Day: September 26, 2025

തിരുവനന്തപുരം: മുഖ്യമന്ത്രി പിണറായി വിജയൻ വെറുമൊരു ഭൗതികവാദിയല്ല, വൈരുദ്ധ്യാത്മക ഭൗതികവാദിയാണെന്ന് മുതിർന്ന സിപിഎം നേതാവ് എ കെ ബാലൻ പറഞ്ഞു. പ്രസവ വാർഡിന് മുന്നിൽ പ്രസവം സ്ത്രീകൾക്ക് മാത്രമാണെന്ന് ആരും എഴുതി വെയ്ക്കാറില്ലെന്നും അദ്ദേഹം പറഞ്ഞു. ആഗോള അയ്യപ്പ സംഗമത്തിന് ശേഷം, പിണറായി വിജയൻ ഒരു അയ്യപ്പ ഭക്തനാണെന്ന് എസ്എൻഡിപി യോഗം ജനറൽ സെക്രട്ടറി പറഞ്ഞതിനു പിന്നാലെ നടന്ന ചര്‍ച്ചയുടെ പശ്ചാത്തലത്തിലാണ് എ കെ ബാലന്റെ പ്രതികരണം. “കേരള മുഖ്യമന്ത്രി പിണറായി വിജയൻ ഒരു അയ്യപ്പ ഭക്തനാണെന്നും, അദ്ദേഹം അത് തുറന്നു പറയണമെന്നും ഇപ്പോൾ പലരും പറയുന്നുണ്ട്. അതിപ്പോള്‍ നല്ല രീതിയിൽ ഒരു പ്രചാരണത്തിനായി ഉപയോഗിക്കുന്നു. രാഷ്ട്രീയത്തെക്കുറിച്ചോ ഞങ്ങള്‍ കൈകാര്യം ചെയ്യുന്ന മാർക്സിസത്തെക്കുറിച്ചോ അറിവുള്ള ആരും ഇങ്ങനെ ചോദിക്കില്ല. പിണറായി ഒരു കമ്മ്യൂണിസ്റ്റാണ്. അദ്ദേഹം വെറുമൊരു ഭൗതികവാദിയല്ല. അദ്ദേഹം ഒരു വൈരുദ്ധ്യാത്മക ഭൗതികവാദിയാണ്. വൈരുദ്ധ്യാത്മക ഭൗതികവാദം ഉയർത്തിപ്പിടിക്കുന്ന…

തിരുവനന്തപുരം: ‘ആധുനിക ഭക്ഷണ തെരുവുകൾ’ പദ്ധതിയുടെ ഭാഗമായി സംസ്ഥാനത്ത് തിരുവനന്തപുരത്തെ ശംഖുമുഖം, എറണാകുളത്തെ കസ്തൂർബ നഗർ, കോഴിക്കോട് ബീച്ച്, മലപ്പുറത്തെ കോട്ടക്കുന്ന് എന്നിവിടങ്ങളിൽ ഭക്ഷണ തെരുവുകൾ സജ്ജമായി. സെപ്റ്റംബർ 27 ന് (ശനി) വൈകുന്നേരം 6.30 ന് ആരോഗ്യ മന്ത്രി വീണ ജോർജ്ജ് എറണാകുളത്തെ ഭക്ഷണ തെരുവ് ഉദ്ഘാടനം ചെയ്യും. ജിസിഡിഎ ചെയർമാൻ കെ. ചന്ദ്രൻ പിള്ള അദ്ധ്യക്ഷത വഹിക്കുന്ന ചടങ്ങിൽ കൊച്ചി മേയർ എം. അനിൽ കുമാർ മുഖ്യ പ്രഭാഷണം നടത്തും. വൃത്തിയുള്ള, മനോഹരമായ അന്തരീക്ഷത്തിൽ നല്ല ഭക്ഷണം ഒരുക്കുന്നതിന്റെ ഭാഗമായാണ് ആധുനിക ഫുഡ് സ്ട്രീറ്റുകൾ യാഥാർത്ഥ്യമാക്കിയതെന്ന് മന്ത്രി വീണാ ജോർജ് പറഞ്ഞു. ഒരു കോടി വീതം രൂപ ചെലവഴിച്ച് ഭക്ഷ്യ സുരക്ഷാ മാനദണ്ഡങ്ങൾ പാലിച്ചാണ് ആധുനിക ഫുഡ് സ്ട്രീറ്റുകൾ നിർമ്മിച്ചിട്ടുള്ളത്. എറണാകുളത്തെ ഫുഡ് സ്ട്രീറ്റിന് വകുപ്പിന്റെ ഒരു കോടി രൂപയ്ക്ക് പുറമെ അധികമായി ജി.സി.ഡി.എ.യുടെ വിഹിതമായി…

