എടത്വാ: ഓള പരപ്പിലെ പോരാട്ടത്തിനായി തലവടി ചുണ്ടൻ വള്ളം നീരണിയുന്നു. നെഹ്റു ട്രോഫി സിബിഎൽ മത്സരങ്ങളിൽ പങ്കെടുക്കുന്നതിന് തലവടി ചുണ്ടൻ ആഗസ്റ്റ് 3 ഞായറാഴ്ച രാവിലെ 9ന് നീരണിയും. യുബിസി കൈനകരിയുടെ കൈ കരുത്തിലാണ് തലവടി ഗ്രാമത്തിന്റെ ‘ആറാം തമ്പുരാൻ’ ജല മാമാങ്കത്തിനു ഇറങ്ങുന്നത്. രാഷ്ട്രീയ സാമൂഹിക രംഗങ്ങളിലെ പ്രമുഖർ പങ്കെടുക്കുമെന്ന് വള്ളം സമിതി പ്രസിഡന്റ് റിക്സൺ ഉമ്മൻ എടത്തിൽ, സെക്രട്ടറി കെ.ആർ ഗോപകുമാർ , ട്രഷറർ പ്രിൻസ് പാലത്തിങ്കൽ എന്നിവർ അറിയിച്ചു.ശില്പി കോയിൽമുക്ക് സാബു ആചാരിയുടെ നേതൃത്വത്തിൽ ആണ് നീരണിയൽ ചടങ്ങ് നടക്കുന്നത്. കുറുവിലങ്ങാട്ട് നിന്നും എത്തിച്ച 120ൽ അധികം വർഷം പഴക്കമുള്ള തടിയിൽ 2022 ഏപ്രിൽ 21ന് ആണ് ഉളികുത്ത് കർമ്മം നടന്നത്. ജലോത്സവ പ്രേമികളും ഓഹരി ഉടമകളുമായ പ്രദേശവാസികളുടെയും പ്രവാസികളുടെയും പങ്കാളിത്തത്തോടെയാണ് തലവടി ചുണ്ടൻ വള്ളം നിർമ്മിച്ചത്. ബ്രഹ്മശ്രീ പട്ടമന ആനന്ദൻ നമ്പൂതിരി,…
ഓള പരപ്പിലെ പോരാട്ടത്തിനായി തലവടി ചുണ്ടൻ വള്ളം നീരണിയുന്നു
