കൊച്ചി: രാജ്യത്തെ മുന്നിര സ്മാര്ട്ട്ഫോണ് ബ്രാന്ഡായ ഷവോമി ഇന്ത്യ, ബജറ്റ് സ്മാര്ട്ട്ഫോണ് വിഭാഗത്തിലെ പുതുമകള് പുനര്നിര്വചിച്ചുകൊണ്ട് റെഡ്മിയുടെ പുതിയ മോഡല് 14 സി 5ജിയുടെ ആഗോള അരങ്ങേറ്റം പ്രഖ്യാപിച്ചു. ജനുവരി 10 മുതല് എംഐ ഡോട്ട് കോം, ആമസോണ്, ഫ്ലിപ്കാര്ട്ട്, അംഗീകൃത ഷവോമി റീട്ടെയില് ഷോപ്പുകളില് എന്നിവയിലുടനീളം ലഭ്യമാകും. 4ജിബി+ 64ജിബി വേരിയന്റിന് 9,999 രൂപയും 4ജിബി + 128ജിബി വേരിയന്റിന് 10,999 രൂപയും 6ജിബി + 128ജിബി വേരിയന്റിന് 11,999 രൂപയുമാണ് വില. അത്യാധുനിക സവിശേഷതകള്, തടസ്സമില്ലാത്ത പ്രകടനം, അതിവേഗത്തിലുള്ള 5ജി കണക്റ്റിവിറ്റി എന്നിവ നല്കുന്നതിനായി രൂപകല്പ്പന ചെയ്ത മോഡല് ഇന്ത്യന് ഉപഭോക്താക്കളുടെ ആവശ്യങ്ങള്ക്കനുസൃതമായിട്ടുള്ളതാണ്. നേരത്തെ പുറത്തിറക്കിയ റെഡ്മി നോട്ട് 14 5ജി രണ്ടാഴ്ച്ചക്കുള്ളില് ഇന്ത്യന് വിപണിയില് ആയിരം കോടി വില്പ്പന നേട്ടം കൈവരിച്ചതായും കമ്പനി അധികൃതര് അറിയിച്ചു. കൊച്ചിയില് നടന്ന ചടങ്ങിലാണ് ഇക്കാര്യം അറിയിച്ചത്.…
ഷവോമി ഇന്ത്യ റെഡ്മിയുടെ പുതിയ മോഡല് 14സി 5ജി അവതരിപ്പിച്ചു; റെഡ്മി നോട്ട് 14 5ജി പതിപ്പിന് 1000 കോടി വില്പ്പന നേട്ടം
