Year: 2024

വരാനിരിക്കുന്ന പ്രസിഡൻ്റ് തിരഞ്ഞെടുപ്പിൽ മുൻ പ്രസിഡൻ്റ് ഡൊണാൾഡ് ട്രംപും വൈസ് പ്രസിഡൻ്റ് കമലാ ഹാരിസും തമ്മിലുള്ള മത്സരത്തില്‍ “കുറവ് തിന്മ”യെ തിരഞ്ഞെടുക്കാൻ ഫ്രാൻസിസ് മാർപാപ്പ അടുത്തിടെ യുഎസ് കത്തോലിക്കാ വോട്ടർമാരോട് ഉപദേശിച്ചിരുന്നു. തെക്കുകിഴക്കൻ ഏഷ്യയിലെയും ഓഷ്യാനിയയിലെയും 12 ദിവസത്തെ പര്യടനത്തിന് ശേഷം തൻ്റെ വിമാനത്തിൽ നടത്തിയ പത്രസമ്മേളനത്തിൽ, ഒരു സ്ഥാനാർത്ഥിയെയും അംഗീകരിക്കാതെ, തിരഞ്ഞെടുപ്പിനെ ചുറ്റിപ്പറ്റിയുള്ള ധാർമ്മിക പ്രതിസന്ധികളെ അഭിസംബോധന ചെയ്ത് സംസാരിക്കുകയായിരുന്നു മാർപ്പാപ്പ. വോട്ടർമാരോട് അവരുടെ മനസ്സാക്ഷിയെക്കുറിച്ച് ചിന്തിക്കാൻ അദ്ദേഹം അഭ്യർത്ഥിച്ചു, “നിങ്ങൾ കുറഞ്ഞ തിന്മ തിരഞ്ഞെടുക്കണം. ആരാണ് കുറഞ്ഞ തിന്മ; ആ സ്ത്രീയോ ആ മാന്യനോ? എനിക്കറിയില്ല. എല്ലാവരും ശ്രദ്ധാപൂർവ്വം ചിന്തിച്ച് സ്വയം തീരുമാനമെടുക്കണം,” അദ്ദേഹം ഉദ്ബോധിപ്പിച്ചു. രണ്ട് സ്ഥാനാർത്ഥികളുടെയും നയങ്ങളോട് മാർപാപ്പ തൻ്റെ വിയോജിപ്പ് പ്രകടിപ്പിച്ചു. ഗർഭച്ഛിദ്രത്തെക്കുറിച്ചുള്ള കമലാ ഹാരിസിന്റെ നിലപാടിനെ മാര്‍പ്പാപ്പ വിമർശിച്ചു, പ്രത്യേകിച്ച് റോയ് വി. വേഡ് ക്രോഡീകരിക്കുന്നതിനുള്ള അവരുടെ പിന്തുണ.…

ഫ്ലോറിഡ: റിപ്പബ്ലിക്കൻ പ്രസിഡൻ്റ് സ്ഥാനാർത്ഥി ഡൊണാൾഡ് ട്രംപിനെ വധിക്കാൻ ശ്രമിച്ച തോക്കുധാരി ഹവായിയിൽ നിന്നുള്ള 58 കാരനായ റയാൻ വെസ്ലി റൗത്ത് ആണെന്ന് തിരിച്ചറിഞ്ഞു. ഒരു ദൃക്സാക്ഷി ഇയാളുടെ വാഹനത്തിൻ്റെ ഫോട്ടോയും ലൈസൻസ് പ്ലേറ്റും നിയമപാലകർക്ക് നൽകിയതിനെ തുടർന്നാണ് റൗത്തിനെ കസ്റ്റഡിയിലെടുത്തത്. ഞായറാഴ്ച ഫ്ലോറിഡയിലെ പാം ബീച്ചിലെ ഗോൾഫ് കോഴ്‌സിൽ ട്രംപിനെ ആക്രമിക്കാൻ റൗത്ത് ശ്രമിച്ചിരുന്നു. ട്രംപിനായി പ്രദേശം സുരക്ഷിതമാക്കുകയായിരുന്ന സീക്രട്ട് സർവീസ് ഏജൻ്റുമാർ ഗോള്‍ഫ് കോഴ്സിനു സമീപമുള്ള കുറ്റിക്കാട്ടിൽ ഒളിപ്പിച്ച നിലയില്‍ AK-47-സ്റ്റൈൽ റൈഫിൾ, രണ്ട് ബാക്ക്പാക്കുകൾ, ഒരു GoPro ക്യാമറ, മറ്റ് വസ്തുക്കൾ എന്നിവ കണ്ടെത്തിയിരുന്നു. കറുത്ത നിസ്സാന്‍ വാഹനത്തില്‍ ഇയാള്‍ രക്ഷപ്പെടുകയും ചെയ്തു. സംഭവത്തിന് തൊട്ടുപിന്നാലെ ഇൻ്റർസ്റ്റേറ്റ് 95 ൽ റൗത്തിനെ പിടികൂടാൻ മാർട്ടിൻ കൗണ്ടി പോലീസിനെ സഹായിച്ചത് സാക്ഷി നല്‍കിയ ഫോട്ടോയാണെന്ന് പാം ബീച്ച് കൗണ്ടി ഷെരീഫ് റിക്ക് ബ്രാഡ്‌ഷോ റിപ്പോർട്ട്…

