Year: 2024

ഹൂസ്റ്റൺ :ജെയിംസ് പി ജോർജ്(76)ഹൂസ്റ്റണിൽ അന്തരിച്ചു.പരേതരായ കടമ്പണ്ട് പ്ലാവിളപുത്തൻ വീട്ടിൽ പി.ഐ ജോർജ് ,പെണ്ണമ്മ ജോർജ് ദമ്പതികളുടെ  മകനാണ് ജെയിംസ് ജോർജ്ജ്. 1972-ൽ, അമേരിക്കയിലേക്ക് കുടിയേറിയ ജെയിംസ് ടെക്‌സാസിലെ ഡാളസിൽ കുറച്ചുകാലം താമസിച്ച ശേഷം, 1975-ൽ  ഹൂസ്റ്റണിൽ സ്ഥിരതാമസമാക്കി.ഹൂസ്റ്റണിലെ ഐപിസി ചർച്ചിൻ്റെ സ്ഥാപക അംഗങ്ങളിൽ ഒരാളായിരുന്നു ജെയിംസ്, അവിടെ അദ്ദേഹം അതിൻ്റെ സ്ഥാപനത്തിലും വളർച്ചയിലും അവിഭാജ്യ പങ്ക് വഹിച്ചു. ദൈവത്തെയും സമൂഹത്തെയും സേവിക്കുന്നതിനുള്ള അഭിനിവേശം അദ്ദേഹത്തിൻ്റെ ജീവിതത്തിൻ്റെ എല്ലാ മേഖലകളിലും പ്രകടമായിരുന്നു. ഭാര്യ കൊട്ടാരക്കര പനവേലിൽ വീട്ടിൽ മേരിക്കുട്ടി മക്കൾ:                ജേസൺ ജോർജ്, ജെൻസി ആൻ്റണി മരുമക്കൾ:         ആൻഡ്രൂ ആൻ്റണി; മരുമകൾ ഗ്രേസ് ജോർജ്; പേരക്കുട്ടികൾ  ബെല്ല, മാഡിസൺ, കാലേബ്, ടെയ്‌ലർ സഹോദരങ്ങൾ :ലീലാമ്മ ജേക്കബ്- സാം ജേക്കബ് (കാലിഫോർണിയ) മറിയാമ്മസാം-സാം കുഞ്ഞു(ഡാളസ്)…

കാരന്തൂർ: സുന്നി യുവജന സംഘം സംസ്ഥാന സെക്രട്ടറി ഡോ. മുഹമ്മദ് അബ്ദുൽ ഹകീം അസ്ഹരിയുടെ നേതൃത്വത്തിൽ കേരളത്തിലുടനീളം നടക്കുന്ന മാനവസഞ്ചാരത്തിന് സുന്നി വൈജ്ഞാനിക കേന്ദ്രമായ മർകസിൽ സ്വീകരണം നൽകി. സഞ്ചാരത്തിന്റെ കോഴിക്കോട് ജില്ലാ പര്യടനത്തിന്റെ ഭാഗമായി കുന്ദമംഗലം സോണിൽ നടന്ന പ്രഭാത സവാരിക്ക് ശേഷം നടന്ന സ്വീകരണ സംഗമത്തിൽ സമസ്ത മുശാവറ അംഗങ്ങളും മർകസ് മുദരിസുമാരും ചേർന്ന് എസ് വൈ എസ് സംസ്ഥാന-ജില്ലാ ഭാരവാഹികളെയും പ്രവർത്തകരെയും സ്വീകരിച്ചു. സമസ്ത മുശാവറ അംഗം വി പി എം ഫൈസി വില്യാപ്പള്ളി സ്വീകരണ സംഗമം ഉദ്ഘാടനം ചെയ്തു. ഡോ. മുഹമ്മദ് അബ്ദുൽ ഹകീം അസ്ഹരി സന്ദേശ പ്രഭാഷണം നടത്തി. മർകസ് ഡയറക്ടർ സി പി ഉബൈദുല്ല സഖാഫി, ആർ പി ഹുസൈൻ, അബ്ദുൽ ജലീൽ സഖാഫി ചെറുശോല, അബ്ദുൽ അസീസ് സഖാഫി വെള്ളയൂർ, കുഞ്ഞിമുഹമ്മദ് സഖാഫി പറവൂർ, ബശീർ സഖാഫി…