കാരന്തൂർ:മർകസ് റൈഹാൻ വാലി ലൈഫ് ഫെസ്റ്റിവൽ യൂഫോറിയയുടെ ഭാഗമായി കുന്ദമംഗലം കൃഷിഭവനുമായി സഹകരിച്ച് വിദ്യാർഥികൾക്കായി ഏകദിന കൃഷി പരിശീലന ശിൽപശാല ‘കളിമണ്ണ്’ സംഘടിപ്പിച്ചു. കുന്ദമംഗലം കൃഷിഭവൻ അസിസ്റ്റന്റ് കൃഷി ഓഫീസർ രൂപേഷ് ശിൽപശാല ഉദ്ഘാടനം ചെയ്തു. ഫെസ്റ്റിവലിന്റെ ഭാഗമായി വിദ്യാർഥികൾ നിർമിച്ച പച്ചക്കറി തോട്ടം അദ്ദേഹം സന്ദർശിക്കുകയും വിലയിരുത്തി നിർദേശങ്ങൾ നൽകുകയും ചെയ്തു. ശിൽപശാലയുടെ ഭാഗമായി ബഡ്ഡിങ്, ഗ്രാഫ്റ്റിങ്, ലെയറിങ് എന്നിവയിൽ വിദ്യാർഥികൾക്ക് നൽകുന്ന ഒന്നാംഘട്ട പരിശീലനത്തിന് കുട്ടി കർഷക അവാർഡ് ജേതാവ് ഡോൺ ജുബിൻ നേതൃത്വം നൽകി. പ്രിൻസിപ്പൽ മുഹമ്മദ് സഈദ് ശാമിൽ ഇർഫാനി അധ്യക്ഷത വഹിച്ചു. ആശിഖ് സഖാഫി മാമ്പുഴ, ഖലീൽ സഖാഫി കൊണ്ടോട്ടി, മാജിദ് സഖാഫി തുടങ്ങിയവർ പങ്കെടുത്തു.

