നാസ നിസാർ ഉപഗ്രഹം ഐഎസ്ആർഒയ്ക്ക് കൈമാറി

ബംഗളൂരു : നാഷണൽ എയറോനോട്ടിക്‌സ് ആൻഡ് സ്‌പേസ് അഡ്മിനിസ്‌ട്രേഷനും (നാസ) ഇന്ത്യൻ സ്‌പേസ് റിസർച്ച് ഓർഗനൈസേഷനും (ഐഎസ്ആർഒ) സംയുക്തമായി വികസിപ്പിച്ച ഭൗമ നിരീക്ഷണ ഉപഗ്രഹമായ നിസാർ (NISAR) മാർച്ച് എട്ടിന് യുണൈറ്റഡ് സ്റ്റേറ്റ് എയർഫോഴ്‌സ് ഇന്ത്യൻ ബഹിരാകാശ ഏജൻസിക്ക് കൈമാറി.

നാസ-ഐഎസ്ആർഒ സിന്തറ്റിക് അപ്പേർച്ചർ റഡാർ (NISAR) വഹിച്ചുകൊണ്ടുള്ള യുഎസ് എയർഫോഴ്‌സിന്റെ സി-17 വിമാനം ബെംഗളൂരുവിൽ ഇറങ്ങിയതായി ചെന്നൈയിലെ യുഎസ് കോൺസുലേറ്റ് അറിയിച്ചു. അമേരിക്കൻ ബഹിരാകാശ ഏജൻസിയായ നാസയും ഐഎസ്ആർഒയും തമ്മിലുള്ള സഹകരണത്തിന്റെ ഫലമാണ് ഉപഗ്രഹം. “ബെംഗളൂരുവിൽ ടച്ച്ഡൗൺ! യുഎസ്-ഇന്ത്യ സിവിൽ ബഹിരാകാശ സഹകരണത്തിന്റെ യഥാർത്ഥ പ്രതീകമായ ഭൗമ നിരീക്ഷണ ഉപഗ്രഹത്തിന്റെ അന്തിമ സംയോജനത്തിന് കളമൊരുക്കി, കാലിഫോർണിയയിലെ നാസ ജെപിഎല്ലിൽ നിന്ന് യുഎസ് എയർഫോഴ്‌സ് സി-17-ൽ ഐഎസ്ആർഒയ്ക്ക് നിസാർ (നാസ-ഐഎസ്ആർഒ സിന്തറ്റിക് അപ്പെർച്ചർ റഡാർ) ലഭിച്ചു,” ചെന്നൈയിലെ യുഎസ് കോൺസുലേറ്റ് ജനറൽ ട്വീറ്റ് ചെയ്തു. കാർഷിക ഭൂപടം, മണ്ണിടിച്ചിൽ സാധ്യതയുള്ള പ്രദേശങ്ങൾ എന്നിവയുൾപ്പെടെ വിവിധ ആവശ്യങ്ങൾക്കായി നിസാർ ഐഎസ്ആർഒ ഉപയോഗിക്കും.

ഭൗമ നിരീക്ഷണ ഉപഗ്രഹത്തിൽ ഡ്യുവൽ ഫ്രീക്വൻസി സിന്തറ്റിക് അപ്പേർച്ചർ റഡാർ വികസിപ്പിക്കുന്നതിനും വിക്ഷേപിക്കുന്നതിനുമായി നാസയും ഐഎസ്ആർഒയും ചേർന്നുള്ള സംയുക്ത പദ്ധതിയാണ് നാസ-ഐഎസ്ആർഒ സിന്തറ്റിക് അപ്പേർച്ചർ റഡാർ ദൗത്യം.

ഇരട്ട ആവൃത്തികൾ ഉപയോഗിക്കുന്ന ആദ്യത്തെ റഡാർ ഇമേജിംഗ് ഉപഗ്രഹമായിരിക്കും ഇത്.

“നമ്മുടെ ഗ്രഹത്തിന്റെ ഉപരിതലത്തിൽ ഒരു സെന്റീമീറ്ററിൽ താഴെയുള്ള വ്യത്യാസങ്ങൾ അളക്കാൻ രണ്ട് വ്യത്യസ്ത റഡാർ ഫ്രീക്വൻസികൾ (എൽ-ബാൻഡ്, എസ്-ബാൻഡ്) ഉപയോഗിച്ച് ഭൂമിയെ വ്യവസ്ഥാപിതമായി മാപ്പ് ചെയ്യുന്ന ബഹിരാകാശത്തെ ഇത്തരത്തിലുള്ള ആദ്യത്തെ റഡാറായിരിക്കും NISAR. സിന്തറ്റിക് അപ്പേർച്ചർ റഡാർ (SAR) എന്നത് ഒരു റെസല്യൂഷൻ-ലിമിറ്റഡ് റഡാർ സിസ്റ്റത്തിൽ നിന്ന് മികച്ച റെസല്യൂഷൻ ഇമേജുകൾ നിർമ്മിക്കുന്നതിനുള്ള ഒരു സാങ്കേതികതയെ സൂചിപ്പിക്കുന്നു,” NISAR ന്റെ ഔദ്യോഗിക വെബ്സൈറ്റ് പറയുന്നു.

Print Friendly, PDF & Email

Leave a Comment

More News