Year: 2025

അൽവാരാഡോ( ടെക്സാസ്): അൽവാരാഡോ ഹൈസ്കൂളിലെ ബയോളജി, കെമിസ്ട്രി അധ്യാപിക ചെൽസി സ്പില്ലേഴ്സ് (33)യെ കൊലപ്പെടുത്തിയ കേസിൽ ഭർത്താവ് ബ്രാൻഡൻ ആഷ്ലിയെ പോലീസ് അറസ്റ്റ് ചെയ്തു. ഒക്ടോബർ 18-ന് സ്പില്ലേഴ്സ് അവരുടെ വീട്ടിൽ മരിച്ച നിലയിൽ കണ്ടെത്തിയതിനെത്തുടർന്ന്, അന്വേഷണത്തിൽ ഭർത്താവിന്റെ  മർദ്ദനമൂലാമാണ്‌ ഇവർ  കൊല്ലപ്പെട്ടതെന്ന് കണ്ടെത്തി. ആഷ്ലിയെ ഒക്ടോബർ 20-ന് ഗ്രൈംസ് കൗണ്ടിയിലെ ബെഡിയാസിൽ പോലീസ് പിടികൂടി. ഇയാളുടെ കയ്യിൽ ഒരു തോക്കും കണ്ടെത്തിയിട്ടുണ്ട്. ചെൽസി സ്പില്ലേഴ്സ് പ്രിയപ്പെട്ട അധ്യാപികയായിരുന്നു. വിദ്യാർത്ഥികൾക്കും അധ്യാപകർക്കും കൗൺസലിംഗ് സൗകര്യം സ്കൂൾ അധികൃതർ ഏർപ്പെടുത്തിയിട്ടുണ്ട്. പോലീസ് അന്വേഷണത്തിൽ തുടരുകയാണെന്നും, ആഷ്ലിയെ ജോൺസൺ കൗണ്ടിയിലേക്ക് മാറ്റുമെന്ന് അധികൃതർ അറിയിച്ചു.

ഡാളസ് : ഡാളസ് കേരള അസോസിയേഷൻ സംഘടിപ്പിക്കുന്ന 2025 കെരളപ്പിറവി ആഘോഷം നവംബർ 1ന് വൈകിട്ട് 6 മണിക്ക് സെന്റ് തോമസ് സീറോ മലബാർ ജൂബിലി ഹാളിൽ വച്ച് നടത്തുമെന്ന് കേരള അസോസിയേഷൻ ഭാരവാഹികൾ  അറിയിച്ചു ഈ വർഷത്തെ കെരളപ്പിറവി ആഘോഷം വ്യത്യസ്തതയും പുതുമയും നിറഞ്ഞതായിരിക്കുമെന്നും കേരളത്തിന്റെ പാരമ്പര്യവും കലാസൗന്ദര്യവും നിറഞ്ഞ ഒരു വലിയ സാംസ്കാരിക വിരുന്നായിരിക്കുമെന്നും   ആർട്സ് ഡയറക്ടർ സുബി ഫിലിപ്പ് പറഞ്ഞു ഡാലസ്–ഫോർത്ത്‌വോർത്ത് (DFW) മെട്രോപ്ലെക്സിലെ നിരവധി കലാപ്രതിഭകൾക്ക് വേദിയിൽ തങ്ങളുടെ കഴിവുകൾ പ്രകടിപ്പിക്കാൻ അവസരം ഒരുക്കിയിട്ടുണ്ടെന്നും പല പുതിയ പ്രതിഭകളും  ആദ്യമായി വേദിയിൽ എത്തുന്ന ഈ പരിപാടി കൂടുതൽ ആവേശകരമായിരിക്കും സുബി കൂട്ടിച്ചേർത്തു കേരളത്തിന്റെ സമ്പന്നമായ കലാരൂപങ്ങൾ,ഭരതനാട്യം, മോഹിനിയാട്ടം, നാട്ടൻ നൃത്തം, ഒപ്പന, മാർഗംകളി തുടങ്ങിയവ വേദിയെ മനോഹരമാക്കും.താലന്തുള്ള ഗായകർ അവതരിപ്പിക്കുന്ന ഗ്രൂപ്പ് ഗാനങ്ങൾ, മാപ്പിളപ്പാട്ട്, മറ്റു നിരവധി സംഗീത നിമിഷങ്ങളും…