ഡാളസ് – ഡാളസ് അന്തർസംസ്ഥാന പാതയിൽ എതിരെ വരുന്ന ട്രാഫിക്കിലേക്ക് ഒരു വാഹനം കടന്നുകയറി മറ്റ് രണ്ട് വാഹനങ്ങളുമായി കൂട്ടിയിടിച്ചുണ്ടായ അപകടത്തിൽ നാല് പേർ മരിച്ചതായി പോലീസ് അറിയിച്ചു. ഉച്ചയ്ക്ക് ഒരു മണിയോടെയാണ് വാഹനാപകടം ഉണ്ടായത്. ശനിയാഴ്ച തെക്കുകിഴക്കൻ ഡാളസിലെ അന്തർസംസ്ഥാന 45-ൽ പോലീസ് വക്താവ് മൈക്കൽ ഡെന്നിസ് പ്രസ്താവനയിൽ പറഞ്ഞു. പ്രാഥമിക അന്വേഷണത്തിൽ, ഒരു വാഹനം ഐ-45-ൽ വടക്കോട്ട് പോകുകയായിരുന്നുവെന്നും , അത് രണ്ടാമത്തെ വാഹനത്തെ ഇടിച്ചപ്പോൾ മീഡിയൻ കടന്ന് തെക്കോട്ട് ട്രാഫിക്കിലേക്ക് കടന്നു, അവിടെ മറ്റു രണ്ട് വാഹനങ്ങൾ കൂടി ഇടിച്ചു. വടക്കോട്ടുള്ള വാഹനത്തിലുണ്ടായിരുന്ന മൂന്ന് പേർ സംഭവസ്ഥലത്തും തെക്കോട്ട് പോകുന്ന വാഹനങ്ങളിലൊന്നിലെ നാലാമൻ ആശുപത്രിയിലും മരിച്ചതായി ഡെന്നിസ് പറഞ്ഞു. മറ്റ് രണ്ട് പേരെ അജ്ഞാതാവസ്ഥയിൽ ആശുപത്രിയിൽ പ്രവേശിപ്പിച്ചതായി ഡെന്നിസ് പറഞ്ഞു. അപകടത്തിൻ്റെ കാരണം അന്വേഷണത്തിലാണ്, മരിച്ചവരുടെയും പരിക്കേറ്റവരുടെയും പേരുകൾ ഉടനടി പുറത്തുവിട്ടിട്ടില്ല.

വാഷിംഗ്ടണ്‍ ഡി സി: നോർത്തേൺ വിർജീനിയ സെന്റ് ജൂഡ് സീറോ മലബാർ ചർച്ചിന്റെ ആഭിമുഖ്യത്തിൽ വർണശബളമായ പരിപാടികളോടെ ഓണം ആഘോഷിച്ചു. സ്ത്രീപുരുഷന്മാരും കുട്ടികളും ഉൾപ്പടെ എല്ലാവരും പാരമ്പര്യ കേരളീയ വേഷമണിഞ്ഞാണ് ദേവാലയത്തിൽ എത്തിയത് . വി കുർബാനക്ക് ശേഷം നടന്ന വിഭവ സമൃദ്ധമായ ഓണ സദ്യയിൽ നാനൂറിൽ അധികം പേർ പങ്കെടുത്തു. സ്ത്രീകളുടെ മെഗാ തിരുവാതിരകളി, പുരുഷന്മാരുടെ ചെണ്ടമേളം, യുവാക്കളുടെയും കുട്ടികളുടെയും വിവിധ പരിപാടികൾ എന്നിവയെല്ലം ഓണാഘോഷത്തിന് കൊഴുപ്പേകി. ഇടവക വികാരി ഫാ നിക്കോളാസ് തലക്കോട്ടൂർ ഓണാഘോഷം ഉൽഘാടനം ചെയ്തു. ട്രസ്റ്റിമാരായ ജെയ്സൺ പോൾ, ജോബിൻ മാളിയേക്കൽ, മേരി ജെയിംസ്, സാറാ റൈഞ്ജ് എന്നിവർ പരിപാടികൾക്ക് നേതൃത്വം നൽകി.

