തിരുവനന്തപുരം: തിരുവനന്തപുരം ശ്രീപത്മനാഭസ്വാമി ക്ഷേത്രത്തിലെ സമ്പത്ത് സംബന്ധിച്ച് മുൻ ദേവസ്വം മന്ത്രി കടകംപള്ളി സുരേന്ദ്രന്റെയും കോൺഗ്രസ് എംഎൽഎ എപി അനിൽകുമാറിന്റെയും വിവാദ പ്രസ്താവനയ്‌ക്കെതിരെ രൂക്ഷ വിമർശനവുമായി മിസോറാം മുൻ ഗവർണറും മുതിർന്ന ആർഎസ്എസ് നേതാവുമായ കുമ്മനം രാജശേഖരൻ രംഗത്ത്. ക്ഷേത്രത്തെ കച്ചവടവത്കരിക്കാനാണ് രാഷ്ട്രീയ നേതാക്കൾ ശ്രമിക്കുന്നതെന്ന് അദ്ദേഹം ആരോപിച്ചു.
ശ്രീപദ്മനാഭസ്വാമി ക്ഷേത്രത്തിലെ അമൂല്യമായ സമ്പത്ത് മുഴുവൻ മ്യൂസിയങ്ങളിൽ പ്രദര്‍ശിപ്പിക്കണമെന്നും, അതിലൂടെ സർക്കാരിന് വരുമാനം ലഭിക്കുമെന്നും മുൻ ദേവസ്വം മന്ത്രി കടകംപള്ളി സുരേന്ദ്രനും കോൺഗ്രസ് നേതാവ് എപി അനിൽകുമാറും പറഞ്ഞിരുന്നു.
അവരുടെ പ്രസ്താവനകൾ അവരുടെ അത്യാഗ്രഹ മുതലാളിത്ത മാനസികാവസ്ഥയാണ് കാണിക്കുന്നതെന്നും ക്ഷേത്രത്തിന്റെ സമ്പത്ത് സംരക്ഷിക്കാൻ അടിയന്തര നടപടികൾ വേണമെന്നും കുമ്മനം രാജശേഖരന്‍ പറഞ്ഞു. ശ്രീപത്മനാഭസ്വാമി ക്ഷേത്രം വിനോദസഞ്ചാര കേന്ദ്രമോ വാണിജ്യ കേന്ദ്രമോ അല്ലെന്നും അദ്ദേഹം പറഞ്ഞു. ക്ഷേത്രത്തിലെ നിലവറകളിൽ സൂക്ഷിച്ചിരിക്കുന്ന ഭണ്ഡാരങ്ങൾ പത്മനാഭസ്വാമിക്ക് ഭക്തർ സമർപ്പിക്കുന്ന വസ്തുക്കളാണ്.
സാമ്പത്തിക നേട്ടമുണ്ടാക്കാനുള്ള ഉപാധിയായി കുറച്ചുകാലമായി ചിലർ ഈ നിധികളിൽ കണ്ണുവെച്ചിരിക്കുകയാണെന്നും അദ്ദേഹം കൂട്ടിച്ചേർത്തു. ശ്രീപദ്മനാഭസ്വാമി ക്ഷേത്രത്തിന്റെ ഭരണം ഏറ്റെടുക്കുന്നതിൽ സർക്കാർ പലതവണ പരാജയപ്പെട്ടതിനെ തുടർന്നാണ് ക്ഷേത്രത്തിൽ സൂക്ഷിച്ചിരിക്കുന്ന സ്വത്ത് കൈക്കലാക്കാന്‍ ഇവര്‍ നീങ്ങുന്നതെന്നും അദ്ദേഹം പറഞ്ഞു.
ദിവസങ്ങൾക്ക് മുമ്പ് ഒരു സ്വകാര്യ ഹെലികോപ്റ്റർ ക്ഷേത്രത്തിന് മുകളിലൂടെ അഞ്ച് തവണ പറന്നിരുന്നു. ഇത് ഭക്തരിൽ പരിഭ്രാന്തിയും ആശങ്കയും സൃഷ്ടിച്ചിരുന്നു. ഹെലികോപ്റ്റർ പറത്തിയവരുടെ ലക്ഷ്യവും പറക്കലിന്റെ ഉദ്ദേശ്യവും അന്വേഷിക്കാൻ ഉന്നത ഉദ്യോഗസ്ഥർ ഒരു തരത്തിലുള്ള അന്വേഷണവും നടത്തിയിട്ടില്ലെന്ന് കുമ്മനം രാജശേഖരൻ പറഞ്ഞു.
ഇപ്പോൾ ക്ഷേത്ര നിലവറകളിൽ സൂക്ഷിച്ചിരിക്കുന്ന ഭണ്ഡാരങ്ങളിലേക്കാണ് ശ്രദ്ധ തിരിഞ്ഞിരിക്കുന്നതെന്നും അദ്ദേഹം പറഞ്ഞു. ക്ഷേത്രത്തിന്റെ സുരക്ഷ ശക്തമാക്കണമെന്നും നിരന്തര ജാഗ്രത പാലിച്ച് ക്ഷേത്രസമ്പത്ത് സംരക്ഷിക്കാൻ നടപടി സ്വീകരിക്കണമെന്നും മുൻ ഗവർണർ ആവശ്യപ്പെട്ടു.
ഇതു ബി ജെ പി കാരുടെ കടുംമ്പസ്വത്താണൊ ?
തിരുവനന്തപുരം,കൊല്ലം, കൊല്ലംജില്ലയിൽ നിന്നും പത്തനംതിട്ട ജില്ലക്ക് കൊടുത്ത ഭാഗത്തുള്ളവർ മാത്രം അഭിപ്രായം പറയുക കാരണം രാജാഭരണകാലത്ത് തിരുവിതാംകൂറിൽ കരംകൊടുത്തിരുന്നവരുടെ സമ്പത്തുകൊണ്ട് വാങ്ങിക്കൂട്ടിയതാണ് ഇതൊക്കെ മറ്റുള്ളവർ തൽക്കാലം അവിടിരിക്ക്
ഹെലികോപ്റ്റർ അല്ല കുമ്മൻ ജി, പദ്മനാഭന്റെ പുഷ്പക വിമാനം ആണ്. തിരുവിതാംകൂർ രാജാവിന്റെ സ്വന്തം അമ്പലം ആണ് പദ്മനാഭന്റേത് . ആ സമ്പത്തിൽ നിന്നു കുറേശ്ശെ മോഷ്ടിക്കുന്നത് രാജ കുടുംബം ആണ്. അതിനു തടയിട്ടത് സുപ്രീം കോടതി. ഇപ്പോൾ കോടതി നിർദ്ദേശിക്കുന്ന കമ്മിറ്റിക്കേ സ്വത്ത് നിയന്ത്രിക്കാൻ അവകാശമുള്ളൂ. കുമ്മൻ ആരെ പറ്റിക്കാനാണ് ശ്രമിക്കുന്നത്.
പൊതു ജനം നികുതി ആയി ഗവണ്മെന്റ് ന് കൊടുക്കുന്ന പണം ഇങ്ങനെ ക്ഷേത്രങ്ങൾക്കും പള്ളി കൾക്കും ഒക്കെ എടുത്തു കൊടുക്കുന്നത് ശരിയല്ല.