ഡാലസ്: നോർത്ത് അമേരിക്കയിലെ സാഹിത്യപ്രേമികൾ കാത്തിരിക്കുന്ന ലാന (ലിറ്റററി അസോസിയേഷൻ ഓഫ് നോർത്ത് അമേരിക്ക) യുടെ 14-ാമത് ദ്വൈവാർഷിക കൺവെൻഷനോടനുബന്ധിച്ച് കേരളപ്പിറവി ആഘോഷിക്കുന്നു. ഡാലസിലെ കേരള ലിറ്റററി സൊസൈറ്റിയുടെ ആതിഥേയത്വത്തിൽ ഒക്ടോബർ 31 മുതൽ നവംബർ 2 വരെ ഇർവിങ്ങിലെ ആട്രിയം ഹോട്ടൽ ഓഡിറ്റോറിയത്തിലാണ് (എംഎസ്ടി – തെക്കേമുറി നഗർ) കൺവെൻഷൻ നടക്കുന്നത്. ഇതിന്റെ ഭാഗമായി നവംബർ 1 ശനിയാഴ്ച വൈകുന്നേരം 6:00 മണി മുതൽ കേരളപ്പിറവി ദിനം സമുചിതമായി ആഘോഷിക്കും. പ്രശസ്ത പ്രഭാഷകനും നിരൂപകനുമായ എഴുത്തുകാരനുമായ സുനിൽ പി. ഇളയിടമാണ് കൺവെൻഷനിലെ മുഖ്യാതിഥി. അതോടൊപ്പം പ്രശസ്ത ഡോക്ടറും സാമൂഹികപ്രവർത്തകനും വാഗ്മിയുമായ ഡോ. എം. വി. പിള്ള (ഡാലസ്), നിരൂപകനും പ്രഭാഷകനുമായ സജി എബ്രഹാം (പൂനെ) എന്നിവരും പ്രധാന അതിഥികളായി പങ്കെടുക്കും. സാംസ്കാരിക സമ്മേളനം, വിഭവസമൃദ്ധമായ അത്താഴവിരുന്ന്, വൈവിധ്യമാർന്ന കലാപരിപാടികൾ എന്നിവ ഒരുക്കിയിട്ടുണ്ട്. നോർത്ത് അമേരിക്കയിലെ എല്ലാ…

ബ്രൺസ്‌വിക്(മെയിൻ):മുൻ മെയിൻ സെന്റർ ഫോർ ഡിസീസ് കൺട്രോൾ ആൻഡ് പ്രിവെൻഷൻ (CDC) ഡയറക്ടറും യു.എസ്. CDC-യിലെ മുൻ പ്രിൻസിപ്പൽ ഡിപ്യൂട്ടി ഡയറക്ടറും ആയ ഡെമോക്രാറ്റ് നിരവ് ഷാ, ഒക്ടോബർ 20-ന് മെയിൻ ഗവർണർ സ്ഥാനാർത്ഥിയായി സ്ഥാനാർഥിത്വം പ്രഖ്യാപിച്ചു. 1977 ൽ വിസ്കോൺസിനിൽ  ഇന്ത്യൻ മുസ്ലിം കുടിയേറ്റക്കാരുടെ കുടുംബത്തിൽ ജനിച്ച ഷാ വിസ്കോൺസിനിൽ വളർന്നു.ലൂയിസ്‌വില്ലെ സർവകലാശാലയിൽ നിന്നും  മനഃശാസ്ത്രത്തിലും ജീവശാസ്ത്രത്തിലും ബിരുദം നേടി, 1999 ൽ സയൻസ് ബിരുദം നേടി കോളേജ് പഠനത്തിനുശേഷം, ഷാ ഓക്സ്ഫോർഡിൽ സാമ്പത്തിക ശാസ്ത്രവും തുടർന്ന്  2000 ൽ ചിക്കാഗോ സർവകലാശാലയിൽ മെഡിക്കൽ സ്കൂളിൽ ജെ.ഡി. ബിരുദവും 2008 ൽ ഡോക്ടർ ഓഫ് മെഡിസിനും ഷാ പൂർത്തിയാക്കി, രണ്ടും ചിക്കാഗോ സർവകലാശാലയിൽ നിന്ന്, കൂടാതെ ന്യൂ അമേരിക്കക്കാർക്കുള്ള പോൾ & ഡെയ്‌സി സോറോസ് ഫെലോഷിപ്പുകൾ നേടി. കോവിഡിന്റെ പാന്ഡെമിക് സമയത്ത് മെയിൻ CDC ഡയറക്ടറായി…