ധാക്ക: സുരക്ഷാ ഉദ്യോഗസ്ഥർക്കെതിരായ അഴിമതി അന്വേഷണത്തിന്റെ ഭാഗമായി റാപ്പിഡ് ആക്‌ഷന്‍ ബറ്റാലിയൻ (RAB) ഉൾപ്പെടെയുള്ള ഇൻ്റലിജൻസ്, നിയമ-നിർവ്വഹണ ഏജൻസികളിൽ സേവനമനുഷ്ഠിച്ച 22 ഉദ്യോഗസ്ഥരുടെ പാസ്‌പോർട്ട് റദ്ദാക്കാൻ ബംഗ്ലാദേശ് ഇടക്കാല സർക്കാർ ഉത്തരവിട്ടു. ഷെയ്ഖ് ഹസീന പ്രസിഡൻറായിരിക്കെ രാഷ്ട്രീയ എതിരാളികൾ അപ്രത്യക്ഷരായതിന് നിലവിൽ അന്വേഷണം നടക്കുന്നതിനാൽ ഈ ഉദ്യോഗസ്ഥരുടെ പാസ്‌പോർട്ട് റദ്ദാക്കുന്നതായി ബംഗ്ലാദേശ് ആഭ്യന്തര മന്ത്രാലയം ഒരു അറിയിപ്പിൽ അറിയിച്ചു. എതിർകക്ഷികളെ തട്ടിക്കൊണ്ടുപോയതിൽ ഇവർക്ക് പങ്കുണ്ടെന്ന് പ്രാഥമിക തെളിവുകളുണ്ടെന്നും അവർ രാജ്യം വിടുന്നത് തടയാനാണ് നടപടിയെന്നും വിജ്ഞാപനത്തിൽ വ്യക്തമാക്കി. ലിസ്റ്റില്‍ ഉള്‍പ്പെട്ട ഒട്ടുമിക്ക ഉദ്യോഗസ്ഥരും ബംഗ്ലാദേശ് സൈന്യത്തിലും രഹസ്യാന്വേഷണ ഏജൻസിയായ ഡിജിഎഫ്ഐയിലും നാഷണൽ സെക്യൂരിറ്റി ഇൻ്റലിജൻസിലും (എൻഎസ്ഐ) പ്രമുഖ സ്ഥാനങ്ങളിലുള്ളവരായിരുന്നു. ഹസീനയുടെ കാലത്ത് നിഷേധാത്മകമായ പ്രചാരണം നേടിയ എൻഫോഴ്‌സ്‌മെൻ്റ് സംഘടനയായ റാപ്പിഡ് ആക്‌ഷന്‍ ബറ്റാലിയനിൽ ലിസ്റ്റിലെ ചിലർ ഉൾപ്പെട്ടിരുന്നു. ആഭ്യന്തര കാര്യ ഉപദേഷ്ടാവ് ജഹാംഗീർ ആലം ചൗധരിയാണ് ബംഗ്ലാദേശ്…

ഗാസയിലെ യുദ്ധത്തിലും 2023 ഒക്ടോബറിലെ ആക്രമണങ്ങളിലും യുദ്ധക്കുറ്റങ്ങളും മനുഷ്യരാശിക്കെതിരായ കുറ്റകൃത്യങ്ങളും ആരോപിച്ച് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിനും അദ്ദേഹത്തിൻ്റെ മുൻ പ്രതിരോധ മന്ത്രിക്കും ഹമാസ് ഉദ്യോഗസ്ഥർക്കും അന്താരാഷ്ട്ര ക്രിമിനൽ കോടതി വ്യാഴാഴ്ച അറസ്റ്റ് വാറണ്ട് പുറപ്പെടുവിച്ചു. തീരുമാനം നെതന്യാഹുവിനെയും മറ്റുള്ളവരെയും അന്താരാഷ്ട്ര തലത്തിൽ തിരയുന്ന പ്രതികളാക്കി മാറ്റുകയും അവരെ കൂടുതൽ ഒറ്റപ്പെടുത്തുകയും 13 മാസത്തെ സംഘർഷം അവസാനിപ്പിക്കുന്നതിനുള്ള വെടിനിർത്തൽ ചർച്ചകൾ സങ്കീർണ്ണമാക്കുകയും ചെയ്യും. എന്നാൽ, ഇസ്രായേലും അതിൻ്റെ പ്രധാന സഖ്യകക്ഷിയായ അമേരിക്കയും കോടതിയിൽ അംഗങ്ങളല്ലാത്തതിനാൽ അതിൻ്റെ പ്രായോഗിക പ്രത്യാഘാതങ്ങൾ പരിമിതപ്പെടുത്തിയേക്കാം. കൂടാതെ, നിരവധി ഹമാസ് ഉദ്യോഗസ്ഥർ പിന്നീട് സംഘർഷത്തിൽ കൊല്ലപ്പെടുകയും ചെയ്തു. വാറണ്ടുകൾക്കായുള്ള ഐസിസി ചീഫ് പ്രോസിക്യൂട്ടർ കരീം ഖാൻ്റെ അഭ്യർത്ഥന അപമാനകരവും യഹൂദ വിരുദ്ധവുമാണെന്ന് നെതന്യാഹുവും മറ്റ് ഇസ്രായേലി നേതാക്കളും അപലപിച്ചു. യുഎസ് പ്രസിഡൻ്റ് ജോ ബൈഡനും പ്രോസിക്യൂട്ടര്‍ക്കെതിരെ പൊട്ടിത്തെറിക്കുകയും ഹമാസിനെതിരെ സ്വയം പ്രതിരോധിക്കാനുള്ള ഇസ്രായേലിൻ്റെ…

