹൈസ്കൂള്‍ വിദ്യാഭ്യാസ പ്രതിഭാ പുരസ്കാരത്തിനുള്ള അപേക്ഷ ക്ഷണിച്ചു. അപേക്ഷ അവാര്‍ഡ് നിര്‍ണ്ണയ കമ്മിറ്റി അംഗങ്ങള്‍ക്ക് അയച്ചുകൊടുക്കേണ്ട അവസാന തീയതി സെപ്തംബര് 30 ആണ്. അപേക്ഷാര്‍ത്ഥികള്‍ 2023 ല്‍ ഹൈസ്കൂള്‍ ഗ്രാജ്വേറ്റ് ചെയ്തവരായിരിക്കണം. ജി.പി.എ, എ.സി.ടി അഥവാ എസ് .എ .റ്റി സ്‌കോറുകള്‍, പാഠ്യേതര മേഖലകളിലെ മികവുകള്‍ എന്നീ ത്രിതല മാനദണ്ഡങ്ങളുടെ അടിസ്ഥാനത്തിലായിരിക്കും പുരസ്കാര നിര്‍ണ്ണയം നടത്തുക. കൂടാതെ അപേക്ഷാര്‍ത്ഥികളുടേയോ, അവരുടെ മാതാപിതാക്കളുടേയോ സംഘടനാ പ്രവര്‍ത്തനങ്ങളിലുള്ള പങ്കാളിത്തവും ഒരു അധിക യോഗ്യതയായി പരിഗണിക്കുന്നതായിരിക്കും. പുരസ്കാര ജേതാക്കള്‍ക്ക് മാത്യു വാച്ചാപറമ്പില്‍ സ്മാരക ക്യാഷ് അവാര്‍ഡും, പ്രശസ്തി ഫലകവും , റവ.ഡോ. ജോര്‍ജ് മഠത്തിപ്പറമ്പില്‍ പൗരോഹിത്യ സുവര്‍ണ്ണജൂബിലി ക്യാഷ് അവാര്‍ഡും പ്രശസ്തിഫലകവും സമ്മാനമായി നല്‍കുന്നു. അപേക്ഷകള്‍ താഴെപ്പറയുന്ന…