ഡാളസ് : മിഷനറി പ്രവർത്തകരും  മധുരയിലെ മധിപുര ക്രിസ്ത്യൻ ഹോസ്പിറ്റലിലെ ഡോക്ടർമാരായ ഡോ. അർപിത് മാത്യുവും ഡോ. ആമി മാത്യുവും സെൻറ് പോൾസ് മാർത്തോമ്മാ ചർച്ചിൽ (1002, ബാർൺസ് ബ്രിഡ്ജ് RD, മെസ്‌ക്വിറ്റ്, TX, 75150)പ്രസംഗിക്കുന്നു ഡാളസ്  സെൻറ് പോൾസ് മാർത്തോമാ ചർച്ച യുവജന സഖ്യം സെപ്തംബർ 18 ബുധനാഴ്ച വൈകീട്ട് 7 മണിക്കാണ്  പള്ളിയിൽ പ്രത്യേക യോഗം സംഘടിപ്പിചിരിക്കുന്നത്   എല്ലാവരേയും  ഈ മീറ്റിംഗിലേക്കു ക്ഷണിക്കുന്നതായി സംഘാടകർ അറിയിച്ചു കൂടുതൽ വിവരങ്ങൾക്കു ബന്ധപ്പെടുക റവ ഷൈജു സി ജോയ് 469 439 7398 റവ ടെന്നി കോരുത്ത് 469 274 5446 എഡിസൺ കെ ജോൺ 469 878 9218

“എന്റെ ജീവനേ അവർക്ക് എടുക്കുവാൻ കഴിയു. ഞാൻ മുന്നോട്ടു വച്ച ആശയങ്ങൾ ഇവിടെ തന്നെയുണ്ടാകും , നിങ്ങൾ അതിന്റെ പ്രചാരകരാകുക” സോക്രട്ടറീസ്. നമ്മളിൽ നിന്ന് വേർപെട്ടു പോകുന്ന ചിലരുടെ ആശയങ്ങൾ നാം പ്രത്യേകം ശ്രദ്ധിക്കും, അത് രക്തസാഷിത്വമാണെങ്കിലും സ്വാഭാവിക മരണമാണെങ്കിലും. ആ ചിലരിൽ ഒരാളാണ് സഖാവ് സീതാറാം യച്ചൂരി. മികച്ച പാർലമെന്റെറിയനും വാഗ്മിയും വരേണ്യതയിൽ നിന്ന് ഇറങ്ങി വന്ന് അദ്ധ്വാനിക്കുന്നവർക്കും, പാർശ്വവൽക്കപ്പെട്ടവർക്കുമായി ജീവിതം സമർപ്പിക്കപ്പെട്ട ഒരു പോരാളിയും, ഒരു സൈദ്ധാന്തികനും , ഒരു നയ തന്ത്രജ്ഞനുമായിരുന്ന സീതാറാം യച്ചൂരി അകാലത്തിൽ നമ്മെ വിട്ടു പോയിരിക്കുന്നു. സമകാലിക ഇൻഡ്യയിൽ മതേതരത്വവും ജനാധിപത്യവും അപകടത്തിലാകുന്നതു മനസ്സിലാക്കി അതുയർത്തിപ്പിടിക്കാൻ നേതൃത്വം നൽകിയ സഖാവ് യച്ചൂരിയുടെ വേർപാടിൽ അദ്ദേഹത്തെ അനുസ്മരിക്കുന്നതിനും , നവകേരള സൃഷ്ടിക്ക് പ്രവാസികളുടെ പങ്ക് എന്ന വിഷയത്തിൽ ഒരു സെമിനാറും ചിക്കാഗോയിലുള്ള കേരള കൾച്ചറൽ സെൻററിന്റെ ആഭിമുഖ്യത്തിൽ 2024 സെപ്റ്റംബർ…