കൊച്ചി: ശബരിമലയിൽ വിതരണം ചെയ്ത ഉണ്ണിയപ്പത്തില്‍ പൂപ്പല്‍ കണ്ടെത്തിയത് ഗൗരവമായ വിഷയമാണെന്ന് ഹൈക്കോടതി ദേവസ്വം ബഞ്ച് നിരീക്ഷിച്ചു. പൂപ്പൽ പിടിച്ച ഉണ്ണിയപ്പത്തിന്റെ ചിത്രം ഉൾപ്പെടെ അഭിഭാഷകൻ കോടതിയിൽ ഹാജരാക്കി. അഭിഭാഷകൻ ഹാജരാക്കിയ ചിത്രം പരിശോധിച്ചാണ് ഹൈക്കോടതി നിരീക്ഷണം. രാവിലെ കോടതി അമിക്കസ് ക്യൂറിയോടു വിശദീകരണം തേടിയിരുന്നു. വിഷയം തിങ്കളാഴ്ച പരി​ഗണിക്കുമെന്നു ഹൈക്കോടതി വ്യക്തമാക്കി. അതേസമയം, മഴയും ഈർപ്പവും കാരണമാകാം ഉണ്ണിയപ്പത്തിൽ പൂപ്പൽ ബാധിച്ചതെന്നു ദേവസ്വം ബോർഡ് വിശദീകരിച്ചു. പൂപ്പൽ ബാധിച്ച ഉണ്ണിയപ്പം വിതരണം ചെയ്യുന്നില്ലെന്നു ഉറപ്പാക്കി. വിഷയത്തിൽ രേഖാമൂലം മറുപടി നൽകുമെന്നും ദേവസ്വം ബോർഡ് ഹൈക്കോടതിയിൽ വ്യക്തമാക്കി. കഴിഞ്ഞ ദിവസം വിതരണം ചെയ്ത ഉണ്ണിയപ്പത്തിലാണ് പൂപ്പൽ കണ്ടെത്തിയത്. കൊച്ചി കടുങ്ങല്ലൂർ സ്വദേശികൾ വാങ്ങിയ ഉണ്ണിയപ്പമായിരുന്നു പഴകിയത്. പാക്കറ്റിന് 45 രൂപ നിരക്കിലാണ് ഉണ്ണിയപ്പം വിതരണം ചെയ്തത്. ഉണ്ണിയപ്പത്തോടൊപ്പം അരവണയും വാങ്ങിയിരുന്നു. വീട്ടിലെത്തി പ്രസാദം തുറന്നുനോക്കിയപ്പോഴാണ് ഉണ്ണിയപ്പം പൂപ്പല്‍…