ഐ എൻ എല്ലി നെതിരെ പ്രതിപക്ഷ നേതാവ് നടത്തിയ തീവ്രവാദ ആരോപണങ്ങൾക്കെതിരെ നാഷണൽ യൂത്ത് ലീഗ് നേതാവ് രംഗത്ത്. പാലക്കാട്: മുസ്ലിം ലീഗിന് തീവ്രത പോരാത്തതിന് ലീഗ് വിട്ടവർ ആണ് ഐ എൻ എൽ എന്നും അവരെ കക്ഷത്ത് വെച്ചാണ് ഗോവിന്ദൻ മാഷ് കോണ്ഗ്രസ് നെ മതേതരത്വം പഠിപ്പിക്കാൻ വരുന്നതെന്നും പ്രതിപക്ഷ നേതാവ് വി.ഡി സതീശൻ ഇന്ന് മാധ്യമങ്ങൾക്ക് മുന്നിൽ പറഞ്ഞിരുന്നു. എന്നാൽ, തീവ്രവാദ ചാപ്പ ഇങ്ങോട്ട് വേണ്ടന്നും, വി.ഡി സതീശൻ സംഘപരിവാർ ആചാര്യൻമാർക്ക് പൂമാല ചാർത്തിയ നേതാവാണെന്നു, മുസ്ലിം ലീഗിന്റെ ഉപദേശത്തോടെ ജമാഅത്തെ ഇസ്‌ലാമിയെ യുഡിഎഫ് ൽ അവരോധിക്കുന്നതിന് വേണ്ടി സേട്ട് സാഹിബിന്റെ പാർട്ടിയെയും ഇടതുപക്ഷത്തെയും ആക്രമിച്ചാൽ തിരിച്ചടി നേരിടേണ്ടി വരുമെന്ന് നാഷണൽ യൂത്ത് ലീഗ് സംസ്ഥാന ട്രഷറർ കെ.വി.അമീർ തന്റെ ഫേസ്ബുക്ക്ൽ കുറിച്ചു. വിഷയത്തിൽ ഐ എൻ എൽ സംസ്ഥാന പ്രസിഡന്റ് അഹമ്മദ് ദേവർകോവിലും…

സംസ്ഥാനത്തെ സിനിമാ തിയേറ്ററുകളിൽ ഭക്ഷണത്തിന് തോന്നിയപടി വില ഈടാക്കുകയും, പുറത്തുനിന്നുള്ള ഭക്ഷണം അനുവദിക്കാതിരിക്കുകയും ചെയ്യുന്ന മാനേജ്‍മെന്റുകളുടെ നടപടി, കർശനമായി നിയന്ത്രിക്കണമെന്ന് കേരളാ കോൺഗ്രസ്‌ (എം) സംസ്ഥാന ജനറൽ സെക്രട്ടറി കെ. ആനന്ദകുമാർ ആവശ്യപ്പെട്ടു. ഭാരിച്ച ടിക്കറ്റ് നിരക്ക് ഈടാക്കുന്ന സംസ്ഥാനത്തെ തിയേറ്ററുകളിൽ ഭക്ഷണത്തിന് സാധാരണ വിലയേക്കാൾ മൂന്നും നാലും ഇരട്ടിയാണ് ഈടാക്കുന്നത്. ഇക്കാര്യത്തിൽ യാതൊരു നിയന്ത്രണവും ഇല്ലാത്ത സ്ഥിതിയാണ് സംസ്ഥാനത്ത് ഉള്ളത്. അതുപോലെ തിയേറ്ററുകൾക്ക്, വിവിധ മാനദണ്ഡങ്ങളുടെ അടിസ്ഥാനത്തിൽ ഗ്രേഡ് നിശ്ചയിക്കുകയും, അതനുസ്സരിച്ച് ഭാരിച്ച ടിക്കറ്റ് വില കുറയ്ക്കുകയും ഏകീകരിക്കുകയും വേണം. ഇക്കാര്യത്തിൽ തദ്ദേശ ഭരണ വകുപ്പ് കുറ്റകരമായ അനാസ്ഥയാണ് കാട്ടുന്നത്. തിയേറ്ററുകൾ വാഹനങ്ങൾക്ക് പാർക്കിംഗ് ചാർജ് ഈടാക്കുന്നതും നിയമവിരുദ്ധമാണ്. പ്രേക്ഷകർക്ക് സൗജന്യമായി വാഹന പാർക്കിംഗ് സൗകര്യം ഒരുക്കാൻ തിയേറ്ററുകൾ ബാധ്യസ്ഥരാണ്. പാർക്കിംഗിന് ഫീസ് ഈടാക്കുന്ന തിയേറ്ററുകൾക്കെതിരെ കെട്ടിട നിർമ്മാണ ചട്ടം അനുസരിച്ച് കേസ്സെടുക്കുകയും ലൈസൻസ് ക്യാൻസൽ…