ന്യൂയോര്‍ക്ക്: മലയാളി അസ്സോസിയേഷന്‍ ഓഫ് റോക്ക്‌ലാന്‍ഡ് കൗണ്ടിയുടെ ഓണാഘോഷം ഓറഞ്ച് ബര്‍ഗിലുള്ള സിത്താര്‍ പാലസില്‍ അതിഗംഭീരമായി ആഘോഷിച്ചു. താലപ്പൊലിയുടേയും ചെണ്ടമേളത്തിന്റേയും അകമ്പടിയോടെ മാവേലി മന്നനേയും വിശിഷ്ടാതിഥികളേയും ഘോഷയാത്രയോടെ സ്‌റ്റേജിലേക്ക് ആനയിച്ചു. അസോസിയേഷന്‍ പ്രസിഡന്റ് ജിജോ ആന്റണി ഭദ്രദീപം തെളിയിച്ചതോടെ മാര്‍ക്കിന്റെ ഓണാഘോഷങ്ങള്‍ക്ക് തുടക്കമായി. റോക്ക്‌ലാന്റിലെ ഏറ്റവും മികച്ച കര്‍ഷകനുള്ള എവര്‍ റോളിംഗ് ട്രോഫിയും കാഷ് അവാര്‍ഡും ജോസ് അക്കക്കാട്ടിലിന് ലഭിച്ചു. വര്‍ക്കി പള്ളിത്താഴത്തിന് രണ്ടാം സ്ഥാനത്തിനും, മനോജ് അലക്‌സിന് മൂന്നും സ്ഥാനത്തിനുള്ള ക്യാഷ് അവാര്‍ഡും ലഭിച്ചു. തോമസ് അലക്‌സ് ആയിരുന്നു കര്‍ഷകശ്രീയുടെ അവാര്‍ഡ് കമ്മിറ്റി ചെയര്‍പേഴ്‌സണ്‍. ഷാജി പീറ്ററിന്റെ നാടന്‍ പാട്ടുകള്‍ ഓണാഘോഷത്തിന് മാറ്റുകൂട്ടി. നെഹാ ജോജിയുടെ ഗാനം കയ്യടി വാങ്ങി. ജറിന്‍ ജോസും, സ്‌നേഹ ഇടുക്കുളയും ചേര്‍ന്ന് ആലപിച്ച ഗാനങ്ങളും ജനപ്രീതി നേടി. അനബേല്‍ മണലില്‍, അബിഗേല്‍ മണലില്‍, അഞ്ചലീന ജറിന്‍ എന്നിവര്‍ അവതരിപ്പിച്ച ഡാന്‍സും,…

തിരൂർക്കാട് : മലർവാടി, ടീൻ ഇന്ത്യ തിരൂർക്കാട് ഏരിയ നേതൃസംഗമവും ഭാരവാഹി തെരഞ്ഞെടുപ്പും ഇലാഹിയ കോളേജിൽ നടന്നു. ജമാഅത്തെ ഇസ്ലാമി തിരൂർക്കാട് ഏരിയ പ്രസിഡൻ്റ് ഉമർ മാസ്റ്റർ പൂപ്പലം ഉദ്ഘാടനം നിർവ്വഹിച്ചു. ടീൻ ഇന്ത്യ ഏരിയാ കോർഡിനേറ്റർ കെ.വി നദീർ മാസ്റ്റർ അധ്യക്ഷത വഹിച്ചു. ‘ഐ ആം എ ലീഡർ’ വിഷയത്തിൽ മലർവാടി മലപ്പുറം ജില്ല സെക്രട്ടറി ടി ശഹീർ വടക്കാങ്ങര സംസാരിച്ചു. ജമാഅത്തെ ഇസ്ലാമി തിരൂർക്കാട് വൈസ് പ്രസിഡൻ്റ് അന്തമാൻ ഖാലിദ്, മലർവാടി ബാലസംഘം തിരൂർക്കാട് ഏരിയ കോർഡിനേറ്റർ കെ നിസാർ തുടങ്ങിയവർ സംസാരിച്ചു. ഹാഫിള് പി.എ ആബിദ് ഖിറാഅത്ത് നടത്തി. ടീൻ ഇന്ത്യ തിരൂർക്കാട് ഏരിയ ഭാരവാഹികൾ: നദ കെ.ടി (ക്യാപ്റ്റൻ), ഹസ്സാൻ മുഹമ്മദ് ടി (വൈസ് ക്യാപ്റ്റൻ), അജ്‌വദ് ഹനാൻ (സെക്രട്ടറി), അംറ യു.പി (ജോ. സെക്രട്ടറി). മലർവാടി ബാലസംഘം തിരൂർക്കാട് ഏരിയ…