മലപ്പുറം: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച സിനിമാ സീരിയൽ നടനും അദ്ധ്യാപകനുമായ വണ്ടൂർ സ്വദേശി മുക്കണ്ണ് അബ്ദുൽ നാസർ പോക്സോ കേസിൽ അറസ്റ്റിലായി. പത്താം ക്ലാസ് വിദ്യാര്‍ത്ഥിനി പീഡനവിവരം മതാപിതാക്കള്‍ വണ്ടൂര്‍ പോലീസില്‍ അറിയിച്ചതിനെത്തുടര്‍ന്നാണ് അറസ്റ്റ്. വൈദ്യപരിശോധന അടക്കമുള്ള നടപടികൾക്ക് ശേഷം ഇയാളെ വെള്ളിയാഴ്ച കോടതിയിൽ ഹാജരാക്കും. നിരവധി സിനിമകളിലും സീരിയലുകളിലും അഭിനയിച്ചിട്ടുള്ള വ്യക്തിയാണ് അബ്ദുല്‍ നാസര്‍. സൂപ്പർഹിറ്റ് ചിത്രങ്ങളിൽ ഉൾപ്പടെ ഇയാൾ വേഷമിട്ടിട്ടുണ്ട്. സുഡാനി ഫ്രം നൈജീരിയ, ഹലാല്‍ ലൗ സ്റ്റോറി, ആടുജീവിതം തുടങ്ങിയ പ്രമുഖ ചിത്രങ്ങളിലും നാസറുണ്ട്. അതേസമയം, മറ്റൊരു പോക്സോ കേസ് പ്രതിക്കൊപ്പം പോയ പത്തൊമ്പതുകാരിയെ മാതാപിതാക്കൾക്കൊപ്പം വിട്ട് ഹൈക്കോടതി ഉത്തരവ്. യുവാവിനെ വിവാഹം കഴിച്ചെന്നും അയാളൊടൊപ്പം ജീവിക്കാനാണ് താൽപര്യമെന്നുമായിരുന്നു പെൺകുട്ടിയുടെ ആദ്യ നിലപാട്. എന്നാൽ, യുവാവിന്റെ പേരിലുള്ള കേസുകളുടെ എണ്ണം അറിഞ്ഞതോടെയാണ് പെൺകുട്ടി നിലപാട് മാറ്റിയത്. കോഴിക്കോട് സ്വദേശിയായ ഇരുപത്തിയഞ്ചുകാരനെതിരെ പോക്സോ കേസ്…

പത്തനംതിട്ട: പത്തനം‌തിട്ടയില്‍ നഴ്സിംഗ് വിദ്യാര്‍ത്ഥിനി ആത്മഹത്യ ചെയ്തതുമായി ബന്ധപ്പെട്ട് സഹപാഠികളായ മൂന്നു പെണ്‍കുട്ടികളെ പോലീസ് അറസ്തു ചെയ്തു. തിരുവനന്തപുരം അയിരൂപ്പാറ സ്വദേശിനി അമ്മു എസ്. സജീവാണ് മാനസിക പീഢനം സഹിക്കവയ്യാതെ ആത്മഹത്യ ചെയ്തത്. അമ്മുവിന്റെ സഹപാഠികളായ അഞ്ജന മധു, അലീന ദിലീപ്, എ.ടി അക്ഷിത എന്നിവരാണ് പൊലീസ് പിടിയിലുള്ളത്. ഇവര്‍ മൂവരും അമ്മുവിനെ മാനസികമായി പീഡിപ്പിച്ചെന്ന് കുടുംബം പരാതിപ്പെട്ടതനുസരിച്ചാണ് അറസ്റ്റ്. ഇവർക്കെതിരെ ആത്മഹത്യാ പ്രേരണക്കുറ്റം ചുമത്തിയേക്കും. ഇക്കഴിഞ്ഞ വെള്ളിയാഴ്ചയാണ് ചുട്ടിപ്പാറ കോളേജിലെ അവസാന വർഷ നഴ്‌സിംഗ് വിദ്യാർത്ഥിനി അമ്മു സജീവ് താഴെവെട്ടിപ്രത്തെ ഹോസ്റ്റൽ കെട്ടിടത്തിന്റെ മൂന്നാം നിലയിൽ നിന്ന് വീണ് മരിക്കുന്നത്. വീഴ്ചയിൽ ​നട്ടെല്ലിനും വാരിയെല്ലിനും ​ഗുരുതരമായി പരിക്കേറ്റ പെൺകുട്ടിയെ ആശുപത്രിയിൽ എത്തിച്ചെങ്കിലും ചികിത്സയിലിരിക്കെ മരണം സംഭവിച്ചു. മരണത്തിൽ ദുരൂഹതയുണ്ടെന്ന് കുടുംബം ആരോപിച്ചിരുന്നു. മൂന്ന് സഹപാഠികളിൽ നിന്നും അമ്മുവിന് നിരന്തരം മാനസിക പീഡനം നേരിട്ടിരുന്നുവെന്നാണ് കുടുംബം ആരോപിച്ചിരുന്നത്.…