“കിട്ടിയ കടലാസ് ഉറപ്പ് തന്നെയല്ലേ  രാമന്‍ കുട്ടീ” എന്ന് മുഖ്യമന്ത്രി ചോദിച്ചപ്പോള്‍ രാമൻകുട്ടിക്ക് പൂർണ്ണ ആത്മവിശ്വാസം. സിറ്റിസൺ കണക്റ്റ് സെന്ററിൽ ‘മുഖ്യമന്ത്രി എന്നോടൊപ്പം’ എന്ന പരിപാടിയില്‍ നൽകിയ പരാതിയുടെ പരിഹാരം അറിയിക്കാൻ മുഖ്യമന്ത്രി പാലക്കാട് പ്ലാച്ചിക്കാട്ടിൽ പി. രാമൻകുട്ടിയെ നേരിട്ട് ഫോണിൽ വിളിച്ചാണ് “കിട്ടിയ കടലാസ് ഉറപ്പ് തന്നെയാണല്ലോ” എന്ന് ചോദിച്ചത്. രാമൻകുട്ടി സിറ്റിസൺ കണക്റ്റ് സെന്ററിൽ വിളിച്ച് ചെത്തു തൊഴിലാളികളുടെ പെൻഷൻ കുടിശ്ശിക ലഭിക്കാൻ പരാതി നൽകിയിരുന്നു. നവംബർ ആദ്യ ആഴ്ചയിൽ തന്നെ കുടിശ്ശിക വിതരണം ചെയ്യുമെന്ന് ചെത്തു തൊഴിലാളി ക്ഷേമനിധി ബോർഡ് അറിയിച്ച കത്തിനെക്കുറിച്ചാണ് മുഖ്യമന്ത്രി ചോദിച്ചത്. കത്ത് കിട്ടിയോ എന്നും മുഖ്യമന്ത്രി രാമൻകുട്ടിയോട് ചോദിച്ചു. കത്ത് ലഭിച്ചതായി രാമൻകുട്ടി പറഞ്ഞു. തുടർന്ന്, തുക ലഭിക്കുന്നതിനെക്കുറിച്ച് ആശങ്ക പ്രകടിപ്പിച്ചപ്പോഴാണ് “കിട്ടിയ കടലാസ് ഉറപ്പ് തന്നെയാണല്ലോ രാമൻകുട്ടീ” എന്ന് മുഖ്യമന്ത്രി പറഞ്ഞത്. മുഖ്യമന്ത്രി എന്നോടൊപ്പം സിറ്റിസൺ…

