ന്യൂഡല്ഹി: അടുത്തിടെ ബംഗ്ലാദേശ് പ്രധാനമന്ത്രി സ്ഥാനം ഒഴിയുകയും രാജ്യം വിട്ട് പലായനം ചെയ്യുകയും ചെയ്ത ഷെയ്ഖ് ഹസീന, ജനാധിപത്യം പുനഃസ്ഥാപിക്കപ്പെട്ടാലുടൻ മടങ്ങിവരുമെന്ന് അവരുടെ മകൻ സജീബ് വസേദ് ജോയ് പറഞ്ഞു. ബംഗ്ലാദേശിൽ നടന്നുകൊണ്ടിരിക്കുന്ന അശാന്തിക്ക് പാക്കിസ്താന് രഹസ്യാന്വേഷണ ഏജൻസിയായ ഐഎസ്ഐയാണ് തുടക്കമിട്ടതെന്ന് മാധ്യമങ്ങളുമായുള്ള സംഭാഷണത്തിൽ ജോയ് ആരോപിച്ചു. 76 കാരിയായ നേതാവ് മടങ്ങിയെത്തുമെന്ന് അദ്ദേഹം സ്ഥിരീകരിച്ചപ്പോൾ, അവർ രാഷ്ട്രീയ രംഗത്തേക്ക് വീണ്ടും പ്രവേശിക്കുമോ അല്ലെങ്കിൽ വിരമിക്കുമോ എന്നത് അനിശ്ചിതത്വത്തിലാണെന്നും പറഞ്ഞു. ഷെയ്ഖ് ഹസീന ഉൾപ്പെടുന്ന ഷെയ്ഖ് മുജീബുർ റഹ്മാൻ കുടുംബം ഒരിക്കലും ബംഗ്ലാദേശിലെ ജനങ്ങളെ കൈവിടുകയോ രാജ്യത്തെ ഏറ്റവും പഴക്കമേറിയതും പ്രമുഖവുമായ രാഷ്ട്രീയ പാർട്ടിയായ അവാമി ലീഗിനെ ഉപേക്ഷിക്കുകയോ ചെയ്യില്ലെന്ന് ജോയ് ഊന്നിപ്പറഞ്ഞു. തൻ്റെ അമ്മയെ സംരക്ഷിച്ചതിന് ഇന്ത്യൻ പ്രധാനമന്ത്രി നരേന്ദ്ര മോദിയോടും അദ്ദേഹത്തിൻ്റെ ഭരണകൂടത്തോടും അദ്ദേഹം അഗാധമായ നന്ദി രേഖപ്പെടുത്തി. ബംഗ്ലാദേശിൽ ജനാധിപത്യം പുനഃസ്ഥാപിക്കുന്നതിനും അന്താരാഷ്ട്ര…
ഷെയ്ഖ് ഹസീന ബംഗ്ലാദേശിലേക്ക് മടങ്ങുമോ?: പാക്കിസ്താനെതിരെ ആരോപണവുമായി ഹസീനയുടെ മകൻ സജീബ് വസേദ് ജോയ്
