തിരുവനന്തപുരം: തിരുവനന്തപുരം കോർപ്പറേഷനിലെ 44 വാർഡുകളിൽ ശുദ്ധജല വിതരണത്തിന് കൂടുതൽ ടാങ്കറുകൾ എത്തിക്കുമെന്ന് മന്ത്രി വി.ശിവൻകുട്ടി. കുടിവെള്ള പ്രശ്നം പരിഹരിക്കാൻ കോർപറേഷനും ജല അതോറിറ്റിയും ടാങ്കറുകള് തയാറാക്കിയിട്ടുണ്ട്. ക്യൂ നിൽക്കാതെ വെള്ളം കിട്ടാനുള്ള സംവിധാനം ഒരുക്കിയിട്ടുണ്ടെന്നും മന്ത്രി വ്യക്തമാക്കി. ഇന്ന് ഉച്ചയ്ക്ക് മുമ്പ് പ്രശ്നത്തിന് പരിഹാരമാകും. മന്ത്രി റോഷി അഗസ്റ്റിൻ ഇന്നലെ പ്രവൃത്തി സ്ഥലം സന്ദർശിച്ചു. പണി നീണ്ടുപോകുമെന്ന് ജല അതോറിറ്റി പ്രതീക്ഷിച്ചിരുന്നില്ല. ബദൽ സംവിധാനം ഒരുക്കിയിട്ടുണ്ടെന്നും മന്ത്രി കൂട്ടിച്ചേർത്തു. ഇന്നലത്തെ ചർച്ചയിൽ വെള്ളം ലഭ്യമാക്കുമെന്ന് വാട്ടർ അതോറിറ്റി ഉറപ്പ് നൽകിയതാണ്. രാത്രി പമ്പിങ് നേരിയ രീതിയില് പുനരാരംഭിക്കുകയും ചെയ്തിരുന്നു. പമ്പിങ് കൂടുതല് പ്രഷറിലേക്ക് വന്നപ്പോള് വീണ്ടും പൈപ്പ് പൊട്ടുന്ന സാഹചര്യമുണ്ടായി. ഇതോടെ പമ്പിങ് കുറച്ച് നേരം മാറ്റിവെക്കേണ്ടി വന്നു. തിരുവനന്തപുരം നഗരത്തിലെ 44 വാര്ഡുകളിലെ താഴ്ന്ന പ്രദേശങ്ങളില് വെള്ളം ലഭിക്കുന്നുണ്ട്. എന്നാല് ഉയര്ന്ന പ്രദേശങ്ങളില് വെള്ളം…
തലസ്ഥാനത്ത് ശുദ്ധജല വിതരണം ത്വരിതപ്പെടുത്തുമെന്ന് മന്ത്രി വി ശിവന്കുട്ടി