നാല് പതിറ്റാണ്ടുകളായി അഫ്ഗാനിസ്ഥാന്റെ ആഭ്യന്തര കാര്യങ്ങളിൽ തന്റെ രാജ്യം ഇടപെട്ടിട്ടുണ്ടെന്ന് പാക്കിസ്താൻ പ്രതിരോധ മന്ത്രി ഖ്വാജ മുഹമ്മദ് ആസിഫ് ആദ്യമായി പരസ്യമായി സമ്മതിച്ചു. നയതന്ത്ര വൃത്തങ്ങളിൽ വലിയൊരു മാറ്റത്തിന്റെ സൂചനയായിട്ടാണ് അദ്ദേഹത്തിന്റെ പ്രസ്താവന കാണപ്പെടുന്നത്. കഴിഞ്ഞ 40 വർഷമായി അഫ്ഗാനിസ്ഥാന്റെ കാര്യങ്ങളിൽ ഞങ്ങൾ ഇടപെട്ടിരുന്നെങ്കിലും, ആ നയം ഇപ്പോൾ നിർത്തലാക്കപ്പെട്ടുവെന്ന് ഖ്വാജ ആസിഫ് വ്യക്തമായി പ്രസ്താവിച്ചു. ആരുമായും ഞങ്ങൾക്ക് ഇനി വ്യക്തിപരമായ ശത്രുതയില്ല. ഒരു “കരാറിൽ” പോരാടുന്ന മനോഭാവത്തിനപ്പുറം പാക്കിസ്താന്‍ ഇപ്പോൾ മാറിയിരിക്കുന്നുവെന്ന് അദ്ദേഹം കൂട്ടിച്ചേർത്തു. ആഭ്യന്തര സ്ഥിരതയിലേക്കും പ്രാദേശിക സന്തുലിതാവസ്ഥയിലേക്കും പാക്കിസ്താൻ ഇപ്പോൾ വിദേശനയം മാറ്റാൻ ആഗ്രഹിക്കുന്നുവെന്ന് അദ്ദേഹത്തിന്റെ പ്രസ്താവന സൂചിപ്പിക്കുന്നു. അഫ്ഗാനിസ്ഥാനിലെ രാഷ്ട്രീയ ഇടപെടൽ, തീവ്രവാദ സംഘടനകൾക്ക് അഭയം നൽകൽ, അതിർത്തി കടന്നുള്ള അക്രമം പ്രോത്സാഹിപ്പിക്കൽ തുടങ്ങിയ കുറ്റങ്ങൾ പാക്കിസ്താൻ പണ്ടേ ആരോപിച്ചിരുന്നു. പ്രത്യേകിച്ചും, അഫ്ഗാൻ താലിബാനുമായും ഹഖാനി ശൃംഖലയുമായും പാക്കിസ്താനുള്ള ബന്ധത്തെ അമേരിക്ക…

തിരുവനന്തപുരം: കേരളത്തിലെ കൊറഗർ, മലവേട്ടുവർ സമുദായങ്ങളുടെ സാമൂഹിക-സാമ്പത്തിക, തൊഴിൽ സാഹചര്യങ്ങളെക്കുറിച്ച് നടത്തിയ ഗവേഷണ പഠനത്തിന്റെ റിപ്പോർട്ട് കേരള ഇൻസ്റ്റിറ്റ്യൂട്ട് ഓഫ് ലേബർ ആൻഡ് എംപ്ലോയ്‌മെന്റ് (കെഐഎൽഇ) തൊഴിൽ, പൊതുവിദ്യാഭ്യാസ മന്ത്രി വി. ശിവൻകുട്ടി, പട്ടികജാതി, പട്ടികവർഗ, പിന്നോക്ക വിഭാഗ ക്ഷേമ മന്ത്രി ഒ.ആർ. കേളുവിന് നല്‍കി പ്രകാശനം ചെയ്തു. 8 മാസത്തെ പഠനത്തിലൂടെ സമാഹരിച്ച വിവരങ്ങളുടെ അടിസ്ഥാനത്തിൽ കാസർഗോഡ് ജില്ലയിൽ താമസിക്കുന്ന കൊറഗ-മലവേട്ടുവ സമൂഹങ്ങളുടെ ക്ഷേമത്തിനായുള്ള സമഗ്രമായ ശുപാർശകൾ ഈ റിപ്പോർട്ടിൽ അടങ്ങിയിരിക്കുന്നു. കേരള ഇൻസ്റ്റിറ്റ്യൂട്ട് ഓഫ് ലേബർ ആൻഡ് എംപ്ലോയ്‌മെന്റ് (കെഐഎൽഇ) എക്‌സിക്യൂട്ടീവ് ഡയറക്ടർ സുനിൽ തോമസ്, റിസർച്ച് കോഓർഡിനേറ്റർ ഡോ. റഫീക്ക ബീവി, റിസർച്ച് അസോസിയേറ്റ് ആരിജ ജെ.എസ്., മലവേട്ടുവൻ പ്രതിനിധി കെ. കുഞ്ഞിക്കണ്ണൻ, കൊറഗർ പ്രതിനിധി ഗോപാല എന്നിവർ പരിപാടിയിൽ പങ്കെടുത്തു. പിആര്‍ഡി, കേരള സര്‍ക്കാര്‍